باامشي تعبت من الجلوس اهنانه=استاذنك نفسيتي تعبانه
باخذمعي كوتي وقفازاتي= والمعطف اللي داكنات ألوانه
وايضاقلم ناشف ودفتر بالي=اوراقه المتهالكه مليانه
قصايدشبهتهامع نفسي=انسان تولد من حشاء انساانه
بامشي على ذاك الرصيف الهادي =نوره هدوءه يالله بامكانه
من فوق روس اشجاره المحتوته=يرسم على نفسه ضجيج اغصانه
حتي الغصون اوراقها لاطاحت =تعلقت في ظلها ظميانه
اغصان يبسها الخريف وماتت=ويلفها ثلج الشتاء باكفانه
باامشي وجنح الليل ساكت يسمع=بوح الخطى حثه على كتمانه
في صوتها دقات قلب الماضي=والذكريات الشيقه سكانه
أرتاح يوم امشي هنا وافضفض=الجو ضرف الموقع وأزمانه
وأعرض عليه يشيل نص همومي=لومابحصل منه غير إذعانه
بامشي وصدري مزدحم بضيوفه=زحمت مشاعر تقتحم وجدانه
الحب كوم ومثقل بمافيني=والشوق تكوي مهجتي نيرانه
باأمشي ولامتعبني إل إحساسي=متساوياتً كفتي ميزانه
عيت ترجح معطيات القصه=بالقلب لاخوفه ولاإطمئنانه
بمشي ولافي بالي الاحاجه=صورة عشيق ووردةً ذبلانه
العين تدي بالسهر واجبهم=والقلب يدي واجبه شريانه
بامشي وانا مظلوم ياظالمني=مظلوم وسلاح الدعاءبلسانه
وليا رفعت يدي قلت بنفسي=الله يبيح عيونك النعسانه
بامشي وانا دمعي تعدى عيني=ماهو مغير عيوني الغرقانه
إليا ذكرتك جبهتي وكفوفي=تبكي واقول لمن معي عرقانه
بامشي وامانه قومي وناديني=لاتتركيني للأسى واخوانه
اللي ترين الكبرياءبقفايه=غيرك يشوفونه يعض اسنانه
قوليلي اوقف وقفيني واوقف=وأضى من ادنى شي ياغلطانه
وإما شقيتيبي شكيتك لله=بامشي تعبت من الجلوس هنانه