|
مديرة مدرسة تزوجت من زوج إحدى معلمات المدرسة
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلتها المدرسات سلامات وينك يامديرة ؟ قالت باركولي تزوجت قالن مبروك يامديرة ولكن منهو زوجك ؟ قالت بصراحة زوجي هو زوج إحداكن !! المدرسات تكفين علميننا أي وحدة منا ؟ قالت المديرة والله ما أعلمكن المهم لزمن عليها فقالت أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاولة واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي أتزوج زوجها وآخذ بعد منها خمسمية ريال وافقن المدرسات على الطريقة ويوم جاء بكرا وكل وحدة مزهبه معها الدراهم جت الأوله والثانية والثالثة والرابعة حتى العاشرة والمديرة تاخذ الدراهم يوم جت المدرسة الـ 11 وبدت المديرة تأفف .. المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كأنها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله إني آسفه غلطت يوم تنفست المدرسة وقالت الحمد لله يعني بتاخذين الفلوس المهم أخذتها المديرة ودخلن بقية المدرسات حتى الـ 23 والمديرة تلعب بأعصاب كل وحده وفي النهاية تاخذ الخمسمية المهم بقي مدرسة وحدة فقط ماجت يوم اتصلن عليها المدرسات هاه وينك ياأستاذه قالت والله اني تعبانه وماني جايه قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي وبدن يسمن على المدرسة الـ 24 عشان ماتنصدم دخلت المدرسة الأخيرة غرفة المديرة وحطن باقي المدرسات أيديهن على قلوبهن وحطت المدرسة الخمسمية على الطاولة وضفتها المديرة يوم طلعت لقنها عادية وما صار شي وفلوسها أخذتها المديرة قالن يابنات فيه وحده منكن ماخذت المديرة دراهمها ؟ قالن لا والله كلنا أخذت دراهمنا ودخلن المدرسات على المديرة وقالن أخذتي الفلوس من كل المدرسات تلعبين علينا !! منهو زوجك !! قالت المديرة المهم الدراهم ( 12000 ريال ) ماراح ترجع وأنا والله لا تزوجت ولاشي لين الحين عزوبية ووالله كنت مريضة هاليومين ولكني اطلبككن قبل شهر تدفعن على مية ريال نصلح المصلى ولا وحدة منكن دفعت .. قلت والله لأدفعكن 500 ريال نصلح المصلى ونشتري مصاحف وقف للمسجد قالن المدرسات بردها الله بالعافية فداك الدراهم ولو تبين زود عطيناكhttp://www.kulifi.com/v/images/smilies/smile.gif هو صدق بس رجالنا ماتزوجوا علينا مايستفاد من القصة 1- المرأة تدفع فلوس الدنيا كلها ولا يتزوج زوجها عليها 2- المدير الناجح هو من يفكر في عمل مفيد إجتماعياً ويستطيع فرضه بإقناع 3- عمل الخير موجود في النفس المسلمة ولكن يحتاج إلى إيقاظ في بعض الأوقات 4- من واجبات مدراء ومديرات المدارس والمدرسين الاهتمام بالمصليات 5*- القصة لاتعني الانتقاص بأي شكل من قدر واحترام المرأة ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ منقول للوناسه والاستفادهhttp://www.kulifi.com/v/images/smilies/smile.gif </I> |
مشكور عـ القصه الرائعه
تقبل مروري يا أبا غاده |
ههههههههههههههههههههه لعبت عليهن بس يستاهلن ههههههههه تسلم اخي ابوغادة والحمدلله على السلامه |
فعلا النساء يعملن المستحيل لتعيقب وراء أزواجهن ومن الممكن أن يصدقن أي خبر أو موضوع يتعلق بالزوج قصة مميزه جداا ورائعة اخوي ابو غادة بارك الله فيك وسلم بنانك الفوائد من هذه القصص كثيرة ولا نستطيع حصرها ولعلك تركت أهمها وهو عدم ثقة الزوجة(المعلمة ) بزوجها حيثها دفعت هذا الملبغ لأنها لم تثق فيه وهذا خطاء في حقه ويعني انها غير وافيه معه ويلحقها شي من الشكوك تجاهه المسألة لا تعني انه لو تزوج كارثة وليه ومن هذا القبيل واتهامها له انه يتزوج او لا المسألة انها اتهمته بالكذب عليها والتلاعب وانه لو عمل أي عمل لن يبلغها وإلا زواجي طبيعي وحق من حقوقه ولكن لماذا تتهمه او يلحقها الشك انه لو تزوج لن يبلغها |
ههههههههههههههههههه
كفو والله انها رجاله هالمديره بعدين يإخي هالمدرسات مالهن لايم يعني أنا بقول رأيي الشخصي: أحقد أحقد أحقد على الرجل اللي يتزوج على مرته من غير سبب مقنع انه يتزوج بس لمجرد الزواج يإخي قهر يعني لو أحد يشاورني أقول يشاركني به الموت ولاتشاركني به حرمه يإخي يمووت أبرك :batttttttered: ومستعده ادفع كل شيء بس مايتزوج هذا كله في حالة إذا أنا أغليه..... أما أما أما إذا ماأغليه ولاعلي منه والله لويجيب عشر بدال الوحده مانشدت وراه هذا إذا مأخطبت له بنفسي بالعربي ماعليه حسايف مشكور ابوغاده فجر |
ليه يافجر هذه سنة الحياه بعدين هذا الشي مافيه مخالفه لشرع الله |
ههههههههههههههههههههههههههه
هذه ماهي مديرة هذه داهية ههههههههههه مشكورررر ابو غادة |
لا ماهي سنة الحياة ياقوقل إذا كانت زوجته ماهي عقيم
ولامريضه ولأناقصها لاعلم ولادين وتزوج بس عشان يقول أخذله حرمه ثانيه وإلا فلوسه زايده» مع ان أكثر اللي يتزوجون على حريمهم الفقراء على كيفه ؟؟ صح إذا كان فيه أسباب مقنعه أنا هنا أقول تزوج ثاني والقلب داعي لك وبعدين هالمعلمات اللي لعبت عليهن المديره غبيات.. اثرني بنتظر لين بكره وأعطيها فلوس وعلى ماتجيب العلم إلا طقت نفسي لأوالله وربي لاروح وأحشره بإلزاويه» خخخخ حشئ قطو ماهو انسان وأقول هذا اللي صار وعلمني بس ،،، خلني أنصدم هنا وانصرع هنا ولاتصير قدام المعلمات ..تجيني منك أهون.. لكن والله ثم والله. لويطلع مسويها انه ارتكب أكبر حماقه في حياته»» اعتبروه راح خساره على أهله من جد شيء يقهر:angry2: |
ههههههههههههههههههههههههههههههه والله المديره هاذي الي بيتزوجها بتطفربه من افكارها الي مدري ويش تبي |
:gig_prv: هاه اعجبتكم!! المعلمات وذكاهن هههههههههه هلاااااااااااا ومرحباااااااااا بالجميع |
قصه جميله وتسلم ياابو غاده على طرحها <<وتزوجوا يالربع لايضحكون عليكم الحريم الحرمه الي تقول لزوجها لاتتزوج الثانيه تراها ماتبي له الخير :laugh: |
وينك يافجر عليك بعاشق هباء الله الله فيه |
هههههههههههههههههههه ياقوقل فجر عوبا ماتنحرز الله يكفينا الشر بس خخخ برضوا انا على كلامي ومستعد أجادل أي شخص يعارض الزواج الثاني و:sunglasses2: وليسمح لنا أبو غاده بالخروج عن موضوعه :ohhmy: |
موجوده ياقوقل لاتخاف صحيح اني ممثل المراه الوحيده بهالمنتدئ
بس ان شاءالله قادره أتكلم عنهن كلهن .. حياك الله يإعاشق هباء أنا أقولك من الحين استخير عن مجادلتي بالذات بهالنقطه الزواج الثاني على الأولئ لأنك على قول شوجي خسر خسر خسر خسر |
ههههههههههههههههههه انا ماألومك يافجر والبنت معروف ماترضى بالضره بس عاد الحمدلله الرأي بيدينا ماهو بيدينكن يابنات حواء وشرهتكن على اللي يشاوركن :wink2: لكن إنك تقولين اقتباس:
تراك حرمتي مااحل الله يافجر هههههههههههه :nono: |
أنا ماحرمت ماإحل الله
لكن اللي يجازي سنين العشره والغلا بحرمه ثانيه هذا ؤش قدره ؟ بدال مايغليها ويسعدها يروح مثل القنفذ يخطب قطع إيوالله ثم جاب حرمه ان مازادته حمل على حمله ماهي مزودته غناه يعني نوخ ركابك ياعاشق هباء والله محد تعبان إلا الرجل ولااحد متبهذل إلا الرجل لكن الحرمه ؤش عليها سواءا كانت الأولئ أو الثانيه وهو خله عساه مايبعث |
اقتباس:
تبيني أعلمك وش قدره طيب الرجال الي ماهو مقصر بشئ على زوجته ويعطيها كامل حقوقها الزوجيه ويعزها ويغليها وعياله معيشهم بأحسن عيشه ويبي الثانيه بشرع الله وش قدره عند حرمته يعني هي إذا رفضت أكيد بتصير انانيه وصراحه الرجال اللي ماعنده غير حرمه وحده مثل العور اللي مايشوف غير بعين وحده خخخخخخخخ كلامي هذا ماأقصد به إن الزواج مفخره او كثرة الحريم مرجله لا بالله الرجل هو الي يعدل بينهن ومافيها اطيب منها إنك تكثر العيال ومع كثرة الحريم تكثر الأرزاق وهناك قصة لرجل أتى إلى رسول الله واشتكى له الفقر وأوصاه بالزواج والله رزقه عقب ماتزوج الحرمه الرابعه . والحرمه الواثقه بعمرها والي تخاف الله هي الي تحب الخير لزوجها ماهو تخليه حصري لها لين يمل من كختها ههههههههههه |
العور من يإعاشق هباء؟؟؟؟؟
والله مإشاءالله عليه انسان حامد لربه وشاكر زوجته ماينقصها شيء وعنده عيال وكلن بصحته وعافيته وش يبي بتجميع الحريم على رأسه... بعدين تعال .. يوم تقول تكثير للعيال والله يابعضهم عنده عيال كثر الدحله»» الدحله مسمئ اخر للتراب بس أنعم شوي خخخخخخخ تلقاهم مالهم فيد يطلعلك يأواحد ياثنين والباقين نار ميته مالهم طاري تنساهم ماتذكرهم إلا لين تشوف غممهم وتضيع سيطرة الأب على ابناءه والله تلقاه مايدري ؤش يدرسون فيه وإلا ؤش اسمائهم حتى ولاعليهم رقابه ولاتربيه الأب منشغل بتجميع الحريم. والأم منشغله بمطابن حريم زوجها بعدين يوم تقول لين يطفش من كختها من زين كخته هالحين هو ،، متحملتها سنين ويتتحملها سنين قادمه ولاقالت بغيره وإلا بشوف غيره بالعكس تفديه بروحها قطع والله ماداني الرجّال اللي هذا تفكيره هذا كلامي مايمنع اني مأويد الزواج الثاني بس تكون عندك أسباب ولا هي اي أسباب لازم مقنعه لكن الضعيفه مغير تجيه منا ومنا وقائمه فيه وفي بيته وعياله وبالنهايه يكسرها بحرمه ليه كذا أقسم بالله حرأم ياناس |
يافجر الله يهديك احنا بمجتمع يكثر فيه الزواج الثاني ولله الحمد وانا نتيجة الزواج الثاني والحمدلله المور ماشيه احلى من التمام بالعكس تكسب الحرمه الولى صديقه وسولفجيه معها خخخخ وبعدين الحرمه لو هي متعافيه وبأكمل صحتها تشيب بدري يعني أطيبهن الي يصل عمرها 50 سنه وهي بكامل صحتها وانوثتها . والرجال إذا انتصف عمره يبي له عيال يخدمونه بحكم إن عياله من الحرمه الكبيره كل واحد بوظيفته ومشغول بحياته الخاصه فأعرف رجال ندموا أشد الندم على انهم ماتزوجوا بنصف عمرهم وبالنهايه قعد يقلب رويسه بالخلا لحاله حرمته الولى راحت مع عيالها واتركته فألحقووا القطار ايها المتزوجين وإغتنموا شبابكم :hush: |
أبك والله مادلت إلا على قسوة قلوبكم يالرجال
ياناس ترى الزواج الثاني كسر لقلب الزوجه الأولئ خصوصا إذا كانت ماينقصها شيء .. حط نفسك مكان الزوجه الأولئ ،،أسالك بالله يإعاشق هباء توافق تخلي أحد يأخذ منك شريك حياتك »» ليت الحرمه يحل لها التعدد عشان تحسون بالجرح بعدين تعال منهي اللي تكسب صديقه ؟؟ فرقتني هي وصداقتها مابي لها لأسوالف ولارفقه يإعاشق هباء افهم وأنا اختك أكبر جرح ممكن تسويه لزوجتك ..انك تتزوج عليها لاتدري متى يقهرني الاسلوب !! ليا منه نوى الفيده يتزوج،، جاها ثم قال يافلأنه انتي الغالية وأنتي الحبيبه وأنتي الاصل وأنتي والله ماقصرتي في شيء وانتس كفو وأنتي والله مالقى مثلتس ... بس بس بتزوج ومكانتس في قلبي .. سؤال بس ! هذا انسان صادق ؟ وربي كذاب كذاب إذا انت شايف انها كامله وأنت تحبها. تتزوج ليش ؟؟؟؟ ليه يكسرها وسط حريم جماعتها ووسط صديقاتها عقب انها ياأرض اشتدي مأعليتس قدي. وفلان وفلان ومكسرته بالمدح أقسم بالله جرح وربي جرح |
