|
لشعراء يتفاعلون مع حريق مدرسة براعم الوطن بجدة - قناة الساحة الفضائية
الساحة أون لاين – ناصر النفيعي تفاعل الشاعر والناقد محمد النفيعي والدكتور الشيخ عائض القرني مع حادثة حريق مدرسة براعم الوطن بجدة التي ذهب ضحيتها معلمتين واصيبت 45 طالبة اول حروف الغضب استنطقت لسان وفجرت صمت الشاعر والناقد الكبير محمد النفيعي طريقنا نفس الطريق مافيه ابد غيره طرق اما نموت من الحريق والا نموت من الغرق ! وايضا جدة وكلش فيها غير ! كلش وينذر بالخطر حتى عذابات الضمير حتى المدارس والمطر !! وايضا هذه السنة ماتوا حريق ! والعام ماتوا بس غرق الموت هونفس الطريق والا السبب لا مافرق !! وايضا ياغصن جف وياعصافير موتي ! هذا زمان تموت فيه العصافير ان كان ابسكت يلعن الله سكوتي لا خير في شعري ولابي بعد خير وايضا يعني كم واحد كذا لازم يموت كم ابو دَمْعِه .. يضم بنيّته هالطريق وهالنخيل وهالبيوت كيف تحيا والضماير ميّته واخيرا قد يرضخ النفيعي لطلب ابنته ( وماتروح المدرسة ) ! قالت ابوي وقلت سمِّي ونا ابوك قالت احسّ فــ داخل الصدر ضيقه المدرسه عنها آبغيب وارجوك يابوي ماودّي آموت فـ حريقه اما الدكتور الشيخ عائض القرني فقال احترقنا بالهموم وبالغموم بعد احتراقهن في ثوب الشهيد ما احترق من سار لله في ثوب الشهيدْ احترقنا بعهدهم بالغموم وبالهموم عيدهم في جنة الخلد والله خير عيد وعيدنا عيد المظاهر وتجميل الهدوم في مقاعد علم في حلقة الذكر المجيد بين تسبيح المهيمن وتدريس العلوم في بيوت الشعب كلن فقد منا فقيد اختلط نوح الثكالى مع جرح السهوم يا حمام البيت مالك عن الكعبة طريد أحسبك فوق المقابر على احبابك تحوم بالقدر نرضى وحنا لمولانا عبيد إن بغاها في الحشى وان بغاها في الخشوم أسأله باسمه وهو صاحب الوصف الحميد يجعل الفردوس بيت الضيافة والقدوم الجفون أكفاننا والحنوط من الكبود ليتنا كنا الفدى بالجلود وباللحوم |
ياغصن جف وياعصافير موتي !
هذا زمان تموت فيه العصافير ان كان ابسكت يلعن الله سكوتي لا خير في شعري ولابي بعد خير قنبله شعريه رسمها النفيعي و أتى بها المبدع الليث و أنفجرت مشاعر أبو شمخا يمه قبل لا أنام أرجوك ضميني!! أرتاح و أرتاح صدرك يوم أنا آضمه للمدرسه يا حياتي لا تصحيني!! ماهو بحب الغياب ؟الموت يا يمه . . . . . . . . // عندما أستيقضت الصباح وهي ذاهبه إلى المدرسه قالت: هذا أنــــا و الصبح و الكتب و الويل ذاك العنا و النبح و الـكذب و الميل طاحت مدارس و أنتهت كل الآمآآل راحـت فـهـارس دونت بأسم الأبطال ليه علقنا العذر؟؟ والمصيبه بكلمتين... بالقضاء و بالقدر!!! فعلاً حنا مؤمنين"" يا وزير التربيه آآه وين التربيه؟ كم سمعنا بالمصاب .. بس وينك يا العقاب؟ !!!!!!!!!!!!!!!!!!!!!!!!!!! وين نوره يوم راحت للدوام ترسم البسمه على حد النظام و ترسم الدمعه على أطراف الظلام كم سمعنا بالصواب.. بس وينك يا الجواب ؟ يا ترى هل من رجوع ودعيها يا غيابات الربوع ودعيها بالسكوت و بالدموع كم سمعنا بالغياب بس وينك يا الصواب؟ يا وزير التربيه .. العزاء للتربيه أنا آسف أنا آسف أنا آسف أنا ماآدري وييش أبي أنا كاتب بس غبي ودي أشتت حروف مبعثره ودي أنثرها على هالمقبره و أختصر ثم أختصر ثم أختصر كل حاجه با القضاء و بالقدر فعلاً حنا مؤمنين فعلاً حنا مؤمنين كم سمعنا بالمصاب و الأوآدم من تراب و الأوآدم من تراب |
اقتباس:
مشاعر صادقة الاحساس ترجمها ورسمها وابدع في طرحها بعد غيابه الطويل شموخ عزيزي اشكرك جزيل الشكروارفع لك يميني ملوحاً باجمل التحايا والتقدير لكم |
يعطيك العافيه يالليث
|
ودي أقتبس من الموضوع بعض الفقرات للتعليق عليها لاكن لايوجد لدي خدمة أقتباس اقول مشكور يالليث |
مشاعر جياشه نحو الكارثه التي هز قلوب كل الشر
سلمت يمناك يالليث على النقل |
كل الشكر يالليث على طرح هذا الموضوع الحساس ،،
|
اقتباس:
الله يعافيك مرام |
اقتباس:
مرحبا يابن الذيب لاتحرمنا من تعليقاتك المميزه |
| الساعة الآن 06:31 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "