|
النهـود اللي على صـدره زوامي
ياعيون اللي مسابيقه تتله=شايفن جول الحباري والحمامي يوم شاف الصيد حول من محله=وانقرب للجول خلاهن عدامي ياغناتي عن جميع الخلق كله=ياسرور النفس ياماي وطعامي يوم شفتك فز قلبي قال قله=وختلفت وقمت اقطع في كلامي شوفتك تشفي ضميراً فيه عله=لو يلحقني من النضره حرامي انت تاج الزين من دقه وجله=كيف ابغضي عنك يابدر التمامي تسدل برمش العيون ولي تسله=اللة اكبر منه ضيعت السلامي والجديل اشقر على متنك تهله=والنهود اللي على صدرك زوامي لاتطول غيبتك ياعين خله=اتذكر شوفتك لو في منامي وان ركبت الطايرات المستقله=اكد العوده وعجل بالولامي لاتبيتني على جال الممله=ياخفيف الدم يازاهي الزمامي هاجسي عذب ضميري وستغله=كل ماعسعس سواد الليل حامي في غيابك ينزع القلب ويذله=ويتلذذ كل ليله بنتقامي واللة اني حالفاً واللة واللة=ماتعوض لك بديلاً في غرامي حــامد رضــا |
الشاعر والبدع حامد رضاء صح الله لسانك واطال الله في عمرك وجعلك ذخر لنى وفخر اشهد بالله انها قصيده طيبه وجزله ولا قصرت ويكفى انها غزليه وتتميز بالهدو والسلاسه ننتظر مزيد وابداعاتك ويشهد الله اني من المعجبين بك وبقصيدك المميز اخوك واصل بن عزيز |
واللة اني حالفـاً واللـة واللـة
ماتعوض لك بديلاً في غرامـي شاعرنا المبدع حامد رضا صح لسانك وسجلني من المعجبين بقصائدك لي عوده على موضوعك تقبل تحياتي |
اخوي العزيز واصل عزيز انا لي الفخر اني في منتدى قبيلتي ورايح اجتهد لهذا المنتدى الطيب
واشكرك على المرور المصحوب بالتشجيع الرائع والاعجاب وصح الله بدنك وتحياتي وانا رافع فيكم ررررررراسي |
الاخ العزيز وابن العم محمد العزيزي اعجابك بقصايدي فخر عظيم لى
وبارك اللة فيك ومشكور على المرور ولك تحياتي |
مشكور
والله يعطيك العافيه |
شكراااااااا أخوي
|
لاتطول غيبتـك ياعيـن خلـه....اتذكر شوفتك لـو فـي منامـي
ذكرتني ببيتين للشاعر المبدع نادر العماني يقول فيها: متى على الموعد تهون الزياره............. ياللي بلا موعد تجيني ليا نمت لو راح عمري نوم ماهو خساره........... دامه طريق يجيبك أنعمت وأكرمت أبداع يابوعبدالله تحياتي محمد العزيزي |
حامد رضا
صح لسانك هذه القصيدة قد قرأتها قبل كذا وصراحة أنت شاعر لايختلف عليك أثنين تقبل مروري |
يعطيك العافيه
حامد رضا صح لسانك هذه القصيدة تقبل سلامي |
حامد
شوفتك تشفي ضميراً فيه علـه ----- لو يلحقني من النضره حرامـي قصيدة رائعة تحياتي |
مشكووووووووووووور على الابدااااااع أبو عبد الله قصيده في قمة الروعه والجزااااااااااله لا هنت يعطيك العافيه لك كل الشكر والتقدير |
اخوي الشاعر محمد العزيزي ماقصرت يالذيب على العوده اوعدتني بالعوده واوفيت وهذه مواعيد اللرجال الوفيه اتشرف بمرورك الرائع وتقبل تحيات حامد رضا |
الاخ العزيز ابو فارس العزيزي صح بدنك ياخوي انت وامثالك اتشرف بمرورهم وبيض اللة وجهك. اخوك حامد رضا |
الاخ العزيز الطائر الاخضر مشكور على مرورك المتألق وبيض اللة وجهك وصح بدنك.اخوك حامد رضا |
الاخ العزيز الشاعر.حفيد عامر خوي الذيب صح بدنك وكلامك صح وهي قد نشرت في بعض من الصحف وشهادتك فخر لي ومرورك الطيب ايضاً فخر لي وتقبل شكري وتحياتي حامد رضا |
الاخ العزيز بيرق مطير اللة يعافيك بعد وصح بدنك وتشكر على المرور الطيب |
الاخ العزيز الرهيف وانت بعد شوفتك تشفي ضميراً فيه عله ... مرورك رائع وتقبل تحياتي |
مشكور على المرور ابو عمران وانت الجزل ياخوي وانت شاعرنا والابداع كله فيك وبيض اللة وجهك واللة لايهينك اخوك حامد رضا |
هاجسي عذب ضميري وستغلـه ............كل ماعسعس سواد الليل حامـي
في غيابك ينزع القلـب ويذلـه.................ويتلـذذ كـل ليلـه بنتقـامـي واللة اني حالفـاً واللـة واللـة................... ماتعوض لك بديلاً في غرامـي هاجسك مبدع وجاب الشعر كله>>> مانقول الا يامبدع للامامي قصيده جزله بكل المقاييس الله يوفقك وننتظر المزييييييييييييييييد........ تقبل مرور اخوك الشمالي الشمـــــــــالي |
اخوي الشاعر العزيز الشمالي اللة يبارك فيك انت ومرورك الرائع واشادتك باشعاري فخر لي وانت كذلك شاعر وانا انتظر لجديدك وتقبل تحيات اخوك --------------------- حامد رضا |
الشاعر المبدع حامد رضا شكرآ على هذه الزخرفه وهذا الفن البديع ونرجو منك ان تنثر ورود قصيدتك التي مطلعها الصاحب اللي عن عيوني غدوبه على مرايا هذا المنتدى الذي يفوح منه عبير أزهار قصائدك
|
اخوي الصقر لا شكر على واجب ياطويل العمر ومرورك هو الزخرفه والابداع كله واماء طلبك حاضر فيه وتقبل تحيات اخوك حامد رضا |
| الساعة الآن 09:55 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "