ليت بعض الشوف يوصف بالكلام وبالمعاني=مادريت ان النظر (نعمه) تضويلي بـلاوي
أحسب(ن) الشام وجه يمت سهيـل اليمانـي=قلت: ضاوي زاد همه مير ماحنت مضاوي
وقلت: أنا صاحب مبادي مايغيرني زمانـي=صدت ولبى أدبها طبعهـا طبـع الحيـاوي
شفتها وازريت اوصف شي شفته بالعيانـي=مايوصفها جرير... ولا يوصفها الخـلاوي
لو رضت مسكانها ياهاجسي بين المحانـي=يافقير العشق ليتك.. كاسب" مـال الغنـاوي
ماخسرتي غير قلب وصدق واحساس وتفاني=في زمان أهل الحيَل والازمان اهل الحكاوي
يالسنين.. ويالشهور..ويالليـال.. ويالثوانـي=ذكريها لا أحرقت قلبي بتبعـات ومسـاوي
عيطموس" سهمهـا يذبـح يالـوٌه مانوانـي=لا مطوع يبري العله.. ولا حتـى مـداوي
ياقمر مأنته لحالك فيـه غيـرك بـدر ثانـي=وارث" زين" مكمل كاسب عيـون النـداوي
مأبالغ لو اقول انه طغى.. والزيـن جانـي=طولها مع حسها والريح كنه عـود جـاوي
جل خاالقها فرقها عـن غناديـر وغوانـي=من يقول ان الشبه فيه اربعيـن" بالتسـاوي
لا سديم.. ولا هديل.. ولا منال.. ولاتهانـي=كل ماجيت أبشبه قلـت: ياليـل الشقـاوي
ويش اقول وويش اخلي مايوصفها لسانـي=شرهتي ياخاطري هي يمة اقدار وخطـاوي
يالشـوارع ذكريهـا.. وذكريهـا يالمبانـي=بشاعر" تكفيه شوفتها عـن الالفيـن غـاوي

محمــد العــزيزي

محمد محمد يالشـوارع ذكريهـا.. وذكريهـا يالمبانـي ** بشاعر" تكفيه شوفتها عن الالفيـن غـاوي ياخي انت مبدع ولا تكفيك .. صح لسانك وبنانك وعلا شانك ارق سنود يالذيب أخووك العزيزي

ماشاللة يابو عايض على هذا الابداع الغير محدود مبروك واللة العظيم وسجل اعجابي 100% يالسنين ويالشهور ويالليال ويالثواني .... ذكريها لا أحرقت قلبي بتبعات ومساوي عيطموسُ سهمها يذبح يالؤه مانواني ....... لامطوع يبري العله ولا حتى مداوي

ويش اقول وويش اخلي مايوصفها لسانـي === شرهتي ياخاطري هي يمة اقدار وخطـاوي يالشـوارع ذكــــريهـا.. وذكــريهـا يالمبــانـي === بشاعر" تكفيه شوفتها عـن الالفيـن غـاوي ويش اقول وويش اخلي يـــــــا محمد أنت شاعر تستحق من يرفع لك القبعه تقديراًوإحتراماً لشاعريتك الفذه. اخـــــــــــــــوك الـــــــــــــــــــوايــــــــــــــــــــلـــــ ــــــــــــي