|
هذه القصيده كتبتها قبل ثلاث سنوات
[font="book antiqua"]
ماهمني قولك وانـا بنـت رجـال [/fon]عزي جبل تبطـي عظـم ماتنولـه ارقا سنودٍ وانـت مافيـك تحتـال ! وعلى القمم كسبت صوله وجولـه الفخر لي دلـه لهـا العـز فنجـال وطيب المبادي نلت فيهـا البطولـه عرضي نزيه وسمعتي فخر الاجيال وابوي شيخٍ وانت تفداء نعولـه !! ذكره بياض الوجه لوغـاب فرمـال ولا انت حيٍ ماوصلـت لوصولـه ! ذكري ينومس كل ذربيـن الافعـال وتغتاض منّـه كـل كبـدٍ غلولـه اكبر خطا صرت اصفق يمين بشمال درسٍ تعلمته واراجـع فصولـه !! ظنيت في شخصك تواصيف رجال ! ولاانت لاشٍ جاهلتـك الرجولـه !! |
بنت الشيوخ
قصيدة جيدة فيها معاني جميلة تعبر عن اعتزازك بشرف ونسبك وهذا الامرين يحق للبنت ان تفاخر بهما اتمنى ان نسعد بمشاركاتك الجديدة ذكره بياض الوجه لوغـاب فرمـال ولا انت حيٍ ماوصلـت لوصولـه ! اعجبني البيت هذا الله يرحم الوالد تحياتي |
كان من الأجدر لهذه القصيده ان يسبقهامقدمه00 كأن تقولي هذه ابيات لذلك الشخص الذي كنت أحسبه من الرجال, لأن هذه الأبيات فيها انتقاد حاد للاخر وألفاظ ابتعدت عن الذوق العام ولو في الهجاء - نعال اجلكم الله - فلا يستطيع القاري تقبلها مباشرة0
فيجب احساس القاريء انه ينظر لنهايات حبيبين من بعد 0 واخيرالايعني ذلك انقاصا من روعة القصيده وجمال فكرتها مع تمنياتنا لك بدوام التوفيق 0 ــــــــــــ مسوي الغذامي على المنتدى ــــــــــــ اكرر قصيده جميله,,,, سوف احسبها ضروره شعريه0 |
صـــــــــــــــــــــح لســــــــــــــــــانك
ماقصروا الأخوان أعلاه ويعطيك العافيه |
بنت الشيوخ ابياتك ادقاق واجلا ل 00 فيها ملامح للبراء والطفوله
نقـدك يابـوغــاده لها نـقــد فـعـا ل 00 اعجبني تحليله ونقدن يقــوله |
صح لسانك والله ابدعتي وفالك البيرق
|
اختي بنت الشيوخ
صح لسانك على القصيده الجزله بانتظار جديدكِ اخوكِ الطريس |
تسلمون يابعد حيي انتم ونقدكم وجعل يفدونكم الرديان يامطير ونقدكم متقبلته وبصدر رحب وهي طويله القصيده لكن هذه أجمل الأبيات .. |
قصيده رائعه ولاهي بغريبه عليك يابنت الشيوخ فانتي من بيت شعر وابو غاده يقول فيها مصلحات غريبه أو نازله أنا معاه لكن ماالومك يابنت الشيوخ لأن المذكور بالقصيده يستاهل هجاء أكثر ولاتكفي فيه هذه الأبيات .. تقبلي تقديري لكي وإعجابي بقصيدتك |
عـــاشـــق هـــبـــاء وجودك أضعه وسام على صدري فانت تكسب احترام الجميع اين ماحللت ونزلت وافتخر بك انك أول من إطلع على هذه القصيده ونقدها ووجهني التوجيه الصحيح فشكرا لك . |
صح لسانك يابنت شيوخ قصيدة رائعه وجزله من شاعره رائعه
ولجنة التحكيم ماقصرو فالحقيقة اللي هم الرهيف وابو غاده |
صح لسانك يابنت الشيوخ
بس طرق القصيده هاذي وفكرته احس انها قديمه ايام الابيض والاسود يعطيكي العافيه تقبل مروري |
الفخر لي دلـه لهـا العـز فنجـال وطيب المبادي نلت فيهـا البطولـه بنت الشيوخ صح لسانك والله يوفقك |
| الساعة الآن 04:53 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "