|
اهداء الى الحب حاكمني
السلام عليكم مساكم الله بالخير يا اعضاء المنتدي وزواره هذي اهداء مني للعضوا الحب حاكمني واتمنى ان تنال اعجابكم الجادل اللي غاب أنا مانسية عزالله انه داخل القلب موجود اسمة بقلبي نحته ما محيته في وسط صدري له بساتين وورود واخاف يذبل الورد ما سقيته من البطاء والبعد يابس بها العود ارجاك لو ماقبلك احدآ رجيته واصبح رجاي فيك واضح ومشهود ويالحب حاكمني لوانك رئيته مالمتني لو قمت اغني بلا عود يرفع طرف شاله برفق وفديته ويكشف ضياء بدره مسافات وحدود مياس قد وفارقآ في اتكيته ومبسم غرير ماشكى الضيم ملهود هذي ضياء عمري وعمري هديته كله لشان مشاهد عيونة السود ويالحب حاكمني لونك لقيتة قله نديمك حال من دونة الكود |
قصيدة جزلة من شاعر جزل وولد شاعر علم رحمه الله
|
اخوي ابن شداد
صح لسانك على هذه القصيده الجزله ليس غريب عليك جزالة الشعر فانت ابن اشاعر العملاق |
صح لسانك يابو راشد قصيده رائعه
ويالحب حاكمني لوانك رئيته مالمتني لو قمت اغني بلا عود يرفع طرف شاله برفق وفديته ويكشف ضياء بدره مسافات وحدود اشكرك على هذا الاهداء يابو راشد تحيتي لك بكل ود واحترام الح ـب حاكم ـني |
مبدع وصح الله لسانك ياشاعرنا وإن شاء الله نشوف لها رد من الحب حاكمني <<< يبي يحرك أحاسيس أبو محمد |
صح لساااانك يابن شداد
يستاهل المدح ممدوحنا |
مبدع ياعزوتي ولاهو غريب الابدااع وانا من معجبيك يابن شداد ولاأنسى الحب حاااكمني المبدع المتألق دائماً يرفع طرف شاله برفق وفديته ويكشف ضياء بدره مسافات وحدود 0000 تقبل تحياتي |
صح لسانك يا ابن شداد ويستاهل ابومحمد |
ابن شداد
قال الشاعر خلف بن هذال الحب بلوى من بغاه ابتلابه =حب العذارى يالنشاما ماهو عيب اشكرك على هذه القصيده الجميله |
تسلم يابن شداد شعرك قريته
ويالحب حاكمني نبى رد بركود صح لسانك يابن شداد |
صح لسانك يا ابن شداد ابيات جزله ومهداه لمن يستاهلها بس نبي الرد |
الجادل اللي شاقني شد بيـــتـه ******** انا اشهد انه علق القلـــب ياسعـود لي مدة(ن) ابحث عنه مالقيته ******** جسمي نحل رايـح كما يابس العود صح لسانك يابن شداد واسمح لي اجاري قصيدتك |
صح الله لسانك يالقرم ودايم نترقب جديدك وتقبل تحياتي
|
| الساعة الآن 01:41 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "