|
متعّب روحك
السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين وبعد :.. متعّب روحك مسكين ياللي تتعب الروح ممشاك ==خلف المتاهات العظيمه نشوفك ترصد قوانين الخطا يوم نقراك==تكشف خوافي لعبتك من حروفك حبر القلم ذاق الألم شافه اخْطاك==بانت سطورك بالجفا مع وصوفك كانك تريد من المتاعب وشكواك==ناتج حصيلة من بداعي عزوفك انا سيوفي بترها قطع يمناك==ثلثن على الثلثين بكسر سيوفك احزم متاعك يالضعيّف وبلواك ==نيشان بارودي فتيله كشوفك إما رسية الراسيه خلف علباك==ولاعلى مدّ الجسد وبكفوفك هاذي إشارة حطّها بين عيناك==وفهم معانيها بكامل ظروفك ما يثبت الحق غير صدقن ولاجاك==من يجهل الصادق ويتبع صفوفك مسكين ياللي بالمتاهات شفناك==ضايع بها والناس دايم تعوفك للاستماع http://www.youtube.com/watch?v=SXshT...el_video_title قلمي ماجد محمد المطيري ارجو عدم النقل الا بذكر الكاتب و لا احلل من ينقلها بدون ذكر كاتبها محبتي 16- 4 -2011 ميلادي .. 12 / 5 / 1432هجري |
صح لسانك وصحيح كلامك ,,متعّب روحك !!! فهناك اشخاص يتعبوا روحهم فى التدقيق وتـتبع اخطاء الغير وزلاتهم , والله يثيرون الشفقه ,, فلا يشغل بالهم الا اظهار عيوب الاخرين ,, وفى الوقع هم يظهروا عيوبهم :smile4: ""يقول احدهم من تتبع خفيات العيوب..حرم مودات القلوب."" رائعه القصيده ,,, استمر الى الأمام ننتظر ابداعك . |
ما يثبت الحق غير صدقن ولاجاك
من يجهل الصادق ويتبع صفوفك مسكين ياللي بالمتاهات شفناك ضايع بها والناس دايم تعوفك ماجد صح لسانك يابعدي قصيده رائعه جداً جداً اعجبت بها واسجل اعجابي بقوافيك اخوك الح ـب حاكم ـني |
انا سيوفي بترها قطع يمناك==ثلثن على الثلثين بكسر سيوفك شاعرنا النبيل طير القوافي قصيده تعانق نجوم السماء ابداعا وفكرا لاهنت ولاهان منطوقك على هذا الطرح الراقي واحترام ذائقة المتابع في هذا النص الفاخر بكل ماتعني هذه الكلمه من معنى سر ولا تمدّن إلى المعالي يدا قصرت عن المعروف فالقافله تسير والكلاب تنبح واصل ياماجد انت رائع دائما وردة ياسمين لروحك الجميله ابو طـلالـ :lime: |
انا سيوفي بترها قطع يمناك==ثلثن على الثلثين بكسر سيوفك
قصيدة رائعة بكل ما تعنيه من معاني ومن وزن ومن ابداع فكري خاص والله يوفقك ياماجد وإلى الأمام |
ابداع ياطير القوافي وهذا ماهو غريب عليك نص جميل من شااعر مميز تقبل تحياتي |
صح لسانك اخي ماجد الله يعطيك العافيه |
طير القوافي
اشكرك على هذه القصيده الجميله |
اقتباس:
الاستاذه شروق العتمات صح بدنك وشانك عالي اسعدني واثلج محياي وجودك الراقي وحضورك الذي زاد النور نور واشراق فكلي شكر لسموك لاتحرمينا وجودك تقديري طير القوافي |
اقتباس:
الحب حاكمني صح بدنك وشانك عالي اسعدني واثلج محياي وجودك الراقي وحضورك الذي زاد النور نور واشراق فكلي شكر لسموك تقديري طير القوافي |
| الساعة الآن 01:36 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "