الناس كلن له مفاهيم وطروق = وطبوعها مثل الدمي في لحمها
ومن شب في عاده يبا يشيب من فوق = العاده اللي شبها ولتزمها
يما تعزه مع هل العز والذوق = ولاتجره في مرايع ندمها
زلة قدم ولاتجي زل منطوق = النفس هذا ذنبها اللي يخصمها
قول الحقيقه ماعطا غيري حقوق = من لابلش في شرها ماسلمها
من ياصل المطفوق ويقول مطفوق = ومن يردع اللي هافياتن ذممها
ومن ينصح اللي دايمن هرج وحلوق = على الصحون تشوف مكبر لقمها
النادمه دايم ورى الناس مسيوق =حيه عذاريب البشر وسط فمها
ونجس عباد الله وخس مخلوق = عبد الوجيه وكل مقفة شتمها
ماني كفيل الناس ياخاطري روق = النفس طيرن حض من هو حكمها
ماعشة فالدنيا على شان مخلوق = ولاعشة فيها لجل خاطر نعمها
كله لطاعة من رفع هامتي فوق = اللي كتب رزق العباد وقسمها