|
اللي وراء المقفي يحث ركابه للنقد
اللي وراء المقفي يحث ركابه=يطردسراب اللال في ملهابه مخطي على نفسه بفعلن جاير=حتى عدوه مايحسب حسابه ضيف شخصيه ومغلوب امره=رايه عطاه للناس ماترفابه عزي للرجل ماحفظ تقديره=يبطي عثاءه ولاصفي مشرابه وانا الحمدالله مالكن تفكيري=اخذة قسمي راضي ن بنصابه ولقبلة للمجلس ولا حيبي=نذرن على اني ماعتب بابه بعض المجالس ابتعد ماجيه=مجلس حصاني من سرى تغتابه وليا بغيت اجلس ووسع بالي =بالمجلس اللي يسفهل من جابه وان جيت له لوان ضايق صدرك=طيرنكدبالك ولاتشقابه بعد خذيت من الحياه دروسي=درس حفظة من الولاش النجابه وان صغيرن مير شفت العبره=حظي قصر والوقت حد النيابه وخذة من درسي نصائح عده=الرجل ياثق حين سرد الخطابه والرجل مايكمل ودينه ناقص =والدين عزن والبشر تزهابه وان محدثكم تراي مقصر=عبدن ومذنب مقلقته الثيابه وانا اليامني ذكرة الحفره=قلت السفر قرب وريد زهابه وخير زادن في الحياه التقوى=دنيا المتاع تبور بك لعابه وترى الشجاعه والكرم مطلوبه=شي من الله ورجال اولابه وخلك الربعك بالوفاء ماريه=وبيتك مشيد ماتهز اطنابه عدن ورد ظاميه حتى يرواء=هداج تيماء والدلي تروابه وحذر تسبب بين ربعك فتنه=نار الفتن تبطي وهي شبابه كم واحدن منهامقاطع قومه=شاف الفتن والجور بين اقرابه وعذر رفيقك البدا بسيه=ودمح خطاءه ولاتشب طلابه واليا اعترض لك في طريقك عائل=هينه اهانه لاتحشم اشنابه |
اقتباس:
حاولت اطرح رائيي على عجالة تقبل تحياتي |
شاعر يابن شداد
|
ابن شداد وجود اسمك في القصيده شرف لها أتقدم بشكري للمبدع ابن شداد الذي قدم قصيدته للنقد حيثُ لا يجرا الآخرون قصيده ذات معاني رائعه يوجد بعض الملاحظات التي تنفع الشاعر أو المتلقي و هي:ـ في البيت الثالث العجز تقول فيه( رايه عطاه للناس ما ترفابه) هنا حدث ثقل و لو قلت( رايه عطاه الناس ما ترفابه) البيت الخامس الصدر قلت( و انا الحمد لله مالكن تفكيري) يوجد ثقل و لو قلت( وانا احمد الله مالكن تفكيري البيت الثامن تقول فيه ( و ليا بغيت اجلس و وسع صدري = با لمجلس اللي يسفهل من جابه ) ارى هنا الجمله ليست صحيحه لأن الصحيح في الجمله هو يسفهل من أتى إليه أو من جاله البيت العاشر العجز يوجد به خلل في الوزن أو قد يكون خطا مطبعي البيت الخامس عشر يوجد ثقل ايضاً في البيت السابع عشر تقول (ترى الشجاعه و الكرم مطلوبه = شي من الله و الرجال اولا به ) من المفترض كجمله راكبه في المعنى شي من الله و الرجال اولا بها لأنها هي المطلوبه و لكن القافيه لا تسمح بذلك هذه الملاحظات في الأوزان و لكن الأخطا الأملائيه هي :ـ البيت الثالث:ـ ضيف وهي ضعيف البيت السادس:ـ حيبي و هي حيي بي البيت السابع:ـ بعض المجالس ابتعد ما اجيه و هي ما اجيها البيت الحادي عشر :ـ النيابه و هي أنيابه البيت الثاني عشر :ـ الخطابه و هي خطابه البيت الرابع عشر :ـ الثيابه و هي ثيابه أخوكم ومحبكم شاعر متقاعد |
انا كتبت ملاحظات ولكن اعتقد طلعت فيه مشكلة ما ظهرت المشاركة لكن اعتقد اخوي شاعر ذكرها وزاد عليها وهو كفو تحياتي |
يامرحبا بالجميع اخوي الرهيف واخوي شاعر المتقاعد اشكركم انتقدكم لي على راسي ملاحظاتكم محل اهتمامي وانا يعلم الله ان نص القصيده كملته وانا انزله فالمنتدى
وجت على عجله وفيه بعض الاخطاء الاملائيه وانتم اساتذه ويسعدني مروركم وتلبيت طلبي |
صح الله لسانك واين جدلان يقول ((مخبل اللي للمقفين تباعي ..)) |
طرح جرئ ،،، وانشالله تستفيد منه يابن شداد
|
يامرحبا فيكم ياعاشق هباء وسمو الذات شرفتوني في متصفحي
|
ابن شداد صح لساانك يالقررم وانت شاعر ولا فيها كلام وكل واحد يتعلم شيء جديد ماهو عيب اذا خطا او انقده احد بالعكس يزيد من ثقافته الشعريه الملاحظات اوردها شاعر متقاعد وكفى ووفى فيها تحيتي لشخصك الكريم |
| الساعة الآن 01:09 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "