متزوجه تنصح العروس
 

نصايح وحده متزوجه للعروس
كيف تصطادين المعرس دون اللجوء إلى الاساليب السقيمه من
( المغازلات _ والترقيم _ والتلميح اللي ماله سنع _ والترزز بالاسواق.....إلخ )

=أهم شي ظبطي العجوز اللي حاطه عينك على ولدها ثم نفذي مايلي :

1_خليكي مع أمك ولا تروحين مع البنات وتتهبلين أصبري عنهم كم شهر لين تتم العملية .
2_إمشي وإنتي حاطه راسك بين كتوفك ولا ترفعينه ابد حتى لو عورك وخلي الفكس دايما في متناول يديك ..
3_كلمة خاله خليها دايما على لسانك خاصة لأم المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نبر ون تنجح مع نبر تو الاحتياط واجب وأنا أختك ..
4_اذا بدت أمك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>دارية المثل ماله داعي بس مالقيت غيره.
5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .
6_كل ما اكلت امك من اكله زينه خليها تقول: نفس الأكله الي تسويها بنتي حتى لو الأكل من مطعم صيني او مكسيكي.
7_اذا جيتي بتمدين ايدك توجعي وخلي امك تقول: قايلتلك وانا امك ماله داعي تنظفين جدران البيت الخارجية {اقول نظفي غرفتك اول اللي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.
9_مهما كان موضوع الحوار حماسي لاتبدين رايك خليك مثل البكما لأن اللقافه تجيب أجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز مايدورون إلا اللي شعورهم ناعمة.
11_اذا ادلت العجوز{أم المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.
#مثال:تقول العجوز: بوش متقهوي عندنا البارح
قوليلها: وليه ماعلمتينا ياخاله نجي نساعدكم؟!
12_في أي عرس اضغطي على نفسك واقضبي أرضك ولا ترقصين واعتبري الرقص عيب وشق جيب.
13_اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق أبوهم يجيب اغراضهم.

=الحين العجوز بتكون وقعت فالفخ.


{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى..

والله ماهي شينه الشراكه معك لكن مانفتك من الطريس وابن الذيب فينا فينا
اسلم يامقدي اسعدني مرورك

المفيد والطرح الجديد عندك يالبنيد
اتقبل بمرورالرياض وساهرواسد بني عزيز
اسعدني مرورك كل الشكر

اخوي الليث

هذا حال الحريم جيدات عند بعضهن ويخططن علينا وحنا ياغافل لك الله

ولاعندنا لبعضنا الا الطلاب والتحطيم

موافق على شرط مقدي الجهام لكن لاتنسون شايبكم<<<يخطط للشراكه هههههههههههههههه

يامقدي والليث ماعنا وعنكم

انا والطريس لو مغير نجي

الصبح والعصر ونجلس في

دكة المكتب

انت تشوف كيف الوصايا من قلب امهات اونيثي

ههههه ليته طلاب وبس لاوالله دبل تسبد
ماحنا ناسينك نساك الموت
كل الشكر اسعدني مرورك

طيب طيب مالكم هم
لاعرفتو المكتب قيلو وباتو بعد
اثرك راعي طويله صبح وعصر

حياك اخي برق
التميزمرورك
كل الشكر