ياصوتي الجذاب ضهر ماكنيته بالضمير = لوان صوتي يدمي الجرح القديم الملتئم
اخذ مع الشعار رمسه وارد الجم الغزير = على جبال طويق والهامات رفرف ياعلم
اسبح بحور الشعر وارقى فوق واغرف من غدير = اعرف رموز الملعبه لو كنت مايل للنظم
اسمي من الله قبل اعرف النور محشوم وكبير = لنه علىافضل من بعث للكون كله والأمم
على الوفى عشت العمر واموت للحكمه سفير = لو ان بعض ابياتي الي قلت مافيها حكم
الله يبيض وجه حضي والزمان المستدير = عطتني دروسن كثيره دون كراس وقلم
والله يبيض وجه خلن فالهوى توه صغير = الي على دربه تتوق النفس ويسير القدم
لولاه ماجبت النوادر لا قليل ولا كثير = ولولاه ماهميت للعليا وعانقت الهمم
ياصاحبي يالي خذيت القلب من وسط الضمير = ماتدري ان قلبي وشعري كلبوها لك خدم
لينت لك قلبي وانا قلبي على غيرك عسير = واهديت لك من فيض شعري بيت له ريح وطعم
الي نوى ياخذ مكانك لو فعل مالا يصير = صدق كلامي ياغناتي ( والله ان يبطي عظم )
يامرحبابك ياعديل الروح يالبدر المنير = لو كنت عايش بين لحظات السعاده والندم
يالي ملكت القلب ياريح البختري والعبير = يانظرتن فيها عرفت الشوق كله والألم
ياحضني الدافي وياثغر السعاده لضرير = يالله عساني ماخلا من طلتك ولا انعدم
رغم الكلام الي سمعته منك يالخل القدير = ان الغلا والحب في قلبك تهاوا وانهدم
تبقى العزيز الي ملك قلبي ولا لك به خشير = والله منسى عشرتك مادام انا فيني نسم
كلن تزل ابه القدم مافيه معصوم وبصير = افهم كلامي خابر انك من كلامي منصدم
الرابح الي لاهوت رجله يدقق فالمسير = وكلن يعدل ماجناه بحسب مقياس الفهم
لاتلوي ذراعي وانا عشت العمر كله أمير = باموت لو صديت عني واقسم بربي قسم