|
مالك خيالي....(جديدي)...
السلام عليكم ورحمة الله وبركاته اعضاء منتدى بني عزيز الكرام
اسعد الله اوقاتكم بكل خير بداية اشكرلكم اختياركم لي كشاعرللمنتدى وهذا من طيبكم اخواني الكرام ووسام افخر به واعتذر شديد الاعتذار عن قلة تواجدي معكم وقلة مشاركاتي والله يقدرنا على الطيب ومشاركتكم اللتي اعتز وافخر بها ولا يفوتني ان اقدم شكري واعجابي بشاعرين ولا يهونون اخواني الباقين الشاعرين هما نايف بن معلي العزيزي ومقدي الجهام ..فانا من المتابعين والمعجبين بطرحهم... واقدم هذه الليله هذه المتواضعه اللتي اتمنى ان ترتقي لذائقتكم الأصيله... هاظت شجوني يامشاري وغنيت=وغنيت كل القلب شوق وحنيني للصاحب اللي غاب مدري انا ابطيت =مدري حدانا الوقت عيا يزيني مالك خيالي كل مارحت وان جيت=ماسج عنه الا له الله يعيني مااطيع في حبك لو اسرفت واخطيت=لجل الوفا بصبر على مايجيني واليوم انا محتاج لك وين غطيت !=اقبل علي وحط يدك بيديني بشكي عليك من الشقا ويش لاقيت=وارمي على جالك بقايا الحزيني دارت بي الدنيا وغبت وتعنيت=لملم شتاتي كان قلبك يبيني..! وسلامتكم.... شعر..ابن شداد الطلاحبي.. |
صح لسانك وعلا شانك درر وياقوت حروفك رائع رائع سلمت اناملك |
وعليكم السلام ورحمة الله وبركاته
والله يسعد أوقاتك بالخير والبركه ونحن معجبين بمن ذكرته وبك وبكل عضو في منتدى بني عزيز أسجل أعجابي واليوم انا محتاج لك وين غطيت ؟ اقــبـل عـلي وحـط يـدك بـ يـديـني صوره رائعه صح لسانك يابن شداد تحيتي الح ـب حاكم ـني |
وعليكم السلام ورحمة الله وبركاته
صح لسانك وبيض الله وجهك تقبل تحياتي |
وعليكم السلام ورحمة الله وبركاته
اخوي : ابن شداد الطلاحبي ابيات رائعة جدا.. تستحق ان نقف و نعطيها بعض من وقتنا.. صح لسانك وبيض الله وجهك و اختيارك لا يعلى عليه ايضا الله يعطيك العافية |
مـالـك خيـالـي كــل مـارحــت وان جـيــت
مــــاســـــج عــــنـــــه الا لـــــــــه الله يــعــيــنـــي اعــــــجبني هذا البيت صح لسان ابن شداد وشاعر رائع وفالك التوفيق |
للصاحب اللي غاب مادري انا ابطيت
مـــدري حــدانا الـوقــت عــيا يزيني مــالك خــيالي كل مــارحـت وان جيت ماســـج عــــنه الا له الله يـــعـــيـــنــي صح لسانك اخي ابن شداد عزالله انك اوفيت وكفيت ولاني مستغرب الابداع منك واختيارك لشعراء في محله مقدي الجهام وابن معلي من غير قصور في باقي الشعراء اشكرك اخي ابن شداد |
ما أسج عنه الا له الله يعيني
صح لسانك مبدع كما عهدناك |
السلام عليكم ورحمة الله وبركاته اولا شهادتك يا بن شداد تاج ووسام على صدري ولي الفخر بأن شخص شرواك يشهد لي وانت ما عليك زود وشاعر متميز ابهرت ذائقتي بهذه الفاتنه الرائعه اللتي تجعلك تعيش معها وضعها وحالتها ومن شدة استمتاعي بها حبيت ان اجاريها اذا سمحت لي بذلك بن شداد لا تبخل علينا طالبك طلب لان هذه الدرر تشتاق اليها ذائقتنا قبلنا انت در مكنون تحيتي لك وصح لسااانك لاهنت |
هلا باخوي نايف حياك الله شرفتني بمرورك الرائع
اكبر افخر لي مجاراه منك تضيف للقصيده جمالها ويسعدني اشوف في القرب وقت وتحياتي لك |
| الساعة الآن 11:48 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "