|
ديوان الشاعر عبدالله المندهه
الله يسامحه كــــــــــيف ايقول ناسيني
والله مافيه يــــــــــــــــــــــــوم الا تذكرته الحب عشرت عـــــــــمر مابينه وبيني الحب شيً مـــــــــــــــن الله ماتخيرته من كنت بالمدرسه والحـــب طاويني حبً قديمً ســــــــــــكن فيني وقدرته كنت انقش اسمه على الماسه من ايميني لين القلم من كثـــــــر ما انقشه كسرته وكنت اكتب الحــــب بلوه لا تلوميني والياء دعتني جــــــديد الثوب عطرته واجيه والشـــــــوق والفرحه عناويني واطير من فرحـــــــــــتي لمن ناظرته واليوم وقتــــــي معنيني ومشقيني والوقت جانــــي بعكس اللي تصورته تعبان ابرتاح ضمــــــــــيني وغطيني تكفين خلك تـــــــــــراء الايام قاهرته خليه يرتاح بيـــــــن الرمش والعيني لا تكدرينه تـــــــــــــــــراء الايام كدرته من قصايد عبدالله ثواب |
ياصاحــبي خل المــواقــف لهـلـها دام القدر مكتــوب هـاذي مــقادير النفس تجـهـل والبلاء من جهلها وتساوت الارباح مثل المخــاسـير ولا ضـــقت مـن ديره بـدور بـدلـها ولانـي مــدور لا اليــالـي مــعـاذير والبـارحه شـيً بـروحـي شـتـلها تشتلني الذكـرى واديـر التـفاكـير وذكـرت مـن روحـي بـحـبه نشـلـها وصارت اعيوني في غرامه مساهير لعـــيونــها بـنسى الحياه ومـللــها لعــيونــها بلعب لــحــون الــمجارير ماهي من اللي كل عاشق وصلها محبـوبتي سـادت جـميع الـغنـادير مثـل العـسل ماتـاصله من نـحـلها طـاغي بـزينه فــوق كـل الـمـعـايير قبل امس جيت وجات تمشي مهلها جيته على المــوعد سوات المسايير قالت هــلابك واســكتت من خـجـلها وانــا خـجـلها خــــدر القـــلب تخـــدير واسترسلت والــحب احــسه شــعلها وقــامت اتــصــارحــني بكل التــعابـيــر حبــه دخـــل بيــن الضـــلوع ونــزلـــهـــا ومشــــاعري صــارت لحــبه جــمـاهــير اهــواه رغــم اظــروف وقتــي وعــللـهـــا اهواه رغــم ان اليـــالي مــعـــاســـــــير صحـــــيح اعاني من الحياه وهــزلـــهـــا وصـــحــيح ماشــفنــا من ايــامنا خــيـــر لاكـــن تـــراء روحـــي تعيـش بامـــلــهـــا مـــرفــوع هــامه لــو تطــول المـــشاويـــر من قصايد عبدالله المندهه |
لا الــشــعر حزاتً ولا الصـمت حزات
واليــوم ياشـــعــري تراء ذي حــزتك بطب واخــتـــار الســمــان الغــزيزات خــابرك ماتــبــرد لياء جات عـــازتك واليــوم قــلــبي فزله عــــشـر فــزات ويـــن انــت يالي ذابحــتـــني معــزتك ماعــاد اشــوفك غير وقــت الاجـازات طــول الســنه جالس واحسب لجازتك ياكثــرهــم حـــلـــوين غـــيرك ورزات لاكن قــلــبي ما اشلــعــه غــيــر رزتك ويالي تــلــوم الــقـــلـب والهرج لمزات يالـيــتــهــا بالـعــــين مــــرت وخــزتـك الياء اضــحــكــت كن الوطى فـيه هزات لــوشــفـتـها عــن باقــي الــخـلق جزتـك من قصايد عبدالله المندهه |
اســــج بالافــــكـــار والــنـاس نـــيام00وفــكــرت فـي اللي لي واللي عــليه
ولا انهــدت احـــلامً بنــيـنالنا احـــلام00العــمــر يمــــضي واللـــيـــالي شقيه وياوجد حالي وجـد مـن ذاق الاسـقام00وجد الكسير ان طاح في ارضً خــليه وجد السجين اللي صدر حكمه اعـدام00توقـــفـــت دنياه ضـــلـــم وخـــطـــيه والبارحــه بالهـــم حـطـــمـت الارقـام00اهــمـــوم مـاتحصى اتـجـــيــب الاذيه مــن كثرها فـايز مـــن الــهــم بوسام00والجــــايزه جـرحــين والخــتـــم كيه وش حـيـلـتي ياكـــود سجـات الاقـدام00وش فــــــي يـــدي وايامـنا سـرمديه والوقـت زايل وان حـصل خـــير مادام00دنــياء الــــزوال وكل نــيـــه مــطيه وصابر وبصبر وارجي الــــخــير قدام00وارجـــي اسـنـيـن العمر ترجـع هنيه ويالله ترحـمــنا قــبــل رفــع الاقـــــلام00يالله تــغـــــفـــر كـل ذنــــبً وســـيه وصلاه ربي عــد مــن لـبـــس الاحرام00عــــلى نـــبـــين يــــنـبـذ الجاهـــليه من قصايد عبدالله المندهه |
الصبح نقض داخلي كل الاشـــــواق00ياصبح مـــن تنقيض الاشـــواق يكـفي
ذكرتني بلي له الـقــلب مـــــــشتاق00ذكــرتــني ياصــــبـــح حـــبـي وشــفي عــزالله ان الــبعــد عـــنها ماينطاق00البــعــــد يجـــرح ليـــت الايام تـصـفي قلبي حـــزين وحبــها يرهـق ارهاق00وجرحي عميق وداخل القـــلب مـخـفي الروح تنزع نزع من وسط الاعماق00والشــــوق لف القـــلب ياخــــوك لـفي ياليــت ماصــرنا مـع الوقت عشاق00ياليــــت مـــاجـــــاني غــــلاها يـــزفي والله مــاانــسى ليــلهً كانـــت افراق00ماانــــسى اكفوفه ترتجف وسـط كــفي الياء ذكـــرته ياملا خاطـــري ضاق00والــقــــلــــب لامـــنــي ذكـــرته يـرفي ملــكــتــني بالحـــب يازين الاخلاق00ملـــكتـــني بالــحب واصــبـحت ولـفي ومشاعـــري ترجمـتهافوق الاوراق00ونـــبض المـــشاعريندمج وسط حرفي من قصايد الشاعر عبدالله المندهه |
العشق كذبه والـوفاء لـعـب جهال00والــوصـل ضـحكه والدليل الخيانه
الناس مخلوقه على الوان واشكال00ودك تعــاف انـسان عـطه الميانه اللي تحـبه كـيـف يــجــزاك بهمال00هــذا وله فالــقـلــب قـدر ومــكانه لاواخـــساره فـيـه عـلـقــت الامال00لاواخـساره ضـــاع عمري عشانه ياخاين العـشره على ويش تحتال00هذا جــزاء قــلبً غــمــرك بحنانه روحي مدام الحب في عينك اهبال00النــفـس طــابت فارقــــي يافـلانه عهدً علي انــساك ياشين الاعمال00بنـــساك والخــاين يخــونه زمانه مثلك تراء لوراح مـايشــغـل البال00ملــعون مايـعــرف يكــود الاعانه واليــوم انامابيك فــي كل الاحوال00عـافــتك نفـــسي ياقـلـيل الامــانه من قصايد الشاعر عبدالله المندهه |
الله يعين اللـــــــي يسوي سواتي00يذبح عــــــــــيونه بالسهر والهواجيس
وعزي لمن ضاعـــــت حياته حياتي00يضحك ودمـــــعه في عيونه محابيس لادق هاجوسه يعـــــــــاف المباتي00ولياء رقـــــــــــد تزعج عليه الكوابيس طال الشـــــــــــقى وايامناجايراتي00والوقت يجـــــــرح مايعرف الاحاسيس دنيا علـــــــــينا حمولها مسرفاتي00واخــــــــــذت درسً ماهو ايات تدريس حتى كرهــــــــت ايامنا المقبلاتي00مافيه شيً يعــــــطي القلب تحميس العالم المجــــــــــهول كله شتاتي00وكل البــــــشر جنستهااليوم تجنيس وعندي تســـاوت مدح ولا شماتي00اسج لاضــــــــــاقت وعندي مجاليس العزه الـــــــــــــــعزه تراها سماتي00ماني من اللي يحوس الهرج تحويس امهارعــــــــــــزي كلها مسرجاتي00نفسي عـــــــــزيزه ماتحب الدنافيس الطيب طبــــعه منثني في عباتي00واعشـــــــــق علومن كلبوه نواميس ماهوكلام الاتــــــــــــــراها صفاتي00ارقى المــــعالي في زمان التعاكيس والاد وايل عزوتـــــــــي هم غناتي00عـــــــــزوه تونسني عن الهم تونيس حنا هل الجدعاء هل المعـــجزاتي00سقم الحريب اللي يوسوسله ابليس وختــــــــامها ربعي هل الطايلاتي00ولاهمنا هــــــرجً يجي من طرف هيس من قصايد الشاعر عبدالله المندهه |
يامل قــــــــلبً عذبته الصواديف 00وعزاه ياجـــــرحن من الناس ينشاف
لاقلت هانــــت عودلي مناكيف 00كن الضماير لالــــــشقا صارت اهداف وقتي شـــحيح ولايرد المعاريف00 وهموم بقـــعاء جات من كل الاطراف والحظ الاقشر كلف القلب تكليف00 لاقلت هانـــــت يرجع الهم باضعاف وطاح الكريم ولاقدريكـــرم الضيف 00ومنولن يعـــــرف مع الناس مضياف واليوم وقتي كتــف القلب تكتيف 00والرجل ثقــــــلت كنها فوق مهياف والبـارحه عديت روس المشاريف 00وتهيـض الخاطرعلى راس مشراف وغنيت شعـــرًخفف الهم تخفيف 00وارتاح بالـــي يوم اهوبل مع القاف وقمت اتذكــــرفالرجال الشواحيف 00اللي لهـم في عسر الايام ميقاف قمـــــــت اتذكرهم وافك المضاريف 00وذكرت من لي فالزمن ستر ولحاف وذكرت رجـــلن مالي ادلاله الكيف00 قرمً افعــــــــوله كنهاسيوفً ارهاف هوعزوتي ومــشرف القلب تشريف00 انصاه لاجاني من ايامي اجحاف ذخرته ومالي ومـــــــــــال الملاقيف00 واللي ذخر مثله تراء مابه اخلاف واناتراني فالزمن مانــــــي اضعيف 00مير الزمن بالضلم يحرفني احراف هذي حقــــــــيقه واقعً دون تحريف 00واقع مرير ويـــشرحه قلب شفاف تمت وجــــزلات المعاني عواصيف 00والوقت يطلب من هل الطيب ميقاف وعلى النـــــبي صلو وكونو مواليف 00صلو عليه اعداد من بالحرم طاف من قصايد عبدالله المندهه |
يوم اقبلت واقبـــلت والكل مشتاق
كلن يعبر حاجــــــــــتن في ضميره جتني تخــطى ويتمايلبها الساق والقلب خطـــــــوات التمايل اتثيره ثم ارتبــــكت وقلت ليه انت سراق سرقت قلـــبي ياعسى الله يجيره قالت اناقلـــت ايه سراق الاعماق قالت وانا فالــــسرق ماني خبيره قلت اه قلبي مــن عمايلك مافاق شبيت فــي وسط الضمايرسعيره بالهرج داعــــبته وحركت الاشواق تبسمت قالـــــــت واثرني خطيره قلت ايه ماهوشي حبك تصلفاق اكبردليــــــــــل انك لقلبي خفيره وصارت ادافـــــع من بعدجوهاراق وتقول تضلـــــــمني بقضاياكبيره وانته قضاياحضرتك تحرق احراق خليـــتني فالبيت مثل الاسيره لاكن طلبـــتك لا ادوج بالاسواق ولوينشغل جــــوالك اموت غيره من قصايد عبدالله المندهه |
ياليل ياطـولك وياطول مــسراك 00 وياكبر حـــظي كان فـــــيك اجتمعنا
وياليل انا بمشيك لوطال ممشاك00 والله مالــــوم اللي تهـــــيض وغنا ياهيه لوطال الزمـن ماتنـــاساك 00 ياهــــيه حبك وســــط قلــــبي تبنا النور كله ظاهـــرن في مـــحياك 00 ولا سلـــهمت عينك عسى الله يمنا يفداك قلـــبن تله الـــحب يفــداك 00 ويفداك مـــنهو في غــــــرامك تعنا وياحلوها ذكرى لياجات ذكـــراك 00 مير الزمان الشــــين مبـــــعدك عنا وياقلب ياقربك ويابعد مــــمساك 00 وجاتك هــــبوب الشـــــوق منا ومنا من قصايد عبدالله المندهه |
اشــوف فـالدنــيا ولا كـــني اشــوف00واشــوف شيً ماتمـــــنيت اشوفه
مـن ضيقتي بلعب على كل مــعزوف00وبزهم على شعري وارتب احروفه وبسوق ركب الحب عجلً ومشغوف00وبلاعــب الـــــــذكرى بروحً شغوفه اخــرلقــــاناجــــت تـخــطى بنفنوف00وسلــمـــت ويديني تـــعـــدت اكتوفه ودارالكــلام وعـــشقــــهالافني لوف00قلت انظري قـــــلبي غــــرامك يلوفه وفاضت مشاعر حب وكفوف بكفوف00وكــفـي عــــجـــزت افكها من كفوفه وصاحت تبي مني على الرجعه احلوف00حلفتله مــــن عــــقــب قـدم احلوفه والله لجي لودونــها الجـــيش مصفوف00واروي ضــــمى روحً لشوفه لهوفه من قصايد عبدالله المندهه |
هاذي القصيده نزلت في المنتدى ناقصه وفيها اخطاء من الناقل اليكم القصيده
كن الرياض اتقول مســـــــيت بالخير والعاصمه بركــــــــــــــــونها عانقتني في وصفها والله تخــــــــــون التعابير ابصم على العشـــــــره غلا ولعتني قالت هلا واحـــــس انا في هلا غير عن حبها وشــــــــــــكوكه كلامتني تشره على صمتي وتبـــغى تقارير وشلون اصارحــــــها بعد صارحتني وصار الغزل مقــــبل وبعضه مدابير المشكله ماتقـــــــــتنع واقنعتني نويت اقول الصـــــدق ماهو معاذير علمتها لاكن ماصـــــــــــــــدقتني حبك بلاني فيه والي المـــــقادير ويزينها الاقدار عـــــــــندك رمتني ارهاب عينه فجر القلب تفـــــجير حتى مدافع بســــــمته فجرتني تنظيم حبه فاق كــــــل المعايير تحزمت بالعـشق ثم انسفتني وصاروخ قلب لقلب حددله السير يضرب مــــشاعرها بعد عاندتني حاصرت قلبه لين قلبه غدى اسير اوشكت انا بالنصرعــقب اهزمتني وفي غفوت احساسي ولا ادري وش يصير كانت اسيره واقلــــــــبت واسرتني فعلن عظيمه والمشاعر مغاوير علمتها حبـــي وهي علمتني وشلون مدري بس تفرق عن الغير في قاعه احــساس الغلا درستني ولعيونها غنيت شــــعري بتطوير خيال واقع حب من عذبتـــــــني وصار الرياض يقول تصبح على خير والعاصمه بركــــــــــــونها عانقتني من قصايد عبدالله المندهه |
بين الضلوع العــــــــــــوج قلبي يرفا
من هاجسً حـــــاف الضلوع وكتفها امسيت مالـــــــي فالحياه اي شفا امسيت روحـــــــــي وقتها مانصفها يلفني هاجوس الايـــــــــــــــام لفا واحس كن الروح شــــــــيً خطفها وياهاجسي صــــف الطواريق صفا وحاول تبدل مــــــع سلفها خلفها وزف القصايد يــــــــم الاصحاب زفا وانشد عــن اللي كل شده وقفها وقله تراء نــــــــــور الحبايب امطفا وايامنا شردً ولا احـــــــــدً عسفها ويامسندي بــــردان وشلون ابدفا ليلة شتاء عــــــيت ادفي الحفها ولا تصفي الـــدنياء ولا اظن تصفا قلته بعد عييت لامـــــسك طرفها وتخيل يكــــــــمل حبيبي ويجفا روحي تجي روحي وتلعن جدفها لابوه كانه مارحـــــــــــمني وقفا لابوه لابو هالحـــــــياه وسخفها من قصايد عبدالله ثواب |
ياعنك ماني لا الـــــــــــهزيلات ضاري
مير السنين اركـــــــــت علينا نكدها اون وايميني اتصــــــــــــافق يساري غيمت حزن في جـــوي ابرق رعدها صاير بعيني مـــــــــــن عناها مواري يرحمك ياذيك اليـــــــــــالي وسعدها يطري على قلبي ثمانيــــــــن طاري علمن لياء اطراء حالتــــــي واجهدها حزن والم ذي حالتــــــــي بختصاري قلبي امضيع حاجـــــــــتن ماوجدها وكلن بهمه تالي اليــــــــــــل ساري وايامنا بالجور كـــــــــــــــــــلً نقدها والبارحه هبت هــــــــــــــبوب الذواري وشبيت ناري لين صبـــــحي خمدها وفكرت في بايع اهـــــــروجه وشاري اللي بعد جيته اهــــــــروجه جحدها ياهيه ماوقف علـــــــــــــيك انتصاري ولا حركت ساكن اعلـــــومن سردها ياشين طبعً في عــــــــيال الحواري كلن لياء جات الســـــــوالف رصدها ماعندهم رفقه ولا حــــــــــــدً يداري اطيبهم اللي هرجته ماســـــــمدها دنياء دنيه عشــــــــــــــــتها بختباري درست منهجها لغــــــــــايت اجلدها يعيش من يملك اكنــــــــوز وجواري لاضاقت الدنيا بمـــــــــــــــاله فردها مايشتقي باعمال حط استشاري والناس عنده بالـــــــورق يعتمدها ناسً على لكزز ونـــــــاس ابفراري وناسً اتعاني من عكاست اخردها مابيك ياوقتي وهـــــــــذا اعتذاري دنياء تعز الاش وشــــــــــهو بعدها وجتك القصايد نــــــــضمها ببتكاري من شاعرً كل المــــــــــــوارد وردها من قصايد عبدالله ثواب |
قالت حرام اللي تســـــــــويه فيني
احرقت قلبي يــــــــوم قلبي تمناك وقالت حرام اتـــــنزل ادموع عيني قلت السبب ماهوبنا من سواياك وقالت تعال وقلــــــــت وينك اويني القلب صد وشــــــــد ماعاد يبغاك |
قامت تزاحم فالضــلوع المحاديب قصايدً سرت هجـــــــــوس المعنا وجتني قوافيها بليــــــــاء مناديب وغنيتها حره تغـــــــــــــــــني لحنا وسرت هواجـــيسي ادور معازيب وامست هواجيسي بحروه عربنا من عادتي ماقلط على غير ترحيب وبلعون عن عــــــــــاداتنا ماجهلنا يمكن يجي في ايامنا قل ترتيب لاكن انرتبـــــــــها لياء من وقفنا وحنا بشر مخلوق مايعلم الغيب اقدار يعني مالنــــــــــا عن قدرنا قلته وانا اللي شاف كل التعاجيب قلته وانا اللي مغــــترب في وطنا ومهما حصل نرقى لروس المراقيب وافعالنا تهرج ولـــــــــــو ماهرجنا وايامنا جابت اعــلوم الاصاحيب ماقصرت باصـــــــــــحابنا علمتنا من قصايد عبدالله المندهه |
يمكن يجي في ايامنا قل ترتيب
لاكن انرتبـــــــــها لياء من وقفنا وحنا بشر مخلوق مايعلم الغيب اقدار يعني مالنــــــــــا عن قدرنا صح لسانك يابو ثواب وقصايد جزله وابيات من ذهب والماس لاتحرمناء جديدك |
لو الطفش يصــــــرف دنانير وافلوس يمديني امــــــــلك مليارات وملايين وقتً يسر انفــــوس ويضيق انفوس والزين صاير شين والشين جاء زين الوضع صاير عكـس والحال معكوس انقلبت الصـــــــــــــوره بلياء عناوين الذيل اشوفه صـــــاير ايطاول الروس وكلً يقول انا كـــــــــــــعام المعادين قلته وانا اللي ماخـذن وقته ادروس اقولها من كثـــــــــر ماشافت العين ويالله يالي عـــــــالمً كل مدسوس انك اتثبتنا علـــــــــى الحق والدين |
صح لسان شاعرها قصيد جزل , وأغراض شعرية متنوعة ,غلفتها مفردات سلسلة من السهل الممتنع . من خلال البحث في مفردات الشاعر نجد انه يتمتع بزخم طيب من الثقافة وتوظيفها في تصوير المشهد الشعري لديه , ومن ثم استمتاعنا بهذه المشاهد والصور الأدبية . بارك الله في شاعرها وناقلها تقبلوا مروري اخيكم ,,, ابوغاده |
ياهلا ومسهلا اخي ابوغاده
نورت الديوان واضفت اليه جمال بحضورك الرائع وكلماتك الجميله تقبل تحياتي واحترامي |
اسري مع الهاجــــوس واطوي كتابي واقول يارجلي مــــــــع الناس دوجي واجاذب الونات واخــــــــــفي اعتابي وافوج العزه لنفـــــــــــــسي اوفوجي من ضيقتً بالـــــصدر ضاق الفضابي وجريت وناتً بــــــــــــصدري اتروجي من شافني يقــــــراء بعيني عذابي ويترجم اهمومً ابصــــــدري اتسوجي يلوم قلبي واحــــــــــــــــدً مادرابي يلومني خبلً كثيــــــــــــر الهروجي والله لعز النفس واكـــــــــرم شبابي واشوم عن هرج الخـــبول العلوجي واسج لاضاقت واحـــــــــــرر جوابي ويالله عسى نفسي لهم ماتحوجي ولاهمني من راح هــــــرجه سرابي لي عزتً عنها المــــــــــقرد اتموجي ويقطعك يامجلــــس طلاب ونشابي واهروجهم نكــــــــده وتلفيك عوجي وعزالله اني عفــــــــت والظن خابي وهبيت يالـــــــــــي للربايع خلوجي وبسجل الواقع واكـــــــــمل خطابي والوقت يضحك نوج ويــــــصد نوجي وياعنك فالضـــــلمى ينور شهابي لاكن تريح ياكثــــــــــــــير الهروجي لشاعر عبدالله ثواب |
ماني على كيـــفي على كيفها هي حبه جرى فينــــــــي كما يجري الدم لو شفتني جالـــس تراء ماني ابحي اموت باحســـــاسي وحضرتك منخم اهموم بقعاء يــــــوم اشوفه ولا شي لاشفتها ماكـــــــــــــن في وقتنا هم |
اقتباس:
فــنان يابن الــعـــم بالــقــاف تهتم |
اخي الليث نورت الديوان بمرورك العطر
كل الشكر |
اخي اسير الصمت المعذره مانتبهتلك
كل الشكرعلى المرور العطر تقبل تحياتي |
صح الله ألسان الشاعر عبدالله على الابيات النادره
ولاهنت يابرق |
اخي المايسترو شكرا على المرور العطر
لاهنت يالقرم |
الخوف احسه زعــــــزع القلب والروح
خطير من خوفي تكــــــسر اضلوعي احس بارهبه وعــــــــــــيني لها فوح ماهو بخوف امن البــشر والجموعي خوفي من الله عــــــالم السر والبوح اخاف من يومً نهــــــــــــــــاره يروعي يومن يشيب الطـــــفل والعالم اتنوح والخلق لرحمن تبـــــــدي الخضوعي ويالله مالي غـــــــــير رحمتك مصلوح لابد من يومً مفـــــــــــــــارق اربوعي وفالقبر حطوني وغــــــــــطوني ابلوح واسمع قريع انعــــــــــال كل الفزوعي يالله يالي منجي امــــــــن الغرق نوح ارفع يديني والخــــــــــلايق اهجوعي يالله تجعلني مـــــــن الذنب مسموح ادعيك والخد غــــــــــــارقً بالدموعي من قصايد الشاعر عبدالله ثواب |
فزيت من نومــــــــي وبسمه زهمته
ويرجع صداء صــــــــوتي وارجع وارده اثر الغلاء ياخــــــــوك صعب ان كتمته والياء فضحته صعـــــب واصعب ابحده ذبحني ابحــــــــــــــــبه وانـا ماذبحته يحدني للحب وازريــــــــــــــــت احده حبه سكن بين الضـــــــلوع وحفظته عينً فراشله وعــــــــــــــــــينً مخده في غيبته يامى بعــــــقلي رسمته الله عليها كيــــــــــــف قلبي اتشده سبحان ربً صــــــــــــــــوره لاعدمته كن السحاب العيــــــــن والبرق خده ادعي عليه امن الغـــــــــلاء لا ذكرته لازاد شوقي قلــــــــــت لا رحم جده والشعر لولا حبـــــــــــــــــها مانضمته ولاغصت فبــــــــــــــــحور وجزره ومده ومدري كسبني الزيــــــن ولا كسبته بس الوكاد انه ذبحــــــــــــــــني ابوده من قصايد عبدالله المندهه |
يوم البشــــــــــــــــــــــر مابين راقد وينعس
جلست احسـب واضرب اخماس باسداس من زود مابي منحـــــــمس خاطري حمس والقلب كنه ينحـــــــــــــمس فوق محماس ماغير انا واليل مانســـــــــــــــــمع الهمس واجر وناتي علـــــــــــــــــــــــى كل مرواس مجروح قلبي واقــــــــــــــرب الناس ماحس واكبرمصيبه فالـــــــــــــزمن جرح الاحساس ماهم بشر ذولا مبـــــــــــــــــــاديل وادقس والاش لوتســــــــــــــــــــتفزعه يوم ينحاس مليت اجاملهم هل الكــــــــــــــــذب والدس يفرح لياء شاف المشـــــــــاكل على الناس حرام وديبه عن العـــــــــــــــــــــــالم يطس يالله عسى تخــــــــــــــفيه دورات الارماس ياخوك ودي ديرتً مـــــــــــــــــــــابها حس برتاح من هرجه وابـاريـــــــــــــــــــح الراس برتاح من كثر العناء والتكـــــــــــــــــــــعمس خلاص يكفينا هــــــــــــــــــــــموم وتكعماس ........................ |
متابع بااعجاب
|
مقدي الجهام
محمدالذيب مروركم على الديوان يعني لي الكثير شكراً من القلب |
ياهاجسي عبـــــر ولا انته بمعذور
عبر وهات امــــــن القصايد مثايل وياناشدً عني تبي العلم بسطور اناعزيزي ربعـــــــــــــــي الادوايل ربعً لهم فالمجـــــد والمعرفه دور بني عزيز مطــــــــوعت كل عايل حنامن اللي ياخـذ الشور ويشور ونعطي على كــل الفعايل دلايل حنا هل الجـــدعاء ولانقبل الجور فالترك سوانا العـــــجب والهوايل عدونا من فعــــــــــلنا راح مذعور بافعالنا تشـــــــهد جميع القبايل ورجالنا لوهو ســـــكن لحد وقبور صيته مع العربان صــــايل وجايل واليوم حمدلله بقـــت خيروسرور في ضل دولتــــــنا تضل الضلايل وياناشدً عني تبي العلم بسطور اناعزيزي ربعـــــــــــــــي الادوايل .................. |
ياعنك مانـــــــي لا الهزيلات ضاري
مير السنين اركـــــــت علينا نكدها امسيت ماحين عـــــن الحال داري امسيت احس الـــــروح قرب وعدها اون وايميني تصــــــــــافق يساري غيمت حزن في جوي ابرق رعدهها يطري على قـــــــلبي ثمانين طاري علمً لياء اطراء حالتي واجــــــهدها والله لموت ولا يبيــــــــــن انكساري لاون قلبي كل زينـــــــــــــه فقدها كلن بهمه تالــــــــي اليل الساري وايامنا بالجـــــــــــــــور كلن نقدها ياذخر قلبي فالـــــــــيالي الغداري لاتموت روحــــــي توها في مهدها ياعزوتي ماهــــــــو بوقت اعتذاري الناس لاضاقت تنـــــــصى سندها وياعنك ماستفزع على الهم جاري اصبر لو اتزيد الــــــــــجروح ابعددها وصدات مثلك ماتـــــــــــهز اعتباري هبود فالمجلس هــــــروجه هبدها ياهيه ماوقف علـــــــــــيك انتصاري ولا حركت ساكــن اعلومن سردها وش يستفيد اللــــي بهرجه يماري حي الولد يوم الســـــــوالف جردها يبين لاهبت هبــــــــــــــوب الذواري لاهبت العلياء زروعـــــــــــه حصدها الطيب فينا لايغــــــــــــــــرك حذاري احذرتضيع جمـــــــــــــرها من بردها يقطعك طبعً في عيال الحــــــــواري كلن لياء جات الســـــــوالف رصدها واليوم في داري ولا اتقـــــــول داري واهل البلد متغيـــــــــــره عن بلدها وطبع الصقور اليـــــــوم مثل الحباري ناسً اتجاوبلك ولاحدً نشـــــــــــدها يقطعك رجلً مرتكيــــــــــــلي وزاري وذيك السوالف يحـــــــــسبنه ولدها خبلً ولد خبلً وياكــــــــــــــل كباري ياناس كبدي بالســـــــــوالف لهدها يعيش من يملك كنــــــــــوز وجواري لا ضاقت الدنياء بمـــــــــــاله فردها مايشتقي باعمال حـــط استشاري والناس عنــــــــــده بالورق يعتمدها ناسً على لكــــــــــزز وناس بفراري وناسً تعاني مـــن عكاست خردها ليت الزمن يرجــــع سيوف وشباري يوم اليالي صـــــــــادقه في وعدها يوم النشمى تحتــــــمي بالسواري يوم الضعوف اضعـــــوف كلن طردها وقتً وفيه الاش عـــــاش احتقاري واليوم ناقمنا الردي وش بعــــــدها مابيك ياوقــــــــــتي وهذا اعتذاري دنياء تعز الاش وشــــــــــــو بعدها جربتها واخــــــــــذت فيها اختباري درست منــــــــهجها لغايت جلدها ياقلهم لو فــــــــي عددهم اكثاري واللي قــــــصد ماكنه اللي قصدها صارت علوم القــــوم ضحك وهزاري وكلن لياء جات الـــــسوالف عمدها ماعندهم رفـــــــــــقه ولا حدً يداري ......يجري خبــــــثها في جسدها مثل الهمل تســـتن وسط الصحاري حرام ودك بالعصــــــــــى تستبدها وجتك القــــــــــصايد نضمها ببتكاري من شاعرً كـــــــــــل الموارد وردها ولن طولت والله لعســـــــف امهاري وقومن لصبــــــــــحها وقوم اهجدها |
عــبـدالله المــندهــه ديــوانه اعجبني
يعجـبـني الفكر مع حبكه مع اسلوبه قصــــايدك يابوعابد حيل تــطــربني ابيات فيها الذهب والماس مصبوبه وقفت في مدونتك الشـعـر يــجـذبني مثل الخـفير الذي مـاســـك على النوبه |
صح لسانك اخي الليث وتقبل هذا الرد المتواضع
لاهنت ياللي على الجــــــــــزله تحمسني والليث والله لرحـــــــــــــــــــــب لو بمندوبه الليث لامر ديـــــــــــــــــــــــواني يشرفني افرح لياء شفـــــــــــــــت مردوده ومكتوبه وراعي الجــــــــــــمالات يالله معه جملني ومن يعمل الطيب يلــــــقى الطيب بدروبه |
والله كـــــفـــو نعم هات الجزل وسمعني
ابــيـاتــكــم عـنـد كل الـــنــاس مـرغــوبه منك نتعلم بنــظـم الشــــعــــر صـــدقني لاصـارت ابـيات لك باســمك ومــنــسـوبه صح لسانك ابوثواب |
الياء نسيت القصــيد الليث هيضني
اشتاق للشعر يـــــوم يجر مسحوبه والليث شاعر يعرف الشعر والفني وقصايده عنـــد كل الناس مطلوبه |
ودي اعيش امع القــــصيد انسجامي
بعيش مع نفـــــــــسي وادير التفاكير ولاودي العالم تشـــــــــــوف انهزامي واكبر خطاء لاجبــــــــت لاخطاك تبرير ولاطاح دلوك وانـــــــــت بلحيل ظامي ياشينها لامـــــــــت ظامي على البير واليل سره في عتيـــــــــــم الضلامي يخفي عن العالم هــــــــــموم وتقارير وانا مثل ليلً وناســــــــــــــــه نيامي يضيع فينا اللي جـــــــــــهل فالتعابير وانالياء شفـــــــــت الربوع الحشامي افرح ولطيب معـــــــــــــــــــزه وتقدير ولا الردي ماله بقلبــــــــــــي مقامي لاشفت زوله قلـــــــــــــتله خير ياطير اهل الهروج مــــــــــــــدورين الخصامي بهرج القفى يمــشي مع السير ويسير ايذمنا لاشً بقرشــــــــــــــــــــين زامي ايذم لاكن في ظــــــــــــــــهور المناعير مايدري انا مـــــــــــــــــن رجالً كرامي وقفاتنا تجبــــــــــــــــــر عظامً مكاسير مايدري انا عزوت اللـــــــــــــي يضامي ومنهو زبنا يامن ويبـــــــــــــــــشر بخير حنا من اللي يحتــــــــــــمون الجهامي واللي نبيه يصيـــــــــــــــر ياعنك بيصير ولا الزمن هـــــــــــــذا عليه السلامي صغر كبير وكبـــــــــــــــر اليومه اصغير |
وين انت يالي لعيـــــــنه ساهره عيني
اللي لياء راح طيـــــــفه يسكن بروحي ليته يشوف الفــــراق اشلون مشقيني ويشوف دم الضــــماير كيف مسفوحي صحيح فارقت لاكن ســـــــــاكنً فيني اكبر ويكبر غلاه وتكــــــــــــبر اجروحي من يوم فارقت والضـــــــــيقه تخاويني ضايق وقلــــــــبي عليه يحن وينوحي عن حبها ماخلق منــــــــهو ينسيني ماينوصف كل شـــــــيً فيه مملوحي والله مانسى يمــــــينً شدت ايميني في ليلهً مبتداها ضحـــــــك ومزوحي متبادلين الغلاء والحـــــــــــــب كاويني عشاق نحلم ونبــــني بالغلاء صروحي ودار الغزل والســـــــوالف قامت اتزيني وكلن يعبر عن الاشـــــــــواق بوضوحي اول دلعها بغير اســــــــــــمي تناديني اتصغر اسمي دلع والحــــــكي ملفوحي وقالت ياليتك مثــــــــل ماغليك تغليني سكت واســـترسلت والصوت مبحوحي حداني الوقــــــــت لين اخلف عناويني وروحت عنهم واحــس القلب مذبوحي مشيت عيــــني نظرها اخلاف ويميني وروحت مالي من المـــــرواح مصلوحي واليوم مشــــــــــتاق لاكن وينه ويني بيني وبينه مســــــافه مالها شوحي وعجزت الاقــــــي بداله من يسليني وازريت لاستـــــر غرامً صار مفصوحي |
قامت اتصافــــــقنا هموم وغرابيل
وحنا نعاندها ولا فيــــــــــــه حيله في وسط قلبي كيـــل الهم تكييل تعبت من قلــــــــــــبي بدور بديله وايامنا ترفض تجيــــــــــنا تساهيل متنيله ياخوك ستــــــــــــــين نيله ونات من قلبـــــــي سرت باخراليل سرت واحـــــــس ان الثواني ثقيله مبطي وانا ماشـــفت لمع المخاييل والقاع مبطي ماجــــــرى فيه سيله يالله تسقي دار الامـــــحال بالسيل يالله بسيلً كــــــــــــــل غثً يشيله ودي ينظف واديً بـــــــــــه سماليل من مزنتً براقها نتستـــــــــــــخيله ولاجهت الديره بجيــــــــب المعاميل وكلن على كيــــــــفه ينادي عميله واللي برك للحــــــمل مجبورً يشيل واليل مايســـــــــــــــريه غير الدليله وين انت يارجلً يعـــــــرف الحلاحيل وين انت يالي فالزمن نشــــــتكيله ياصاحبي جتنا علـــــــــــومً مهازيل جتنا علومً كلبـــــــــــــــــوها هزيله وفازو بهدنـــــــــــــــياء رجالً مباديل وشهو بعدها اللاش يرقــى الطويله |
الضيقه اللي ثمـــــــــــان اسنين امربها
لامرت القــــــــــــــــلب زوع من معاليقه واليله اللي يحــــــــــــــــــــيرني تقلبها سهرتها ضايقً والصـــــــــــــــبر ماطيقه نفسي حزينه تعاتبنـــــــــــي واعاتبها وش حيلت اللي من الدنياءنشف ريقه يوم الحبايب تـــــــــــسامر مع حبايبها اسامر الهم واقـــــــــــضي اليل تعليقه والنفس ماني على المقفين غاصبها والحرماميـــــــــــــــــــــزه ياكود تحليقه ياصاحبي جاتك ابيـــــــــــــــــوتً مرتبها والشعر ماني ابلشانً ابتنـــــــــــسيقه غنيت من ضيـــــــــــقتً باصدر احسبها غنيت واطول جبـــــــــــــال المهد باويقه والعين كثرالــــــــــــــسهر ياخوك متعبها نومي على الكوع ولا نـــــــــــوم تدنيقه اسهرني الهــــــــــــــــم واظروفً مجربها ماهوسهر عاشــــــــــقً يلعب لعشيقه |
تسلم ياخوي البرق على طرح الدرر من شاعرنا وشيخنا الشاعر عبدالله المندهه عزالله اني قريت شيخات القصيد من شاعرنا النجم المختفي ولم نراء للقريب لكن وجوده معانا مكسب للمنتدي صراحه ديوان يستحق الاشاده من متايعيه وتقبل تحياتي اخوك ابن شداد الطلاحبي |
ارحب تراحيب المطر يابن شداد
يعلم الله اني احترت ماذا اكتب وكيف اشكرك على هذا المرور وشهادتك اعتبرها وسام من الدرجه الاولى والمكسب والله وجودك انت وشرواك في المنتدى اخي بن شداد شكراً من القلب على المرور المشرف اخوك عبدالله المندهه |
طرح يرضي سمو الذائقه وحروف تجسد الابداع في قوالب فاخره سلم لنا ذلك الفكر وتلك الحروف صح لسانك . . . تقديري الجم |
مرحباء يابو وايل مرور رائع كروعه صاحبه
مرحباء بمهندس الكلمه ومطوع الحرف وانا من المعجبين بشعرك وبشخصك الكريم شكراً على المرور والكلام الجميل اخي عبدالله هلال تقبل تحياتي |
كن الزمن جالــــــــس يطالبني بثار
مدري علامه حــــــــــط دوبه ودوبي قلبي يودع هم وهــــــــــموم خطار خطار قلبي من شــــــمال وجنوبي ومن يوم ضيفي هــم يبشر بمقدار الله يحييهم بصـــــــــــــــــدرً رحوبي الضيف له عندي هلا مالــــــه اعذار يامرحباء بالهم لاســـــــــــار صوبي والقلب اخذ مع ضيفه الهم مشوار قلبً كريم ولا المـــــــــعزه كسوبي جعله على القـــــــوه لياء وقتنا دار من كثر همه مايحسب محسوبي مايشتكي هـــــمه على كثر ماصار حرام مايبلش يعــــــــــــرف الدروبي حرً لياء ضاقت كفــــــــخ ريشه وطار يكفخ لياء كثرت هــــــــروج الكذوبي طبعه يجي قاسي لياء جات الاخطار يومن قلب اللاش ســــــــرعه يذوبي وعياء يقوم الحظ ويــــــــشوف الانوار ماكنه الا لتعاسه مغصــــــــــــــــوبي ويزيد همي لانتهى شــــوف الابصار ويثور هاجوســـــــــي بوقت الغيوبي والادمي يمشي تحت حكـــم الاقدار اقدار يعني كل شــــــــــــي مكتوبي ويالله يامنجي عبيــــــــــدك من النار يالله تقبل توبت اللــــــــــــــي يتوبي يارب عبدك يطلـــــــــــبك وانت غفار يارب انا طالبك تغـــــــــــــــفر ذنوبي ............................................ |
يابن ثواب ابدعت في نظم الاشعار
نجمك سـطـع يسبق رياح الهبوبي صح لسانك واعتلاشانك |
يامرحباء مليـــــون تردف لمليار
يامرحباء باللي يفك النـــــشوبي الليث مطــــــنوخً ومن قومً اخيار الطيب طبعه مـــــع ذرابه سلوبي اخي الليث مرورك يشرفني وشهادتك اعتزبها وانا اشهد انك شاعر كبير لاخلا ولاعدم |
مشاء الله ابداع ولاهي غريبة على شاعرنا ولي طلب عند شاعرنا ابيه ينزل قصيدته اللي منها يوم اقبلت واقبلت والكل مشتاق.......... تقبل مروري محمد صقر ابن حافل |
ارحب يابو نواف
الابداع مرورك الراقي وابشر غالي والطلب رخيص تقبل تحياتي |
اساهر نجوم ليلً غايــــــــــــــــــبن نوره
واقول يالله عـــــــسى شعــري يسليني بنظم بيوت القصــــــــيد من اعذب ابحوره لكن تحلي بصبـــــــــــــــــــر ايوب ياعيني يرحمك وقتً مضى والنفــــــس مسروره ماكنت احسب الشقى مكتوب بسنيني واليوم نفســـــــــــــي من الايام مقهوره مغير اهوجس واقــــــــوم اصافق ايديني وعزالله انا لياء ضقــــــــــــــــــــنا لنا ثوره الياء اعتزينا نفك الصـــــــــــــــف صفيني من روس قومن علــــى الطالات مذكوره رجالنا فالشـــــــــــــــــــدايد عزه ايبيني ويانفس جعـــــــــــلك من الايام ماجوره يانفس عزك تراء تلفــــــــــــيبه ايميني ويانفس مانتي على الشـينات مجبوره عرفي وقلبي على الزينـــــــــه يوديني والرجل مـــاهــي لياء عـثـرت بمثبوره تنهض وتسبق وفالميـــــــدان تشفيني والقلب راسي جبل مايختـــــــلف شوره مثل الصخر قاســـــــــــيً ماضنه ايليني واليوم اشوف السعاده شبـــــه محظوره ولاشلت هم الزمــــــــان اللي مجافيني والحر مايرعبه فالجــــــــــــــــــو عصفوره الحر لمن كفخ بالريـــــــــــــــش يطربني لكن اشوف الردي يلعــــــــب على دوره لابو زمانً يعز اللاش والـشــــــــــــــيني |
الرفقه اللي بــــــــــــس بالهرج تنعاف
والهرج مايروي كـــــــــــبود المعاطيش لي نظرتً فالناس والفـــــــعل ينشاف واعرف منـــــــــــــهم فالوازم مكاميش حاولت احـــــــــــــــرفها ولا فيه محراف والطايشه ماتــــــــصدر الا من الطيش من لا يجيله ســـــــاعة العسر ميقاف حرام ماودك مع العـــــــــــــــالم يعيش واللي هروجه ثقـــــــــل وافعاله اخفاف ودك تسويله مـــــــــــع الناس تهميش اثر الردي تضــــــــــــهرله احلي واوصاف تموت في حــــــــــيده ولا يوكلك عيش ويالي تحاول تقــــــــــسم العالم اطراف ابنشدك تاقف وتقــــــــــــعد على ويش ويالي تقـــــــسمها على اثلاث وانصاف دوبك على عمرك وبشــــويش بشويش ......................................... اتمنى ان تنال اعجابكم اخوكم عبدالله المندهه |
| الساعة الآن 02:37 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "