|
سفيييييييييير المهد حياك الله
بسم الله الرحمن الرحيم
السلام عليكم ورحمة الله وبركاته كالعاده بعد طول الغياب سفير المهد حياك الله نبا ناخذ لنا محراف استلم يالقرم خلوووووووها
سلام الله ياحمدان العزيزي ياسفير المهد = عدد ماهب نسناس الشمال وذعذع الغربي نبا نلعب على المعنى تقدم ياسليل المجد = ترى باب الدعاوي ينفتح مادامك بقربي |
الله الله وحياك الله
من طول الغيبات جاب الغنايم . وبرك الساعات واستلم استلم
هلا يامرحبا ترحيبتن حسب الوفاء والعهد=أقدمها على الماجوب مثل الزاد والشربي على الميعاد والياقاله الله مانخون الوعد=توكلنا على الله وانت قوم وحدد الدربي |
الله الله
ساعتك ابرك يالغالي
يدوم الك البقا والبرق يبرق واقتفاه الرعد = عسى الله يفرج الضيقات واللوعات والكربي سمعت الضابط اللي بالخفاره قيل عود فرد = بعد ماكان قبل انه نزل قايد على السربي |
الله الله
طيب طيب
لابد الضاميه لو طالت المده على الماء ترد=لكن انته عليك احسب حساب الجمع والضربي انا كم قلت لك لاتسمع اهل الملعنه والحسد=لكن انته هداك الله سمعت لكلمة الصربي |
انا ياصاحبي عيني تشوف اللي حصل عن بعد = نزل واصبح فقيرن بعد ثور واعلن الحربي اشوف اللي مايلقاله لحاف يرد عنه البرد = يقول الموت جانا واللهب ياناس عزربي |
الله الله استلم استلم
تشوف عيونك الثنتين ويدينك مافيها جهد= بعد حضه ماحول من علو الضلع مدربي ولكن هي كماهي قرد حول في مكانه قرد= وقد قال المثل فيك الجرب يامخالط الجربي |
الله الله
عسى من حالته واردى يدوج بالخلا والصمد = يوم انه غرته جنده يجينا نافخ الذربي على الله نتكل والله يدبر دبرته بالعبد = وانا والله دين الكفر كله مايغيربي صح لسسسسسسسسسسسانك يابو سعدي وافي دايم استمتعت بمحاورتي معك |
صح بدنك ياابو سعيد
وتشرفت بمقابلتك ولاتغيب عناا اللعب معك مايمل لك التحيه والاحترام والوعد فالليال القادمه |
السلام عليكم
مساء الخير للجميع وبيض الله وجهك يا ابو سعدي انت ومن بداء المحاوره معك نجمنا ابن ظويفر ومتابعين الله يعافيكم وصح السنتكم ومشتاقين والله لكم وللمحاروات الطيبه الي مثل هاذي وشرواها |
صح السنتكم
وبيض الله وجيهكم |
صح الله لسانكم
وافين وموفين لكم الود والاحترام اخوكم ماجد اعجبت بالمحاورة الله يسعدكم |
مرحبا بالجميع ولكم الشكر على مروركم وردودكم ومتابعتكم
سعدنا بمروركم وتواجدكم الله يعطيكم العافيه |
صح لسانك يالضويفري
وصح لسانك ياسفير المهد والله انكم امتعتوني بالمحاوره الرائعه |
حياك الله ياابن مره واسعدنا مرورك الله يعافيك
|
الله الله
مبدعين يا شعارنا يـعـطـيـكـم آلــعــآفــيــه |
| الساعة الآن 07:25 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "