|
لكنّ أخاف أتقول ماعاد يمديك *** خذاك مني وقتك اليوم وألهاك
ياصاحبي قلب العنى مغرماُ فيك ولاعاد يصبر في بعادك وسلّواك قلباُ معنّى ساهر الليل يرجيك لجلك يقّضي ليلته في مناجاك وأنا معه بالصوت شفني بنااديك بين الوصال وبين لوعات فرقاك هايم وشفني بعض الاحيان أناجيك ويالله لاتقطع رجاايه بلاماك لأني معلّق بين حبلك وخافيك ومتى على الله بأجتمع دوم ويااك لكنّ أخاف أتقول ماعاد يمديك خذااك مني وقتك اليوم وألهـّاك ولاجيت اقول أبغى أتناساك وأرثيك يطري عليّ أني معذّب بليلاك معذّب وأقول أني عن الخلق باأحميك أخاف من عيناً حسدها تبلاك وأنته نسيت اللي بحبه مصافيك نسيت عربون المحبه الى جاك قمت اتدّرى في غيابي,واداريك ولامن تناسيتك دجى الليل طراك وجدي وبالتحنان شوقي مجازيك قلبي تعودلك يحبك وينعاك يحبك اللي مادرى وش بخافيك اللي ليا غنى حمامه بورقاك قام يتوجد في سماتك وأساميك وجدّ الذي لامن شكى الحال بكّاك من كثر شوقي ياأريش العين مغليك وأغلى من الغالي طرف رمش عيناك رمشاُ مظاليله على الخد تعطيك رمشاً يظلّل من شعى الصبح وجناك وخذها! تراني لاتباطيت باابكيك وتبي الصراحه،ماخفى شي وعفااك لاسجــبي هاجوس فكري يخااويك ولاني مع العالم إذا الفكر خاوااك نايف الطلاحبي |
الابداع لايستغرب من اهله وانت شاعر ومبدع والنص في متى الروعه
وتقبل مرورررررررررررررررري |
لكنّ أخاف أتقول ماعاد يمديك *** خذاك مني وقتك اليوم وألهاك
صح لسانك اخوي نايف الطلاحبي دايم مبدع ماشاء الله عليك |
النايف فعلاً نايف
|
صح لسااانك يانايف
لاسجــبي هاجوس فكري يخااويك ولاني مع العالم إذا الفكر خاوااك ماشاء الله عليك يانايف مبدع ورائع تحيتي الح ـب حاكم ـني |
الليث يانايف وقف حيل ايحيك
تسلملي يمنـــاك يافتى لاعدمناك |
صح لسانك اخي نايف |
اشهد بالله انك شاعر يانايف واسجل اعجابي بشده وعقبال مااشوف اسم / نايف الطلاحبي نجم في سماء الساحه الشعريه ومن المشاهير فجر |
بيض الله وجهك يانايف |
اشكر كل من اسعدني مروره بمتصفحي وتستاهلوون الجزل تحياتي لكم |
| الساعة الآن 10:26 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "