|
تبين شعاع الصبح
بسم الله الرحمن الرحيم
السلام عليكم ورحمة الله وبركاته اللهم صل على محمد وعلى آله وصحبه أجمعين قصيدة راشدبن نافع الطلاحبي (تبين شعاع الصبح ) تبين شعاع الصبح مانامت الاعيان ........ سرى اليل كله ما بقى الاعراقيبه وأنا حاظي الدله على صاهد النيران ..... على جال ظوٍ حامياتً ملاهيبه أعد اليال وعدهن بيح الاكنان ..... وانا كل ماهل الشهر قلت ابا اشيبه وأنا لو أبجحد كل ما فالظمير بان...... تبين وأنا ما بى المخاليق تدريبه أنا جالسٍ بالمجلس الي مابه حقران..... يعز الفتى مير النحا ويش أسويبه ألا وأهني الطير خفاق با لجنحان ....... يمر البلد لو ما نشد عن محابيبه وأ هني لنجم سهيل عقب المغيبه بان.... تبين على اللي شف بالي ووديبه تبين على ربعي وانا مبعد المسكان....... أنا بالشمال ونجعهم وين أحريبه لياصار قلبي منتحي خاطر ما زان....... ماغير الطواري والهواجيس تومي به كما اومايغصناً نابتٍ له على شفان...... ليا هبت الحاياه كما اللوح توميبه أنا كود أقرب سابقي زينة القوران...... تودي النحاوي لن بغى دار أحابيبه خفيفٍ ندب يد ها ليا ناشها الشفقان.... ليل خر مست سمر الغطاليس تسريبه ليانا شها العرقوب جاها سطر وجنان... خطير قوي الكور تكسر مصا ليبه تزوعق تزوعق جادلٍ قادت الغزلان...... يخفخلها لوان ما فا الوطن ريبه ليا طويت البدره وصار السما عريان... توصلك عداً ما بدت روس أشاذيبه تحياتي للجميع وشاكر هم على جهودهم ( اخوكم بدر بن راشدالعزيزي ) |
قصيدة رايعة
الله يرحم قايلها ويسلم نــاقلها |
صح لسان الشاعر راشد
وتشكر يابد على هالمجهود الرائع تحياتي أخوك أبن صـعـيـر |
أخوي
بدر بيض الله وجهك علي هذا النقل وسلمت يمينك واكبر مكسب للمنتدى انك أنظمية إلى كوكبنا ورحم الله الشاعر العلم راشد بن نافع الطلاحبي وبارك الله في أبنائه وسدد خطاهم واشهد بالله انه شاعر بس ياليت يا أبو راشد لو تجيب لنا القصة والقصيدة كاملة لان القصيدة أطول من كذه ولو تزودني بقصائد شاعرنا المرحوم راشد تكون مسوي جميل فينا وتقبل خالص الشكر لك والتقدير أخوك واصل عزيزي |
بسم اللة الرحمن الرحيم الاخ العزيز الشاعر بدر بن راشد بيض اللة وجهك على نقل القصيده التاريخيه للشاعر المرحوم بذن اللة راشد بن نافع الطلاحبي وكم كنا نسمع عنها ونبحث عن من يحفضها وامثالها من قصائد شعراء القبيله ومشكور كل الشكر وتقبل مرور _ اخوك حامد رضا |
أخوي الأستاذ / بدر بن راشد ( أبو محمد )
تسلم يالغالي على نشر هذه القصيدة للمرحوم الوالد والخال الشيخ / راشد بن نافع رحمة الله عليه وأسكنه فسيح جناته بأذن الله . وشكــــــ لك ياأبومحمد ـــــــراً ، وتقبل مروري . |
اخوي بدر
قصيدة رائعة من شاعر علم الله يرحمه تحياتي |
مشكور والله يبيض وجهك على هالقصيدة والله يرحم والدك ويجعل مثواه الجنة وننتطرمن المزيد من قصايد الواااااااااالد رحمة الله عليه
|
بيض الله وجهك وكم لناء وحنى نتناقل قضائد الغير بس هذي غير لأنك تفتخر بقااااااااااائلهاء
تقبل تحياااااااااااات اخوك / الشمام |
ياست هات يلي ورقة" نظيفة ........... هاتي القلم سرعة تري الامر مزحوم
اشوف لي ماقع" منه خيفة ........... ياكثرخوفي منه قبل امس اليوم ودي اكتب لي أبيوت"خفيفة ............ يلقابها بعدي تواريخ وعلوم سلام مني للوجية الشريفة ........... ربع"لهم في داخل القلب مرسوم والله منسي حبهم وستخيفة ........... الن فوقي نابي الرمل مردووم الشاعر الكبير ((هلال عايد الطلاحبي)) الله يرحمه ويسكنه باب جناته |
اخواني اعضا المنتدى والا خوان التي وصلتني ردودهم انا شاكر حسن تعبيركم وهو شعور متبادل بيني وبينكم تحياتي للجميع
|
تسلم اخوي على جلب هذه الدره ورحم الله شاعر و وتسلم انامل كاتبها |
الله يعطيك العافية أخوي بدر علي نقل هالقصيدة الرائعة والله يرحم شاعره وتقبل مروري |
ابيض الله وجهك اخوي ابومحمد ابوك شاعر علم ولا تحرمنا من قصايده وتقبل مروري
|
الله يرحم قايلة ويغفر له تسلم يابدر على هذي القصيدة ولو تتحفنا بباقي قصايدة نكون ممنونبن لك لاتحرمنا جديدك |
الاخ العزيز بدر بن راشد
يعطيك العافية ورحم الله والدك وتقبل مروري الله يسلمك |
| الساعة الآن 06:07 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "