ياطاير الشعر وقع بالسماء لا تروج = مادام طير بجنحانه كفخ ثم راج
أبطرق من المعاني من جميع الفجوج = ووأقد من أفكار شعري للعسيرة سراج
منطق لساني يكفي عن جميع الهروج = دربَ يدل الضرير ولا اختلط مع عجاج
مير اقربي وارقصي لي يالغزال الغنوج = انا بغني لو ان الصدر من فوق صاج
بنت الهوا في زمنها ماتريد اي زوج = قامت تقلب علينا قلبان المزاج
أحيان تنفر وبعض احيان مثل الخلوج = وايام علقم وبعض ايام مثل العلاج
بعض العرب شوفته للصدر مثل البهوج = وبعض العرب ماتمييز بينهم والنعاج
ماكل بيتَ مساييره تجي فوج فوج = ولاكل من يمتلي مخباه بالراس تاج
وشلون باب الدخوا اليوم صاير حروج = وشلون ياكل فروخ الحر فرخ الزراج
اللي بنا قصر والسيسان ياناس عوج = اسهل سقوطه ترى من كسر قطعة زجاج
والادمي بالزمن يطمح لخضر المروج = يسعى لجلب القراح ولا يريد الهماج
والله حكم بالشريعه حفظنا للفروج = يالله تخيب وجيهَ طامره للسياج
هذي قصيدة فرس عنيتها بالسروج = لاثار عج الرمك تصهل بطيش وهياج
واخر كلامي صلاتي عد ماهاج موج = على اطيب الخلق وافضل من على الارض داج

المشاركة الأصلية كتبت بواسطة عمر عمران (المشاركة 34661) صح السااااااانك ياعبدالمجيد لا هنت على هذه القصيد الرائعه والجزله مشكووووووووور

المشاركة الأصلية كتبت بواسطة بيرق مطير (المشاركة 34664) تسلم ايدك علي طرحك الراقي صح لسانك قصيده جزله تشكر عليها تقبل سلامي

المشاركة الأصلية كتبت بواسطة الزعيم (المشاركة 34670) صح لسانك يا عبد المجيد

المشاركة الأصلية كتبت بواسطة الصقـــر (المشاركة 34676) صح لسانك والوعد قدام ولا تسأل وين تقبل مروري

المشاركة الأصلية كتبت بواسطة سفير المهد (المشاركة 34739) ياسلام ياابو سعيد قصيده ممتااااااااااااازه وجزله ورائعه ماعليها كلام اهنئك على هالرائعه وابد ماحنا عاذرينك ياابو سعيد لازم تزودنا بمالديك من قصائد وحنا في انتظاااار قصائدك.