|
من فن المجارير القديمة
يا عيسلٍ في معالـي قنّـةٍ وازريـت أعدّيـه ==== حداني النحل من دونه وانـا جيعـان ضامـي جوني بشربة قراح من المطر مـا زل حاديـه ==== كبيت شرب القراح و قلت انا جيعـان ضامـي وجوني بسكر نبات و كل مجموع الـدواء فيـه ==== كبيت سكر نبات و قلت انـا جيعـان ضامـي وجوني بدر البكار اللي عليل الجـوف يبريـه ==== كبيت در البكار و قلـت انـا جيعـان ضامـي وجوني بتمر الكبيس اللي على الساقي مجانيه ==== كبيت تمر الكبيس و قلت انا جيعـان ضامـي وجوني بمال الشريف اللي ميّة فقـران يغنيـه ==== كبيت مال الشريف و قلت انا جيعـان ضامـي قالوا سببك المرض قلت المرض ما بي شكاويه ==== اللي سببه المرض ما يمتني زيـن الطعامـي قالوا سببك الكبر قلت الكبـر مابـي تحاليـه ==== حيث ان شوفي حديـد ولا تجودنـي عظامـي قالوا سببك الهوى قلت الهوى قمنـا حراويـه ==== عطوني الجادل اللي حسبته عشريـن عامـي |
أنا هيض عليه - قصيدة إبراهيم الدملوكي السلمي
قصيدة ابراهيم الدملوكي السلمي احد المشاركين مع ابن ثعلي ضد العبادل يقول انا هيض علي البارق اللي جمع السيــــار ***** يـجمع لـــه جـرود مـالـهـا مـحـصي وعـدادي تناصـوا في مسيل الشرع لاجاه الحيا الجرار ***** ومـسـيـل العين حطيناه لأهل الركب ميعادي وملنا في عشر لاجاه من نـو السحاب أمطار ***** وقــال الـيـوم أقـيـمـوا وانـدبوا للـعد ورادي واخـــذنا قامـــتين وجيشنا صابي له الجزار ***** دنــوا مـنـهـا قـريـبـيـن الـوفـاه بكـل حدادي وقال الثعلي أبغاالشرق قالواله سليم يسار ***** نبي الغربي عسا ماجاه من نو الحيا ارعادي وقالوا سبركم يبدي غـزال وسبرنا في زار ***** واثـرهـم عـنـدنـا فـي حـجر الأمهاد من غادي وعـــدى لــه بناظــور حرامي في يد النظار ***** وجاءهرج الفخم والزودفي قومان بن هادي وســرونا بثــلث الــليل مـاخلــو لـيا الـنهـار ***** ويـا لـيـل سـريـنـا فـيـه يـا مـسـراه لا عـادي عدوفي الوجبه اللي شفت جافيهالهيب النار ***** عدو في رأس ظبيه في فريع بـين الأمهادي واخذناالبل وألين ان النشامامن وراهااحضار ***** وأخـذنـا الـبـل والـضـيـنان والحلات شدادي وقبـلنا الحــسك والمــلح لــه بـيناتــنا نــثار ***** تـخـابـط عـندنـا مـثـل الـبلح من كف جدادي وجـانا فـي مسيل القـرن جـمع مالها حـكار ***** تـعـاطـانـا الـهنادي مـد ماهو رمي الأبعادي وردو بـلـهـم وزمـيـلـنـا بـجـليـبـهـن أقـطـار ***** تـقـول مـروحـات لـسوق فيها بيع وارشادي وألا يـاونـتي ونـت كـسير فـي يـد الـجـبـار ***** يـلمـه بـالـسنـايــف واحــد لـلـجـبر مـعـتـادي والا يـاحيسفي يـاليـت جـوداللـه وزبن كـبار ***** على رايت زعـل يمشي بهم لـلحرب مقوادي |
هيض عليه وأنا بادي الحجا
هيض عليّه وانا بادي الحجا *** من صبح بادي حجا المزبانيه في قنة ماتغشاها الحيـــا *** عسى مطرها دما الغربانيـه والا عساها بحنان الدبــاء *** ياكل ثمرها مع الورقانيــه هذي هلالين والثالث بـدا *** ماجتني اخبار عـن صدقانيه مدري هو البعد والا هو جفا *** والا حدتهم علوماً ثانيــه ياليت جاني كتاباً مرسـلا *** مكتوب بسمي وله عنوانيه من عندكم ياملحين النبـا *** ياللي كما باشة السلطانيـه |
إليكم بعض من لون المجرور :
إليكم بعض من لون المجرور : المُغني بدا الحيد الزبين ** في دياراً قليلة ناسها سايلك ياهبوباً تُقرنين ** كل يوماً يجي نسناسها مودعك ردتي صافي الجبين ** ياكما الجوهرة وقياسها ياكما الخيزران اللي يلين ** والليالي كُفيتم باسها ياكما بُقشةً عند الأمين ** في صيانات محداً قاسها ياكما خيلةً لربع سنين ** للنجايب تُرّيع راسها المجرور الثاني: ربنا نطلبك ياجابر العظم الكسير ** ياعظيم الشأن يامُغنيّ الفقرانية يوم اقوله يوم أنا باديّ الحيد العسير ** من شُريق الشمس بادي حجا المزبانية في يدي صافي القرى مالها يوجد نظير ** في خشيبة عوج حمراء كما الثعبانية صنعة البيطار في المقتدى حنة بصير ** صنف واحد من حجبها ليا العلمانية يوم لدّيته ولّني بظبياً مستدير ** لد فيّه و ثم لديت بآلأعيانية يوم وايق لي جبينه بغى حيلي يطير ** من هدب عينه ومن لّجة الخرصانية ذمروا لي بكرتيناً تعدتكم نهير ** بكرتيناً صُفر يتلونها الحيرانية لابس اثياباً قرم سود واهدابه حرير ** من ثيابه ريحة المسك والريحانية واعزموني عندكم ياهلّ المال الكثير ** أجنبي في دياركم ياهل الأوطانية لابس أشميلي وخُتّم ودُملج مستدير ** صيغة الفضة تعاشا لها جلاّنية |
أنا هيّض عليّا أمثال تبنى ما كمـا هِنّـه *** بناها واحدٍ في قريتـه يتبـع سوانيهـا مريّح فالغريف ولا بدا في عالـي القنّـه *** ولا عدّى مخافه مع سبور القوم باديهـا ولا عانق جهاهيل الركايب يـوم يسرنّـه *** ولا شاف العيال اللي مع الغدرى تباريها ولا شاف الفتيل اللي مع الصبيان له بنّـه *** كما بنّة عطاير تاجرٍ ساق الذهـب فيهـا ولا شاف الجهام اللي هجدناهم لهم رنّـه *** كما رنّة منى ليتك موايق تنتظـر فيهـا ولا شاف الكسارى فالنعوش اللي لهم ونّه *** كما ونّة حمامٍ فالقصـور مهوجـرٍ فيهـا ولا شاف النسور من السما يوم يتهاونّـه *** يفز القلب من بين الستاير من تهاويهـا |
ياعيوني ياشقية شوفي اللي يذكرونه
يا عيوني يا شقيّه شوفي اللـي يذكرونـه *** من ورى ذيك الجبال النايفات أم العسامـي يعلم الله يا سهوم الموت في شبحة عيونـه *** من نظر عينه حاربت الما و زاولت الطعامي قلت يا اهل الجادل القتّـال مالـي تقبلونـه *** تقبلون الخلب والبنـدق منزّهـة المرامـي قالوا انته مالك اللي تذكـره مـا يثمنونـه *** ما يجيب الجادل اللي حسبته عشرين عامي قلت أبا انزل عندكم فالوادي اللي تنزلونـه **** باتكلّى عيشتي و انتـم تجيبـون الإيدامـي قالوا إنته ما دريت إن الفقيـر يكرهونـه **** كيف تنزل عند حيٍ ما يقاريـك السلامـي |
وألا يامل قلبٍ مشتقي والروح مشقيها
وألا يا من لقلبٍ مشتقي و الروح مشقيها **** مشقيته غروسٍ ناعماتٍ بطلع الاجهالي غروسٍ ناعمه و العين ما مالت مساقيها **** ولا يسري لها السقّاي دايم قترها خالي وديّة وحّده بمية ريـال مسلمـة فيهـا **** وانا ما اشوفني مغلوب غالبهم يورّالـي نصحني واحدٍ نصيحـةٍ مانـي مخليهـا **** يقول إشتر و بيع ولا تقلّط كـل دلاّلـي وانا ما ليبي الا ديـرةٍ مانـي مسمّيهـا **** إلا سميتها مالوا لها الحسّـاد بالمالـي |
قال المغنّـي بـدى فالنايـف المستقـل
قال المغنّـي بـدى فالنايـف المستقـل **** في قنّـةٍ و الهزالـى مـا يعدّونـهـا والـد بالعيـن وان الدمـع منهـا يهـل **** تبكي خفـا و الخلايـق مـا يشوفونهـا واديني اللـي غدابـه واحـدٍ مـا يـذل **** والليله امسى ديار الخوف مـن دونهـا قفّوا على وساق هجنٍ مثل صيـدٍ جفـل **** مثل الخطاطيـف و همـه مـا يحثونهـا عهدي قبالي خبرهم مـع ديـار الـدّول **** شـدّوا ظهيـره و مكـه مـا يزلونهـا و يا طير أباوصيك حيث انك سريع العجل **** قلّه ترى العين شابت وانعمـس نونهـا والقلـب لا عـاد لا يسمـع ولا ينعـذل **** والروح مـا غيـر بالحيلـه يحايونهـا |
قال المغنّي بدى فالنايف مـن القـدام
قال المغنّي بدى فالنايف مـن القـدام *** *** في قنّةٍ و الهبايـب تـذرح اذراحيّـه واخذت في ماقفي ليا ان خاط الظـلام **** دوبي وصلت العرب مع فجر الإصباحيّه قالوا علامك تون وقلت ما ادنى الكلام **** أنا مـا ادان الكـلام إلا بالإصلاحيّـه قالوا نجيك بحليب وقلت دمتـوا و دام *** كيف أقبله و الكسل فالكبر مـا راحيّـه قالوا نجيك بعسل يخلط بزهـم النعـام **** ترى العسل زين يبري كل الأجراحيّـه قلت العسل زين لكنه سلـوك الحـرام ****** وانا مـا ادان الحـرام و يالله العافيّـه قالوا نودّيك يم أهل الفـرح و المقـام *****عساك تفرح ليا ما شفـت الأفراحيّـه قلت الفرح زين ودّوني في نص الجهام***** عساني أمسي و تصبح علّتي ماحيّـه |
ياجزر تفاح للشاعر محمد الجبرتي
للشاعر محمد الجبرتي قال المغنّي تهيّض بالبنا يـا جـزر تفـاح **** مثل العسل يوم يجنى من عسيرات الوكارى ربعي هل الميز و اهل المعرفه يا جزر تفاح **** وصغارهم يعرفون اللي يعرفـون الكبـارى و ياما عبينا لناقزة الحضر يا جـزر تفـاح **** من نقرزانٍ على الفاقه يفور من الشـرارى واليا وردنا على عد الروى يا جـزر تفـاح **** نشرب من العيسل الحالي و من مر المرارى و سعيفنا الله على درب الهدى ياجزر تفاح **** و محمد المصطفى اللي ما على ذكره خيارى |
المغـنّـي واق فالملمـومـة المبـريّـه
المغـنّـي واق فالملمـومـة المبـريّـه **** مع شريق الشمس بادي في حجا المزباني و ابرح الديرة من القبلة إلـى الشاميّـه **** وانها يوحش خلاهـا و الخـلا يقلانـي فيـدي صافـي القـرى مسلوبـةٍ قدميّـه **** ما لحقنا مشتراها اللـي علـى الجدّانـي ذخر ابوي وجدّي اللي عقبوها ليّـه **** كنها الفضة من الخزنـة إلـى العلمانـي زادها جـوف المكالـي مااخـذه عاريّـه ****زادها مازون بالميزان خمـس أوزانـي وزنـة الخفّـان أخلّيهـا تزيـد شويّـه **** الملح و الحرق لا زايـد و لا نقصانـي من دِمي الصيـد عـادل فوقهـا ماريّـه **** فوق قدماها كما الحنّـا الجديـد الحانـي |
مشينا من بلدنـا قـوم بقيـاس
مشينا من بلدنـا قـوم بقيـاس & كثير و مثـل حنّـان الجـرادي و صبّحنا عريبٍ من ورى الراس& غبيشة لا صبـاح ولا هجـادي واخذنا كـل حلتهـم و الأدبـاش & واخذنا القود مقرعـة التـوادي و لحقوا فوق ضمّر مثل الأقواس & وقال اللاش مـا عنهـم مغـادي ولدّينا لـدرجٍ جـوف الأكيـاس & سريـع الـرد جمّـار الفـؤادي ولا ياذيب ياللي تضرس إضراس & طرحنالـك مـع المقسـوم زادي طرحنالك حضيّض قاسي الـراس &وكل يا ذيب واذخر لك عيـادي |
كريم يا بارق القبلة سرى لـه رفيـف & ما احسن بروق الحيا للـي يخيلونهـا كريم يا البارق أول وسم و اتلى خريف & أرعي بروقه سرت في داجي مزونهـا على ديارٍ من أول ديرتي يـا لطيـف & أحيلهـا قـبـل حـيّـانٍ يحيلونـهـا قلت آه واديرتي عنها حداني شريـف & رز البوارق على الحدّان مـن دونهـا عنها حداني بحكم الله و حكمه مطيـف & واداري اللي محاجـي ليّـه زبونهـا |
من المجارير هذالنشيد ونفيدكم ان هذا النشيد لأحد المطارفه من هذيل وهو يجدر ابنه ( المصاب بالجدري ) بعيد عن مساكن القبيله ويشكو لأخيه عويض حالته وهو يعالج ابنه ويقول: يالله اني طلبتك ياعضيم الشان ==يابا الأفراج يامعبود عاوني هاضني يوم اغني وابدع القيفان= في سفر ليلة اربع طعش واغني قمت أليم حطب وأوقد من النيران == واتقرب من المحماس والبني يوم سويتها مابي صلف خرمان = غير اقصربها ليل الشتاء عني وفي الخلاء ياعويض ماش رودأسكان=غير ورعن يصيح وحسه ازعلني قلتله لاتصيح وتجمع العربان == اصبر الصبر زين ان كان تذهني ================== والعرب كان تدري عنك تقتلني |
قصيدة رجعان سالم العوفي الحربي
رجعان سالم العوفي الحربي ياونتي ونت خلوج حدتها **** سحم الضواري عن ولدها كلنه يلوذ بأمه ويجي من تحتها **** وتجمعن عليـــه لين فردنــــه وهاشت ولحقها الزمن برقبتها *** ووقفت على مرما النظر مستكنه تقول تشكي للبشر سالفتها **** وقصت حوار قدمها قطعنه وإلى ارجهنت مر بمخيلتها **** تذكرت يوم هن يفرسنه ولا ذعذعت ريح الهبوب انطحتها ***** أظن ريح وليدها يجذبنه ولا طالعت زيله بعيد اطلبتها ** ** تبي أظن عيونها تلمحنه اعيونها كل الملامح نستها ** ** ألا زُويل وليدها ما نسنه وجربتْ فرقا هي ماجربتها ***** فرقا نما والفرق بسباب هنه وكبدي بها نــــــار تلضـــى كوتها **** تمحا السنين وغبنيها مامحنه |
رويضي وسمي العزيزي - بمجرورتين 1-ياذيب و2 -تعل عالي نجد
قصيدة على لون المجرور للشاعر رويضي وسمي العزيزي: ياذيب ياذيب ياذيب الخلا يالذيب سرحان *** ياذيب ياللي تجرعواك في رأس الطويلة أنته بلاك الخلا وألا تبيلك نزل عربان *** وألا مهيضك سنا برقن سرى عيني تخيله ياذيب أنا الصبح أبرقب في علو الضلع ورقان *** ارقب معي فالجبل والصيد نير لي جفيله نبا انتصاحب بعد كنا قديم الوقت عدوان **** وتشيل همي وهمك مالك إلا من يشيله من شأن أبعطيك سرن ماعطيته لأية إنسان *** اتوصله صاحبن عيت مراسيلي تجيله اسمك يكفيك ذيب ولك عزوم ولاأنت بلشان *** والناس ماتتهمك ولا معي غيرك وسيلة ترى هله من معلقة الصواب طوال الأيمان **** من يدركه رميهم ماعاد في شوفه عقيلة عطه الرساله ودور لك عن البارود مزبان **** لا تأمن الذبح لن ناش الزند خشم الفتيلة لن كان جبت الخبر من صاحبي مدعوج الأعيان *** كسبت لك في ياسرحان معروف وجميلة وان ماقضيت الغرض ماكن شيء ٍ بيننا كان **** خلك بهمك وأنا بهمي وكلن في سبيله ومجرورة تعل عالي نجد : تعل عالي نجد وأمطر ياهماليل السحاب &&& يانو ذيك المزنة اللي مدلهم خيالها اللي الروى فيها من المنشأ مثل روس الهضاب && البرق يبرق في طرفها والرعد في جالها لعلها تسق المواطن والمرابي والشعاب &&& مدهال حمرن وسمها عرقاتها وهلالها وسيمة أهل العز وأهل المجد دمثين الجناب &&& ترعى بهيبات الوسوم دقاقها وجلالها يوم المحارب دونها البارود جاينله ضباب &&&& بمفتلاتن صمع بارود القرا يعبالها من دونها صيت الرجال اللي يحلون الصعاب &&&& حلالة القالة إليا كبرت وهم رجالها بني عزيز اللي زهى تارخهم صدر الكتاب &&& تضرب به الأمثال فأقوال العرب و أفعالها |
قصيدة الشاعر بركة الوشيكة (في ديرة العتبان)
قصيدة للشاعر بركة الوشيكة الحربي أتمنى أن تنال اعجابكم: أنا أول جابتي بسم الله اللي يخزي الشيطان ** خلق سنة وفرض ومكتلف رزق العريبانـي يفك الطير من شبك الحديد وينجي الغرقـان ** ويسقي الدار عقب أمحاله من غر الأمزاني وأنا هيض عليه يوم أنا في ديـرة العتبـان ** عيوني ساهرة لين أصبحت والنوم ماجانـي ماعندي غير نجر ودلتين وعلبـة الدخـان ** اعذل القلب عن طاريـه وهـو ه ماتوحانـي يقول اقنع كثير اللي نحا عن ديرته قنعـان ** تجدد فالمنازل ياولـد عمـر الفتـى فانـي وألا يا سابقي حبل الرسـن تليـه بالحنكـان ** بلايه ماهبشتك بالجمـل يابنـت جروانـي ألا ياراكب اللي يوم تمشي مشيها قـوران ** عليها واحد طراش من بعد المـدى عانـي مسرحها من البركة ومقياله على القلبـان ** وممساها العلم وأطرافها وشعيب باضانـي وسرحها صبيحة ثم قيل عند أهـل قـاران ** يبي درب الفرع ماله مع العربان غرضاني اصل لاخوي عيسى ثم عود بالخبر ذلـوان ** وسلم لي على ربعي سوى ذرفين الأيمانـي حدوني واحتديت ولادريت إلا ورى البيبـان ** لياهوجس ضمير القلب انا غنيـت بلسانـي أنا باكـل بنيبانـي ليـا قابلـت للعـدوان ** وأنا مابيـك تاكلنـي ولا ساطـي بنيبانـي ترى من جاته الزلة وجا من ربعه الحقران ** غدا مثل الصويب اللي دواه بغيـر برهانـي انا مطلوبي المسعار ليـن اقـرر الميـزان ** أعود يمهم وألا رجـح بالحـق ميزانـي |
| الساعة الآن 01:16 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "