|
اكتب افضل شاعر محاوره وافضل شاعر نظم في نظرك
اعزائي اعضاء منتدى بني عزيز مساكم الله بالخيرات ... الليله انا ومجموعه من الاصحاب كان نقاشنا عن شعراء المحاوره والنظم ومن افضلهم وكان نقاش حاد .. ابي كل واحد منكم يعطيني رايه من افضل شاعر محاوره ومن افضل شاعر نظم عنده .. وانا احتفظ برائي بعد ارائكم ... لكم مني جزيل الشكر .....
|
لا اعلم ان كنت تقصد حالياً ام الافضل ككل
على مستوى التاريخ فان صياف في نظري هو الافضل على مر العصور افضل شعار محاورة في نظري حالياً عبدالله غازي الميزاني ( رغم ملاحظاتي على سلوكه الشخصي ) وايضاً شاعر مهضوم اعلامياً وهو حمود السمي البقمي شاعر رائع لم ياخذ حقة اما شعر النظم بدون منازع ومن يغرد خارج السرب لوحده ( وايضاً رغم ملاحظاتي على سلوكه الشخصي ) سعد بن جدلان الاكلبي تقبل تحياتي واعجابي بشخصك الكريم اخوي راعي الهوجاء |
اشكرك بعنف ياراعي الهوجاء على طرح هذا الموضوع
وهذا رأيي افضل شاعر محاوره الشاعر تركي الميزاني وافضل شاعر نظم الشاعر محمد الخس |
اخوي الرهيف علي بالحرام انك شنب والله انك تقرا اللي في خاطري نفس رائي ونفس الكلام اللي قلته للربع كنك تسمعني ...... الله لايهينك
اخوي عزيز الوايل اررررررحبوووا... شهادتي فيك مجروحه ... الله لايهينك على الرد |
من ناحية المحاورة
انا عندي مطلق الثبيتي (الله يرحمه) حبيب العازمي مستور العصيمي وزيد بن سلمي >>والله كثير شعار يعطونك معنى ومغزى شعراء النظم سعد بن جدلان>>بدون منازع محمد الاحمد السديري(الله يرحمه) محمد بن فطيس ************************* والله سؤالك وموضوعك جدا جمييل فجر |
اشكرك اختي فجر على المشاركه برايك ورايك في محله وبالذات في حبيب العازمي اللي مايختلفون عليه اثنين
وايضا قصايد السديري وبالذات قصيدته اللي يقول فيها: كم واحدن له غايتن ماهرجها = يكنها لو هو للادنين محتاج |
يخاف من عوجا طوال عوجها
هرجة قفا يركض بها كل هراج (الذاكره ماتحضرني وبعدين يقوول):::: حلو نباه وقلبه اسود من الصاج |
اوافق اخي الرهيف في الرأي
|
بالنسبه لي شعراء المحاوره
صياف الحربي الله يرحمه لكن النظم ابن فطيس ( العام خلي يسمع القلب لاصاح واليوم مهما اصيح ماهو بمسموع يوم العهد به حده اسبوع لاراح اسبوع ويعود علي شوق ودموع ) وكل واحد يبدي رايه تقبل مروري |
لو تكرمتو الي يفضل له شاعر يحضر بيت اعجبه للشاعر
|
:ignprv:
مطلق الثبيتي من الابيات اللي دايم ارددها غلطتن منّا وصارت يوم طعنا ما عصينا مار لا ترضى علينا يالعتيبي بالمهونه أحسب إن سهيل يبدي يوم في ركبه سرينا مار نشّرتوا مشالحكم عليه وتحجبونه ************** اما حبيب العازمي احفظ له ابيات يقوول وعساني مانسيتها : لولا الخطا محدً عرف قيمة الصح=ولولا الصحيح يصح جات الفضايح شي طبيعي يوم ننّصح وننصح=الناس كانو يشترون النصايح ياجاهلً في الوقت تسرح وتمرح=ترى الحياه إلها نظام ولوايح وأن كان ماتبغى كلامي هذا رح=واشره على اللي قال وين أنت رايح ********** اما مستور العصيمي له بيت وربي عن مية بيت يومنه يقووول:ignprv: الشعر من هيض والا غيض وافكار وخواطر من لقى له فرصةً فأول حياته يغتمنه فجر |
اعتقد لم اقرا في شعر النظم مثل هذه القصيدة
قصيدة بكل ماتنعنيه كلمة قصيدة للمبدع سعد بن جدلان الا يالله ياللـي تحـت هيبـة سلطنتـك اسلمـت لك المسلم يسبح لك بحمـدك والـك الاسلامـي احمدك واشكرك واثني عليـك بمـا علي انعمـت وزودني وفاء قدر العشيـر وصـل الارحامـي ولاجاك الفجر ياليل الذهول اللـي علـي اظلمـت يعرضك واقع الماضي عليه عـرض الافلامـي ولهتك يالنديم اللي على صافي وفـاك اضرمـت بصفحة ذكريات العام واللي مـن ورى العامـي بعد تقرير مشوار التجـارب نجحـك واجزمـت بأن السيف سيفي والعصـا والمحـزم احزامـي ضمنتك راس مالي مكسبي في كـل ماساهمـت قفلـت ابـواب حيطـان الحسايـف والتندامـي عطتني عزلة اخلاصي معك نسيان مـن نادمـت كتبتك وانطوت صحفي عليك ورفعـت اقلامـي اباهـي لاابالـي واتبيـسـط كــل ماقـدمـت واشب النـار قـدام العـرب واشيـد اخيامـي نهاري حر شمسه يستحي منهـا لسـان الشمـت وليلي ترجم انجومـه ملامـة كـل مـن لامـي على ضوء الكلام اللي كشف عنا ستار الصمـت عرفت اني تحت برق الامل في روض الاحلامي احسبنـك تيمـم باتجاهـي ويــن مايمـمـت اثر مانتـه ورايـه بالطريـق ولانـت قدامـي مصيبه لاتردت قيمتك فـي عيـن مـن قيمـت يشوفك فالسهل وانته تشوفـه فالسمـا السامـي كثر ماحـن قلبـي للونيـس وكثـر مادرهمـت فجر صدري حنيني واتعـب الاقـدام درهامـي عيون الصد وعيون التجافي "حول"مهما اكرمـت تشـوف المجتهـد كسـلان والبنـاي هـدامـي مادام ان جانبي شام وانت عنـي جانبي شمـت كثر خيرك وانا لانـي بـلا جايـع ولا ظامـي اشوف انه علي واجـب ليـا مريتكـم سلمـت مرور اكرام تربطها الكرامـه عنـد الاكرامـي على شان الخفوق اللي على عرشه قعدت وقمت وحجب عنك الدجا لين اشرقت لك بيض الايامي ختام السالفه ياطيـب العشـره كرمـت ودمـت هذا حقك علي وحـق هقواتـي علـى اوهامـي مصير الوقت يشرح لك دروسه وان غفلت ونمت يصحيك الزمان اللي يصحـي كـل مـن نامـي تذكرني لامنها خابـت اوهامـك بمـن وهمـت وعرفت الفرق في حب الخشوم وحب الاقدامـي |
وافي يالرهيف صدقت غير عن قصايد النظم
بن جدلان مافيه حيله |
ابداع وذوق يافجر سلمتي
|
كثر ماحن صدري للونيس وكثر مادرهمت
فجر صدري حنيني واتعب الاقدام درهامي انا اشهد ان ابن جدلان منقطع النظير ولاله ملادي مع الشعار ويخرب شعر غيره .. اشكرك بعنف يالرهيف مزاجك مزاجي |
راعي الهوجاء
يشرفني ان ذوقك نفس ذوقي تحياتي |
اما
المحاوره<<<< زيد بن سلمي النظم سعد بن جدلان الاكلبي ، خلف المشعان ، محمد فطيس راعي الهوجاء تقبل خالص ودي واحترااامي |
أما أنا شاعري المفضل في النظم فهو الي يقول:
لكنٌ يا دكتور جعلك ما تهون.. ابغيك كلمت راس دامك ما بديت اسمعولا ابغي اللي وزانك يسمعون ربي كتب يكشف لك اسراري وجيت صورة عديل الروح عندك فالعيون واخاف تقطعها بموسك ما وعيت ولا عليك امراطوها تحت الجفون وعقبه لو تقطع عيوني ما شكيت هي راس مالي والعرب ما يدركون اني على باب الممات و ما حكيت الي هو: محمد بن فطيس وأما المحاوره فهو الي يقول: الله عطاني في الحياه القناعه عن دربي الي راسمه ماتعديت وهو: تركي الميزاني |
| الساعة الآن 11:20 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "