ضـعـيف العزيمه ما تعـلا جـبـال اللوز=ولاوازن الـــرادار بالـــــــنـايـفـه راقـــــي
ولاعـلـق اللي بالطبيـعـه ثقـيـلة روز=بمتـنـه وعـداء شــامخ ن يرهق ارهـاقي
ولادور اللي دائمآ للـعـســـير اتحــوز=ماترباء السماح اللي به الرجل تنساقي
مراتيـعـها ما ديـج فـيها بلاند كـــــروز=ومصابيحها ماهي عـلـى هقـوة الهـاقي
توقـل بقـوزن دونه تحـول روس وقـوز=لصيفه مقـيـل وللشـتـاء فـيـه مشــراقي
مشاريبها نبع ن مشاش بحجر ملفوز=من الصخـر ينبـع مثل دمـع ن بلأحــداقي
مضامي بها القنـاص عن الحياه يعـوز=على دربها اهل القنص نشاف الأرياقي
يجـفـلـهن إلى لامس الحـيـد للعركـوز=وريـح ن مع الـنسناس لـو كان رقــراقي
إلى جـفـلـن ماحـدن لملحـاقهن ايهوز=وإلى طاحن الياهن عريضات الأشناقي
لولى الله ثم اللي لشوح البعـيد اتنوز=مانشـره عـلى ملحـاقـهن لـو بالأرماقي
هواتي الياء عـديت بـأول شهر تـمـوز=لـهـن بالطويـل الـمعتلي قبل الاشراقي
والـيـاء شفـتـهـن لديت للآيكم بـارموز=وزهـمـت النشامآ بـالقنص لهم متواقي
عـلـى شان كـل ن ينتبه للجفيل يجوز=مـاهـو بالمكان الـلـي يـمـرنـه اسـباقي
واليا قالوا ابداء وانحجز كـل ريع وحوز=قـفـلـنـا الـتـردد وابـتـداء عــد الأطـلاقـي
واليا بشر احـدن بالغداء كلنا لـه فــوز=يـارمـايـهـا عـسـى يـمـيـنـك مـاتـنـعـاقي