اخواني 00اخواتي

السلام عليكم ورحمة الله وبركاته

اقام اخونا عبدالله بن مريزيق الرهيف حفل عشاء للشاعر مزيد بن طلال الرهيف هذه الليله بتاريخ 7/1/1433هـ

وكان الحفل في قمة الاجواد بجده وكان حفل رائع ومنظم

جمع الحفل العديد من شعراء القبيله ومنهم

راشد فالح

عبدالله هلال

سعد عواض

وتخلل الحفل امسيات شعريه احياها الشعراء المتواجدين

وقد اوعدني اخونا عبدالله بانزال القصائد التي القيت في الحفل

ليس غريب عليه هذا الكرم فهو من بيت كرم وشهامه

المشاركة الأصلية كتبت بواسطة الليث (المشاركة 119034) اخي الطريس هولا من افضل شعراء بني عزيز ونتمنى ان نرى قصايد هذى الامسيه من الشاعر عبد الله الرهيف كل الشكر اخي الطريس وتسرني اخبار القبيله وهذى عوايد بني عزيز ودايم على القوه ان شالله

المشاركة الأصلية كتبت بواسطة سمو الذات (المشاركة 119039) يستاهلون الطيب وننتظر قصائد الشعار الله يعطيك العافية على هذا الخبر يا بوفيصل

المشاركة الأصلية كتبت بواسطة شموخ عزيزي (المشاركة 119062) ليس بغريب على أبو سلطان هذا الكرم و لكن الجميل و الأجمل حقاً هو ترابط القبيله مع بعضها هذا هو الطريس ينقل حفل الرهيف و الدليل على ذلك التلاحم بينهم أدامها الله من محبه تحياتي للطريس

بدينا بذكر اللي خلق ليله المعراج=حكيمن عليم بمنتهاها ومبداها
خلق مهرتن عنها نجوم السماء تنباج=عليها رسولن بامر مولاه يقداها
وعليها رسولن ماعلى الارض مثله داج=تبين رسول لداني الناس واقصاها
قصيدن وصلني فيه حكمه وضحك حجاج=من الصاحب اللي صحبته مانسيناها
حكيم يريد العدل في وقتنا المنعاج=وترى الناس مانت بجالن في نواياها
ابا افزع لكني عارف الزرع والانتاج=ومن مايشوف رسالتي كيف يقراها
مثل من يخيل مزنتن برقها لعاج=يخيل المزون وغيره اللي شرب ماها
ماسوي سوات اللي ليا لزومه ماج=على شانك اتعب والصعاب اتحداها
مدام الذهب والماس واللولوه والعاج=حصل دونها كوري وصيني وغطاها
ثلاثه شهور مع البشر كاني الدواج=ادور طلباتك لكن ماوجدناها
بعد ماطويت الياس رجعت للحجاج=لكن للاسف ياصاحبي مالقيناها
توكل على الله واطلب العز والمخراج=ليا جيت في دارن على العز مبناها
لعلك تشوف اللي تريده بدون ازعاج=ليا جيت في دار الكرامات تلقاها

ياهل الطايف سلمتو عساكم سالمين=وان نصيناكم جماعه واعرف معزبي
كلكم عندي جماعه حشام وغانمين=مير انا ليه نحايا المعارض وش تبي
ناصي العواد حمدان يالقلب الذهين=كل ماجيته فرح بي ولبى مطلبي
لي خوالن عز راسي على طول السنين=ولو ماحزنت عارف وانا ماني غبي
هم بني عمي خوالي لهم وزنن ثمين=راس مالي يابن فالح وهمه مكسبي
بيض الله وجه عودن تنصى الطيبين=راح بي يم الطحوشه وجود منسبي
الله انه يرحمه يالرقابي قول امين=والله اني في فعوله وطيبه معجبي

ابتدينا باسمك الله رب العالمين=مصخر الريح العتيه لعبده مركبي
خالق الانسان ومكونه من ماء وطين=عالمن ماكان ومكون شرق ومغربي
هاضني قافن سمعته يسر السامعين=مسعد الغالب بجزل القصايد يلعبي
ودنا يابو فهد شوفتك لو ساعتين=ماتكفينا قصايدك وانت مجنبي
قدركم موجود مقفين والا مقبلين=واضحن مثل القمر ماتغطيه العبي
بالنحا معروف يمشي القدم علمن يقين=دايمن يمشي القدم حيث قلبك يرغبي
نعم فيك وفي خوالك كعام العايلين=في نهارن ينشف الريق ويشيب الصبي
من نصى حمدان يقلط على سمن وسمين=راعي الطالات عند اللزوم مجربي
منهلن بالطيب يروي كبود الواردين=ومن ورد عد الروا بالكرامه يشربي
الرجال انواع بافعالهم متفاوتين=ماتفرق بالرياجيل لين اتجربي
احدن مثل الحجر لايذوب ولا يلين=صخرتن صما على شكلها ماتذهبي
غافلن عن بعض الاحوال ضمن الغافلين=ماقفه عن المواجيب صفر مكعبي
بالتجارب والتجارب دليل الفاهمين=كل رجلن مايعرف التجارب ينشبي
يخسر اللي مامشى في طريق الصالحين=مايخالف منهج الصالحين الا الغبي
ويسعد اللي طال عمره على تقوى ودين=وحج بيت الله وحافظ على هدي النبي

بـديــت بـاســم مـدبــر الـشــر والـخـيـر=رب عــلـــى كـــــل الـخــلائــق رقــيــبــي
أصـالــة عـنــي وعـــن ربـعــي مـطـيـر=ومنـا الوفـاء والطيـب ماهـو غريـبـي
وكل القبائـل كفـو مـن دون تقصيـر=وجــهـــودهـــم فـــاالـــلازمـــة مـاتــغــيــبــي
نـبـعـث تـعـازيـنـا ومــــن دون تـاخـيــر=وفـــراق ابـــو خـالــد عـلـيـنـا صـعـيـبـي
عن وصف ابوخالد تعجز التعابير=سلـطـان بــن عـبـد العـزيـز النجيـبـي
لـه فـي قلـوب الـنـاس مـوقـع وتقـديـر=مـتـواضـعــن لـلــنــاس مــنــهــم قــريــبــي
الله يــعــوضــنــا ويــســكــنــك يـــاأمـــيـــر=جــنـــات عـــــدن فـالـنـهــار الـعـجـيـبــي
ويالله ترحم من سعـى يعمـل الخيـر=ندعـو عسـى الله للدعـاء يستجيـبـي
ماعندنا غير الدعاء لـك و لاغيـر=دام الـهــدف سـامــي لـعـلــه يـصـيـبـي
وصـــلاة ربـــي عـــد مــاغــرد الـطـيــر=عــلــى رســــول الله شـفـيـعـي حـبـيـبـي

ســـــريـــــت والــلــيـــلـــه ظــــــــــلام وعـــاصــــفــــه واعـــــــــــواء ذيــــــــاب=والـــــذود اهــــــلــــــه تـــعـــقـــلـــه والــــــشــــــاوي يــــــحــــــرس غــــنــــمــــه
وانـــــــا ادري ان اكـــبــــر قــضــايـــا الـمـجـتــمــع عـــتــــق الـــرقــــاب=لــــــكــــــن نــــــــــــوب الآدمـــــي مــــاغــــيــــر شــــحــــمـــــه ولــــحــــمـــــه
راحــــــــــت عـــــقـــــول الـــــقــــــوم يـــامــــاجــــد عـــســــاهــــا لـــلــــذهــــاب=يــاابــلـــيـــس فــــــــــك الــلـي تـــفــــكــــه والـــــــــــزم الـــــلــــــي تـــلــــزمــــه
نـــــهــــــايــــــه الاعــجـــــاب لابـــــــــــــــــد ايــــــــتـــــــــخللها عــــــــتـــــــــاب=تــــــقـــــــف الـــمـــصـــالــــح لأن بــــيــــبـــــان الــــمــــبـــــادئ مـــحـــكـــمــــه
يــــالـــــيـــــت تــــقـــــديـــــر الـــثـــقــــافــــه او حــقــــــــوق الاكـــــتـــــســـــاب=تـــعــــطــــى شـــــويــــــة وجـــــــــــه او مــوطــــــئ قــــــــــــدم والاســــــمــــــه
فـــــــي عـــصــــر مـــــــن تــــعــــدم مــــوازيــــن الــــقــــوى والانــــجــــذاب=الـــفــــاتــــن الــلــــــي كـــــــــــأن مــوضـــتـــهـــا شــــــروطــــــن مــــلــــزمــــه
مـــــــــن شـــافـــهـــا صـــــــــار الـــمـــقـــاوم صــــفـــــر والا قـــــــــول ذاب=عـــقـــلـــه واحــاســيــســـه وجــــلـــــده لــــيـــــن تــــدخـــــل فـــــــــي دمــــــــــه
خــلــفــت عـــجـــوزن فــــــي جــمــاهــا مــابــقــى ضـــرســــن ونـــــــاب=لـكـــــنــهــــــا مـــــــاتـــلــزم يـــــــديـهـــا بـــــفـــــمـــــهــــــا تـــــلـــــهــــــمــــــه
تـــنـــكــــروا لــلـــشـــايـــب لـــــلــــــي كـــــــــــل يــــوم وهـــــــــــو شـــــبــــــاب=ومـــــــــن وســـــــــع حــــلـــــم الله بـــعـــبـــاده خــــلـــــق مـــــــــن يـــكـــرمــــه
مــثــبــت صـــمـــوده مـاانـثــنــى عـــزمـــه مــــــن طـــعـــون الـــحـــراب=ان مــــــــد ســـــــاقــــــــه وقـــــــدمــــــــه وان رد ســـــــاقــــــــه وقـــــــدمــــــــه
والــــحــــال نــفـــســـه يــــســـــأل الـــســـائـــل ويـــلـــقـــى لـــــــــه جـــــــــواب=مـهــم مـــتـــطــــفــــل يــــحـــــصـــــل لــــــــــــــه مــــجـــــيـــــب يـــفـــهــــمــــه
ويـــقــــدم الــخـــطـــوه وتــــاقــــف بــــــــه عــــلــــى نــــفــــس الــمـــصـــاب=والـــــقــــــاتــــــل امــه عــــــلــــــمــــــت وام الــــقــــتـــــيـــــل مــــعــــلـــــمـــــه
يــعــنـــي بـبــســاطــه قـــــــول بــــحــــث او قــــــــول تــألــيــفــة كــــتــــاب=فـهـــرس وهـــــــامــــــــش مـــــحـــــتـــــوى الـــخــــاتــــمــــه ومـــــقـــــدمــــــه
هذاوانا صلف الهبوب اللي يعديها من شان اعديهاالسحاب=الـلــي فـــــــــــــالارض يـــشـــوفـــهــــا لــــــكـــــــن مــــابـــــلـــــت فـــــــمـــــــه
وعـــنــــدي عـــــــلاج الــضـــغـــط واعــــــــلاج الــقـــلـــق والاكــتـــئـــاب=والــــلــــي نــــــــوى راســــــــي لــــقــــى دونـــــــــه عــــضـــــودي تـــزحـــمـــه

لولا المواقف ماعرفنا الرياجيل =بالهرج كلا يعجبك في مرده
وان كان مافي الكشف عندك حلاحيل=خل الردي بالقائمه لاتعده
ماهو حزام ن لليال المقابيل=من حيث وجه جعل مالله يرده
حظك ياراعيت الرموش المظاليل=محرم وسواق وجليس ومكده
وكل العلوم يجيبها بالتفاصيل=واليا بغيتي شي هاته ووده
ومن غير هذا ماذكر له محاصيل=الا دفا المرقد وكبر المخده
ودك بمطنوخن من اقصى سراييل=ولا ابن عمن لازمك مايسده

حياك رجلا حرم ماانسى معاريفه=لو غاب عن ناظر دايم على بالي
رجلا على الطيب تعجز في تواصيفه=سحابتن لامطرت منها الوطا سالي
رجلا على الطيب تطربني مواقفيه=مواقف ماوقفها كل رجالي
للطيب رجلا ماتحسب في تكاليفه=غمرن صميدع ليا من عال عيالي
رجلا يعز الخوي ومكرم ضيفه=ماهو بخيلا جداته جمع الاموالي
قرمن لكسب المعالي شاهرن سيفه=وقت اللزوم مايفوته كل خيالي
ترفع له البيض في عالي مشاريفه=في كل رجمن طويل ومرقبن عالي
يالله تعزه وتحفظ له مواليفه=اللي له القلب والعينين منزالي
والمعذره للعزيز اليا طرا طيفه=عذر العزيز العزيز وصاحبن غالي
يكفيه ربي عن الوقت وصواديفه=نعمن بذاك الرجل لاجاله مجالي

يادعوة الإسلام يادعوة الخير =دعوة إلى توحيد رب البرية
الله حافظها حكيم التدابيـــــر =من كل تحريف ٍ ونفس ردية
أرسل رسول الله إلى الخلق تيسير =نزل عليه الوحي صبح وعشية
نزل كلام الله ولافيه تغيير =وسنة رسول الله توضح خفيه
رحمة لكل الخلق نور وتبصيــــر =محت ظلام الكفر والجاهليــــــة
نورن على نورن يشعشع بتنويــر =نمشي عليه بكل خطوة جرية
وسدنا على العالم بهيبة وتقديــر =وأضحى لنا في الأرض عزة قويه
فيما مضى كنا نقود الطوابيــــــر =وتدفع لنا الجزية بنفسن رضيـــة
وإذا رفض يقتل ولافيه تأخيــــــر =حتى يجي عبرة لمن سار زيـه
واليوم صرنا في خطانا مواخير =ركب التطور فاتنا في مجيــــه
هذا ببعد العبد عن دينه يصير =معرضن للمهزلة والأذيــــــة
ماباقي ألا ديننا ذا ولاغير =وش صارفينا يارجال الحمية
واللي يعبدون البقر والخنازير =يستهزئون بديننا وبنبيه
أهل الرسوم المغرضة والتصاوير =من حقدهم والكره والعنجهية
ياما صبرنا عنهم كثير وكثير=الا رسول الله فهذي القضية
يفدى الرسول اللي على نهجه يسير =والروح تبذل لأجل نصره هدية
صلوا عليه وسلموا ياهل الخير =المصطفى المختار خير البرية

الله يبيض وجه أبو سلطان على جمع ربعه وجماعته ومو غريب عليه هالموقف
وتسلم يالطريس على النقل

المشاركة الأصلية كتبت بواسطة محمد الذيب (المشاركة 119369) الجماعة ولاصدقاء ما لها عن ظلالي مظلي .. ولا البعيد وان دور الظل يلقاه الجماعة والاصدقاء ليا شافت خيالي تهلي .. ولا البعيد وان شاف زولي تهباه كل الشكر لك أخوي الطريس