اليا نويت الفراق الله يسهلك..... والله يستر عليك ويستر احوالك

ان رحت منته معقب ما يسجلك... وان جيت منته محصل غير منزالك..

ان جيتني عشت في ظلي وفي ظلك.... بعيش وان رحت لا هذا ولا ذلك.

. لك الغلا والوفا والشوق في حلك... ولك التوافيق نطلبها بترحالك،

،انا يورالي ان الروحه احسنلك،، ..والا انت والله مدري وش يورالك،

،كذا كذا الحب لاعزك ولاذلك،، ...يمد حبله ويوميبي على جالك..

اي والله اغليك واقدرك واجلك،، ..ويفز قلبي على الطاري ويعنالك.

. واليا تماديت في طيشك وفي غلك .. احسب حسابك ولا تجني على حالك.

. كم مره انبهك عنها وابينلك،،..ان الصبر راح وان الحال يرثالك،

،ركبت راسك ولافكرت في خلك،،...وحذفت نصايحي في سلة اهمالك،

،والحين لو قلت برجع قلت ياحلك.... ترجع على ويش فال الله ولا فالك.

. الوصل ودان وبله كيف ما علك..... يومن يبرق على راسك ولا نالك..

ان كنت مشتاق شوقك ليه مادلك،...،تقول فالبال... فرقا العين من بالك،،

ماعندي الا شطر بكتبه وارسلك...... 0اشوالي انفذ اللي فيه واشوالك..

اما من الشوق واللهفه تجي كلك.. ...والا توكل عسى الله يستر احوالك

مقدي.... ارحب يا شاعرنا ... والابداع منبعك يالغالي .. ومرورك اسعدني كثيرااا

الليث.... مرحبااا مليون ..... دايم لك حضورك الخاص لا يجيده غيرك.... اعتز بحضورك

برق... حضورك الممتع وردك اروع .... تحيتي لك...


عبد الله هلال.... حي الله المبدع ... مجرد مرورك فخر لي فما بالك ان ترد ... فقد وصلت ذروة سنام الفخر... شرفني حضورك كثيرا ومنك نستفيد لاهنت



تحيتي لكم جميعا ودي وتقديري