بيض الله وجه مشعل ولـد ذرب اليميـن=الشجاع ابـن الشجـاع الكريـم الهائلـي
ناسب اهـل الوفـاء والرجـال الطيبيـن=عـزوة الهـيـلا وذباحـتـن للحايـلـي
بالنيابه عنه وعن القبيله حاضرين وغائبين=مرحبـا ترحيبه(ن)عـد وبـل(ن) يهملـي
وعد مالاح الحيا من بعـد طـول السنيـن=وعد ماتهوي علـى جمـة البئـر الدلـي
وبعدهـا مـادام ربعـي هنيـا حاضريـن=عندنـا موضـوع ماينسكـت لـه ياعلـي
من يكب الحق ياعلـي والـراي السميـن=يعتبرها ضربه(ن)تكسر الظهر ولا الكاحلي
من يفارق شـور ربعـه يـدور حاجتيـن=ضـدة الاخصـام ولا تهاتـيـه الخـلـي
وجهة انظار العرب فيه زين وفيـه شيـن=وياخذون الناس شـور الحكيـم العادلـي
ومن يدور شـور الانـذال ولا الخائبيـن=مايحصل له مـع اهـل المعرفـه قابلـي
ومن تسمع في كلام الضعوف الحاسديـن=مايجيبـون غيـر الـهـروج الحمـلـي
ونحمدالله نكسب المرجله في كـل حيـن=ندخل ابـواب المراجـل قبـل لاتدخلـي
ونوفي احقوق القرابه ونـاس(ن) نايديـن=ونضرب الكايد لـك الله والمخـرج ملـي
لازم الرجال جنبـه علـى الشـده متيـن=ويصبر لجور الزمـان الغريـب ويعتلـي
ولـو يزلـون القرابـه عليـه بكلمتـيـن=لازم انـــه لـزلاتـهـم يتحـمـلـي
ودام حنـا لحكـم اخـوان نـوره قابليـن=تحت ظل المليـك ابـا العقـال المائلـي
يـاالله انـك تحفظـه ومنـوا ياسامعيـن=ابو متعـب فـداه الـروح وايضـآ هلـي
وختم ابيـات القصيـده يـارب القبلتيـن=تحفظ ابلادنا من كل مكروه يالحي الولـي

والله كل ماجيت بختار بيت الا يجيني البيت الاخر يقول اختارني
قصيده رائعه من شخص رائع
الله عليك يوم قلت:

من يكب الحق ياعلي والرأي السمين
يعتبرها ضربةٍ تكسر الظهر ولا الكاحلي

تسلم على القصيده والمشاركه الجميله
تقل تحياتي واعذرني على التقصير

لدي عتب عليك كبير يا أبو احمد

انت شاعر كبير ومن فطاحله الشعراء

ولكن لا نراك في الساحة الشعرية بل إنا نرى بوسائل الأعلام من هو أقل منك بكثيررررررر في الشعر
وأنت لديك الغياب الأكثر عنها

واعتقد انه لم يسبق لك أن تنزيل ديوان

رغم انك تملك موهبة شعرية ترجح بعشرات من أصدروا دواوين

أبو احمد أقبل مني هذا العتب لانى معجب بك وبما تخطة أناملك الذهبية

ولا اقول لهذه الجوهرة إلا
صح لسان قائلها والنعم بمن ذكر فيها

وليس بغريبة عليك الجزالة وانت من بيت شعر ومن معدن طيب
صح لسانك وطاب مقام
ويستأهل
مشعل وتستأهل عتيبة
ويستأهل ابو متعب والله يطول بعمره

تقبل مروري واقدم اعتذار عن العتاب