شاعر الوطن وملك المحاورة
 

بسم الله الرحمن الرحيم

شاعر الوطن(( تركي الميزاني ))وملك المحاورة((الشاعر فواز العزيزي))

اثنا مسابقة شاعر المليوون


( تركي 2000 )
وين انت وين انت يافواز هات الخبر ### عن ربعك اهل السوارقيه وما حولها

قامت تدافع بوابير السعد فالبحر ### وانت تعرف القظيه قبل لاقولها


( فواز العزيزي )
ابشرك طيبين ولا علاهم خطر ### يامطري الديره الي جاك مرسولها

اخر خبر طوع الالفين كرت حمر ### والمشكله قبل تكبر دبر حلولها


( تركي2000 )
وش تنتظر ياوسيع العرف وش تنتظر ### المعركه يالعزيزي دقة اطبولها

الساعه الحاسمه ماعاد فيها صبر ### صفو لها ياعيال مطير صفولها


( فواز العزيزي )
الله يوصلك ياتركي لحد القمر ### لين الجبال المنيفه ماتجي حولها

يامطير تركي يشرفكم ليا من حظر ### لاكن قومو لها تكفون قومو لها


( تركي 2000 )
ماباقي الا سبوع وتنتهي ياشهر ### وتبرك الزمل فالمبراك لحمولها

من يعترظ في طريقي بشره بالسهر ### اقولها ياوسيع العرف واطولها


(فواز العزيزي )
ماصايبك ياولد ميزان غير القدر ### لو كنت تحسب جيوش الناس وخيولها

يالعنبوها يابن عمي حيات الفقر ### ياجعلها فال للي تصغر عقولها


(تركي 2000 )
الاوله روحت والثانيه من عصر ### والي يعرف السنه لايجهل افصولها

المرجله ياوسيع العرف تاج وفخر ### والثانيه ياعساها تحكم قفولها


مع تحياتي

مشكور يا ابو ماجد
على النقل المميز

صح لسان ابو رهف وصح لسانك يافواز

شكراااا أخوي
يعطيك العافية