|
الشايب وعذابه من العاجايز
حياكم الله جميعاً
وان شالله تكون هاذي ا لقصة مفيدة لكم كانت فيه بنت من بنات العرب عمرها 15ألى 17سنه والبنت مزيونه ومحبوبه عند اهل الديه تروح تسرح بالبهم وتزيها وراعية بيت وتطبخ وتروح وتجي وكل شي تسويه وما فيه ازين من بنات اول والبنت ماشالله عليها يقال كان يضرب بها الوصف من اول وكان فيه شايب عساس شاف البنت ولا كلمها ولا شي والشايب عود عود وشاعر ومن شافها قام يهوجس فيها وفي سنه من هاك السنين عزمو اهل ديرةالبنت انهم يشدون يدورون لهم منازل وكان وقتهم اول الشتاء ويوم جاء هاك الليله قامو الرياجيل والحريم كلن يزهب عفشه وكل يرتب نفسه ويضف ويرتب الي يبيه من اليل والبنيه عند اخوانها يزينون ويرتبون وتزين الحبال عشان يكون كافي لهم ويوم جاء نص الليل والعرب تهجد ما تشوف احد ضلام هاامد ومن بكره ويوم اصبحو كلن يطوي بيته ويحطها على ذلوله وهم يشملون ناصين المكان الفلاني ولا ينطحهم الشايب ويسئل وإلا عينه على البنت مره ثانيه كان يسئل عن عرب ويبي يشوف وين منزالهم ويوم مشى وإلا عينه على البنت ويتعداها وهو يفكر فيها وقام يعشق البنت ووده يتبعهم وين ينزلون ووده يخطب البنت ويتبعهم من بعيد ويوم رابع وإلا وصلو في هاك النفود وكل بيت مشغول يبنون بيوتهم ويوم جاء ثاني يوم وإلا الشايب يجي عند اهل البنت ويخطبها راعي البيت يحسب انها يخطب لواحد من عياله اثره له المهم كتب الله لهم انه يتزوج البنت وراح فيها لديرته والشايب تاجر ومال وحلال وصاحب جاه ويوم وصل للديره وإلا العرب ما تسولف إلا فيه والحريم ما يسولفن إلا فيها من جمالها وعزها ودلالها مشت السنين وعاشت معه ويوم وصل عمرها حول 19سنه وهي معتنيه بالشايب ولكن ما احد يخلا والحساد واجد فيه كم حرمه وكم عجيز يجون عند البنت ويقولون والله انك مضلومه يا فلانه انتي وش تبين في الشايب والله انه ما يسوى شي وانتي بنت مزيونه وصغيره وعيال الشيوخ يتمنونك وكل يوم على الموال يكرهونها ويحرضونها في زوجها البنت كنها كرهت الشايب وهو كبر شوي وفيه سنه من السنين شدو العرب وينزلون حول نقا الساريات حسب الرواة وكانة في هاك الليل امطار عليهم وبروق والبنت كانت تفكر في اهلها وحنت لهم ويوم هدا المطر تروح البنت وتقعد بطرف هاك الارطاة وتخايل البروق ومن جهة منازلها ويوم اصبح الصبح تروح للشايب وتطلب من الطلاق الشايب ما صدق وقال يا فلانه وش الي صار لك والله اني ما زعلتك ولا قلت سوي وافعلي عسى ما شر قالت"قسمي الي عندك كليته وما عاد فيه شي وحنت عليه انه يطلقها وطرقها لديرتهم وطمحة عن رجلها وعرف رجلها انها ماهي من كيفها عرف انه من حريم الديره الي يكرهونها في زوجها وهو حزن عليها وعلى فرقها وعلى دلالها وخفتها وخوفها على رجلها وحزن عليها ويوم راحت البنت لديرتها ويوم جاء الليل وهو يخايل البروق بكل حزن على فرقا حبيبته وقال ابيات جميله عنه وعن العجز الي كرهوها في زوجها ,,,,وينشد ويقول البارحـه ياسعـد جريتلـي ونـه ونة غريب قعـد ماحولـه الوالـي حنين هرش قعد في حامـي الكنـه وقف على الما لقاه من العرب خالي يحن واتلـى حنينـه جرلـه ونـه قام ايترجى على مطويـة الجالـي لاواعشيري دروب العجـز غونـه اطلب عسى العجز مايبقى لهن تالى يالله عسى مالهن حق مـن الجنـه يالله عساهن طعام النـار يالوالـي وسلامتكم |
قصه ممتازه وسلمت يمناك ..
|
سلمت يالليث ع النقل ..
ويعطيك العافيه .. |
سلمت يدينك على القصة الجميلة ،،،
|
اقتباس:
اسعدني مرورك |
اقتباس:
سلمتي لاخلا ولاعدم مروم |
اقتباس:
|
رائعة يارائع
|
الاروع مرورك يالعزيزي333
لاخلا ولاعدم منك |
تسلم يالليث على ها السالفه الطيبه |
رائع اخوي الليث انت وما تقلته لنا من قصص وهذا حال نسائنا والعياذ بالله وللأسف انهن كل ما يتقدمن بالسن يزيد فيهن النقص العقلي والتفكير السئ بعكس الرجال كل ما تمر عليهم السنين والتجارب تجده يتطور معها ويفيد من حوله استمتعت كثير بهذه القصة الرائعه كروعتك المتالقة تقبل مروري |
لاحول ولاقوة الا بالله وطلقها الشايب ياحظك ياالشايب على الله تسلم يالليث على السالفة الممتعة |
اقتباس:
الاروع مثلك وشرواك استمتعت كثير بردك المميز وكلي شكر |
اقتباس:
سعدت بمرورك |
أهب يا العجز فرقن بين المحب و حبيبه
هذى تبغى لها جرة موال لأبن سعيد فرقت لقدار بيني و بين أغلى حبيب و أظلم الوادي !!!!!!!!!!!!!!!!!!!!!!! نسيت اللي بعدها |
اقتباس:
وازيدك من الشعر بيت ول ياعجوزن واقفه عند بابها واقفه لهل الهوى بمشعابها عجوز شمطا لارحم من جابها اسعدني مرورك |
| الساعة الآن 07:20 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "