|
قصة حقيقية حصلت في ينبع لشخص معروف
فيه واحد متوظف في شركة في ينبع ومتزوج واخذله سكن في الهئية وصار جاره حضري من حضر جده ومتزوج بس هو وزوجته الرجال البدوي يعزم وبيته مايفضي من الرياجيل وكل شهر يصير عنده ذبيحة ذيحتين ثلاث ويعزم جاره الحضري والحرمه تعزم جارتها الحضرية نوب تجي ونوب ماتجي واذا ماجات وجاء زوجها بيسري عطوه قدر رز ولحم لجارتهم واذا ماجاء لاهو ولازوجته برضه يرسلون لهم قدر رز ولحم ويوم من الايام أطلبوه الشرطه ويوم راح لهم اليا جاره قدامه جالس على الكرسي في مكتب الضابط وسلم عليه وقال أبشر ياجار بأى خدمة يحسبهم طالبينه أنه يكفل جاره وقاله الضابط اجلس وجلس الرجال وقال الضابط أسمع يافلان جارك مقدم شكوى ضدك ولتفت لجاره ويش انا مسوي ياجار . قال جاره يابوي أنت وحرمتك أزعجتونا كل يوم عندنا غداء ولاعشاء واذا ماجينا ترسلو لنا رز ولحم شايفني فقير أصلاً أنا وزوجتي مانحب الرز والحم وضبطوه بتعهد بعدم أزعاج جاره مره ثانيه وسلامتكم. اخوكم محمد الذيب |
ههههههههههههههههههههههه الله يرج سموه اجل مايحب الرز واللحم هذا حده يغمش وجرة فول مدمس |
ههههههههه
والله مايستاهل من يكون جاره الطرش هذى كل الشكر |
اقتباس:
كل الشكر على المرور اللي يرفع الراس والتعليق العذب |
اقتباس:
كل الشكر على المرور اللي يرفع الراس والتعليق العذب |
هههههههههههههه ونقول ان الشيم والقيم انقطعت وهذه العينات وأشكالها هم من تسبب في دثرها والقضاء عليها اخوي ابن الذيب ذكرتني بهذا الموضوع ما حدث معي بالأسبوع الماضي حيث وجدة رجل على الطريق وانا مسافر وركب معي وسالته من متى وانت هنا ولاحظت التعب فيه وخاصة انه رجل بحدود 50 عام وعلى الفطره البدوية واندفع بالكلام يسب هذا الجيل والزمن وانه لا عاد يوجد شيم ولا مروه وحتى الدين قل وذكر لي انه من صلاة الفجر وهو واقف بهذا الطريق والأن قريب صلاة العصر والغريبه ان الطريق مزدحم بالمسافرين والمشكلة ليس في ديننا ولا فينا ولا في هذا الجيل وانما المشكلة في ما نسمع وما يحصل من امور اكثرها من سفها وممن لا دين ولا اخلاق عندة فعلى نفس هذا الطريق حدثة قصة العنزي الذي حمل المصري ورد المصري المعروف له بقتله وسرقة ما بحوزته والان جددت لنا سالفة المعروف والطيب بالجار واكرامه بهذه السالفه ولكن بعد هذه السالفة راح نقاطع جيرانا ههههههههههههه |
اقتباس:
لومكانك اعتقد مااشيل احد ولا اوقف |
للاامان هذه القصه كما كتبها عطيب ومايغيب في مكشات السلام عليكم ورحمة الله وبركاته
اطرح على مسامعكم الكريمه قصه وقبل القصه لابد من توضيح للجميع مقدمه بسيطه با الون الاحمرلكي نستمتع سوي في القصه الحياة في الباديه وبلاخص البدو الرحل تختلف عن غيرهم في العادات في بعض الامور وخاصه في الولايم. مثل الضيف لابد يأكل من الشواء الذبيحه قدام عينه يشوي الرجل القلب والطحل الكلوي والسحر ويعطي الضيف هذا من شدد الاهتمام لضيف الجار عند البدو الرحل الذين لم يسكنو المدينه له مكانه غير يسمونه قصيرنا اي القريب جداً لبيوتهم عند مايكون عند الرجل ذبيحه ويأتي جاره ويشاركهم الكرامه قبل يمشي لابد يأخذ معه لحم ورز مرشوش بمرق لبيته احترام وتقدير للجيره الان نبداء القصه هذا سلمكم الله واحداً من الجماعه توضف في سابك في الجبيل الرجال من الباديه الى الجبيل وتوضف في سابك بسسب ولد خاله موضف كبير في سابك وفزع لبناخيه المهم الرجال بعد كم سنه وبعد ماتزوج استلم بيت في الهيئه الملكيه في الجبيل بعد ماستقر في بيته وبعد كم شهر سكن جنبه قريب مره جار له من جده يعني جداوي مثل فواد هههههههه الرجال يعزم وينصونه ربعه وتخبرون البدو ماله صبر عن المسيار وكل شهر يصير عند الرجال عشى مره او مرتين او ثلاث مرات يعزم جاره شخصينً كل مايشوف موتر جاره يدق عليه الباب ويعزمه يجارعندي عشاء وتشرف بحضورك لمره الاول جاء جاره والثانيه جاء وبلا خير طنش جاره .مايفك الباب الرجال يرسل زوجته بقدر فيه لحم ورز للجاره البيت جنب البيت الفاصل بينهم جدار .. يقول الرجال وتجيني دوريه من المخفر..... انت مطلوب في قسم الشرطه يقول وتوكل على الله وروح لشرطه اول مادخلت وشوف جاري جالس على الكرسي قدام الضابط يقول ونطلق لجاري اسلم عليه سلامات يجار يقول الرجال احسب جاري عليه مشكله بكفله بفزع له قال الضابط اجلس يقول وجلس قال الضابط يفلان جارك الماثل امامك مقدم شكوى ضدك يقول فيه انك مزعجه ازعاج غير طبيعي انت وزجتك يقول الرجال قلت افا يجار وش مسوي قال الجداوي يابوي انت ازعجتني كل يوم تطرق الباب تقول تعش عندي يابويا انا ابغاء اخذ راحتي في بيتي ونت ازعجتني وترسل زوجتك لزوجتي برز ولحم شيفني فقير ههههههه اصلن انا وزوجتي منا كل لحم ههههههههههه يقول قلت والان ياحضرت الضابط الحل قال لابد تكتب على نفسك عدم ازعاج جارك هههههههههه وإ نتهت القصه اتمنا تنال اعجابكم وتقبلو تحيات ابو عطب ودمتم كما تحبون |
عساك سالم يابوعطب
ههههههههههه هذي والله البلشه ماعاد الجار ينعزم يالربع والله ماني مصدق معقول لهذي الدرجه |
والله لوني مكان البدوي الي جاره الحضري والله ياشيخ لو مدري ويش يصير ماوقع على المحضر لعنتن تلعنه الحضري والظابط ويش مسوي عشان أوقع تعهد ,,,, والله لاأقلب الطاوله على الظابط والحضري بس مشكلتنا شعب نخاف من الشرطه والمحاضر يارجال جعلك سالم والله ماعندك أحد .... |
ههههههههههههههههههههه
لاهنت على النقل اخوي >>جيراني حضر وش اسوي اعزم تشيرون علي ولا ؟ لا |
ترى فنجال قهوتك عندنا (بدوي يعزم جاره الحضري)>>> قال الحضري : أيوه يمكن رماه واحد من البزوره
صدقوني لا نرمي بالثقل على كلمة بدوي وحضري صدقوني فيه ناس أصلهم بدوي من نفس النوعية وأخس وأنا جاورت حضر كرماء يخجل من يجاورهم ومتمسكين بدينهم وحشمتهم هذه عنصرية ممقوتة وتكرارها يجعل الأمة أحزاب وكتل لا تتخالط فأخير الناس أكثرهم امتثالاً لله ولرسوله الكريم |
رد على مرور أخوي منيور حفظه الله ياطيبي بك طيباه طحت في الفخ اللي أنا طحت فيه قبل يومين من عاشق هباء (لحيث أنني أضفت شخص معروف على الموضوع لمشاركة الاعضاء الطيبين من أمثالك والانتقاد لحيث انني من يوم شاركت بالمنتدى وكل اللي يمرون على مواضيعي لم يدخلو بمشاركة انتقاد وهذا لم يعطيني مجال لاظهار مالدي من موهبة الكتابه وكل من يمر أما شكر مجاملة أولزيادة عدد مشاركاته 1/والله مادخلت على مكشات اللي تقوله لاقبل ردك ولابعده أما بالنسبة للقصة حكاها شخص من سكان ينبع بوجود سبعة اوثمانية أشخاص وبوجود أحد أقاربك أنت وأبن مشعان في مجلس عام وانا كنت من ظمن الحاضرين يرويها عن شخص أخر ومن شخص إيلاشخص والقصص اللي مثل هذه فهي ماهي حق محفوظ لاحد تروى في المجالس وكلاً يرويها حسب المجتمع اللي هو فيه مثل اهل الشمال يروونها حسب مجتمعهم وكذلك أهل الجنوب واهل الحجاز القصد من هذه القصص التسليه والترفيه فاالقصد أنها توصل بآي أخراج الافلام والقصص البدوية التاريخية يتم فيها تعديل من قبل المخرج لتقبل المجتمع لها وانا شخصياً لم أذكر أنها حصلت معي ناقلها من شخص ايلا شخص ولا بحاجة أنني اسرق مثل هذه القصص العامية والمتداولة قصص تسلية فقط لاغير ولاتعني أي شي وبالنسبة لك أخي منيور فانني شخصياً اشكرك على الحفاظ على المنتدي من السرقات أو السرقات اللتي تنزل فيه وذلك لما لمسته من تاريخ تسجيلكم بالمنتدي عام 2008م وعدد مشاركتكم اللتي لم تتجاوز لـ 50 واكثرها ردود وتواجدكم المستمر في أحصائية المنتدي أكثر ألاعضاء تواجد فهذا يدل أنك حامي المنتدي من السرقات وهذا من طيبكم ونلتمس لكم العذر لعدم طرح مواضيع لتنقلكم بين المنتديات لعلكم تجدون ماتريدونه للحفاظ على منتدانا ولوني ليه عليك عتب بسيط جداً أخبرني أحد الزملاء بان أحد مواضيعي نزل بااحد المنتديات ولو كان ماعندي عليه أعتراض لانه قصة عادية متداولة للتسلية بس ودي أنك أخبرتني من قبلك حسب تجوالك بين المنتديات . لايسعني الاان اقول طبت وطاب فالك على المرور والتعليق الذي أسعدني كثيراً وان شاالله يطول فيه النقاش ويستفيد منه الغير وانا حريص على إن ترد على ردي هذا سطر سطر كلمة كلمة حرف حرف (علاشان ماتعبك تدور عليها تراني أخذ هذ الكلمات الثلاث من القذافي . وانا بانتظار ردك أنشاالله السريع . والله أني مشغول بالعمل ولاكنت ودي أوضح أكثر . كل الشكر كل الشكر كل الشكر أخوي منيور . على الامانة والمحافظة عليها فيه بيت شعر أعجبني وذكرته في بعض ردوري بس هاه يامنيور تراني ما اعرف راعيه أنا ماني بمثل حرف الجر ينجر مع الاعراب ************** انا حرف نون نصب نفسه ويصعب أعرابه فياليث الاعضاء يحذو حذوك في مواضيعي أخوك محمد الذيب |
اقتباس:
تصدق ولاماتصدق كن عوناً مع الاعضاء لاتكون سوطاً عليهم ولي عودة على هذا التعليق لان مشغول جداً كل الشكر ياالليث المرور مره أخرى |
الله لايشغلنا الا بطاعته
خلص شغلك واكمل حديثك يابن الذيب اخوك الليث |
تسلم يالذيب على النقل ....
القصة مافيها شي ممكن تحدث في ينبع وممكن في الجبيل وممكن تتكرر القصة لأناس آخرين مالذي يمنع ؟؟؟ المهم في الموضوع وخصوصا الجيل الحالي .....معرفة طباع الجار ومايزعجه وتجنب ذلك مثلا جاري كلما عزمته يعتذر أعرفه أنه لايريد مني عزيمة مرة أخرى ممكن اعزمه على فنجال دلة فهذا الجار الكريم عامل جاره وهو على فطرته ونيته السليمة وكان الأولى معرفة أن جاره لايرغب هذا التصرف في وقت قصير من خلال عزيمتين ثلاث أربع حد هالحضري تورتيلا وبروست البيك عموما شكراً يابويا يامحمد تكثر مواضيع حلوة أقدم عليك شكوى للإدارة:potiraetprv: |
مساء الخير اخوي محمد اولا انا مااتهمتك بالسرقه لا والله لاكن قلت للامانه العلميه والقصه مذكورة في مكشات من زمن ومن شان الحديث ماياخذ منحى اخر وبعض اللمز الي ماله داعي اقدم اعتذاري على التعقيب السابق
|
أخوي الغالي على قلبي منيور والله غلبتني باالطيب وابصم لك باالعشرة مقبول مقبول مقبول عذرك ووالله مافي قلبي مثقال ذرة أتجاهك أنت والاعضاء واقدم أعتذاري لك خاصة ولجميع الاعضاء في أي شي حصل مني . وفيه والله أعضاء عزيزين على قلبي أحسيت أنني زعلتهم فاطلب من زعل مني يسامحني وأحترامن لابناء العم خوفاً من أن يصير بيننا زعل في المنتدي فان هذا ردي سوف يكون أخر مشاركة لي بالمنتدى لذا فانني أعلن أنسحابي من المنتدى أحتراماً لابناء العم الغالين أخوكم محمد الذيب |
اقتباس:
هلا يابن الذيب عزالله انك ساع زعلت ابناء عمك في اعلان انسحابك من منتدى ربعك عوذ من ابليس وارجع يابن الذيب انكان ودك تسمح خاطرنا لالا لنسحاب ابن الذيب |
الذيب مابدر منك خطأ ومنيور بعد نقاش عادي أخذ ورد ماله داعي بعض الامور اعلان انسحاب مرة وحدة
هذه امور بسيطة تحدث في كل المنتديات دمتم بخير |
| الساعة الآن 11:31 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "