|
امس كنا نقول عيب واليوم صار عادي
السلام عليكم ورحمة الله وبركاته
أمس كنآآ نقول عيب .. واليوم عآآدي البآرح كآن حرآم .. واليوم أصبح حلآآل تغيرت العقول .. { وللأسف تغيرت للأسوء واللى خرب عقول البعض كلمه وحده .. [الموضه ] بألأمس الجآر كآن يزور جآره .. ويفرح لأفرآحه الحين الجآر مآصآر يعرف إلآ .. [اسم جآرهـ ] زمن أول كان الدش [خراب بيوت ] وإن دخل البيت مايتعدى.. [مجلس الرجال ]واليوم في غرفة الصغيرونه رسيفر بجميع القنوآت والأب والأم رآآضين ومستآنسين ..! بالأمس كانت الأسواق هآآديه كل وحده تجي ويآ بنآتهآ وتشتري أغرآضهآ وتمشي واليوم صارت.. [سآحة مغآزل ] مفآآتن وبلوتوث ورسآآئل غرآميه و خرابيط بي بي حتي الهنود صآآروآ يبحثون بآلبلوتوث..! في مآ مضي كان السواق ما يتحرك مع بنات البيت إلا بمحرم وغرفته معزوله عن البيت بشآآرعين .. واليوم أصبح السوآق من { أهل البيت } والأبو نآآيم في سبآآت خآآرج أسوآآر البيت ..! والأم موزعه يومهآآ بين نوم و مقآبلة تلفزيون وتلفون ..!! أول كان الجوال بيد رجال وإن لزم الأمر كان بيد متزوجة واليوم الجوال صار حافز للنجاح تلقى الطفل والطفلة بثالث إبتدائي ونجاحتهم جوال والغريبة يدرون انه ماراح يستخدموه واذا سألتهم قآلوآ ولد فلآن مو أحسن منهم ..! زمآآن وزمآآن .. وزمآآن كل شئ حلو في ذآك الزمآآن المشكله كل يوم في إزديآد .. والسبب تغير هآآكـ ..[ الزمآآن] يآزين جدي وجدتي للحين محآفظين على مآمضي من هآك .. [الزمآن ] الكثير يردد ويقول.. [الزمن تغير ]كل من آشآف له شوفه غير متوقعه ..! وكل من اختلف عليه أمر ردد هذه المقوله ..!والمشكله أن بعض هذه التغيرات لآيرضآهآ لآ الدين ولآ القلب ولآ العقل لآ أدري مآلذي تغير .. هل هو الزمن أم الأشخآص ؟؟! ولكن لأ أقول .. إلآ كمآ قآل الشآعر نعيب زمآننآ والعيب فينآ ... ومآلزمآننآ عيبٌ سوآنآ ونهجو ذا الزمان بغير ذنب ... ولو نطق الزمان لنا هجانا ~.. وجهــة نظــر البعــض ..~ الزمن تغير لاننا احنا تغيرنا .. ولا يمكننا ان نعيب على الزمن قبل ان نحاسب انفسنـا ،، و ما أعتقد إن الزمن تغير بس إحنا اللي تغيرنا الزمن واحد .. وإحنا اللي نتبدل و أبسـألگ ؟؟ ]شـان الزمن ولا البشـرطبعهمـ شـان ؟؟ طبـع البشــر إلـي شـآن ولآ الزمــن آحنـآ إلي نغيرهـ ..! |
اهـ يالطيبين
راحوالطيبين ولى زمان اؤل اختي الشيخه هذا الذي حاصل بهذا الزمان كلام مليان وواقعي اشيد بطرحك ومواضيعك الراقيه وتقبلي ارق واعذب التحايا اخوكي الليث |
مرورك يشرفني اخوي الليث
ويآآ الله ترحمنا و تكفينا شر هالزمن و الطيبين لسى باقين بس افكارهم تغيرت |
نسال الله السلامه اختي الشيخه
وفعلا الزمن في انحدار وانحلال وبعد عن العقيده والدين الرشيد في السابق يعيش الشخص بالسنين وقته وبيئته تعينه على الدين حيث لا يرى ولا يسمع معصية إلى نادرا وقليل بل معدوم بينما الأن في الشارع ترى وتسمع المعاصي وبالمنزل والعمل حتى بأجهزته وتقنيتك التي تستخدمها تذكرت موقف حصل لي باحد شوارع العاصمه عندما توقفت عند الإشاره سمعت صوت الأغاني عند السياره التي بجواري قدمت قليل ونصحته فهدا الصوت واعتذر وبعد قليل اتي شخص اخر واذا به كذلك مشغل اغاني الجمت قزاز السياره واختفى الصوت ولله الحمد بعد قليل اتو شباب وإذا بهم مشغلين اغاني غربية وبمكبرات صوت إلى درجة اني احس ان قوة الصوت تهز السياره بالكامل ولا ينفع فيها اي شي مضطر تسكت وتتحمل وبالفعل نحن في زمن القابض على دينه كالقابض على الجمر فنسال الله السلامه وما نقول غير الله يكفينا شر القادم ويحمينى |
اي و الله نسال الله السلامه
والله صادق اخوي واصل منور موضوعي اول مانسمع بالمعاصي الا قليل والحين باليوم تسمع اخبار مو خبر واحد تقشعر منه الابدان و الامراض يكفينا شرهن كثرت من الاول ....طيب حنا نقدر نغير هالزمن يعني التربيه و المبادئ الي زرعوها فينا ابائنا و امهاتنا نطبقهن ع عيال جيلنا يعني وشلون ربتك امك و ابوك ربّ عيالك مثله بس تدرون وش الي مدمرنا اكثر كلمه"عيال فلان احسن منا " يارب ثبتنا على دينك و لا تزغ قلوبنا بعد اذا هديتنا اختم حديثي بالمقوله:::> " اذا كان ترك الدين تطورآً ..... ف يآآآنفس موتي قبل ان تتطوري " |
سلمت اناملك اختي الغاليه نلوم الزمن واللوم فينا كما ذكرتي الزمن واحد لكن النفوس تغيرت وهذا ماكسبه الغرب ونحن مبسوطين فالذي لم يستطيعوا ان يغيروه بالحروب والاقتصاد تم لهم ذلك بوسيلة الاعلام والذي اطلق عليه الاعلام المفتوح والذي استقبلناه بالوعيد والتهديد ولم نستقبله باعلام مضاد يغرس القيم الاسلاميه فكان انتصارهم ساحق وبدرجة امتياز مع مرتبة الشرف الاولى وها نحن نجني ثماره المنتهي الصلاحيه واصبحنا نلوم شبابنا وبناتنا والذي لا ذنب لهم نحن لم نستطع الوقوف لهذا الهجوم المنظم بالعكس اصبحنا اداه من ادواتهم لنشر الاعلام المفتوح الله يهدي الجميع لمايحبه ويرضاه |
اخوي المغترب مرورك اسعدني
|
| الساعة الآن 11:05 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "