|
تعال ياعقاب راع الشكاوي
سلام عليكم ورحمة الله وبركاته مساء الخير للجميع ودنا معك ياعقاب طاروق خفيف ان كان وقتك يسمح اقلط اقلط ياعقاب وهاك فنجال الضيافه=هاك فنجال الضيافه من يمين اللي يمده
انت رجال اجودي وتصدق علوم الصحافه=والمثل قد قال بابٍ منه جتك الريح سده |
وعليكم السلام ورحمة الله وبركاته ومساك الله بالنور استلم استلم
واحدن يكرم ضيوفه ماعلى ربعه مخافة = ياسفير المهد علم من تناسا سلم جدة من يصدق في هروج اهل الردى واهل الخرافة = يشعل الفتنه ووسم الذل بين فوق خدة |
اقتباس:
الله الله واستلم واجب الضيفان والله مايكلفنا كلافه = والرجل عن واجبه في ماقفه محدن يرده
يامطير عقاب هذا سجلوا كل اعترافه=صدق العلم المسمى واختلط مزحه بجده |
الله الله يا سفير
مبدع أنت و عقااااااب واصلو لي عدهـ |
صح لسانكم
وعلي شانكم ابدعو يا مبدعين |
من يصدق في هروج اهل الردى اهل الخرافه = يشعل الفتنه ووسم الذل بين فوق خده يامطير عقاب هذا سجلوا كل اعترافه = صدق العلم المسمى واختلط مزحه بجده الله الله ياسفير المهد صح لسسسسسسانك شاعر كبير و مبدع واستاذ عقااب شاعر جزل ووافي سجل اعجابي متاابع واصلو واصلو |
احمد الوصلي:: حياك الله ماجد الزير:: يعطيك العافيه على مرورك عبد المجيد الظويفري:: نتعلم منك ونشكرك على مرورك وخلك جاهز لي معك لقاء والوعد قدام. |
واجب الضيفـان والله مايكلفنـا كلافـه = والرجل عن واجبه في ماقفه محدن يرده يامطير عقاب هذا سجلوا كل اعترافـه = صدق العلم المسمى واختلط مزحه بجده استلم استلم
الكتاب اهدافه افبطنه ولاهي في غلافة = يالمطيري راجع اكتاب ن مورد قبل مده من نقص حق الرجال الوافية ينقص حسافه = راح يبني بيت عمه لين بيت ابوه هده |
احمد الوصلي والزير ماجد وعبد المجيد الظويفري صحت ابدانكم ولاتهونون ويعطيكم العافيه على هالمتابعه ومنكم نستفيد مشكورين على هذا المروو الحلو وعساها تعجبكم |
الله الله واستلم استلم الكتاب اللي مزيف مصدره فيه انحرافه=خيبة اللي منه علمه يالنشاما يستمده الضعيف لو نصحته مايجوز عن الضعافه=وانت طرفك ليش للجهال يوم انك تلده؟ |
صح السانك ياسفييييييير المهد
وصح السسسان عقاااااااااااااااب متابع من بعيد |
الكتاب اللي مزيف مصدره فيه انحرافـه =خيبة اللي منه علمـه يالنشامـا يستمـده الضعيف لو نصحته مايجوز عن الضعافه =وانت طرفك ليش للجهال يوم انك تلـده؟ الله الله ياسفير واستلم استلم
ابن عمك ختم اكتابي من اقصور الخلافه = مار علم ن فيه شكه لو بغيته لا تعده يالعريف الي تطبق لي نظام اهل العرافة = انت غرك شطر بيت وجيت من طيبة لجدة |
صــــــــح بدنك يالـــرهــيــف ويعطيك العافيه على هالمتابعه والمرور الحلو
|
الله الله استلم استلم
ابن عمي لن ختم صفحتك ختمه ماتعافه=ليه اميرك ياوسيع العرف ختمه عنك رده انت نوب تصير قدم العلم واحيانا خلافه=ميزوا في كلمته يااهل المسامه والاشده |
ابن عمي لن ختم صفحتك ختمه ماتعافه=ليه اميرك ياوسيع العرف ختمه عنك رده انت نوب تصير قدم العلم واحيانا خلافه=ميزوا في كلمته يااهل المسامه والاشـده الله الله استلم استلم
انت يالمجمول لو عنقك مثل عنق الزرافة=كان ميزة الوطن من بعد ثم سيسة حده فـ التوالي تحسب ان الثوب تنقصه النظافة=واول المشوار تنبش في خفا امورن مصدة |
كفو ياولد عمي عقاب
|
الله الله واستلم استلم
لاقرصتك قمت تضحك قلت من باب الطرافه= وانت مالك في طرفنا لافراش ولامخده فـأول المشوار والا اتلاه والا في انتصافه=مالأبو عرام عندي غير ميسم فوق خده |
اعتقد ان الموضوع تطور الى اشياء لا نتمنى الوصول اليها
واتمنى ان تنتهي هذه المحاورة ونقول شاب القاف وابدعتم اثنينكم تحياتي |
عقااااب صح الله لسانك وتشرفت باللعب معك
والطاروق بالفعل اخذ حقه وزيااده وان شاء الله الى طواريق ثانيه ولقاءات لاتنقطع ونشكر المتابعين ولاهنتم جميعااااا |
امبراطور بني عزيز ماعليك زود لكن انا ماني بمطيري مشكور والله يعطيك الف عافيه على هالمتابعه يالرهيف صح بدنك وصح لسانك سفير المهد والشرف لي وانشالله لنا لقاءات اخرى ويعطيكم الف عافيه اعضاء المنتدى على هالمتابعه |
الله الله الله
صحت السنتكم وكفو اثنينتكم |
الله الله الله
صحت السنتكم وكفو اثنينتكم وما فيكم حيللللللللله |
اخوي العزيز سفير المهد وضيفنا العزيز عقاب بيض اللة وجيهكم اثنينكم طاروق جيد ومرتب للغايه ومعاني كلها على مستوا ومشكورين وتقبلوا تحيات - حامد رضا |
| الساعة الآن 10:04 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "