|
قصيده بدون عنوان بس حلوه
السلام عليكم ورحمة لله وبركاته
هذي قصة بنت كانت تطالع واحد بعين قويه المهم الرجال طلع شاعر وما قصر قال فيها كم بيت عشان تتأدب لكن المفاجأه هي ؟؟؟؟ وش صار؟؟ تابع القصيدة يقول: كل شبر بهالوسيعـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي أسمعيني وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمئني إن كان قصدك بس فينـي تشبهيـن ما هـو أنـا اللي تعرفي.. والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وكان قصدك شي ثاني عاد قولي وش تبين خايف إنا نصير للي ماشروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي كل ابوهم يدمعـون يالكفيفة يالعفيفـة إن قلـت آسـف تقبليـن؟؟ يغفر الله ذنوب عبده ليا خطا وهـل تغفـرون؟؟؟؟ |
عليكــ السلام ورحمة الله وبركاته نــص جميل تسلم يمناكــ |
كلمــآت تحمل بطيآتهــآ أروع وآسمآء المعآنى يسلم منطوقك يآلغــلآ سطور رآئعه وكل حرف يحمل معنى جدآ رآئع أهنيك على آنتقآئك الموفق دمت ودآم عطآئك ودي لكـ |
ياسلام ابداع شاعر متمكن صح الله لسانه وسلمت اناملك اختي الغاليه عطر الياسمين |
ابداع فيما نقلتي اخــتي
الغالية الف الف شكر على النقل الرائع |
روعه هالقصيده
ألآم ابداع جمعتي روعة الألم اللامقصود بحرفية الندم والعذر كم أنتي مبدعه اختي عطر الياسمين ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ومن زود اعجابي بها قرأتها مره ومره وننتظر جديدكي |
يــــــــــــــا الله ...
مشكورة اختي ع القصيدة المؤثرة |
عليكــ السلام ورحمة الله وبركاته
نــص جميل تسلم يمناكــ الله يسلمك عاشق هبا... مرورك يسعدني |
كلمــآت تحمل بطيآتهــآ أروع وآسمآء المعآنى
يسلم منطوقك يآلغــلآ سطور رآئعه وكل حرف يحمل معنى جدآ رآئع أهنيك على آنتقآئك الموفق دمت ودآم عطآئك ودي لكـ هلا سمو القاف.. القصيده اللي تنال أعجابك أتأكد أنها رائعه ولأنك شاعر أنتبه يصير معك نفس الموقف.. مرورك شي حلو |
ياسلام ابداع شاعر متمكن
صح الله لسانه وسلمت اناملك اختي الغاليه عطر الياسمين ** العزيزي المغترب** الله يسلمك ويطول بعمرك,,مرورك يسعدنني |
| الساعة الآن 08:02 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "