منتدى بني عزيز الرسمي من مطير - لحظه وداع / وكنهـا سكـرة المـوت ...

السلام عليكم ورحمه الله وبركاته..}..

صبـــآآحكم /,, مسآْكم

شـــعـــر ..~

http://imagecache.te3p.com/imgcache/...7fa5f23fb2.jpg

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

http://imagecache.te3p.com/imgcache/...f0e7239c47.jpg

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدر ي وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

http://imagecache.te3p.com/imgcache/...c635ec6543.gif

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من عين جالوت
عين العقل دمع ٍ تكنّـه / حشمتـه

http://imagecache.te3p.com/imgcache/...a5c4f2e69d.gif

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

http://imagecache.te3p.com/imgcache/...b95ac1feab.gif

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

http://imagecache.te3p.com/imgcache/...b203a23903.gif

ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه

ممآ رآآق لذآآئقتي ,,.