|
حياك الله يالظويفري وتقدم على القاف
مرحبا حياك الله ياسالم وتشرفنا بانظمامك الى منتدى بني عزيز
واستلم لاهنت مرحبا في محل اهل الوفاء والمعزه=عند قومٍ لها منزال بين القبايل فيه للخير وقت وفيه للشر حزه=وانت ياظويفري في حكمة الاد وايل |
صح لسانك
ياسفير المهد وننتظر الشاعر |
الشكر لكم طال عمرك وانا سعيد لاني بين اخواني وربعي بني عزيز وانتم تشرفون من شرفكم احييكم جميعا انت واخي واصل عزيز خالد وكل الاعضا استلم لاهنت
البقا عند منهو في مكانه تنزه من رجال الفعول ومن رجال الحمايل فيه للسيف حد وفيه للرمح رزه مير انا حر وين اروح والراس طايل |
حياك الله يا سالم وبيض الله وجه اخوي واصل عزيز على دعوته لك والشرف لنا طال عمرك
انت حر وعلى ماقيل للحر فزه=مير فزتك ماحصلت منها حصايل شفت بيرقك في يوم التحدي ترزه= واحسبنك من اللي يعشقون الاوايل |
الله الله صح لسانك
فزتي تنقذ المضهود في وسط غزه=مالحقني فنفسي شك والشك زايل وين فزعتك يوم الخيل جهز ملزه=مالقينا علوم ولالقينا رسايل |
الله الله الله الله
صح لسان الشعراء مبدعين واصلو ابداعكم :hlopaetfg::hlopaetfg::hlopaetfg::hlopaetfg::hlopa etfg::hlopaetfg::hlopaetfg::hlopaetfg: :clap::clap::clap::clap::clap::clap::clap::clap: انا ابمسك الصفوف |
الله الله على البدايه الرائعه يابو سعدي صح السانك ولاهنت وصح السانك فرات الشعر وحياه الله في منتدى بني عزيز ولاهنت يافرات الشعر وفعلا فرات وصلو واصلو متابعين لكم |
الله الله
واستلم استلم قد رجلك على ممشاك والدرب قزه= لاتقول العلوم اللي بليا دلايل كيف ابفزع لرجل دس راسه ووزه=واحلالاه ياماقف رجال الصمايل |
اخوي عمر عمران اسعدني مرورك كثيرااا وانت شاعر وتقدر هذا التراث الرائع لحظات الفخر والفرح وانا بين ابناء عمومتي وشكراا للجميع
|
طيب طيب اسمع اسمع
اسمع لاهنت
رجلي فدربها من يعترضها تجزه= كم وطت راس دابا لاسود السم شايل ارفع الراس ونجوم السماء مبرهزه=اسمي الجدي واقدي من سراء الليل عايل |
صح لسانك يا ابو سعدي وصح لسانك فرات الشعر
متابعين |
ماوطت رجلك الا جمرة فوق جزه=لكن انظر بعينك شوف كيف انت قايل اسمك الجدي ماشاء الله عليك اسم رزه=مثل ماقلت تاخذ منه وصف وخصايل |
الله الله اسمع اسمع
طيب طيب اسمع
صح انا اطاء على جمر الغضاء واستفزه=رجلي تطفى النيران باهون وسايل ياسفير المهد والعلم للمهد كزه= قول جيت الرياض وشفت فيها هوايل |
ياسفيـر المهـد والعلـم للمهـد كــزه
قول جيت الرياض وشفت فيهـا هوايـل ياسفيـر المهـد والعلـم للمهـد كــزه قول جيت الرياض وشفت فيهـا هوايـل ياسفيـر المهـد والعلـم للمهـد كــزه قول جيت الرياض وشفت فيهـا هوايـل ياسفيـر المهـد والعلـم للمهـد كــزه قول جيت الرياض وشفت فيهـا هوايـل ياسفيـر المهـد والعلـم للمهـد كــزه قول جيت الرياض وشفت فيهـا هوايـل الله الله |
الله الله اسمع اسمع
انت غصنك هواء الريح الخفيفه يهزه=كيف ابتطفي النيران . خل التحايل جيت لاهل الرياض وسالم احرقت رزه=فيه حصلت لي ناس تضيع القوايل |
طيب طيب
اسمع اسمع
اعرف الفرق بين طويق وضليع خزه=رحمت الله على اللي نازلا فالمسايل العزيزي يبي يحرق ولا فاد قزه=ناره ضعيفه عيت تشب الفتايل |
شكرا لك عز مطير
هلا وغلا اخوي عز مطير اسعدني متابعتك ومرورك كل شكري وتقديري لك
|
الله الله
واستلم استلم الصقر ياوجيه الخير ماهو بوزه=سلم الله راس الصقر راع الفعايل العزيزي بكبدك خنجر الموت خزه=وانت ياكثر مافي كبدك من الغلايل وصح الله لسانك وتشرفت باللعب معك ياسالم وانت مافيك حيله والختاميه عندك ياذيبان . ولاتقاطعنا ودنا ان نلتقي مع الشعار امثالك في كل ليله . ولك تحياتي والشكر للاخوان المتابعين شرفتونا بمروركم |
ابو متعب حياك الله في منتداك منتدى ربعك بني عزيز ولنا الشرف ان ينظم إلى هذا الصرح وهذه الكوكبه الرائعه رجل مثلك وشرواك وانت رجل لك منزلتك الخاصه في قلوبنا وعلمك كله غانم يا ابن متعب والمدح فيك والثناء وان كثر فانه والله لا يوفي حقك ونعم والله السيره التي مثل سيرتك وممشاك الطيب الذي يفخر به كل من يعرفك وصح الله لسانك وبيض الله وجهك علي هذه المحاروه الطيبة والشكر موصول لشاعر العلم قائد مسيرة الشعر في منتديات بني عزيز وهو شاعرنا وشاعر المنتدى حمدان بن سعدي الونيس العزيزي سفر المهد اخوكم المتشرف بحضور ملعبتكم واصل بن عزيز خالد العزيزي |
طيب طيب اسمع ياحمدان
كم طيورا تبي طلع الفضاء مشمازه=خايفه من عقابا يودع الدم سايل العزيزي بطل نظرات عيني تهزه=يعتزي وان وصلته يدخلبي دخايل وصح بدنك ومن جد محاوره طيبه وناجحه وانا اعتذر اذا حصل قصور وليعلم الجميع ان حمدان اخو سالم مادار بينهم هو شي طيب يدوربين الاخوه واشكر اخي حمدان على رحابة صدره وعلى قوة شاعريته ولا نكتفي بهذه المحاوره انشالله نتقابل في ميدان محاوره حي واشكر كل من تابع ومن مر واشكر مدير المنتدى الشاب الناجح المتالق دئما اخي وابن عمي وزميلي خالد واصل عزيز واقول انا بين ربعي واحبتي بني عبدالله انا من اصحاب المنتدى ويشهد الله انني اكن لكم كل معزه وتقدير والي لقاء اخر اترككم في رعاية الله وحفظه .................... دمتم سالمين |
صح لسانكم يا شعارنا
وأمتعتونا بالإستمتاع بالمحاورة الجزله صح لسانك يا حمدان وصح لسانك يا سالم وعساااااكم سالمين ولا تحرمونا من الجا يات أخوكم فتى بني عزيز |
حياك الله ياابو متعب ومحاوره جميله وطيبه بلاشك لانك احد اطرافها.. وانت اخ وعزيز وغالي وان شاء الله الميدان يجمعنا واللقاءات تتجدد بنا .
واشكرك على حضووورك لمنتدى بني عزيز وحياك الله في محلك. واشكر الاخوه المتابعين والحضووور على حضورهم ومتابعتهم لهم الشكر والتقدير والى لقاءات تجمعنا |
| الساعة الآن 01:50 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "