|
عندي موضوع بس مستحي منكم ,,,
السلام عليكم ورحمة الله وبركاته صباحكم / مساكم بخير وصحه وعافية ياشباب فيه شي يدور بخاطري وابقوله لكم من زمان بس مستحي منكم والله مدري من وين أبداء وخايف اذا قلته محد يصدقني !!! |
يارجل كلمتاً تستحي منها بدها |
ياأبن العم مدري ويش اقولك |
اخوي الوتيش
افا يالعلم ليه تستحي من بني عمك قولها يارجال وتوكل على الله لكن قولها في قسم الاقتراحات والشكاوى عشان اذا فيها شيء والا شيء ندبرها ههههههههههههههههههههههه |
يالطريس ميحتاج شكاوي واقتراحات ومشكلتي الحين انا ماقدرت احلها ومقدر اطلع منها وحبيت اعرضهاعليكم عشان يمكن تساعدوني فيها |
اخوي الوتيش
مشكلتك بسيطه ومحلوله لاتشيل همها |
اااااه لو تدري عنه يالطريس ماكان تقول بسيطه بس انا ماحبيت ابيح سدي الا للرياجيل الي مثلكم وشرواكم لان سدي عزيز وغالي علي |
طربق .. طربق ..طربق .. طربق .. طربق .. طربق
طاع طربق .. طربق ..طربق .. طربق .. طربق .. طربق طاع تقبل الله منا ومنكم صالح الأعمال ومساكم خير مع الوتيش وقضيته ههههه |
جيتك ياابو زويد ابشكي حالتي وخابر الي مثلك وشرواك يسد اللزوم |
هلا وغلا اخي الوتيش افا يالعلم لايتكدر خاطرك ولاشي ماهو اقصور في من سبقني في الرد من اخواني وهم قدها وازود ابشر بعزك باذن الله محلوله سواء نقدر عليها او نجيبها بوجيهنا عند الرجال اللي يقدرون |
وخرو وطريـــــــــق مثل ماقال عاااااشق
|
أخوي الوتيش الظاهر أنك شطحت بها الموضوع ومغزاه نوى قلبي نيتاً مانواها لاحد غيرك في المساعده لان دخولك في هذا الموضوع صعب والخروج منه أصعب . |
أفاااا يا الوتيش
وأشوفك أمس ما جيت الاستراحه أثرك في حيرةٍ من أمركـ ههههه (طرات الرجل لا لحقه من الزمان هموم ..................................... ما يدري بسده كود خيرة بني عمه) وسيع البنايد في الشدايد قوي عزوم ..................................... لعظك زمانك شال همّك مع همّه وانا والله اني ماتهنى بحلو النوم .................................... ورفيقي عليه هموم الايام ملتمه اشيل الحمل منه واحطّه علي واقوم ................................... مقام يورد ظامي الماء على الجمّه |
والله أحرجتوني بطيبكم وردودكم |
لكن عاد أبقول لكم أنا من عندي أغلى من أعيال عمي بني عزيز موضوعي أني أول ماسجلت بالمنتدى تعرفت على رياجيل شرواء من ردى على موضوعي واحرجوني بطيبهم ومعزتهم ومشكلتي مدري كيف أرد هالطيب لهم والجماله حتى لو مدري ويش سويت أحس أني ماني متجمل معهم وموضوعي لو كتبته عادي ماراح أحد يقراه قلت خلني أشد أنتباهم وعارف أنكم ماترضون لي خلاف وراح توقفون معي ووقفتي أنشالله راح تلقونه معكم وسلامتكم ... والله يجمل حالكم والله يبيض فااااالكم والمعذره على التاخير بالرد |
اقتباس:
يعني مقلبتنا يالوتيش :evilll_smile: والله ونعم فيك وفالوتيش وبكل الرهايفه ,,, أبد والله إنك عزيز وغالي وفرصه إننا جمعتنا بهالموضوع لو إني متوقع هالنتيجه ,, |
يعني مقلبتنا يالوتيش :evilll_smile: والله ونعم فيك وفالوتيش وبكل الرهايفه ,,, أبد والله إنك عزيز وغالي وفرصه إننا جمعتنا بهالموضوع لو إني متوقع هالنتيجه ,, هههههههههههههههههههه بالعكس يابو زويد لو الود ودي جمعتكم كلكم واحتفلت بكم واكرمت كل واحدآ منكم ومعزتكم في قلبي وقدركم على راسي يابني عزيز |
هلا وغلا بالوتيش تمون علينا اخي الغالي وشهادتي فيك مجروحه عزيز وغالي وليس غريبه عليك الكرم والعطاء واللي نبيه منك ان تكون بصحه وعافيه ونرا تواجدك بيننا دائما ودوما لاننا نفقد غيابك كثيرا واسعد الاوقات ان تواجدنا هنا في متصفحك العامر |
هلا وغلا بالوتيش تمون علينا اخي الغالي وشهادتي فيك مجروحه عزيز وغالي وليس غريبه عليك الكرم والعطاء واللي نبيه منك ان تكون بصحه وعافيه ونرا تواجدك بيننا دائما ودوما لاننا نفقد غيابك كثيرا واسعد الاوقات ان تواجدنا هنا في متصفحك العامر الله يسعدك يابو الوليد وخابر أن طيبك سابق وموضوعك عن غيابي وانقطاعي احيانآ والله بسبب بعض الاشغال وانتم دائم على بالي ومعزتكم محفوظه |
| الساعة الآن 12:08 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "