|
يوم وقف في المنازل مالقى بيت مبنا
كل ما فاضت عيوني باشت الأضلاع غنـا المــــــــــوارد في الضلوع وكل ضلع فـي ونـه @ والتمني ما يحقــــــــق هقـوت القلـب ان تمنـا بس قلبي ما يدانــــــــي تبعـد الهقـوات منـه @ وا وجودي وجد من جلي عــن دياره مجنـا تو عمره عشر واربـــــــــع والليالــي مـا تحنـه @ ما وراه إلا عجوزٍ واختــــــــه وعــــود مسنـا بين فقر وبين دين وبين ضيـــــم وبيـن منــــه @ ما ذبحهم غير دمع من الغبينـــــــــه مـا يكنـا ويل من سود الليالـي بالمصــايـب يبتلنــــــه @ راح مثل الذيب وهبلته حيــاة الذيـب ظنـا وآمن والموت يومه بيـن مخــلابـه وسنــــــــه @ راح ينقل دم قلبه وان ضـــواه الليـل ونـــــا الذيابـه مروحاتـه والسيـــوف يدورونـــــــــه @ ليا ذكر دم القرايـب عانــــق البيـدا وثنـــــــا وان تذكر ضحكة امه زاغ قلبه من مغنـــــــه @ ما يلوعه في حشاه إلا ليا شاف البرق سنا غاب عشر اسنين ما به من يرد العلم عنـه @ ان حداه الخوف منا هزت الأشـواق منـــــا يوم طال الوقت عود للديـار اللـي ربنـــــــه @ قـال مـا دام المذلـه والبــــلاوي يبتلـنـــــــــــا والله ان الموت في الأوطــان بين الربع جنه @ يوم وقف في المنازل ما لقـــــــــى بيـت مبنـا غيـر بيـت للهبايـب والـــــذواري يلعبـــــــنـه @ راح يمه كنه اللي ضاربـــــه رمــــــــــح مطنـا وعذابه ما دري ان اسهـــوم بقعـــــــا يحترنـه @ يوم قرب سمع له صوت مـــن العلـه يحنــــــا حصل امه عندها ضيف يقول الموت سنـة @ قال يمه قالت عيوني مـن الدمــــــــــــع انعمنـا قال ابويه قالت اطوال النصايب قــــد خذنـه @ قال واختي قالت اقفى القوم باختك مع ظعنا قال ربعي قالت اسنيـن المجاعـة فرقنـــــــــــــه @ قال جيتك قالت ان الموت ما ظنـي تونـــــــا واستلمها نازع الارواح روحـن مرجهنــــــــــه @ ثم صاح من التفرق صيحة اللي فيـــــــه جنـا دق صدره وانطوى من حر ما به طي شنه @ كل هذا حال قلـب مـن خلقـــــــــه الله معنـا الهمـوم يوكلـنـه والـروابــــــــــع يوكلـنــــــــــــه @ ليه ادور للسبايـب والسبـب فينـا ومنــــــــا النفوس وما تسوي واليدين ومـا حصـــــدنـا @ لا تسودنا الخطايا نلحـق الشرهـــــه زمنــــــــا مـا جزانـا إلا عملنـا والخــــــــــــــلائـق يثبتنـه خالد بن مدعث الدوسري |
صح لسان خالد الدوسري وصح ذوقك ونقلك ياحسين
اسجل اعجابي بهذه القصيده ان حداه الخوف منا هزت الأشـواق منـــــا يوم طال الوقت عود للديـار اللـي ربنـــــــه @ قـال مـا دام المذلـه والبــــلاوي يبتلـنـــــــــــا والله ان الموت في الأوطــان بين الربع جنه تقبل مروري / ولك ودي |
صح لسان الشاعر
وتسلم يمينك ياحسين على النقل الموفق |
صح لسان الشاعر وسلمت اناملك اخي حسين على القصيده |
شرفني مروركم الجميل لاخلا ولاعدم |
سلمت ذائقتك أخي حسين ،،،
تقبل مروري،، |
صح لسان شاعرها الدوسري
وسلم نقلك ياحسين |
| الساعة الآن 08:09 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "