|
جديدي ....
السلام عليكم ياأعضاء منتدى بني عزيز .. أولاً :باركوا لي اشتريت آيفون ... ثانياً:إليكم القصيدة ... فالليل والصبح دايم نوف زعلانه=يالله عسى خير مدري نوف وش فيها !! لو انها مع بنات المجتمع ( دانه )=لـكن من اخلاقها مالله بحاليها لاجت على ( الهوز هير ) ومر شيطانه =اما تغنيه والا انه يغنيها والمشكله نوف سبابه ولعّانه=وانا معا نوف مدري ويش تاليها الله يكافي شرور ابليس واعوانه=ويالله عسى نوف تصلحها وتهديها |
وهذي بويتات تتبعها ... الله بلاني بنوف ونوف مبليه=اذا بغيت اي حاجه ماتعلمني !! الظاهر ان نوف معها امراض نفسيه =تجي على الهوز هير ولاتكلمني!! اوضاع هالبنت لا ماهي طبيعيه=قولو لها ليه تجرحني وتظلمني ؟ مره تخانقني ومره رومنسيه=مدري متى نوف ( يالهوز هير ) تفهمني :crazy: |
اقتباس:
welcome back Dr love دكتور ياللي تعالج ناس مرضانه اشكيلك الحـــــال ياليتك تداويها مرحبا وحياك الله اسعدني تواجدك اخوك الليث |
مبروك الاي فون الله يعطيك خيره |
Dr.love صح لسانك وتسلم يمينك ع الأبيات الجميلة ... |
Dr.love
حياك الله بين ربعك واخوانك وصح لسانك |
على فكرة وشهو الهوز هير ؟؟؟
لعبة سيارة ؟؟؟؟ من جد أسأل |
هههههههه مسرعك..للحين مامدانا نبارك لك على الايفون
الا انك تشكي لنا حال الهوى مع نوف الله يعطيك خير الايفون ونوف ويكفيك شرهم:emMoiui: |
اقتباس:
|
ههههه مرحبا والله وحياك الله Dr.love وصح لسانك ومبدع كعادتك وعلى البركة الأيفون وبرنامج الهوزهير راعي المشاكل هههههههههه |
اهل المثل قالو ان الحلو ما يكمل=سلالة شيوخ واخلاقك تجاريه الزين ماهو شكل / اخلاقك الاجمل=احرقتي القلب يانوف ..... :laugh: |
وهذي وداعية للهوزهير لابارك الله فيه ,,, ياناس مثلي بوسط (الهوز)وش جابه=ماصدّق اللي يشوفه في تليفونه عز الله اني ما احب (الهوز ) واصحابه=ولانيب امرّه مثل ناسٍ يمرّونه كذاب والعالم اللي فيه كذابه= علاقة الناس به ماهيب مضمونه البنت تبغا شحن ,والبنت نصابه=وياخوفي البنت مثل الكرت مشحونه والورع لاشافهن ما يمسك اعصابه=تطيح سعبولته ويطيّر عيونه شريعته كنها شريعة الغابه=بالضبط قانونها يشبه لقانونه مالي وماله لعلّه ينهب نهابه=عساه باللي يزورونه يشبونه لاعادها ساعةٍ دخلت مع بابه=فيه الصور فاتنه والناس مفتونه سولفت مع (نوف) لـكن نوف لعابه=ان قلت هي صاحيه / وان قلت مجنونه يانوف انا ماني من الهوز واحبابه=والعشق(فالنت)مااعرف طعمه ولونه قلبي مع اللي عساني فدوة ترابه=احب داره واحب اللي يحبونه دخل بقلبي غلاه من اوسع ابوابه=اكبر من الحب / مدري وش يسمونه ! وتقول لي نوف انا حلوه وجذابه=وابوي يامر على الناس ويطيعونه واقول يا نوف ما في رقبتي طلابه=الهوز ابعلم اخواني يحذفونه واللي حصل بيننا مايِحسب حسابه =يعني مثل غشمرة ( طارق وهيونه ) |
يومين مايفتح الهوز هير=بالله يانوف وش ذنبي ؟؟ :: حاولت اشغل جهازي مير=لقيت الارسال يلعب بي :: يانوف ياليت قلبي طير=ويكفخ مع الشوق لا هبّي :: ابغا الوفا منك والتقدير=ومثلي يقدّر وينحبي :: من يفعل الخير / يلقى الخير =جزاه يانوف من ربي :: |
يسلملي طرحك د\ الحب
|
هههههههههههههههههههههههههههههههههه
وااادبل تسبدي دبلاه ابك يانووووف ارحمي ولد عمنا عطيه وجه غلغلتيه غلغله ياحري عنه مغير يرد فيتس من النشيد وانتي حادره روس القرى |
الاخ دكتور الحب صح السانك لكن تمنيت انك ماذكرت اسم قبيلة نوف احتراما للقبيلة فلا احد يرضى ان يتغزل باحدى بنات عمه في اي منتدى اتمنى ان تحذف الاسم واتمنى من الادارة تعديل المشاركة تحياتي |
اقول د/ الحب خلك على ابو كشاف احسن واوفر |
الإخوان ,,, الليث نايف الشوق عاشق هباء سمو الذات واصل عزيز فجر الرهيف مهند بن عنيزان إطلاعكم على المتصفح ومروركم شرف لي ولكم جل الشكر والتقدير والعرفان ... |
هالو د \ هاوريو
يعجبني فيك ممشاك 240k في الساعه ماعليك من ساهريستر عليك وعلى نوف عطنا جديدك فيها تقبل تحيات اخوك الليث |
انتظروني :)
بقصيده جديده وهي اعتزالي عن الحب والعياده بكاملها |
حياك د لايف
في انتظارجديدك |
| الساعة الآن 06:53 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "