|
شايب ومعزبته
قصة شايب ومعزبته وهي عايشة معاه طول السنين وتعرف حاله وامكانياته ولا تبي تحمله اكثر مما يقدر عليه ومسايرته وهو شايب كبير في السن وهي كذلك كبيرة هالشايب له ولد نشمي.. جاه الولد وقال يا يبه وش رايك لو نزوجك ؟ قال: والله الساعة المباركة.. اي والله يا ولدي، يا ولد السعد.. اي والله زوجني قال الولد: ها ما به خلاف.. قام وخطب له ذيك البنت، وهم شغالين في ترتيب الزواج درت العجوز وتأكدت ان الشايب بيعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته متقاربه وبياخذ له بنت قالت العجوز لولدها : ياولدي انتوا بتزوجون الشايب؟ لا تزوجونه ماله لزوم.. الشايب ذا المفروض ما تزوجونه .. العجوز ذي شاعرة وكذلك الشايب شاعر.. المهم قامت وسوت لها كم بيت في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته الاوليه قابله منه الميسور وراح تتغير عليه الامور قالت العجوز: جملنا جملنا باركن له ثلاث سنين :: وهو ليّا جبنا له الحمل ما شلّه ماغير القتب والمزودة وسطها مدين :: وهو بارك عجزان عن شيلها لله وذا اليوم جبتوا حملةٍ وزنها طنين :: وذا الحمل يا الاجواد ما هو قد لّه جيته وقلت بالهون بالهون يا مسكين :: هذا الحمل يبغاله جمال تجهم(ن) لّه ماهوب انت ياللي جايب فيدك من الصين :: أنا اللي أعرفك زين يابارد(ن) دلّه قام الشايب والظاهر عنده امكانيات.. لكن ذي العجوز واقفه في طريقه ومدقره له الرد من الشايب: جملكم ماهو مسكين يا جعلك السكين :: جملكم يبي ينقل زهاب العرب كلّه وهو اللي نفع العرب في الزمان الشين :: لكن الجمل في تاليه طاح في علّه وقع في رحول طول سيقانها مترين :: صخاف الجنوب ضلوعها كنها هلّه وحتى الجمل من شوفها صار حاله شين :: وهي السبب في طيحته جعلها العلّه لها ذيل أجرد عمرها من ورا السبعين :: وعز الله انها تمرض القلب وتعلّه لكن جيبوا للجمل بكرةٍ عمرها عشرين :: وتشوف الجمل يعطي كلش على حلّه ليا عيّن الحمرا الردوم اشتغلها زين :: وخله بعيد من أم شاصين منحلّه اذا الله عطانا عمر وانتوا من الحييّن :: تشوف الجمل لو حملوه طويق يشتلّه منقول |
صح نقلك يا الذيب وتسلم يمناك تحياتي لك |
اسعدني مرورك ياعلى
والف شكر لك |
ماهم هينين الشايب وعجوزه
العجوز دابل تسبدها العوووووووووووووووووود ههههههههههههههههههههههههه اخي محمد الذيب سلمت يمناك على القصه الطريفه |
الله يسلمك ياابو فيصل
ويخليكـ ذخرناً لنا |
ماهي هينه العجوز والعود اقوى
كل الشكر ابن الذيب |
الله يسعدك ويحفظك ياالليث
|
لازالت المرأة ماتحب الشريكه حتى وهي عجوز
|
الاخ محمد الذيب السلام عليكم تشكر على هالمشاركه الطريفه وهذا من ذوقك الطيب وبصراحه صرنا نتشوق لكل مشاركه لك وشكرا |
تسلم يالذيب على السالفه الطيبه |
اقتباس:
شكراُ على المرور والتعليق الطيب |
اقتباس:
شكراً على المرور والتعليق الطيب |
اقتباس:
شكراً على المرور والتعليق الطيب |
تسلم يالذيب على النقل الرائع تقبل مروري المتواضع دمت بخير اخي |
اقتباس:
الف الف الف شكر على المرور وكل عضو يتمنى مرورك على مواضيعه لاننا استفدنا الشي الكثير من عودتك وهذه ماهي غريبه لانك من موؤسسي هذا الكيان |
جزاك الله خير بارك الله فيك قصة غاية في الروعة تم النشر على توير https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
| الساعة الآن 04:20 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "