منتدى بني عزيز الرسمي من مطير - من يعاف النصر ما يفكر في الزعيم

قصيدة للشاعر خلف المشعان

عذرها .. لازعـّلتني بالعتب / غيرة حــريم
..................................... وعذري ان اللي كتبته بالغزل / كله خـ يـــال

نوب ارقع بالخيال .. ونوب ارقع بالقـــديم
...................................... ونوب اقول اني مقلّ / ولاكتبت بهالمجال

واني اللي ماكتبت الشعر / والله العظيم
....................................... لجل ابفتن به بنات الناس / يابنت الحلال

ماشقيت بخد نوف / ولاشقيت بعين ريم
...................................... من فضخ قلبي جمالك / ماملا عيني جمال

من عرفتك ياربيع العمر / ماشي في السليم
....................................... ماسكٍ سكة غلاتك / لايمين ، ولاشمال

من ملك مثلك ملاك / وعاش ماهو مستقيم
........................................ اعتقد ماراح يمشي / باقي سنينه عدال

ومن يعاف النصر / والله مايحوّل للزعيم
...................................... لو رجع يلعب حواري / مايفكر بالهلال

بس لاجابت هجوس الشعر / فكره بالصميم
................................. كيف اطوفها وانا اللي / عادتي صيد الجزال

مو صحيح ان كل قاف / يوافق حروف القصيم
.................................... لازم يوافق حروف العجز / بآخرها ......!

ومو صحيح ان القصايد / كلبوها سيم سيم
........................................ .. كل مقالٍ له مقام / وكل مقامٍ له مقال

ما أهيم بكل وادي / مثل مالعالم تهيم
................................... شابرٍ وادي الدهاء ../.. وشاربٍ ميّه زلال

شاعرك يابنت شاعر / من فضل ربي حكيم
.................................. رابط عصابة جوابه / قبل يِفْلَقْ بالسؤال

ماعلى العقل الفهيم / لياتعامل مع فهيم
..................................... البلا عقلٍ يتوه من ، العوابه والخبال

لو صحيح ان كل مرأه / خلّفت رجلٍ عظيم
................................. كان ماشفنا الفروق / الواضحه بين الرجال

لكن انتي عقلك اكبر / من خرابيط الحريم
................................ كملك ربي بعقلك ../ .. فوق مابك من خصال

داهية صدر الشمالي / مع تفاصيلك غشيم
.................................. استحليتي خفوقه .. ياحلاه .. من احتلال

ذا جديد الشعر كانه / مزعلك شعرٍ قديم
.................................... وانتي اللي ملهمتها / واقعٍ ٍ ماهو خيال