|
محاورات اعضاء المنتدى خارج المنتدى
السلام عليكم ورحمة الله وبركاته يسررني ان انقل لكم هذه المحاوره الرباعيه بين كلا منط ابو عالي ـــــــــــــــــ سفير المهد ابو عماد ـــــــــــــــــ حامد رضا =أبــو عــالــي مرحبا ردتن من مطير لمطير000عدّ وبل المطر عدّ رمل الثرى =عند قومن جذبنا لها طيبها000نسل شلاّح حمّاية الوانيه =أبــو عــمــاد امسيتنا بحضارها تستنير0 والتراحيب معها الوفاء يكبرى =ربعنا يرفع الله مواجيبها 0 كلنا في المواجيب مطرانيـه =ســفــيــر المــهــد البقاء ردة من هجوس الضمير.......عطرها العود والمسك والعنبرى =يارجـال تكثـر تراحيبها......قلتهـا قـول مـن قلـب ولسانـيـه =حــامــد العــزيــزي ليلة(ن) جمعتنا على العز غير .......ليلة بالسعد والوفاء تذكرى =عند قوم تووفي مطاليبها.......... دايم الطيب لشلاح عنوانيـه =أبــو عــالـي شيل حملتك فوق الضهر يابعير000ثمّ لاتنثني دون طلعة كرى=الجبال الطويله عوى ذيبها000جوع ماهوب جرّن للاحانيه =ابوعماد كان طافة على بن رضا السفير0 جعلها من فدايا رجال البرى =الليالي محد عارفاً غيبها 0 واجود البنـي بنيـاً بسيسانيـه =سفير المهد اسبح البحر والا مع الجو طير ......نعنبو من يكع ويعود ورى =علم الذيب لن كان ضاري بها...فيه للرمـي بنـدق ونيشانيـه =حامد رضا عامر يسد لاغاب عنها عمير....يعرف السوق والبيع والمشترى=كان الاولى عطتنا عراقيبها....العوض يااهل الخير فالثانيه = ابوعالي العرب يالعزيزي جريح وكسير000واكثر الناس لوتنشده مادرى=العلل مالقيتو تطابيبها000 قلتها قدمكم سر واعلانيه = ابوعماد عامر يسد وافلاكها تستدير0 والعرب في كثير الامور اخشرى =ابى اجاملك وقول لك سيبها0 دام للرمـي مركـوز معيانيـه = سفير المهد تتبع الناس وتقاد مثل الضرير...جبت لك خط مشبوه ماينقرى=مير عينك من الوقت واشيبها...لاتجـي لقمـة بيـن نيبانيـه = حامد رضا المثل قال كلن بنفسه بصير...والعرب كلها شافت اللي جرى =مير ابا اقول ياحلـو ترتيبها...سلـم الله طويليـن الايمانيـه = ابوعالي ماتبعناك يامال حوس المرير000الله اللي خلقني لمثلك ذرى =لاتدور لها ثم تسريبها000زودت النفس للرجل نقصانيه =ابوعماد البشاره ماتعطى لغير البشير 0 للعرب تالي إيامهم وش طرى =مقدر اقول خربة هناديبها 0 بس شحو على الدلو والسانيـه = سفير المهد مالك الا هذاك القفص ياطوير.....واضح الفرق فالصقر والحمرى =عقربن فالثرى دست ذنيبها ...مير انـا معـي فالـدرب حذيانيـه = حامد رضا العرب غاطسه وسط بحرن غزير...والجمل بالحموول الثقيله سرى=جيبها ودهـا ودهـا جيبهـا ...والبشـر ياطويـل العمـر فانيـه =ابوعالي سيفك ادقم وليته قعد فالجفير000انت تروي بدلوّ بليا عرى =عنزكم تدحم الضلع بجنيبها000ياطيورن لها اشكال والوانيه =ابوعماد كل واحد ببيته ياحامد وزير0 دام سالم من البطش والافترى =ضيفةٍكلنا من معازيبهـا 0 والتحيـه لذرفيـن الإيمانيـه =سفير المهد سيفي الحمد لله سيفن شطير....مير نقله على ضعيف عيب وزرى= عزوة صعيب الا وافري جيبها...بس يالله ياربي لاتبلانيه = حامد رضا كل واحد ببيته يمثل مدير...قايم بواجبه عزم ماهو زرى =كرمتاٌ كل واحد يماريبها....ورثتٍ عند كـل العريبانيـه |
هذه محاوره بين محمد العزيزي وعيد بن فهد محمد العزيزي سلام الله على عيد المسمى والعلوم اخيـار.........يحوز الطيب والناموس والهقوات ماشاء الله حلمت الحلم وتفسر حلامي رمعت البيطـار............يطيح الغيث والهاجوس للنزوات ماشاء الله عيد بن فهد هلا يامرحبـا ترحيبـة الصقـار بالصقـار.......تراحيب(ن)بطيب انفوس والنيات ماشـاءالله عسى حلمك يصيب وتكثر الارزاق والامطار......ولاتقرب من المنحوس والنحـات ماشـاءالله محمد العزيزي يدوم بك البقاء وقت اللقى مانقبل الاعـذار.........يوصونك بني شالح على الفزات ماشاء الله قريت دعاء السفر لكنها ماطالت الأسفـار..........يوصونه يوصيني على الطالات ماشاء الله عيد بن فهد صحيح العذر ماينفع مع اهل الطيب واهل الكار.........وربعي هم هل الطالات والوقفـات ماشـاءالله قريت ادعاالسفر ياصاحبي يوم ابتدا المشـوار.........موصى ياولد وايل على الفزعـات ماشـاءالله محمد العزيزي عيال الجد ماجابـوا علـومً تنصـف المحتـار.............عقب قمنا تحيزمنا وراحـت جـات مشـاء الله تعرض رجلك الدرب الطويل وتامـن الأخطـار........يحسب ان السفر سجه على خطوات ما شاء الله عيد بن فهد لك الله ماتروّح لين تاخذ موجـز الاخبـار...........لكنك شد حيلك وادرك الغايـات ماشـاءالله ترى كثر الحذر ياصاحبي ماانجى من الاقدار.........يالو انك خبير وتكثر الحيـلات ماشـاءالله |
هذه محاوره بين كلا من سفير المهد ومقرن المحلسي سفير المهد سلام ردية وفاء لاصحابنـا اهـل المنتـدى.......اقولها نيابه عن المطران اهل مهـد الذهـب جينا على عز وشرف ماهي على خبث وردى.....جيت ابشارك مع بني عمي على سلم العرب المحلسي يا مرحبا ترحيبة ٍ تلقى لها صوت وصدى.......في منتدى مطير الوفا والعز ما فيها عجب يالعبدلي هات العلوم اللي روايحهـا نـدى.....عنّ الاصايل وانتخب منها الكحيله والسّكب سفير المهد دام البقا ياللي سمعت الصـوت واجبـت النـدى......اصرف ذهب واخذ ذهب واعطي ذهب حسب الطلب لابارك الله فاثنيـن اللـي علـى الـدرب حـددى........اللـي تعـدو فـوق خلـق الله بلاذنـب وسبـب المحلسي الْيـا صرفـت ألنـا ذهـب ابشـر بمثـلـه لــك مــدى.......وانته سفير القوم قولك ما يجي فيه العطب انْ كـان مسلـم فاانـت فـي شهـر الفضيلـه والـهـدى......وانْ كــان كـافـر معـتـدي الله يصيـبـه بـالـجـرب سفير المهد ماهي غريبه منك فارس شهم وتضد العـدى.........ولاهو ب انا اللي يارد الجمه ويرجع ماشرب فالحفله اللي حطو الابيض محل الاسـودى........وان قلت هذا ليه قالو تسليه ضحك وطـرب المحلسي الله يعزك يا سفيـر المهـد والطايـر شـدى............بالحان تطربنا على المعنى بعدْ شفنا التعـب هاذي بلاوي ف اخـر الايـام مافيهـا جـدى........مات الضمير ودفْن في وسط الصحاري بالترب |
بسم اللة الرحمن الرحيم اخوي الشاعر سفير المهد (جنيه الذهب) السلام عليكم ورحمة اللة وبركاته .................................وبعد امسي عليك بالخير واقول كيف الحال وش اخبارك اليوم وبعد المعركه الداميه المحاوره الثقيله التي عز اللة انك ماقصرت فيها اديت الواجب على الوجه الاكمل واشكرك على نقلها من منتديات بني شلاح الى منتديلت بني عزيز كل الشكر وفقق اللة وبيض وجهك وتقبل تحياتي وحترامي.اخوك حامد رضا |