ههههههه يعني ماهمكم يالحريم إلا كلام صديقاتكم لكي مايقولون فلانه متزوج عليها زوجها اكيد إن فيها نقص اولاً المرأه لابد تكون عندها ثقه بنفسها ولابد إنها تعرف وتتأكد من مكانتها عند زوجها ثانياً الرجل إذا بيتزوج وحط براسه إنه يتزوج صدقيني ماراح يمنعه لازوجه ولاأي شخص لكن المشكله فيكم يالحريم تصلحوون تخدير للرجال وتصعبوون عليه الزواج وتحسسونه إن زواجه الثاني أكبر مصيبه عليه هههه |
والله بلاك ماتدري ؤش يصير بمجالس الحريم
والله ليا سمعن فلان تزوج على مرته،، تلقى اللي تتشمت واللي تقول :فلان ليش تزوج على فلانه إكيد فيها شيء.. وإلا تجي الثانيه تقول:ياحرام والله انها مزيونه وظفره. بس سبحان الله ماندري ؤش بينهم والله ياماجد كلام قاسي .. بعدين يإخي ؤش مكانتي اللي تخليه يعرس علي؟؟؟؟ ياماجد أنا أدري انكم ليا بغيتو الزواج مايردكم إلا الشديد القوي لاحظ ياماجد !! ان أنا أتكلم عن الزوجه المثاليه اللي ماينقصها شي،،،هاذي اللي حسبي الله عليه ان تزوج عليها وكسر قلبهأ،،،، أما الزوجه اللي وجودها وعدمه واحد ..ماتهتم ببيت ولاطبخ ولازوج ولاعيال تقول كنها ضيفه مدري اختهم وتعامل زوجها على انه بنك مركزي متنقل ودابلتن تسبده وتسبد كل البشريه هاذي أنا احضر عرس زوجها ووجبه بعانيه بعد ...لأنها تستأهل لكن أرجع وأقول والله يأزواج الرجل على زوجته الطيبه بنت الحلال الاجوديه اللي ماقصرت معه بشي انه جرح مايبرى رفقاً بالقوارير.... مهما بلغت المرأة من قوة ونفوذ فانها أمام الرجل الذي يحبها ويحترمها هي أضعف مخلوق يإخي حطو نفسكم مكانها ياناس والله جرح ،،، تبي الصراحه أحس كل مالي بنصح البنات بقول خليتس زوجه سيئه لاتهتمين فيه ولاتنظرين فيه خليه عساه مايبعث هو كذا وإلا كذا متزوج فاحسن شيء خليه يوم يتزوج أعرف اني كنت مقصره وتهون السالفه على قلبي ماهو اصير الكامله والكامل الله ثم وانه جايب حرمه هنا الطامه الكبرى... أصلا جرحكم للنساء يالرجال شرع وعاده المفروض مانزعل منكم |
والله بلاك ماتدري ؤش يصير بمجالس الحريم
والله ليا سمعن فلان تزوج على مرته،، تلقى اللي تتشمت واللي تقول :فلان ليش تزوج على فلانه إكيد فيها شيء.. وإلا تجي الثانيه تقول:ياحرام والله انها مزيونه وظفره. بس سبحان الله ماندري ؤش بينهم والله ياماجد كلام قاسي .. بعدين يإخي ؤش مكانتي اللي تخليه يعرس علي؟؟؟؟ ياماجد أنا أدري انكم ليا بغيتو الزواج مايردكم إلا الشديد القوي لاحظ ياماجد !! ان أنا أتكلم عن الزوجه المثاليه اللي ماينقصها شي،،،هاذي اللي حسبي الله عليه ان تزوج عليها وكسر قلبهأ،،،، أما الزوجه اللي وجودها وعدمه واحد ..ماتهتم ببيت ولاطبخ ولازوج ولاعيال تقول كنها ضيفه مدري اختهم وتعامل زوجها على انه بنك مركزي متنقل ودابلتن تسبده وتسبد كل البشريه هاذي أنا احضر عرس زوجها ووجبه بعانيه بعد ...لأنها تستأهل لكن أرجع وأقول والله يأزواج الرجل على زوجته الطيبه بنت الحلال الاجوديه اللي ماقصرت معه بشي انه جرح مايبرى رفقاً بالقوارير.... مهما بلغت المرأة من قوة ونفوذ فانها أمام الرجل الذي يحبها ويحترمها هي أضعف مخلوق يإخي حطو نفسكم مكانها ياناس والله جرح ،،، تبي الصراحه أحس كل مالي بنصح البنات بقول خليتس زوجه سيئه لاتهتمين فيه ولاتنظرين فيه خليه عساه مايبعث هو كذا وإلا كذا متزوج فاحسن شيء خليه يوم يتزوج أعرف اني كنت مقصره وتهون السالفه على قلبي ماهو اصير الكامله والكامل الله ثم وانه جايب حرمه هنا الطامه الكبرى... أصلا جرحكم للنساء يالرجال شرع وعاده المفروض مانزعل منكم |
جزاه الله خير على فعل الخير
|
| الساعة الآن 03:17 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "