انا ماقدرت ادعي عليكم ولااجازيك=انا تاركن لك جرح ينزف ويكفيني
انا قلت لك بدري تراني دخيل ابيك=لاتجرح زياده فيني الي مكفيني
تجاهلت قولي لك وسويت مايرضيك=وزرعت الجروح الي شربت من شراييني
جروح يهيجها فقط يالغضي طاريك=فمابالك بصورتك في داخل العيني
نقضت العهد مرات مدري ش سوي فيك=تروح لشمال اليد وانا ابغاك في يميني
وكم قلت لك قلبي ياقلبي ترى يناديك=علاجه بوصلك طالبك لاتخليني
تخليت عن عهدا كتبته بخط ايديك=به انك بجنبي ساعة العسر والليني
لكن ساعة احتجتلك بينت لي خافيك=وعرفت انك مقدر من اجل الملاييني
مع اني ماكنت مقصر وكل شهر بشيك=على الراجحي يصرف موثق من اسنيني
هذا غير مانعطي تناتيف او نهديك=ذهب صافي من اعيار واحد وعشريتي
كفوف الندم عضيتها لجل انني مخاويك=تحسفت لاكن وين ماعاد يمديني
عقب كنت امام بمسجدا صرت اغني فيك=امور تخالف منطق العقل والديني
لاكن روح واحذر لاتجي راجع بكويك=شطبتك من القاموس ماعاد تعنيني

صح لسانك وعلا شانك اخي الغالي

قصيده جزله من شاعر متمكن