سفير المهد
بيض الله وجهك كفيت وفيت ودائما مبدع ومميز طريقه لم يسبقك احد بعرضها وفعلها واشكرك كل الشكر انت واستاذنى العزيز ابو عبدالله على ما تقومان به من صله مع منتديات ربعني وتوثيق العلاقه بينناء وهي وثقه ولله الحمد كماء اشكركم على تمثيلكم منتديات ربعكم وتبييض وجوهنى في كل مكان ولا خاب والله من صرتو حزامه وربعه بارك الله فيكم وسدد خطاكم وتحياتي لكم ولكل من يحذو حذوكم فانتم والله من يسعدني ويشرفني وقوفهم معني اخوك واصل عزيزي |
مجهود تشكر عليه ياسفير المهد ونطمع في المزيد منك
مجهود يحسب لحسابك تقبل تحياتي محمد العزيزي |
اقتباس:
هلا ابو عبد الله حياك الله والمعركه خلها على ربك جات ستيره ههههههه ولاشكر على واجب كما اشكرك على مرورك الله يعطيك العافيه تقبل تحياتي |
بيض الله وجهك اخوي سفير المهد علي ادائك المميز وحضورك الرائع
تقبل تحياتي |
واصل عزيز
محمد العزيزي بيرق مطير اشكركم على المرور ومن لديه محاوره من اعضاء المنتدى ينزلها مشكورا سواء في حفلات او منتديات اخرى وياليت كل عضو له محاوره خارجيه ينزلها لاني بحثت ولاحصلت شي ولازال جاري البحث فنريد منكم التعاون وتقبلو تحياتي |
هذه المحاورة بين الشاعرين (( ابوعالـــــى و سفير المهد )) والبداية كانت من عند الشاعر / ابوعالي=
يامرحبا من داخل اعماق الضمير=ترحيبتن ترقا على راس الجبـل بالشاعر اللي جا برجلينه يسيـر=شفناه يرقا الضلع من قاع السهل سفير المهد=
دام البقا باللي لهم قـدر كبيـر=من هاجس فيه المعاني تجتـول الحر يشهر بالجناحين ويطيـر=والا السهل فيد القماري والحجل ابوعالي=
يالله عساك تدوم والدنيـا بخيـر=والله يجنبنا معـك درب الزلـل مهد الذهب تال الزمن حطو سفير=والمهد ماهو دولتن ضمن الدول سفير المهد=
تــال الـزمـن كــل شــي فالدنـيـا يصـيـر=يالله توفـقـنـا عـلــى حــســن الـعـمــل المهد فعيون اهله ماهو صغير=واللي يذم المهد ماله فيه اهل ابوعالي=
تـراك فالبحـر الحمـر مـنـت بغـديـر=لكـن شــد الحـيـل معـنـا يابـطـل مــانـــيـــب اذم المهد ياتوني بلير=قوّلتني ياصاحبي مالم اقل سفير المهد=
ياعنك مارد عد بالحبل القصيـر=والياوقفت انقض حبل وافتل حبل تضحك ياابو عالي وبك شر شرير=لكن خل المهـزاه ياابـو جهـل ابوعالي=
لاياجمل عيب الرغى عقـب الهديـر=مادمت ترغـي ليـه تهـدر ياجمـل اضحك طرب واضربك بالسيف الشطير=واصرف ذهب واعطيك ياراع الهلـل سفير المهد=
جمل واهدر ولايروعن الصفيـر=خل الابل تمشي على صوت الفحل ان كان تبغا العلم الاول والاخيـر=ارتاح لاادبلها على راسـك دبـل ابوعالي=
الزير سالم ماش غير الزير زير=من يوم شفته صار في جسمك شلل الصيخ الاعوج ندخله في زمهرير=ثم نضربه حتـي يليـن وينعـدل سفير المهد=
مافوق راسك غير سيف ابن الزبير=وانته ليا شفته يجي عقلـك خلـل يوم التفت واسمع من علوم الغرير=انا اشهد انك صدق نعمـه يالعقـل ابوعالي=
مافوق راسي غير مولاي القدير=ربن فرق بيني وبينك يالخبـل ضيعتها مابين وردك والصديـر=وراسك ترى مافيه ياكود القمل سفير المهد=
ياليت ابوو عالي يدور له شوير=ترى شويعركم دبل كبدي دبـل انا غناوي عنك يالوجه الفقيـر=واللي يبا ياكل بصل يشبع بصل |
يسعدني ان انقل لكم هذه المحاوره وهي بيني وبين الشاعر محمد بن سفر محمد بن سفر
سلام الله سلام(ن) يوم اقوله يحسب حسابه=يقدر مايهان ولا يجيه مـن الزلـل زلـه ترى سيل المسيله سال كلن يرفـع ثيابـه=ولايقطع مسيل السيل واحـد داخلـه ذلـه سفير المهد
هلا يامرحبا ترحيبتن حلوووه وجذابـه=اقدمها لضيفانـي مثـل مااقـدم الدلـه ترى سيل المسيله ينقطع بالرجل مااهابه=على قول المثل سيل مارد هريد البلـه محمد سفر
سفير المهد ظلع المهد سده مطوي دابـه=تسل السيف في وجه الحنش والا انا اسله ترى جابه لها جابه وجابه مالهـا جابـه=عسى دربن سلكته يا عميل الخير تدلـه سفير المهد
لو ان السالفه فالداب هين نكسر انيابـه=ولكن البلا ان الداب يامحمد معه شلـه يقولون الاسد ياابن سفر هو حاكم الغابه=وانا اقول الاسد تال الليالي مختلف دله محمد سفر
ترى اللي جابه امحمد رسول الله نرضابه=لاكن المشكله فالمله اللي تجـرح الملـه ليا منك عطيت الورع بسكوت ايتلهابـه=يبى يرجع بعد بكره وشايل في يده سلـه سفير المهد
بسيطن حلها والبيـت مدخالـه مـن ابوابـه=نباها ياولـد عمـي بنهـج الشـرع والملـه ترى الدعوى ماهي بمصامخه وهواش ونهابه=على ماقيل قبل( رماح لاهله ماانت محتلـه) محمد سفر
عطيتك بيت شامخ مرتخى طنباً مـن اطنابـه=واشوفك ملتوي في طنبه الشامخ تبى تحلـه مرض عبدان وأهل الخير ماتدري وش اسبابه=وانا اقول السبب فالعله اللـي جنبهـا علـه سفير المهد
ترى بيت الشعـر مابيـن قرايـه وكتابـه=لاترخي البيت لو ترخيه جتك نجوم منهلـه اشوف ابليس قام مع الخلا يشعب لك ركابه=وابو قلب مريض يموت منها مابـرد غلـه محمد سفر
حزمت الوسط بحزام وعصبت الراس بعصابه=وابى اقول الصحيح اللي بقلبي دقه او جلـه يربع مهدكم لاكن حـلال القـوووم يرعابـه=وأشوف احلوقكم يأهل الذهب يبسه ومنبلـه سفير المهد
تحيزم واعصب رويسك ودور من تعزوابه=وابو علم ردي فالارض نحفر له وندفن له ديرنا خيرها لنا ماهو بلحرب وعتابه=وتلقا دون مرعانا سيوف الاد عبد الله محمد سفر
ترى ما ضاع حق(ن) يالمطيري وله طلابه=وانا مـا ذم ربعـي فالشدايـد ياولـد لله ليا منك لقيت الـوادي اللـي ينتصلابـه=تيمم ثم فرض الخالق الـرزاق لـه صلـه سفير المهد
لاتكسر ياوسيع العرف فنجالـن تقهوابـه=تقوله يالمطيري وانت باينتن بـك الخلـه محمد بن سفر وش فيه رد العيب فاصحابه=بعد ماعاهد اصحابه نقض عهد الوفاء كله محمد سفر
لا تزعل لجل مانزعل ولا تأبه لاجـل مابـه=ترى اللي صار وسط الدار قلب المخلص ايتله لوانها بالسيوف الجـرد والا ضغـط سبابـه=ياكم واحد ليا حان الوغى يبكي علـى خلـه سفير المهد
سفير المهد يامحمد هذا اللي محرق اعصابه=قلوب الناس مرضى والعقول شوي مختلـه لابد بعينك تشوف الفرج لو طـول غيابـه=والا يامل قلبك من همـوم الوقـت ياملـه محمد سفر
يازين المهد لو نضف ثراه أو طهر اترابـه=من اللي عدهم طفسه ولاهـم ياولـد كلـه وانا اعرف لو يموت الذيب يطلع مثله اذيابه=لاكن ان شفت ذيب قالبلد حكيي هـذا قلـه سفير المهد
عليه من حزامي لو مااخـاف الله وعقابـه=يابعض الناس لاشويهم شوي في جمرة المله ليامنـا تعاونـا علـى الملقـوف عثنابـه=علي ادف وانتـه ياعميـل الخيـر دبلـه محمد بن سفر
ترى ما كل طاروقـن سمعتـه ينتغنابـه=يموت النخل واقف يالسفير ولا نقطع ضله ليا طال الحكي يسمج ليا قـل انتحفوابـه=لاكن اختم بيوت الشعر والمستور لا تفله |
سفير المهد
ماشاء الله عليك يعطيك العافيه واشكرك على هذه المحاورات |
اخوي سفير المهد يعني ماني غلطان يوم سميتك (جنيه الذهب) برافوا عليك محاورات جميله ومشكور عليها وتقبل مروري |
اقتباس:
هلا الزعيم الله يعطيك العافيه اشكرك على تشريفك للصفحه مرورك شرف لي الله لايهينك لك تحياتي |
اقتباس:
ابو عبد الله اشكرك شكر خاص على مرورك واطرائك الجميل الاجمل مرورك ومتابعتك شرف لي الله لايهينك ولايخلينا منك |
الاخ سفير المهد مشكوووووووووور ومبدع ومتميز بكل سراحه ويعطيك الف عافيه وفعلا ً تستحق شاعر مميز وكل المحاورات يضهر فيها ابداعك ولايهون ابو عبد الله ومحمد العزيزي والاخو الشعرا تحياتي عمـــــــــــ عمـران ـــــــــــــــــر |
السلااااااااام عليكم هذه محاوره بيني وبين شاعرنا المبدع سفيرالمهد وكانت البدايه من عندي (عمر عمران )
سلام الله على اللي كاسب الاولى على الشعار= سلا م من صميم الروح والاوضـاع سريـه تقدم ياسفير المهـد عطنـي تالـي الاخبـار = وانا بارك واقول مبروك وأعطي قدمك أتحيه (سفيرالمهد)
هلا يامرحبا ترحيب وافي في محل امطار = عدد ما لاحت بروق الحيا فالديره الحيـه علومي كلها عندك وعندك علم باللي صار = وجعل الله يبارك فيك فالروحـه وفالجيـه (عمر عمران)
يدوملك البقاء وعقبالها في صغار= والا كبارتفوز بشاعر المعنى مع القلطـه الكويتيـه أناداري لكن الناس ماتدري عن الاسـرار = وانا أعلن من هنا وأقول شاعر يحتم الهيه (سفير المهد)
مااقول الا لعل الله يوفقنـا مـع المشـوار = لو ان الدرب لفـات ومطباتـن صناعيـه ليا مني حضرت اكفي عن الغياب والحضار = ولن غبت . الله الله وانت ماتحتاج لوصيـه (عمر عمران )
عسى ربي يحقق لك طموحاتك بدون أعسار = وتصبح نجم لا مع في الحجاز وفالحداريـه (سفيرالمهد) كفو والله كفو والصدق مايضهر عليه اغبار = أناعضدك رخاء والابشده ولا خلـف النيـه
على عز ومعزه ياابن عمي والحياه اسرار = واضن انك تعرف السوق وتعرف الشريطيه انا وانته من رجال لهم فالمعرفـه مقـدار = وهذي فزعة الاقـراب والوقفـات محميـه (عمر عمران)
لكن اللي سواتك ماتهمه هرجـة الثرثـار = لجات اللزمه يدهس على الداب وعلى الحيه أنا وأنته بنأخذ سيف والا قلطـة الشعـار = ولما جات هذيـه نـروح نجيـب هذيـه |
محاورة بين سفير المهد و ابومالك الحربي سفير المهد
مرحبا في محل مطير حمر العيون=عادة مطير دايم ضيفهـا تكرمـه ياعساها فأبو مالك تصيب الضنون=ماهو لياسرينا يرتخـي محزمـه الشاعر أبو مالك
البقاء يالمرحب عد برق المـزون=في مزون(ن)تدن ارعودها المرزمه ابشر اني خصيم وصاحبي ما يهون=شد حيلك وخل الحكـم للمحكمـه سفير المهد
امس حصلت حرب من الفرح ينقزون=قلت وش فيه قالوا سال واد الرمه ههه قلت ماهي غريبة رحمـة الله تكـون=من رفـع يـده للمعبـود مايحرمـه الشاعر أبو مالك
رحمة الله بها كل العرب يفرحون=ويفرح الشاوي اللي سارحِ بغنمه علم اللي بوسط الاوديه ينزلـون=لا غرابه يشيل السيل من يدهمه سفير المهد
