منتدى بني عزيز الرسمي من مطير

ماقلت لــــــي شي وش خليت ماقلته
اسكت وخــــل الكلام لجرحي الدامى

لـــــــــوغيرك اللي يسولف ماتحمّلته
لكــن على شان عينك هانت ألامى

للحب مفـــــــــــهوم عمرك ماتخيلته
ماأظن يستـــوعبه تفكيرك السامى

هذا الفراق الطــــويل وهذي أسئلته
هذا حصاد الســــــنين وهذي أيامى

ياما ويــــــــــــــــاما عليك البال طولته
والعمرعدى وأنا عايش على أوهامي

حتى طريق الفراق الــــلي تساهلته
لقيته أصعب على نفسي من أقدامى

اصبرلي شــــــــــــــوي لودمي تثاقلته
بحاول أســــــتوعب اللي صار قدامي

الحب ضحـــــــــكة بعينك بس ماطلته
عمرك بهالكون شفت أبسط من احلامي!

القلب لوماخـــــــــفق لك كان ماشلته
ولوماأنت ملهم قصيدي جفت أقلامي

هذا قصيدي بعيــــــــــــنك لو تجاهلته
ينزف على شأن يروي قلبك الضامى

العام طاري غيـــــــــــــــابك ماتقبلته
واليوم حرماني أصبــح مصدر إلهامى

لاتعتذرلي وابنــــــــــسى كل ماقلته
وش ينفع العذر لامن ضاعت أيامى ؟