منتدى بني عزيز الرسمي من مطير - ترا ربعي بني وائل ماتبغا النداء ترديد 000حميتهم وخوتهم تنموس كل رجالي

منتدى بني عزيز الرسمي من مطير (http://www.azizenet.net/vb/index.php)

- بحور الشعر الخاص (يمنع المنقول) (http://www.azizenet.net/vb/forumdisplay.php?f=89)

ترا ربعي بني وائل ماتبغا النداء ترديد 000حميتهم وخوتهم تنموس كل رجالي

فمان الله يادنيا الشقى والهم والتنكيد
.. فمان الله ياحزن رميته في الخلا الخالي
حملت من الشقى مالا يطاق ثم نحرت البيد
.. ابي ارمي وسطها هماً سكنبي قد برا حالي
سنين من العناء والغي مفلوتن بليا قيد
.. مشيت امع الطريق الي غدابي باشهب اللالي
تعبت بدنيتي ومن المعاصي صرت اعيش بعيد
.. ابى استر بلوتي من شان مايدرون عذالي
مادام الله بلاني ليه اجهار بمالعاصي ازيد
.. ابى اطلب ربي المنقذ وينقذني هو الوالي
وابى اترك ماحرمه الله وحنا من هل التوحيد
.. موصني بها عودي عسى مثواه بلعالي
وموصني على حفظ الفروض الخمس بالتحديد
.. وعلى وصل القريب ونصرة المظلوم والجالي
موصني على فعل الكرم والمرجله والصيد
.. واقوم بلازمة ربعي افي جاهي ومن مالي
وذكرت اني من رجالاً لهم في الطيّبه تخليد
.. تحت ردم التراب وذكرهم حي لا زالي
زعيم المجد ابو رشدان لاجته العلوم تهيد
.. ولد نافع عريب الجد لطالات مدهالي
وانا محمد ولد راشد وابوي الشاعر الصنديد
.. وجدي عايض المرحوم للقالات حلالي
وانا ربعي بني وائل ماتبغى لنداء ترديد
.. حميتهم وخوتهم تنومس كل رجالي
وابى اختمها بذكرالله من التسبيح والتحميد
.. وصلاة الله على محمد عدد ماهل همالي

صح لسانك أخوي ابن شداد الطلاحبي

ونعم فييك وفي اللابه اللي انت منهم

وأستئذنك بالتنسيق للقصيده لكي يكتمل جمالها

ودمت بخييير

وذكرت اني من رجالاً لهم في الطيّبه تخليد
.. تحت ردم التراب وذكرهم حي لا زالي

لله در هذا البيت يالشاعر فقد ايقظت الذكرى لمن رحلوا عنا وهم قد وعودنا بالبقاء معنا
لااملك الا ان اقول اللهم ارحمهم واسكنهم فسيح جناته واجمعنا بهم في مستقر رحمته
فجر

صح لسانك اخي ابن شداد

قصيده رائعه وجميله

صح لسانك

وتسلم على هالقصيده الرائعه

ونعم يابن راشد عسى الله يرحم شايبك واموات المسلمين كافة

امتعتنا بهالقصيدة صح لسانك ولاترحمنا جديدك

تقبل مروري

صح لسانك يابن شداد ورحم الله راشد بن نافع وعايض بن نفيع واموات المسلمين واسكنهم فسيح جناته

تصدق عاد القصيده ما دريت عنها انها بالمنتدى الا بعد دخلتك هذي وقرأت بيت من القصيده في معلوماتك ومواضيعك

ومن الواضح انها من زمان موجوده

اسجل اعجابي وصح لسانك للمره الثانيه وبيض الله وجهك ونعم فيك وفي ذوي شداد وبني عزيز

تحيتي
الح ـب حاكم ـني

مادام الله بلاني ليه اجهار بمالعاصي ازيد
.. ابى اطلب ربي المنقذ وينقذني هو الوالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

مبدع يا أبن رشدان وبيض الله وجهك

ولكن هل تقصد في البيت

مدام الله بلاني ليه اجاهر بالمعاصي ازيد
ــــــــــــــــ
أبن رشدان كلي ثقه في شاعريتك ولكن الشطر ينقصه حر وعلى ثقه بأنه مطبعي

اسجل اعجابي بك بقوه

تقبل مروري

صح لسانك يامحمد والله يعطيك على قد نيتك ويصلح من شانك ويهديك يااارب