الفرح له حدود ان كان ماتعلمـون=كم ولد مات جوع ولقمته في فمـه دايم الراس ياابن حرب فوق المتون=والجبل لو يسيل السيـل مايهدمـه الشاعر أبو مالك
المغلث بطول الدهر ما يشبعون=كل واحد يباله لقمةِِ ميدمه اكثر الروس روس من الفطانه بدون=يمكن انه ما يدري عنك لو تزهمه سفير المهد
دام الارزاق من رب السماء فالصحـون=لاتشمت بالاشرم وانـت فيـك شرمـه راس مرفوع فوق وراس عن راس دون=ومن مايسمع كلامي ليش يوم انهمـه ؟ الشاعر أبو مالك
مشكلتكم ياقوم المهد ما تقنعون=الطمع حطه الخلاق فيكم سمه ليش حطيت نفسك للبضاعه زبون=واضح الفرق فالعفرى وفالمجهمه سفير المهد
صح نطمع وناخذها بشوف العيون=سوركم من هو اللي قام له وهدمه الله اكبر عليكم كيف ماتفهمـون=واضحه يالحريبي ماتبي ترجمـه الشاعر أبو مالك
ودكم بالطماعـه ميـر مـا تقـدرون=صورنا مثل صور الصين لـه ملحمـه واضح انك زعلت وصرت عشرين لون=هد نفسـك قبـل خـد الجمـل ناسمـه سفير المهد
كل حربي يموت من القهر ومغبون=نعتبرها لكم من عندنـا مكرمـه سالفه قبل عام وكلكـم تذكـرون=يوم وخذ العشا والقوم متليمـه الشاعر أبو مالك
كل حربي يعيش ولابتي يسلمـون=والمكارم من اللي سرنـا يعلمـه لا غرابه على اللي طبعهم يغدرون=علم اللي ما يدري بالخبـر علمـه |
بسم الله الرحمن الرحيم
السلام عليكم ورحمة الله وبركاته يسرني ان اقدم لكم هذه المحاوره بيني وبين الشاعر سفير المهد ( سفير المهد ) ياسلام الله على اللي لي معه روحة وجيه . . . الصحيب الي نصيته مير قفّا ما نصانـي كان فا المشوار عيت لا تساعدك المطيه . . . خلها تقعد وشوف مع الرجال بعير ثاني ( العطاوي ) مرحبا بالصاحب الي ما عرفنا وش نويه ؟ . . . ان مدحته ما ضلمته وان حديته ما حداني يالمطيري والله لتبطـي ولا تقـدر عليـه . . . والبعير شعيل حاضر فالمواقف ما عصاني ( سفير المهد ) ويش ابلقا فيك ياخـوي الله يخليـك ليّه . . . وانت لو اني بغيت المسك لمسه ما تداني كل شي تبغاه معي الا السواليف الرديه . . .مير وش بعد المسافه من عشيره للمحاني؟ ( العطاوي ) ويش ادور فيك يارجل(ن) تنكر في خويه . . . وعشركم لاشك ذاليله تبا ترجع ثماني ياالمطيري طيعني لاهنت وضرب لي تحيه . .ودعي المولا عساك تفر من زلة لساني (سفير المهد) المطيري يالعتيبي ما يعرف العسكريه . . . وان بغيت الضرب بالمشعاب من بين الاذاني ما عطيتك غير قسمك ما نقصت ولا بليه . . . ون بغيت الفعل حنا من طويلين اليماني ( العطاوي ) ياوسيع المعرفه لا تجزي الحسنه بسيه . . . وانت دايم نسمع بهرجك وفعلك ما يباني والله اني من غلاتك مارضيت الك الخطيه ... وانت مثل الي ليا شاف الخطر جاه متواني ( سفير المهد ) كان ما ترضى الخطيه صاحبك نفسه غنيه . . . اثر قلبك يالعتيبي يامشاء الله مرحماني والله انك ما تسوي لا كثير ولا بليه . . . ويش يسوى الحذف مع ضرب الفشق والجبخاني ( العطاوي ) ان قوا سطوي عليك اخاف تاصلك المنيه . . . . ثم نرجع ماجرا ياصاحبي هاك الزماني لاتناسا ياعميلي ماحصل هاك السنيه .. ... وسط عرجا يالمطيري يومك اتلد العياني ( سفير المهد ) لن رجعنا للمغازي كيف تنسى الحرمليه . . . يوم ضحينا بكم بين الضحية ورمضاني وسلالالالامتكم . . . |
| الساعة الآن 01:23 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "