|
العزيزي عز
السلام عليكم ورحمة الله وبركاته هذه قصيدة في بني عزيز وهي من ابداع الشاعر منيع الله داخل العزيزي نظرا لما تحمله من مشاعر صادقه وجزالة شعرية وعن هذا كله يكفي انها في بني عزيز.. اردت طرحها هنا (العزيزي عز) مزبني يامزبني عزوتي في كل حين ............ محزمي يامسندي عزتي من كل ذل افتخر فاللابة اللي كما ضلعن مكين .................. مزبن المضيوم في قمته ضيفن يحل سيف مصقولن نسّله يذل المعتدين شجرتن للي نصاها ذرى بردن وظل مجدنا فوق الثرياء بنوه الأولين مجدهم ساس الشجاعه وللعلياء وصل محتمين ديارهم في عسر ماهوبلين لن طِمِعْ في حدهم سيفهم جرِّد وسل صيتهم كلن سمع به طرب للسامعين كاسبين الطايلة كلهم دق(ن)وجل محتوين المرجلة من قديمات السنين شايلين أحمولها لا نكل ولا نمل للدعاوي ربعنا تحكم بعقلن رزين لاانعقد حبل النشايب لها دايم نحل ذاخرين الطيب والطيب ذخر الطيبي ن لا نصاهم عابس الوجه يرجع مسفهل ضيفنا يقلط على عاقرن حايل سمين عقب كيف البن في دلته بِّهر وزِل العزيزي عز واسمه يعز المعتزين عزته من عزنفس(ن)عزيزة ماتِزل العزيزي فالشدايدكماالحصن الحصين للشجاعة والوفاءوالشهامة مشتمل العزيزي منبع الجود وأفعاله تبين مثل عد(ن)صافي الماءبه الضامي يعل لوكتبت ألفين ماأوفي حقوق العارفين أعتذر لا صار تقصير مني وأبتذل جعل سيل الوسم يدرج ويقفاه الغشين في مراتع ذودهم كل ماجهى يهل .................................................. ... كلمات/ منيع الله داخل العزيزي |
صح الله لسان شاعرنا منيع الله وسلمت اناملك اخي نايف على هذا الاختيار |
صح لسان الشاعر منيع الله على هذه القصيده الجزله
وبني عزيز يستاهلون المدح والثناء والتفاخر بامجادهم اللي سطرها التاريخ بافعالهم وسلمت يمناك اخوي نايف على النقل |
صح لسان منيع الله ومشكور يا نايف على النقل |
اخوي : نايف معلي العزيزي
صح لسان الشاعر منيع الله على هذه القصيده الجزله وسلم نقلك تقبل مرور البنيد |
العزيزي عز واسمه يعز المعتزين
عزته من عزنفس(ن)عزيزة ماتِزل العزيزي فالشدايدكماالحصن الحصين للشجاعة والوفاءوالشهامة مشتمل العزيزي منبع الجود وأفعاله تبين مثل عد(ن)صافي الماءبه الضامي يعل كـــــــفـــــــــــو سلم نقلك يابن معلي لاعدم ولاخلا وصح لسان الشاعرمنيع الله |
| الساعة الآن 01:30 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "