|
ديـــــــــوان الشاعر منيع الله داخل
اخواني 00اخواتي اعضاء وزوار منتدى بني عزيز
السلام عليكم ورحمة الله وبركاته ابشركم تم اكتشاف موهبه شعريه فذه لدى شاب من شباب القبيله(حقاً انه شاعر) وتم اكتشافه بمحض الصدفه عن طريق شاعرنا رويضي العزيزي عندما ارسل له صور رحلته للربيع في العيص مما اثار قريحة الشاعر منيع الله بن داخل العزيزي وارسل له الابيات التاليه تكفون ياهل الصيد واهل المقانيص =اهل الوفاء والطيب واهل الشجاعه ودي بخوتكم وراء ديرة العيص=والا وراء ديرة بلي من قضاعه كل الديار نمرها دون تخصيص=الكايده تسهل بكل استطاعه نشرف على حد ارتفاع القانيص=ماهمنا عسر العظا وارتفاعه لسلاحنا ختم وبطاقه وترخيص=خسران من عد الدراهم وباعه خوه بها زود ولافيه تنقيص=كل فعوله بينه من ذراعه اخير من خوة ضعوفٍ مناقيص=خويهم مضيوم والهم لاعه اهل القفاء والنم وهرج تخبيص=ماحدِ يخاويهم ولو ربع ساعه ارجيك ياللي محص الذنب تمحيص=في خوتي تختار خير الجماعه وكان هذا رد الشاعر رويضي بن وسمي العزيزي ابشر بعزك مانعرف المحاويص=نفرح بمن مثلك وعندي قناعه لنا الشرف ماهي علومٍ تماليص=وانته تقود الجمع مانته تباعه من رؤس قومٍ فاللوازم مفاريص=واحد من شذرة سيوف القطاعه ولِم00ودار ٍ تهاب عنها القوانيص=ناصلها مادام فيها طماعه من دونها ناطا السهل والفواريص=ونهذب مع الحروه هذيب السباعه لو لاهب الكنه يجي له تباليص=ماردنا عنها الضما والمجاعه ننقل مثامينن ماوخذن مخاليص=نقوه وناقيهن خبير البضاعه سردن تمهص ثومة القلب تمهيص=اليا انشلع عبرود راس السراعه واقبل تحياتٍ لشرواك خصيص=انته ومن للصيد عنده ولاعه هذا وقد اوعدنا الشاعر منيع الله بالتسجيل بهذا الصرح واثرائه بالعديد من القصائد وكذلك له من عندنا ديوان شعري باذنه |
السلام عليكم ورحمة الله وبركاته
مصافحه اولى عساها تنال رضاكم واعجابكم مزبني يامزبني عزوتي في كل حين=محزمي يامسندي من كل ذل افتخر فـ اللابه اللي كما ضلعٍ مكين=مزبن المضيوم في قمته ضيفٍ يحل سيف مصقولٍ نسله يذل المعتدين=شجرةٍ من نصاها ذرى بردٍ وظل مجدنا فوق الثريا بنوه الاولين=مجدهم ساس الشجاع وللعليا وصل محتمين ديارهم في عسر ماهو بلين=لن طمع في حدهم سيفهم جرد وسل صيتهم كلٍ سمع به طرب للسامعين=كاسبين الطايله كلهم دقٍ وجل محتوين المرجله من قديمات السنين=شايلين حمولها لانكل ولانمل للدعاوي ربعنا تحكم بعقلٍ رزين=لانعقد حبل النشايب لها دايم نحل ذاخرين الطيب والطيب ذخر الطيبين=لانصاهم عابس الوجه يرجع مسفهل ضيفنا يقلط على عاقرٍ حايل سمين=عقب كيف البن في دلته بهر وزل العزيزي عز واسمه يعز المعتزين=عزته من عز نفسٍ عزيزه ماتزل العزيزي فالشدايد كما حصنٍ حصين=للشجاعه والوفاء والشهامه مشتمل العزيزي منبع الجود وافعاله تبين=مثل عدٍ صافي الماء به الضاني يعل لو كتبت الفين مااوفي حقوق العارفين=اعتذر لاصار تقصير مني وابتذل جعل سيل الوسم يدرج ويقفاه الغشين=في مراتع ذودهم كل ماجهى يهل |
اخوي ابو عادل نبارك لك افتتاح ديوانك الشعري
وياليت تكمل باقي القصايد اللي ارسلتها على ابو نايف الديوان هذا خاص بقصائدك ليكون مرجع لك ولنا في مقبل الايام |
اشكرك اخووووووي ابو فيصل كما اشكر الشاعر رويضي ابو نايف. على ما قمتم به من التسهيل لي في الانضمام إليكم وبأذن الله ان اكون عند حسن ظن الجميع. وان إزودكم دائماً بما يرقى الى ذواتكم والى ذائقة كل من هو مهتم بالشعر وأهله. والشكر لكم مررررررة اخرى
|
لاشكر على واجب اخوي منيع الله
والشكور موصول لك لقبول الدعوه وان شاءالله نرى منك كل جديد |
السلام عليكم ورحمة الله وبركاته
هذي المره غيرنا الى الغزل تلبية لطلب بعض الاخوان لعلها تحوز على رضاكم
اذكريني يالعفيفه واذكري قلبٍ يودك=مانسيتك والله اني مانسيتك لو ثواني ابعدوكم وابعدوني والقدر عني يصدك=راضي بحكم الحكيم اللي عطاهم ماعطاني الله اكبر كيف ابسلا عن بحر جزرك ومدك=كيف ابسلا عن غرامٍ هاج شاطيه وغشاني كل يوم يزود في قلبي غلاكم لين ردك=ردل لقلبٍ حنون وشاع حبك واحتواني الضلوع العوج حراسك وشرياني يشدك=خايف انك تترك القلب وتربى فالمحاني اهـ ياخلٍ هجرني لو تسلم لي بيدك=طابت جروحٍ قديمه وابتديت بعمر ثاني واهـ ياعنق الغزال اللي ذبحني كثر لدك=تلتفت فيَه بعينٍرمشها رمحٍ رماني لابرق برق السحاب اللي يذكرني بخدك=ناضت بروق العيون اض دمعي واكتساني ادري انك ياوفي العهد ماينباح سدك=ماتبين لوعة الحرمان من ظلم الزماني الله يسامح عذولٍ حاول اقناعك وحدك=ابتعدت وصار طيفك في خيالي في كياني ودي اشرب من دلالك وارتوي من حلو عدك=واروي عروقٍ كواها البعد يوم انه كواني يالله انت اللي تقول ارفع يديك ولانردك=ارحم القلب المعنى في هواء صاف الثماني |
اخوي المتألق دائماً. الطريس اشكرك. عند استفسار بسيط وهو القصيدتين الأخيرتين العزيزي عز و العفيفة. لم تنزل الأبيات في الصفحات انما تظهر المقدمة فقط. كما أني تصفحتها في الشعر المنقول فوجدت هناك أخطاء مطبعية وهي الضانيوالصحيح الضامي هذي في العزيزي عز. وفا لعفيفه. اه لم تنفصل عن الكلمه اللتي بعدها وكذالك عينن رمشها لم تنفصل عن بعضها. والمعذرة اذا تعبتك معي. واسم الولد. وليد والا فيصل ؟؟!!! ًً ًًومعذره مررررررة اخرى
|
حياك الله يابو عادل وانا في الخدمه
انت اكيد تصفح من الايفون ولاتظهر لك القصيده لانها منسقه بالنسبه للاخطاء بسيط امرها الان اعدلها واذا احتجت شيء لايردك الا الكيبورد |
تعديل لبعض الابيات بسبب خطأ مطبعي
اقتباس:
نشرف على حد ارتفاع القرانيص=ماهمنا عسر العظا وارتفاعه اهل القفاء والنم وهروج تخبيص=ماحدِ يخاويهم ولو ربع ساعه |
تعديل بسبب خطأ مطبعي
اقتباس:
مزبني يامزبني عزوتي في كل حين=محزمي يامسندي عزوتي من كل ذل العزيزي منبع الجود وافعاله تبين=مثل عدٍ صافي الماء به الضامي يعل |
بسم الله الرحمن الرحيم السلام عليكم ورحمة الله وبركاته اعود لكم بهذه القصيدة اللتي ارجو ان تحوز على رضاكم ..... وجد حالي وجد من ساق ذوده واحتزم ذخر ابوه وذخر جده قويين العزوم جاه شيخ القوم من عقب ماشار وحزم صيرمي(ن) من عرض قدم سيفه مايقوم هو شجيع...وكثرهم هد حيله وانهزم عظـــم ساقه من بواريـــدهم غاد(ن) لهوم استداروا حول عفر(ن) لها حن ورزم اختفت عن شوف عينه ولاحدن به رحوم اختلط عجزه وكسره وبالصمت التزم هل دمعه واثــقــلت كــاهـــله جل الهموم حالتي هي حالته يوم شفت العلم زم يوم بعض الناس سلمه جهل طيب السلوم يوم جاء بهزال هرجه جهول(ن) معتزم مخطر(ن) هرجه يعقب على كبدي وسوم آه... يالولا غلاته .. تلازمني لزم كان باح السد وابديت له بعض العلوم خذ كلام الشاعر اللي على العلياء جزم مثل حر(ن) لأعتلى في سماء جوه يحوم بندق(ن) ما تذبح الصيد واقعها يزم حالف اني ما اتعصم بها وقت اللزوم ..............................وسلامتكم............ ................. |
وانت سالم وغانم
صح لسانك ايه الشاعر المحنك سلمت وسلمت اناملك التي خطت هذه القصيدة تم النشر على توير https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
ياهاجسي والشعر فالجاش لا هاض سيله على الشاعر ينومس مفيضه سوق المعاني تتبعه وين ما فاض سيله زمى في كل خبراء وفيضه وأخذ على بدع العسيرات مركاض عسر القوافي من سمعها تهيضه وياللي همومك بينت فيك الأعراض حذرى تبين ماأنطوى با لعريضه الدمع لا حوّل مع العبره وغاض أخيرمن شوف الأوادم كضيضه الهم لأقبل بادره دوم باعراض لابد ما حظك يسّرك وميضه ينبت فرحك ورود أزهارورياض عقب السراب تشوف نبته وريضه برق الفرج يبرق و تفرح ليا ناض تنعم حياتك و المعا دي تغيضه حتى التعب ينزاح وتزول الأمراض ترتاح نفسك من نفوس(ن)مريضه وليا أنقلب همك هناء وأنت معتاض أسجد سجود الشكر عقب الفريضه الشاعر منيع الله داخل |
السلام عليكم ورحمة الله وبركاته ... أقدم لكم هذه القصيده ، عسى أن تنال أعجابكم .. أرجعي ياشمس لأجل الليل يتعبني سكونه .........عسعس الليل بسواده وأعتزى في وِلد عمّه ابن عمّه همّه اللي كل ما جتني طعونه............. زادت الجرح العميق و لو ذبحني مايهمّه والزمن لا قلت خفف من طعونك شان لونه ............ يازمن ماترحم اللي شال ظلمك فوق همّه من يعيش بذل تكساه المذله و المهــونه ............. لين كل(ن) يطمع انه يقدره ويمص دمّه من يبيّن للعرب ضعفه و عجزه يسفهونه .............. عند ك ل الناس مأحد(ن) يسمعه ويلد يمّه أصنع المعروف فاللي يعرف الطيب ويصونه ................. وأتنزّه عن سفيه(ن) لا هرج هرجه يخمّه التـجـارب علـمـتـنـا والـدهـر يبطش بشــونه .............علـمـتـنـا مـانـذم الــلاش لوفـعـلـه يذمّه علمتني وان غدربي صاحبي لا..لا.. ماخونه ............. مـا تـركـتـه لانصاني بالليال المدلهمّه علـمتـنـي في عــدوي مآمنــه و أطيح دونــه .............. لانصاني راح يضحك لي وقلبه زاد سمّه وأطـلـعـي ياشمس لأجل الصـبح تطربني لحونه .............. والـزهـر لافاح عـطره والنفل ريحه نشمه |
اخي الشاعرمنيع الله
استاذنك بالتجول في المدونه الذهبيه وسابقى بالاقامه هنا الى وقت اخر الليث كاان ومازال وسيبقى هنا |
أخـــــــــــــوي القدير / الــــــــلــــــــــــيـــــــــــــــــث هذه المدونه ليست ملك لي ،انما هي ملك لمتذوقين الشعر أمثالك فكيف تستأذني فيما تملكه أنت؟؟؟ ولاشك أن مما يسرني هو ارضاء أهل الذوووووووووق الرفيع ........ أخي الليث أمكث هناء الى ماشاء الله ... لك مني أجمل تحيه ..... |
السلام عليكم ورحمة الله وبركاته أعود اليكم بهذه القصيدة ، عسى أن ترتقي الى ذوائق محبي الشعر .. تــــلـوح البــروق وكل رعّاد له همّال ............ ويسقي بها ربي ضعيف(ن) رفع كفه عساها تصيب الديره اللي بها مدهال .......... هنوف (ن) يغــار الزين فيــها من العفه على نجلها صفين سود(ن)هدبها ظلال .......... على وصلها كــل الجــوارح لها رفه لها جمرتين(ن)في رجاها تموت رجال ............ وعقدين لولو في تناسق و مصــطفه جديله سواد الليل ضافي عليه الشال ............ عذابـــي من المجدول صفه ورى صفه هواها أستحل القلب في هجمة استحلال ........... حكمني كما حكم اليهودي على الضفه حواها خـــفــوقــي و أعتلت قمة المنزال ............ غلاها بكفه و أجمع الغيد في كفه منيع الله بن داخل |
صح لسان شاعر الوجدان كفيت ووفيت يا ابن العم تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
الاخ القدير ... خوي سالم صح بدنك سلمت ولا هنت شكراً لك على المرور العطر |
السلام عليكم ورحمة الله وبركاته أعود اليكم بهذه القصيده وهي خاصة لمتذوقي الشعر بيني وبينه للوصل عشرة أمتار لاهـو دنـى منــي وأنا ما قربته أخاف من ناس(ن) أدوّر للأعذار عـاداتها قـطـع المـواصل وكـبته أقـفيت ما شفته ولاجتني أخـبـار رضـيـت يامـولاي بالـلي كـتبته هلت عيوني من غزيرات الأمطار مثل السـيول الـلي تـمـره سحـبـته لكـن في قلـبي لـها ورود وأزهـار يـكـبـر غـلاها كـل ما طـال نبـته أسـقيـتها من حـمر صبات الأنـهار لـوشــح خـفّـاقـي بـدمّـه غـصـبـته من زود حـبه ما يـجي فوقها غـبار حتى الهواء بضلوع صدري حجبته درب الـهـوى ياجاهل(ن) كله أخطار يخـلـف هقاوي جـمـعـته يـوم سبـته |
بـــســم الــلــه الــرحــمــن الــرحـــيــم السلام عليكم ورحمة الله وبركاته هذه قصيدة تُعَبّرْ عن موضوعها الذي كُتِبَت من أجله ، أتركَكم مع القصيدة الـحـاجـة أُم الــعِــرف والــشــك زايــل مــع قـسـوة الأيــام تـسـقـي مـريـره مـنـهـا عــرفـنا الـلـي فـعـولـه دلايــل دلايـلٍ لـلـطـيــب صـافــي ســريــره فـي وقـفـتـه يـسـوى كـبار القـبايـل بـدّى الـكـبيره كـيـف عـاد الصغـيـره؟ فــي ذا الــزمن قـلـوا عيال الحمـايل يـاكــثــرهــم لا قـلـت عـرفٍ وجـيـره ياقـلــهــم لاجــاء نــهــار الـصـمـايـل تــقــصر خــطـاهم ماتحث المسيره وش حاجتي فاللي يسوق الهزايل لاهـو مــرافــقـنـي ولانـي شـويـره ماهـو من الـلـي يكسبون الجمايل ولاهـو من الـلـي له فـعولٍ شهيره يـاجـالـب الـهـزلاء ولـلـشـر شـايـل مـأنـته خـويـي جـعـل فالأمـر خـيره أسـعـى ورى اللي طايل لكل طايل فـيـه أفـتـخـر فـي كـل حـيٍ وديــره |
السلام عليكم ورحمة الله وبركاته يسعدني أن أطرح هذه القصيدة لكم ولك هاوي ومحب ومتذوق للشعر بــالله يــاهــل الــخــير هاتوا وليفي هاتوا وليفٍ يــســعــف القلب بدواه عــن غــيـرهــا ماكنــي ألا كـفيفي مــاشــوف فــي زين الغنادير حلياه فــي وصــــها ماشفت مثله وصيفي يــقـصــر كـلامـي دون توصيف ماطاه قــلــبــي لــهــا دايم ربيعه مريـفي مـــربــاعــها بالقلب والقلب ملجاه حــبــي لــها عــدٍ شــرابــه نـظيفي صافي زلال أحلى من السكرى ماه من زود حــبــه صاب قلبي رفيفي رفـــيــف طــيــرٍ حده القيظ وأضماه وألاكما صوت السعف له حفيــفي من سمع صوته يلتفت كلما أوحاه وألا كــمــا صــوت الرعد بالخريفي الــذيــب من خوفه تزايد به إعــواه يالله.. ياربٍ.. خبيرٍلــطـــيــفــــي ألــطــف بقلبي كلما حل طــرياه |
ديوانك اخي الفاضل كنز من كنوز الشعر تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
الأخ القدير خوي سالم كلماتك هذه تزرع في نفسي الاصرار والمثابره ، على أن أقدم أفضل مالدي لـــــــــــــــمــــــــــــــــــــــاذا ؟؟؟ لوجود أمثالك الذين يتايعون أول بأول ماأكتبه ، ولو أنه أقل من ذوائق أهل الشعر ومحبيه أخي العزيز مرورك شرف لقصائدي ....... وشكراً |
بسم الله الرحمن الرحيم السلام عليكم ورحمة الله وبركاته أعود إليكم بهذه القصيدة عسى أن تروق لقارئها إعـــداد نــو السحاب اللي نــشــى وإنتثــر أحياء هشيم ٍ بلى وأحــيــاء عـروق الثمام يــا مــرحــبــا يالقوافي يوم شــعــري حـضر إفــرح وحــي الــمــعــانــي يـاجـزيــل الكلام الــشــعــر تــمــطــر حــروفـه مثل وبل المطر جــزل الــمــعــانــي لــها قـدر وغلاء وإحترام الــشــعــر قــول الـفهيم اللي شًرَح وإختصر ماهو لحون ٍ تــشــادي نــوح َورق الــحـمام وأنــا غــطــسـت الــبحر وأظهرت منه الدرر مـاهــاب مــوج الـبــحــر وألاســواد الظـلام صخرت عسر القوافي والــمــعاني صــخـر طوّعت شرد المهار برأس حد الــحــسـام الشعر يَكتِب وأنا لا غاب ما أكـتـب سـطر أنا أشـهــد إنــه وســام الــعز حيه وسام وأنا أشهد إنه عضيدي في عصيب الدهر وأنا شهد إنـه بـقـلـبـي لـه رفـيـع المقام تـبـي نـهـايـة كــلام الــشــاعــر المـعتبر لا تــجــبر الــشــعـر حتى لورقيت الغمام |
السلام عليكم ورحمة الله وبركاته أنصح نفسي المقصرة اولاً ... ثم أنصح كل مقصر ..... إليكم هذه القصيدة عسى أن تنال اعجابكم ..... يـاسـابحٍ بــحــر الــمــلــذات بـأنــصـحـك ولانــي عــن الــهـفــوات رجل مـعصومي لاتــتــبــع الـنـفـــس الـرديـّه وتــطــرحك لـن طـحـت مأنـتـه فـي يــديـن الرحومي إبـلـيـس لا يـغـــري شــبـابــك ويـفضحك وإلـيـا فـضـحــك يــقـــول مـالـي لـزومـي يــغــريـك بـالـشـهــوه ويـــضـحك ويفرحك قـــصـــده يــصــدك عـن صــلاةٍ وصـومـي عـن صـحـبــة الأنـــذال ومــزارق الضـحك أبــعـد تــرى لـلـطــيــب نـهـج وسـلـومي ولاتــصـحب الـلـي فـالـمـجـالس يمازحك فــي غـيـبـتــك يـــكـثر عـليـك السهومي تـــرى الأفــاعــي لـن تـقـفـتـك تـجـرحك مـاتــصـحي ألا عــقــب بـث الـسـمـومي أخــلـص مـع الــطيب ترى الناس تمدحك لاتــذخــر الــمــعــروف عــند الـرخـومــي إلــزم ســديــد الــراي هوسـاس مربحك فــي رفــقــتــه تنــزال جــل الهــمــومي أطلب عسى اللي مصلح الناس يصلحـك ويـــصـــلـــح لي الـنــيــه وباقي علومـي منيع الله بن داخلِ |
اعجــبني الابداع ولاهـــي غريبه
مريت انا من هون وشفت الفرايد |
الليث غامرني بجوده وطيبه يشتاق له قلبي وكل القصايد |
السلام عليكم ورحمة الله وبركاته أعود إليكم بهذه القصيدة الجديدة ،أتمنى أن تنال أعجاب محبي الشعر .... الــنــفــس داخــل لِبّها صــار زلــزال أظــهــر خـفى نزف الجروح الدفيــنه الــصــبر طــب الــهــم لوهــمـنا طال لابـــد مــاتــفــرح نـفـوسٍ جــزيــنــه يـانـفـس لاتـشـكـيـن من ضـيقة البال إلا عـلـى مـنـجي غـريـق الـسـفـيـنه ترى الهـوى وإبلـيـس هي طول الآمال درب الــخــطــاء يــانـفس لا تسـلـكينه إسعي وراء أهل الدين في كل الأحـوال درب الــسعــد والــخــيـر لاتـتـركــينـه يــانــفـــس لاتــبـديــن سرّك لــلأنــذال أهــل الــخزى وأهــل العـقول المهـينـه هــرج القـفى والنــمْ هـي شـر الأعـمال لاخــيــر فـي ذكــر الـعــلــوم الـمـشـينه تــمـهـلي فــي كــل قــولــك والأفــعــال قــبــل الــحــســايف والــنـدم والــغـبيـنه مـــادام ربــــــك كــــاتـــبٍ كـــل الآجـــال لا بـــد مــاعـــمـــرك يــــودّع ســنــيــنــه يــانــفـــس تــوبــي بــاقــيٍ عــدة إلــيــال مــحدٍ قــرأ عــمــر الــفـتــى فـي جـبـيـنه كلمات .... منيع الله داخل العزيزي |
السلام عليكم ورحمة الله وبركاته أعتذر عن طول الغياب اللذي لم يكن فالحسبان.... وأعود اليكم بهذه المساجله الشعريه اللتي دارت بيني وبين الشاعر الكبير رويضي بن وسمي العزيزي أترككم مع القصايد (البدايه عند الشاعر .... رويضي وسمي العزيزي) قــافــي ياأبــوعــادل يخصْك وينصــاك دارت بي أيــامـي عـلى غــيــر وجهه عيْت تجي بالــكــيـف دورات الأفــلاك والــوقت مايصـفي من الـوقـت بـرهه مــره على كيــفك ومـــرات يـعــصاك ويلحقك مع بعــض الرياجيـل شـرهه الله عــلى جــزل الســواليــف ويــاك جـزل الــقصيـد اللي من الغث نقـهه أخــيـر مـن هــــرجــة حـقودٍ ونمْاك الناب يضـــحـك لك وفالقــلب كــرهـه هذر الكـلام الــلي على الهزل ينحاك هـــرجٍ بـلا ثـــمــره ولافــيــه نــكــهه أســج عــنهـــم يم مثلـك وشـــرواك لــو هـم دعـوني عنهم الأذن صــقهه للطيب أسج الرجل لــو دربي أشــواك مأرضى المكان اللي يجي فيه شبهه وأنــحا لجــمعة مجلسٍ فيــه يزهــاك ويحــوش مـنه إمدوّر الــفـقـه فـقــهه قـال المـثـل ياوارد الــدبــــج مــأرواك لــو يــنـقذ الهــالــك ويـعــطـيـه نبــهه إرد الــقراح الــلي لــياجــيته أشـفاك لــوقــامـو الــعــدوان دونـه بــجــبــهه أبيات شعرٍ جــعلها تـكــسـب إرضــاك الـنـفـس لمـداعب مـشــاعــرك ولـهه لونصّيَت غــيــرك يجـي قـلــبـــه إربـاك ويـجـيـه فـي تــركـيـبـة الـقــاف بــلهه عــيدك مــبارك جــعل الأنذال تــفــداك ودي بــشــوفــك مــيــر الأيـام مــلـهه (وهناء الرد مـــــنـــــي) يامــرحبا يــاقاف ياعســــر مــبناك الشعر يـــفرح بـي وأنا أسـر وجهه ياشـــعر لاتقـصــر عن الجود يمناك أسق الهجوس وهــل بالجزل وأرهه بالــوقت لاتــفــرح لــيا منّه أعــطاك يكسيك عــجه عقــب ماذقت نـفهه الــوقــت لــه زلّه وياكـــثر مأشــقاك مثل الســفيه اللي بــلانا بــســفهه وجزل القصيد اللي على العــز خاواك مــن طيب قــولك كنّي أخــذت نــزهه تشرب قراح وشفت قمري على الراك وترســم لنا...ماشيــف مثلـه وشـبهه أخير من مجلس ليا قــمــت يــجــفاك ســادة على جــوّه مــخـالـيــق كرهه أبــعــد وخـل إقليّل الـديـــن يـــجـفـاك لاتــتــبــع الـلـــي بان ضـعـفـه ودرهه وإحــرص عــلى من دام عـرفه وصافك وإنــصــح مادام النــصـح للـخيـر وإنـهه ومــادام رجــلــك للــعلاء حطة إخطـاك أرقــب عــلى عــرش المــهابات وإزهه عـــيــدك عــساه يــعود والطيــب ملفاك إما قـفـلـــت الـــقــاف وإلا أنــتــه أنـهه منيع الله بن داخل العزيزي |
بسم الله الرحمن الرحيم السلام عليكم ورحمة الله وبركاته اعود اليكم بهذه القصيدة واتمنى ان تنال الاعجاب وتروق لقارئها تـل قلبي كـل مـا وجهـت وجهـي للشمـال تـلـة السـجٌـان..للمـظلـوم والـظـالـم جــري محـرمه حتى من الهرجـه ولا عنـده مـجـال منفـطـر قلـبه مـن الـحـسـره وحـاله منبـري أتْهَمـوْه وقالــوا انـك ذابــحٍ خـمـسـة إرجـال منتظ،ـر خمسـة عـشـر عامٍ لمـوته يحتـري المـرض والـهـم والقـسـوه وصلفـات اللـيـال زادت المظلـوم ضيـقـه وانفـرى صـدره فـري عقبها سمع الخفير يقـول يا شـايـب تـعـال الـخـطــاء وارد ( وحـنـا نعـتـذر ) وانـتـه بري واتـجـه يـم الـديــار اللـي غــلاهـا مــا يــزال والمـصيـبـه قالـوا ابـعـد ياغـريب انـت انكـري حالتي هي حالته واشوف صبر القلب طـال والسبب خـافـي لـو انـه شـارحٍ عنـه انظـري حابـسٍ دمـع الفـراق وشايل إحـمولٍ إثـقـال ما شكيـت الضيـق لـو اني لهمـي مشتـري ياحسِـين الـدل..ياحلو النبـاء..عذب الخصـال يـاغــزالٍ مـرتـعـه قــفــرٍ عـلـى نـبـتـه ضــري آه يـاريـح النفـل يـأحـلـى تقـاسـيـم الخـيـال احـضـنـي قـلـب المـتـيـم لايـخـاويـه الــعــري من مواجع خاطري والجرح تسمح لي سؤال؟؟ أسـألك بــاللـه حــبــك بـاقــيٍ عــوده طـــري؟! #منيع الله بن داخل |
السلام عليكم ورحمة الله وبركاته بمناسبة الامطار هذه الايام (اسأل الله ان ينفع بها ) اقدم لكم هذه الابيات ...إهداء الى عشّاق الشعر والمطر نشى نوٍ عسى المولى يسـوقـه عـلـى دارٍ بـه الـكـــف المحنّا يطيب الجو في ضحكت بروقه ويـقــفـــى لـه من القــبـله مثنّا يهل الوبل من صادق حقــوقه ويــرخــي سَبــل غـيثه ماتونّا غصون الدَوْح تسقيها عروقـه ســبــوح إعروقها منه إرتونّا يطيب الصبح في طلّة شروقـه عــلى نوْح الــحـمام اللي تغنّا على روس الجريد اللي عذوقـه طــري عـرجـونـها مـال ونثنّا جديد النبت من شافه يــشـوقـه ويــفــرح بـه حـزينٍ ماتــهـنّا وظــبي الصيـد نواره يعــوقه ولو يــنطق يـقول أطلب تمنّا عسى تنعْم نفوسٍ له شــفوقـه وخشف الرم يَنعْــم في وطنّا منيع الله بن داخل العزيزي |
السلام عليكم ورحمة الله وبركاته أسعد الله أوقاتكم بالخير أقدم لكم هذه القصيدة ،عسى أن تنال أعجابكم..... ياشــين بعض الناس يازيــن فرقاه ماني على فــرقــاه خاســر مـراجل عِرْف المصالح والمجامل مانرضاه عــســاه يقــفــي عاجلٍ غــيــر آجـل يمسي ويصبح في ظــلامه وعــمياه مثل الغـراب اللي على الشــر حاجل ياكــثر مـافرّق جــماعــات بـحــكاه يصدر خبرمكــذوب ويقــول عــاجل عــزوم للــفـــتــنه ســـريعاتٍ خـطاه اســـرع عليــها من مـــراســيل زاجل عقّـــاد حــبل الشـــر مســــرج نواياه بينـــه وبين إبليــــس خــبثٍ مســاجل ماخاف ربــه فــي رذيــلة ســـــواياه ولاهو من ســـلوم المطــــالــيق خاجل منيع الله داخل العزيزي |
| الساعة الآن 08:01 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "