|
رداَ على المهاترات التي أٌثيرت { كـ أول مصافحة بـ عنوان فجر الشرف
السلام عليكم ورحمة الله وبركاته إليكم أخواني وأخواتي هذا الاحساس الذي أتى بعد تطاول أحد السفهاء على أحد الاعضاء وقذفه بامور لايرضاها من بوجهه ذرة رجوله فأترككم مع أحساسي وأتقبل منكم النقد وبكل صدر رحِب .. =================== مالفايده وان غبتي شهور وسنين ..واسبابها منطوق قذرين الاشناب وانتي عضدتيها على ناس حيين ..وتعلقي بالروس واخسي يالاذناب في سد هالشارب لا اسددك يالدين ..وادعس على خد الملعن ولا هاب مدامها جت بالردى يالشريفين ..لا بارك الله في مدنست الاصحاب رزي شموخك واعلنيها من الحين ..ان الشرف عندك من اصحاب الالباب وهم يعرفون اني من ابناء السلاطين ..ومن لا حسب للناس مادونه حساب من طق باب الناس يا بنت تدرين ..بكره مع الايام و يطق له باب لكن ركز واقر الابيات ذي زين ..وافهم اضنه خاطرك عقبها طاب يبقا مكانك داخل الرمش والعين ..وان ما حفظتك بينها عارضي شاب ثم اقصر الدله وكب القوانين ..وادله وانا عندي تفاسير الاسباب ياليتها جت من رجالٍ حكيمين ..ولا جاتهم شرهه ولو ظنهم خاب واختامها انتي اساس الشريفين ..وماهمنا منطوق قذرين الاشناب ================== قبل النهايه .. قد لااكـون بـ معنى شاعر بكثر ما أكون ناقد .. وقد لاتكـون مشاركتي بهذه القصيده كامله لان الكامل وجه الله عز وجل ... لكـن الاهــم في نظري .. صدق الاحساس النابع ... في المشاركه وفي النهايه : عسى ان وصلنا لـ شغفكم .. وذائقتكم .. |
|
لا بارك الله في مدنست الاصحاب رزي شموخك واعلنيها من الحين ان الشرف عندك من اصحاب الالباب وهم يعرفون اني من ابناء السلاطين صح لسانك اخي ابوعدنان ولي عوده |
اقتباس:
يشرفني أن تكون أول مشاركاتك بعد العودهـ في موضوعي هنا .. ويعلم الله أني ماقلت غير حقيقة ماراى وتستاهلين أكثر وحياك الله وبإنتظار ابداعاتك القادمة مع تحيات ابو عدنان |
اقتباس:
اخوي العزيزي المغترب مرورك مشرف ورائع وانا بانتظار عودتك وبانتظار تعليقك ... وبعد ودي لو نقلت الابيات بالشكل الصحيح ... مدامها جت بالردى يالشريفين لا بارك الله في مدنست الاصحاب رزي شموخك واعلنيها من الحين ان الشرف عندك من اصحاب الالباب وهم يعرفون اني من ابناء السلاطين ومن لا حسب للناس مادونه حساب |
صح لسانك
تستاهل اختي فجر هذه المصافحه الرائعه والحمد لله انها رجعت |
اقتباس:
ويالله تحييه ولاتحرمنا هالطله الاكثر من رائعه والاخت فجر الشرف تستاهل الكثير وهذا اقل ما نقدمه لها مره اخرى حياك الله اخوي الزعيم .. |
صح لسانك يابو عدنان
وانا ودي انقد قصيدك واخذ حق الشعار لكن قصيدك ما فيها خلل وتستاهل أختنا فجر هذه القصيده |
صح لسانك يابوعدنان والله الحمدلله ان فجر رجعت لمنتدانا الغالى والله لايفرقنا وانشاء الله دائم هالمودة بينا
أخوك أبوفالح |
اقتباس:
حياك الله وصح بدنك اخوي عامر وشرفني مرورك وما عن النقد ياخي انقد انت وباقي الاعضاء والله ماعندي اي مشكله الان المستفيد انا ومهما كان الاسلوب نبقى عيال عم وعينين براس واحد مره اخر اخوي عامر حياك الله ولا تحرمنا هالطله |
اقتباس:
وهذا الساعه المباركه اللي رجعت لنا الاخت فجر ومهما اختلافنا نبقى كل واحد من على قيمه وشيمه ولكن الخطاء محد يرضاه وهذا كان اي عضو يقدر يسويه انه ينتقد من اخطاء ويقوله وقف هنا وانتهينا خلاص اذا تمادى اليوم في الخطاء على الاخت فجر بكره على عضو ثاني اخوي ابو فالح مره اخرى حياك الله ولا تحرمنا هالطله ودمتم بود ابو عدنان |
وانتي عضدتيها على ناس حيين ..وتعلقي بالروس واخسي يالاذناب في سد هالشارب لا اسددك يالدين ..وادعس على خد الملعن ولا هاب اخوي ابو عدنان انت وين عنا من زمان وين دررك الجميله اعجبتني جميع ابيات القصيده وخاصه بيت انت تعرف معناه زين وانا اعرفه .. وتستاهل فجر كل علم غانم .. |
صح لسانك ابو عدنان ,قصيدة رائعة تشكرعليها |
اقتباس:
حياك الله اخوي عاشق هباء وتشرفت بمرورك ولا تحرمن هالطله الحلوه وانا ما غبت عنكم ومتواجد من تاسيس المنتدى ولكن كزائر قفط ودمتم بود |
اقتباس:
والشكر على مرورك ولا تحرمينا هالطله الاكثر من رائعه ودمتم بود |
من طق باب الناس يا بنت تدرين
..بكره مع الايام و يطق له باب لكن ركز واقر الابيات ذي زين ..وافهم اضنه خاطرك عقبها طاب صح لسانك وشانك عالي قصيدة جميله جدا |
اقتباس:
وترك لك بصمه لن تمسحها السنين وصح بدنك اخوي وبيض الله وجهك على المرور المشرف وماقصرت ومازاد الموضوع جمالا هو مرورك ولا تحرمنا هالطله ودمتم بود |
صح لسانك اخوي على الابيات الرائعة
. والاخت فجر غنية عن التعريف فهي من اعمدة هذا المنتدى الشامخ . وبكل فخر نتابع كل ماتقوم بطرحه علماً بأننا افتقدناها قليلاً ولكن الحمدلله هذه هي عادة وان شالله العود احمد . واقول يا فجر بصرحه يمدحون الحقران لبعض ضعاف النفوس |
تستاهل فجر ولك كل الشكر على القصيده ياابو عدنان |
مشكور ابوعدنان بهديك بيتين نقدك وشعرك يابعدي زادني اعجاب
بحساسك الصادق ورجلن على الدين دايم على العليا وفي راس مرقاب اعجبتني الفصبده يقوه لك تحياتي |
اقتباس:
تشرفت بمرورك اخوي حسين دمت بود |
اقتباس:
حياك الله اخوي ويامرحبا وشرفني مرورك ولا تحرمنا هالطله ودمت بود |
اقتباس:
استاذي الفاضل وابن العمومه القدير الاستاذ عبدالله مريزيق الرهيف يعلم الله ان مرورك اسعدني وشرح صدري وان شهادتك وسام على صدري واعتبر نفسي كسبته الان لانها اتت من شخص له مكانته خارج المنتدى وله مكانته في المنتدى وله اسمه اللذي لن ينساه من عرفه وشهاده من شاعر متمكن شرف كبير يا ابو مريزيق وانا لو كتبت اللي بخاطري عنك والله ما انتهيت لانك شخص تستحق الاحترام والتقدير ولك مني حبت خشم واحلى تحيت احترام وتقدير مشكور مره اخر يا ابن العمومه واهداك مقبول ورائعه جدا والى الامام واما بالنسبه للموضوع وسبب القصيده هذا الشيء مفروغ منه اخوي نحن نتقبل كل شيء الا القذف وملاحقت شرف الاخرين لا نقبله ولا نرضه على احد سواء من منتدانا الغالي واغيره ونحن تعلمنا هذا الشيء من كبارنا وانت من ضمنهم هذا ما علمتوناه وهذا ما تربينا عليه اشكرك استاذي الفاضل وتشرفت بمرورك وصح لسانك على ابياتك الرائعه والله يوفقك ودمت بود |
الأخ : أبو عدنان
إن المبادئ لتملي والواقع والتيار يمليان أيضا وهنا يحتم الواقع ما لا يقره الضمير ليقف عنده وينصب شعاره والواقع والتيار هما مبادئ لغيرك فلنصمت ولينطق الشعار وان عد ذلك احتجاجا فليس بعد الصدام إلا الحوار يانسل الأحرار او فروخ الشياهين اقول من هو ذنبه الشمع لو ذاب ارجع وتلقى المسالة سر تكوين يعني احتياج يحدد إحجام وإسهاب أبا اختصر فيما يلي بين قوسين وتقدر تولف لك على ضوها اكتاب اليا ارفعك فعلك بوسط الميادين مانزلك بالقول مغرض او شذاب ولو نزلك فعلك يجي خصمك ذهين مايرفعك قول او إشادات وإعجاب تقبل مروري وتحياتي للجميع |
يانسل الأحرار او فروخ الشياهين
اقول من هو ذنبه الشمع لو ذاب ارجع وتلقى المسالة سر تكوين يعني احتياج يحدد إحجام وإسهاب أبا اختصر فيما يلي بين قوسين وتقدر تولف لك على ضوها اكتاب اليا ارفعك فعلك بوسط الميادين مانزلك بالقول مغرض او شذاب ولو نزلك فعلك يجي خصمك ذهين مايرفعك قول او إشادات وإعجاب الله عليك اخي الجامح صح لسانك سجل اعجابي في سجلاتك شاعر مبدع |
اقتباس:
اخوي واستاذي الجامح بعد قصيدتك هذي يعلم الله اني اثبت انك بحر واسع في نظم الشعر وجزالته واشكرك على اسلوبك الرائع في المجراه واللتي نالت اعجابي وسوف تنال اعجاب الكثيرين من من يفهمون الشعر مدري وش اقولك بس صدقت من اول بيت الى اخر بيت وبيض الله وجهك وانت في مجال الشعر والنقد عمله مشرفه وشخص تحمل الثقافه الرائده واتمنى من الاداره منحه لقب شاعر المنتدى فانت اهلا له وتستاهله وانا اعتبرك شاعر المنتدى وانا تركت لك رساله على الخاص وبينت لك موضع خاص بي واتمنى منك النظر به بتمعن وتركيز اكثر . ومشكور اخوي واستاذي القدير الجامح . |
قصيدة جميلة
وياليت النوايا سليمة |
اقتباس:
تعقيبا على مااتحفنا به الاخ تركي سعود اولا: هل انت سفير النوايا الحسنه ثانيا: من خلال قراءتك للموضوع ارجو توضيح ماقاد تفكيرك الناضح لتستشف سوء النيه وترد بمثل هذا القول ثالثا: لتعلم انك في منبر لم ليعد لمثل هذه الاسقاط تقبل وبكل اسف تحياتي |
| الساعة الآن 08:39 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "