|
مدونتي الشعرية
السلام عليكم ورحمة الله وبركاته أخواني وأخواتي رواد هذا الصرح الشامخ لقد قررت أن أضع هنا مدونتي الشعرية وهي بوح شعري ومتنفس لي أتمنى تحوز على رضاكم واستحسانكم كل الحب كل التقدير لكل من سيمر هنا هنا سأبوح بكل مايخلد بخاطري من أبيات شعرية تتابعا هنا سيكون شعري ناطقا عن لساني هنا سأطلق حرية أشعاري مدخل: لوكنت أبي الشهرة تعليت مرقاب.......ماهو غرورٍ لكن القول قولي ماني من اللي يكتب الشعر لأسباب....حتى أتفاخر وأعجب الناس حولي أنا قصيدي لاكتبته معي ذاب بيني وبين القاف حبٍ طفولي تركي العزيزي |
يامدورن بعض المعان الجزيلات=هاذي بيوتن صغتها من تجاريب شاعر وكاسب له من الوقت خبرات=أسمع كلام مجرب الوقت تجريب أبيات لكن غير عن كل الأبيات=أبيات شاعر رتب القاف ترتيب الأول افطن لاتفوت الصلوات=ذكرك لخلاقك وخوفه مكاسيب والثاني أحذر لاتنوش الكبيرات=أسمع لشيبانك وآوامرهم تجيب والثالث أحذر من دروب المتاهات=وجنب دروبن تجلب العار والعيب والرابع أكسب مدح كل الجميلات=ودور على الطلات والذكر بالطيب والخامس أدمح زلتن من رفاقات=وخل الكلام ليا لفى منك تهذيب والسادس أكرم ضيفك بكل الأوقات=وأطلق حجاجك لانصتك المواجيب والسابع أحفظ خوة الشهم بالذات=اللي ليا ضاقت يخدم المناديب والثامن أحذر لاتجيب الضعيفات=وأبعد عن هروج القفا والأكاذيب والتاسع أبعد عن ضعيف المقامات=قصير باع ولايسد المطاليب والعاشر أستر من كشف لك بعورات=أستر عيوبه يسترك عالم الغيب عشرة بيوتن صغتها بأختصارات=ياعنك لاطبقتها فزت يالذيب وصلوا على محمد ختام الرسالات=أعداد ماهبت رياح وهباهيب |
ياللي سألت وقلت قلي من أغليت=مغلي أثنينه وأسكنوا وسط عينـي أبوي وأمي في غلاهـم تماديـت=لي حقن أفخر في غـلا والدينـي أبوي لي قدوه وأنا بـه تعزويـت=لولاه ماشلت الفخر فـي يدينـي وأمي هي القبلة وهي شمعة البيت=ياما لفرحي اتحملت كـل شينـي ما قصروا جابوا لي اللي تمنيـت=ولو اقدروا حطواالقمر في يمينـي والله لوأبذل حياتـي فـلا أوفيـت=ربع الجميل اللي كسوا به سنيني والثالث اللي كل ماضـاق فزيـت=هذاك أخوي وفي حياتي عوينـي والرابع أنته عقبهم بالغـلا جيـت=ياللي أبيـك وداري أنـك تبينـي أدري حبيبي لـاللقا كـم تحريـت=وأدري بشوقك كـل ماتحترينـي بس الوفاء يفرض عليه إذا أوفيت=انـي أحطـك بعدهـم ياظنينـي |
أنا شف قلبي ديرتن مابها سكان=ياكود الجوازي تتطرد في مفاليها فيافي خليه مارعاها صبي الضان=ولاعمره العساس دوج بأراضيها على جبالها لاأقبل مساها قنب سرحان=ونسنس هواها وأستكن كل مافيها ورشرش مطرها بين سبلن على هتان=ألين السيول تضك واسع مجاريها عطاها الولي خضرة ومنظر زهر فتان=رياضن توسع بالحيا صدر ماشيها وإذا ماحصل ودي بأدوج مع البران=وأسج القدم في ديرة الله محليها بأسج القدم يوم أتمشى مع البدوان=وأشوف الركايب والرعايا تباريها وتلقى البيوت اللي تنصب على العمدان=بيوتن بها تكثر تراحيب راعيها وتلقى الدلال الصفر تركى على النيران=ومحماس بن بكف ذيبن يسويها ويازين شوف الذود تدحم مع الحيران=على جال عدن من حمى القيض يسقيها وصوت المحالة يختلط مع صدى الرعيان=رجالن على الشدات تثبت مواطيها يقاسون ظيم الوقت وملاطم الأزمان=وليا ذرعوا بقعاء تصاغر بلاويها كتبها الضمير العاشق الملهم الولهان=على شف قلبي يوم أغني بطاريها |
أكتبيني ياقصيده كم أنا مره كتبتك=وأشرحيني للحبيبه ليه عنيت القصايد فهميها عن جنوني لاتولمت وحبكتك=وش خطر في بال تركي غير لبّاس القلايد خبريها كم بحرٍ جيت أنا منه وقطفتك=ذكريها بالحقوق وبالسلوم وبالعوايد علميها عن ظروفي علميها لاعدمتك=ليه عيني من عناها حاربت نوم الوسايد جاوبيني ياحروفي لاتماديت وسألتك=منهو اللي في خفوقي نار حبي له وقايد ماكتبني غير قافك ماسترني كثر صمتك=كل همي تفضحينه لاغدى بالجوف زايد تنثرين حروف عشقي كل ماقمت ونظمتك=ماعصيتيني بقافك ماطلبتيني سدايد بس هالمره دخيلك بس هالمره طلبتك=فهميها ليش تركي كاتبٍ ذيك القصايد |
يادلتي ياللي على الجمر أسويك=بقفرٍ خلا مد النظر فيه يحلو من عقب ماهو للظما والتهاليك=ربي سقاه السيل من صادق النو حتى طغى عشبه على الجال يغريك=يغريك شوف العشب ومغيّم الجو يادلتي أطرب يوم أني أراكيك=على الجمر والبن محموس من تو ريحه يزيح صداع منهو مهاويك=اللي صداعه منك ماجاب له سو وتبهيرتك بالقيس من غير تشكيك=الزعفران وريحة الهيل تشدو وليا طبختي زين أزلك وأصفيك=وأصب فنجالي على الليت واللو وأحسب مشاريعي وأفك الشبابيك=لأحلام صدري لين بالجو تعلو وليا فضيتي وجاب بطنك لتاليك=أرجع أحلامي سجينة عن الضو وأقوم أغسلك زين من عقب أفضيك=قبل مغيب الشمس والليل يدنو وأردك لصندوق عزبة يغطيك=وأعوّدورجلي على الدرب تخطو يادلتي ماني بشعري محليك=لاشك فيك يعوّد الشعر يحلو |
ياوقت صار العز بالمال والشيـك=وألا الفقير رخيص لوهو وليـده لاصرت راعي مال شبيـك لبيـك=آمر تدلل وأطلـب اللـي تريـده تلقى البشر في كل مكان تغليـك=وكلٍ يحطك تاج راسـه وسيـده ولاصرت راس المال ماحط بأيديك=ولاأنته من اللي مايحدد رصيـده قليل من هالناس تلقى مصافيـك=وفي كل درب تطقها لـك عنيـده ياوقت فيه أصناف لاماتنشميـك=ولاتنفععك بس همهـا مستفيـده وياوقت فيه رجال بالطيب تشفيك=لو كان ماعاشوا حيـاةٍ رغيـده ماأثرت فيهـم مصايـب تحديـك=ابما كتب ربي مشـوا بالعقيـده الله وأكبر يالزمن كيف أجاريـك=لاصار راس المال هـم وقصيـده |
الشعر ماهو هواية أو دراسة ياجميل=الشعر مثل السحر لا من لقيت الملهمه فيه حبك وفيه سبك وفيه للمعنى فتيل=فيه فزات الخواطر والحروف المبهمه قاف مر وقاف أمر وقاف حلون سلسبيل=وقاف رومنسي وقافن كل مابه همهمه وقاف حكمه ماتبي غيره من الحكمه بديل=وقاف تلقابه شجاعه والشجاعه تنهمه وقاف طاروقه ليا غنابه القلب العليل=هيض هجوس الهواوي والخلايق تفهمه وقاف نكبه في وصوفه قاف من آخر موديل=شاعرن شاف الفراشه فوق ورده تزهمه وقاف لوسموه قاف نقول طبعا مستحيل=شاعرن يكتب سوالف حشموه لدرهمه وفي ختام القول مني هاك يالطرف الكحيل=كل شعري ماكتبته غير بأحلا ملهمه |
حياك الله ياتركي شاعر متمكن لاتحرمنا جديدك وابدعاتك وخير ماسويت هذة المدونة تقبل مروري المتواضع |
اذا سمحت لي سأكون ان شاءالله من المتابعين لمدونتك ياحفيد عامر فجر |
قالت بدو قلت البدو ساس الامجاد= قالت تخلف قلت وين الحضاره؟ قالت نعيش بعز واقرابنا اســـــــياد=ولنا خدم وقصـور ورد ونضـاره نلبس على الموضه ونفهم لها ابعاد=ونواكــب التيار نعـرف مســاره اليـوم مستقـبل ونبنــي لـه اعـماد=اليــوم حـــريه وفــن ومهــــاره وانتم بدو ماهمكم غير الاجـــــــداد=ماهمـكم غير الاصـل والنعــاره قلت اصبري بأنصحك يابنت الاجواد=وين الحيا وشلون شلتي ستاره متكـشفه متسـكعه بيــن الاولاد=في وقت خاف القط من غدر فاره مسلوبة العفه على كف الاوغاد=وتقولي انك مسلمه ياخساره شوهتي الاسلام ترضين الافساد=الغرب ذلّك غرقك في دمـــاره قـــــومٍ لهم لحـم الخنــازير بالزاد=وحياتهم ذل وفساد ودعـــاره أما البدو ماهمهم فعــل الانـــــداد=صانوا شرفهم بالاصل والطهاره ساروا على نهج النبي جد واحفاد=دين وتطـور كل شي بشطاره ياتايهه حنا البدو ساس الامجــــاد=تاريخ عــز مأسسٍ للحضـــــاره!! |
يقوله اللي ضاق صدره وغنى=من هاجسن بالصدر قمت أستعيده وجدي على شوفة بيوتن تبنى=بيوت الشعر ماهي بيوتن جديده في ديرتن فيها الغزال المحنى=مستامنن ماجفله من يصيده وجدي عليها وجد منهو يونى=سجين ظلم ولابعد فك قيده واعزتي للي رضا وأستكنى=وسط المدن ماهمه ألا رصيده غير الدراهم مارجى ولاتمنى=هو كل همه كيف ماله يزيده لاماطراله شوف غصنن تثنى=في عبلتن فيها الطرايد شريده ولاماطراله كيف هيلن وبنى=وصفة دلالن نارها مستقيده ولاماطراله خوتن ماتونى=خوة ذيابن فالدروب البعيده ماسج رجله بالحياة وتعنى=ولاصكته سود الليال العنيده واللي سواته وجدن في زمنا=ماجربوا طعم الحياة الزهيده وألا أنا لاباين البرق منا=ثم خيلت والبرق زاد بوقيده تطري علي ملحى ردومن تحنى=يشدها برق الحيا في شديده هي منوة اللي بالمدن ماتهنى=ولاهمته عيش الحياة الرغيده همه ليامن أبلج الصبح دنى=محماس بن ودلتينن فريده هي منوتي هي سلوتي في وطنا=لولا غلاها ماكتبت القصيده |
يادار من غيبته خاليةٍ أركانك=ماعاد به صوت يحيي فيك ماماتي يادار يوم أتعنى بس من شانك=انت الوحيد اللي حضنا كل الأوقاتي يادار به نقش مكتوبٍ بجدرانك=يشهد على حبنا اللي بالوفاء فاتي يادار هذا وليفي كان سكانك=هنا يرحب من الفرحه بجياتي هنا حضنته ونمنا داخل أحضانك=هنا سمرنا أنا وياه مانباتي هنا ضحكنا بأمان الله وأمانك=هنا بكينا بعبراته وعبراتي هنا جلسنا ولامسنا لحيطانك=هنا فقدته وزادت منه حسراتي يادار من غيبته خاليةٍ أركانك=بس بوجودك أحسه حي ماماتي |
وجهة نظر بأقولهـا لوتزعللـك=كلن برايه حـر وأنتـه بكيفـك ماهو ضروري بكل شيٍ أجاملك=ولاهي حرام ملاحظه من وليفك صحيح ربـي بالحلايـا مكملـك=وفيك الجمال اللي ندر به وصيفك وزودٍ على هذا حبيبـك مدللـك=وطعون قلبه ماشكت حد سيفـك يشيـل همـه بالحنايـا وشايلـك=وسط العيون اللي تحرى لطيفـك الصدر من هالضلع للضلع مدهلك=ميناك قلبي والمشاعر رصيفـك لكن عيبـك ياعذابـي تجاهلـك=للعاشق اللي يرجي بروق صيفك تخطي عليه بلا سبب ويتحملـك=أوراقه أصفرّت بسبـة خريفـك |
تحتاج لي وأنا على المثل محتاج=والكل منا ماطلع له بحاجه قلبي يجي له من ورى حدبي أخلاج=وقلبك على شوفي يصيبه خلاجه ياما صبرت وقلت تقبل بالأفراج=وبعد الظروف القاسية بنتواجه أصبر وأحس القلب كنه على صاج=وأطلب من الله تأتي الأنفراجه |
شكيت الليل والغربة زمانـي مارحـم حالـي=سهرت الليل واللوعه تقطـع قلـب شاكيهـا مابين أوراق مكتوبـة بشعـرٍ فيـه موالـي=مابين دموع ماترضى تطاوع جفـن باكيهـا ماغير الصمت والوحده على همي وغربالـي=على أوراقي أبعثرهـا وتشرحنـي قوافيهـا ليالي كنت أنا فيها قهـرت عيـون عذالـي=غصب عنهم أشاهدها وأصبحهـا وأمسيهـا ليالي ماأقدر أنساهـا بعـد ماكانـت قبالـي=بعد ماكنـت أضحكهـا وأمازحهـا وأبكيهـا أسمعها وش اللـي كاتبـه فيهـا ويحلالـي=على ضحكة شفايفها قصيـده تنكتـب فيهـا هاذيك الجادل اللي لاأنتخت بأطـوّح عقالـي=بدون أسباب كل حاجه تبي قلبـي يسويهـا تقول أكره هذاك الشي أقول أكـره ولاأبالـي=تقول أعشق هذاك الشي أقول أعشق وأجاريها زمانٍ كنت برضاها أشـوف الوقـت يهنالـي=ازعلها عشان اعرف غلاها يـوم أراضيهـا ودار الوقت ياشينـه نصيـبٍ قطّـع حبالـي=حداني حظي العاثر وأنا اللي كنـت راجيهـا يمر الوقت والذكرى تمر سنيـن فـي بالـي=ليالـي كنـت كاتبهـا وراسمهـا وقاريهـا |
صح لسانك اخي تركي مبدع واتعبت من بعدك |
ياناس ضيقة صدر وأفراق وآهات=ياناس جفن العين يشكي سهدها ياناس أبي أشكي قصتي فبعض الأبيات=قصة حياةٍ تشتكي من نكدها أزهاق روحٍ والعزى نزف دمعات=أعدام عاشق حجته ماوجدها طفل الهوى فأحضان معشوقته مات=وناحت وهي تبكي لضيعة ولدها أكبر قهر طفلٍ قضى العمر ونات=دنياه ماعمره تذوق شهدها نكبات درب الحب بالعون نكبات=فرحه ولاكن موتها في مهدها آهات ودموعٍ وحرقه وضيقات=وعينٍ تعاف النوم حزة وعدها وأنا عيوني تشتكي دمع لوعات=أنا عيوني كل واحد نشدها فيها السهر والحزن كاتب عبارات=فيها الهوى لعيونها ماوجدها أنا عيوني ترتجي بس شوفات=يمكن تحس بحالتي من بعدها يمكن بعد ذاك القاء والمحاكات=يرتاح قلبٍ بالوفا ماجحدها هاذيك هي اللي على الناس بالذات=تسكن بقلبي بس تسكن وحدها طفله لها خمْر الهوى بعينها بات=والرمش يطعن ماأطعنتي بيدها في خدها جمر الهوى ضؤ شمعات=والمبسم اللي ضحكته ماقصدها هاذيك لاراحت بعدها ولا جات=وحده أحس القلب فعلاً فقدها |
ويلاه ياعمر الشقى كيف أبنساك=ويلاه يادمع العيون ونظرها ياشين وقتي يوم أدوّرك ماألقاك=وياشين حالي لاتزايد كدرها وعزي لقلبٍ تملكه وسط يمناك=وعزي لنفسٍ من فراقك قهرها وشلون بألقى بالمخاليق حلياك=وأنت بليال العمر عندي قمرها تكفى ترفق وأرحم اللي تمناك=للي عيونه تشتكي من سهرها يسهر بليله يرتجي طيف ذكراك=ودّه تعوّد كل لحظه ذكرها يانعنبو الفرقا وياشين فرقاك=صدمة فراقك خافقي ماقدرها والله ثم والله لايمكن أنساك=ألين دمع العين يذهب بصرها |
فـي ســواد الليل يأخذني الفكر=صوب محبوباً جزاني بالجفا صـوب محـبوبـاً تركنـي للسهـر=نامـت عيـونه وجفني ماغـفى ابتــعد عــني جــــزاني بالهجر=ماذكــر قـــلباً عـلى شـانه وفـى مــاذكر وقتاً قظــيته بــالــكـدر=لاتـذكـرنـــي ولاقــــلـــبه رفــى من عيونه ناضمن أحلى شعر=هي عيونه جرح قلبي والشفى من غـلاته آخــذاً مـني عــمر=لاصـفى حـــبه ولا وقتي صفى في ســواد الليل ما عمره ذكر =لو ذكرني كــان ما طال الجفى |
أزعل ولو طال الزعل ماأترجاك=كرامتي مافيه شيَ بعدها ماأخطيت في حقك واجي أطلب رضاك=لكن تبي روحي تزود نكدها بينت حبي لك وكثرت خطاياك=مدري جهل وألا ضميرك قصدها من كثر ماأحبك ومن كثر ماأهواك=كل العواقب خاطري ماحمدها خليتني مثل الكفيف أتمناك=اللي عقب شوفه عيونه فقدها عذبتني مابين بعدك ولقياك=حتى الليالي قمت أحسب عددها لو كان تدري وش كثر قلبي أغلاك=يمكن تقول الأم ماأغلت ولدها بس المحال أني أجي وأترجاك=كرامتي مافيه شيَ بعدها |
ياليتني لا أشتقت لك أقدر ألقاك=ياليتني لامن بغيتك لقيتك ياللي طبعت بداخل القلب ذكراك=يفز قلبن من صميمه هويتك أخذت خمس سنين كله برجواك=من دم قلبي بالقصايد رجيتك أسهر وأعاني وأرتجي وأتمناك=وأصافح كفوف الشقا لابغيتك ياما نصحت النفس تقنع بسلواك=طالت سنيني بالهوى ماسليتك يامالكن كل الحلا في مزاياك=ملكت قلبي في يمينك فديتك خذني على ماقيل شمعة بدنياك=ابأحترق وأضوي أركان بيتك بأشيل عنك الهم وأدور أرضاك=لاعاش همن عانقك في مبيتك لاتقول تنساني وأنا ماأقدر أنساك=يفنى شبابي والعمر مانسيتك |
ياوقت صار العز بالمال والشيـك=وألا الفقير رخيص لوهو وليـده لاصرت راعي مال شبيـك لبيـك=آمر تدلل وأطلـب اللـي تريـده تلقى البشر في كل مكان تغليـك=وكلٍ يحطك تاج راسـه وسيـده ولاصرت راس المال ماحط بأيديك=ولاأنته من اللي مايحدد رصيـده قليل من هالناس تلقى مصافيـك=وفي كل درب تطقها لـك عنيـده ياوقت فيه أصناف لاماتنشميـك=ولاتنفععك بس همهـا مستفيـده وياوقت فيه رجال بالطيب تشفيك=لو كان ماعاشوا حيـاةٍ رغيـده ماأثرت فيهـم مصايـب تحديـك=ابما كتب ربي مشـوا بالعقيـده الله وأكبر يالزمن كيف أجاريـك=لاصار راس المال هـم وقصيـده |
ليتني طفل جاهل ماعرفت الهوى=ليتني ماعرفتك ياعذاب الاسير والله انك عذابي والله انك دوى=والله انك بعيني ساكنٍ بالنظير ارحم اللي لغيرك بالهوى مانوى=مانوى غير حبك سكنه بالضمير لا ضوى الليل همه فوق صدره ضوى =ونته بالحنايا وسط قلبٍ كسير كان تقوى فراقي خا فقي ماقوى=ليتك تشوف حالي عقب بعدك خطير ضاعت ايام عمري نعنبوه الهوى=ليتني مافقدتك ياعذاب الاسير |
بعد طول الغياب وخاطرٍ مل السهر والنوح=بعد ذاك الوداع المر وش جابك على بابي رجعت ودمعتك سالت على خدك وفيها بوح=تبي تحكي تقول أنك أعز الناس وأحبابي حبيبي ليه ماتذكر وأنا قلبي شكاك جروح=تذكر قولتك ماهو مهم يطوّل غيابي وأنا اللي باني لحبك بقلبي منزله وصروح=رحلت بدون ماتدري أنا وش كانت أعصابي مصير الحي يتلاقا مصير الروح تلقى روح=مصير الوقت جمعنا بدون وعود وأسبابي يقولوا الحب للأول وأقول أن الخطا مسموح=وأنا في قلبك الأول وقلبي منك منصابي أحبك كثر ماتبعد أحبك كثر ما أنت تروح=مصيرك لو تجافيني تبي ترجع على بابي |
قبل لاتنتحر ذيك المشاعر من جفى الأيام=تعال وقول لي كلمة تراني أشتقت بسمعها قبل ماينتهي ذاك الطريق اللي به الأقدام=تدوس الشوك من شانك ولاأدري وش مطامعها معاك احلام تأخذني ومن دونك تموت أحلام=أبعثر لك قصص حبي ولكن كيف تجمعها على هالحال أنا عايش على بعدك مضالي عام=حبالٍ للرجاء بيني وبينك ليش تقطعها ألوم الوقت في بعدك وأثاري الوقت ماينلام=الومه كيف أنا ألومه وشمسك غاب مطلعها نقول الوقت ظالمنا وحنّا لوقتنا ظلام=ألا ياوقت من فينا سأل نفسه وراجعها حبيبي فكر بحالي وحالك والهوى مادام=مادام أنك هوى نفسٍ عليك البعد لايعها قبل لايصدر بحق المشاعر حكم فيه أعدام=قبل لاأنوي على ذيك المشاعر وأقتل أشجعها |
يموت الشوق فدروبك وأنا باقي على ذكراك=أحسك ماأنت محبوبي تجاهلني وتنساني حبيبي ليه متغير عليه قول وش قساك=وأنا اللي ماحصل مني خطأ ياسيد خلاني أنا اللي من عرفت الشوق أحس الشوق بس وياك=أحس أن الحياه أنته وغيرك شخص ماأشقاني على كفوفك تعلمت الحنان وصرت رهن رضاك=وعلى حبك تعلمت القصيد ونظم قيفاني ومن عيونك تعلمت الغرام المهلك الفتاك=من شفاهك تعلمت الحروف وبحة أحزاني من أحلامك عرفت أن البراءة حلمها تهواك=من طعونك تعلمت الجروح أشكال وألواني من صدودك عرفت أن الغرور مغيرك وأعماك=من أسبابك تحملت العذاب وكل ماجاني أحبك باقي أحبك ولو كيفي أقول أنساك=لأنك من عرفت أني أحبك صرت شي ثاني |
صحيح أحبك بس ماهو إلى حد=أنـــك تـحـطــم كـبـريـائـي تــذلــه هذا كلامي وأسمعه جاك من جد=حطـه فبالـك قــدم عيـنـك وخـلـه أصبـر علـى فرقـاك والبعـد والصـد=أرضــى بـعـزي مارضـيـت المـذلـه أعز نفسـي لـو طغـت جمـرة الـود=وأعــذل قلـبـي لــو غـرامـك يتـلـه كـان الغـلا ياصاحبـي فـيـه مقـصـد=سيـف الجفـا قـدام عيـنـك بأسـلـه وكـان الـغـلا خــلاك فـوقـي تـمـرد=لي قلب يجزع من خطـاك ويملـه وكانه جهل جتك النصايـح تـردد=أسمـع كــلام الـلـي كـلامـه محـلـه أسمع كلامي يوم أنـا أقـول عـوّد=عـوّد مـادام الـدرب عينـك تـدلـه |
شرّقـت فـي درب المحبـه وغـرّبـت=أحــاول أنـسـى لوبـعـض ذكريـاتـك ياما عـن الذكـرى القديمـه تهرّبـت=يـوم أن شوفـي كـان يمـلأ حيـاتـك يومك على كفي درسـت وتدرّبـت=وعلمتك أجمل حب يرسم غلاتك ياماعـلـى شـانـك شقـيـت وتـغـرّبـت=أرضي غرورك يومه أجمل صفاتـك ملكـتـنـي يـومــك لـدمــي تـسـرّبـت=وطعنتـنـي كـيــف أتـنـاسـا سـواتــك أشـربــت قـلـبـك ولقـلـبـي أشـرّبــت=ســمٍ وضعـتـه فــي مـعـسـل شـفـاتـك ليتـك معـي لمعانـد القلـب جـرّبـت=قلـبٍ قضـى عـمـره يلمـلـم شتـاتـك خـرّبـت بيـتـي يـشـهـد الله خـرّبــت=يومك تخون الحب وتخون ذاتك شرّقـت فـي درب المحبـه وغـرّبـت=عجـزت لاأنسـى لوبعـض ذكرياتـك |
صبرت يوم الصبر ماوصل الحد=والصبر مر ليا تعدى حدوده إلى متى بأصبر على لوعة البعد=وأكتم جروحي حافظن له عهوده ياما سقيته بالهوى صافي الود=وياما سقاني فالهوى من جحوده ياما على شانه ذرف دمع بالخد=وخلي دموعه ماتلامس خدوده اليوم أنا بآقف معه وقفة الند=وكلن يبين بالمواقف صموده أما يجي وألا عسى مابعد رد=فرقاه رحمه مع تحري وعوده |
أحرقت قلبي وأحرق القلب لي روح=وأحرقت روحي وأنتثر دمع عيني حاولت أداوي علتي زادت جروح=حاولت أعيش اللي بقى من سنيني حاولت أنسي خاطرن منك مجروح=أحاول أنسى بس طيفك يجيني لامر طيفك تبكي العين وأنوح=وأسهر مع الذكرى لحالي حزيني أنته تنام وخاطرك صار مشروح=وأنا بوسط القلب جرجي دفيني مسموح ياسيد الغنادير مسموح=تكفيني الذكرى آهات وونيني هذا نصيبي وأنكتب لي على اللوح=مالي جدا ياكود صفقة يديني والله حرام الروح تقتل وسط روح=ويموت حبي قهر قدام عيني |
فز الخفوق وحرّك القلب طاريـك=والكل من حولي شعـر بأختلافـي قالوا علامك مرتبك قول وش فيك=رديت أنا همـي بهالقلـب خافـي قالوا عيونك ادمعت وانظر أيديـك=قامت تراجف قلت تكفون كافـي من دون ماأشعر قمت أردد وأناديك=وأعلنت أنا من بينهـم بأعترافـي أني جريحٍ مـن جفـاك وتغليـك=الله حسيبـك لاتزيـد التجـافـي بعد ثلاث سنين تطلب وأنا أعطيك=يشهـد علـي الله بالحـب وافـي سلّمت لك كل المشاعر موافيـك=ومشيتني دربٍ به الشـوك حافـي دايم على هالحال لاحـل طاريـك=من كان جنبـي ينتبـه لأختلافـي |
لاتعايديني مابقى بعيدي أفراح=العيد ماهو بعيد وأنتي بعيده وشلون أعيّد والحشا كله أجراح=العيد والله يوم أشوفك سعيده اليوم من دونك غدى البعد نزاح=والوقت مايمشي على مانريده تكثر سكاكين الجمل كل ماطاح=وماينفع المجروح نزفة وريده لاتفكرين أني على البعد مرتاح=يشهد علي الله حياتي زهيده للعين مايهنى مباتي والأمراح=ونفسي على الشده صبوره عنيده ماهو طرب يوم أكتب الشعر ياصاح=لاشك من همي كتبت القصيده |
مخرج:
" " " " " " " " " أتنفسك مثل الهوى عشقٍ حوى كل المشاعر من زمان يومي تعلمت الحنان على كفوفك دارسه وطيفك بعيني حارسه لوتشتكي عيني أرق لوتشتكي نفسي قلق أتنفسك مثل الهوى وأنته على جروحي دوى لوأسهر بليلي تعب وأرسل لك حروف العتب وأشتاقلك وأحتاجلك ودي أسولف لك كثير عن غيبتك وش هو يصير في قلبي المكسور وأحساسي المقهور أتنفسك مثل الهوى لو كان ما حنا سوى قلبي بكفك تملكه ودمي بكيفك تسفكه ودمعي على خدي يحير وأسراب شوقي لك تطير لوغبت عني مانسيت أنك على شاني وفيت وأنك بكيت لفرقتي وأنك ونيس لغربتي أتنفسك مثل الهوى وقلبي بحبك ماأرتوى والوقت قاسي مارحم ولافادني كثر الندم يالله عسانا نلتقي وأكشف كلامٍ لك بقي وأحكيلك أحلام الغرام وأضمك لصدري تنام وأتنفسك مثل الهوى عشقٍ حوى كل المشاعر من زمان أتنفسك تسجيل خروووووووووج.. |
مدخل: " " " " " " ماأحدٍ على قلبي قدر ألا أنت ياشبه القمر الشوق يأخذني لهواك وأنا لشوفك منتظر " " " " " " تسجيل دخووووووووووووول |
شكراٍ من القلب لكل من تابع هذه المدونة بكل الحب بكل التقدير يسعدني ويشرفني متابعتكم هنا كونوا بخير |
الناس فيها زين لكن مثلك=مافيه مخلوقٍ تملّك مزاياك فيك الجمال اللي ملكته خضعلك=غريب وصفك جل سبحان سواك أحترت في وصفك ولاأحترت قبلك=عجزت أوصّف بس بسمة شفاياك أعيش من شانك وأنا أموت لجلك=عيشي بقربك لكن الموت فرقاك أهواك من راسك إلى أقدام رجلك=وأهوى عذابك كثر مالقلب يهواك |
عشتك عذاب وكنت راضي عذابك=وصنتك غلا يومك تجاهلت مغليك ياللأسف وشلون خاب الرجا بك=وبكل قسوة صرت تبدي تجافيك ماتدري أني كنت مخفي صوابك=أكتم جروحي داخل القلب وأرجيك ياليت جرحي بالمحبة سطابك=حتى تحس بلوعة إنسان يغليك |
ليتني عينك وأتوهك الطريق=ليتني قلبك وأكرهك البشر ليتني رجلك وأمشيك بحريق=ليتني كفك وأصافح بك جمر ليتني أنفاسك وأنا أشوفك غريق=وأتغلا وأنت بالموت الحمر ليتني صدرك على قلبك واضيق=واحرق البسمة وأعيشك بقهر ليتني في يوم ماأخترتك عشيق=ولاهويت إنسان قلبه من حجر ليت رجلي مامشت حبك طريق=وليت قلبي ماهواك من البشر |
أنتي حياتي بهجة العين والروح=أنتي عذابي بالليال المريرة أنتي خيال لواقع الضحك والنوح=وأنا على شانك عيوني سهيرة أنتي الكلام الجد وأنتي له مزوح=وأنتي حروف طوال ماهي قصيرة خلك بجنبي يأريش العين لاتروح=خلك معي والحب نكمل مسيرة |
خذي الصور خذي معك كل الاوراق= ماعاد أبي شيٍ يعلقك فيني ماعاد أبي ذكرى ولاعاد أبأشتاق=ولاعاد أبيك بدنيتك ترتجيني مادامك أنتي من كتب موت الأشواق=لأحلا خيانة صفقت لك يديني لاتفكرين أني على القرب تواق=والله طحتي جد من وسط عيني ماني بنادم قلت لك بعد وفراق=خلاص يكفي مامضى من سنيني خذي معك كل الرسايل والأوراق=خلاص مات الحب بينك وبيني |
يامبعدة عني تراني نسيتك=خل الجفا ينفعك يانجل الأعيان ياماسهرت الليل ياما رجيتك=ياما على شانك تحملت الأحزان حاولت أداري غلطتك ماجفيتك=أعفي واسامح لكن أصبحت غلطان ليتك تقدر يوم قلبي عطيتك=بس النهاية قلتها اليوم (نسيان) |
خلك على صدك ولاني براجيك=ولاني بميت لو تكفن هوايه مليت من حبك بكثرة تغليك=حبك تسبب في شقاي وعنايه هجرت منهو بالمحبة مصافيك=واللي لقيته منك فيه الكفايه لاشك ياأبن الناس ضاعت هقاويك=اليوم بأعلنها بحبك نهايه |
توقعتك بتسعدني وعطيتك قلبي المسكين=توقعتك بتغليني مثل ماأغليت أنا حبك توقعتك أمل عمري وعشتك بالحياة سنين=توقعتك معي توفي وتهديني بعد قلبك أناماكنت أظن أنك بعد كل الوفاء تقسين=توقعتك بتهويني وأعيش العمر في قربك انا أتحملت غلطاتك عليه كل ماتخطين=تماديتي بغلطاتك على اللي عزك وحبك أحبك من زمان أول أحبك بكرة وبعدين=أحبك لوتجافيني وأنا تايه على دربك |
لو قلت أحبك ماتكفيني شعور=ماترجمت شيٍ سكن وسط ذاتي لوقلتي اني لو تماديت معذور=بأقول أحبك لين تفنى حياتي أهواك كثر الرمل وجبال وبحور=أهواك كثر حروف مرت شفاتي أهواك كثر أيام وسنين وشهور=واكثر من اللي بالسماء مرقباتي أهواك كثر الأرض ماعاشت عصور=وأكثر من اللي تنبته من نباتي أهواك كثر الشمس ماتعشق النور=واكثر من عيون السهر للمباتي الزين واجد لكن الزين بالحور=وأنتي شبيه الحور ياكل ذاتي |
مخرج: " " " " " " ياماشيه ذالك الطريق تدرين وشهي نهايته..وسط البحر يصرخ غريق بالله شنهي حكايته طفلٍ بكى دمع أنتثر قلبٍ شكى حب أنتحر وردٍ ذبل شمس كسفت خلٍ رحل شمعة أنطفت في ليل كاسيه الظلام...في عيون طفلٍ مانسى لوعة عذابه والغرام...وقلوب مليانه قسى لوعة عذاب لوعة قهر كذبة صواب قلبٍ حجر هم وشقا دربٍ طويل قصة لقاء خل وخليل هاذي الحكايه تنكتب طفل مشى ذاك الطريق قلبه على روحه كذب...وسط البحر يصرخ غريق قصة طفل صرخة ندم زلة عقل زيف ووهم توه صغير قلبه برئ دمعه يحير جرحه طري عاش اليالي وأنطوى...يكتب على أوراقه شعر نجمه من العالي هوى...غاب بسماء ليلة قمر ياماشيه ذاك الطرق..قبلك وصلت نهايته والبحر أنا وسطه غريق...بحري نطق بحكايته تسجيل خروووووووووووووووووج.. |
مدخل: " " " " " " فقير ! فقير فقير ماأملك شي00 مااملك الا الحب000 والحب وشهو الحب ؟ ألا عذاب القلب! الحب تنهيده00 الحب مااريده00 الحب صار اشكال00 الكل يهنابه00 ألا انا مليت000 من الوهم والزيف00 كل المشاعر كذب00 كله خيال وطيف000 والحب وشهو الحب؟؟ الا عذاب القلب! الحب تنهيده 00 الحب مااريده000 الحب كا تب لي00 (الحزن تأبيده ) " " " " " " تسجيل دخووووووووووووووووووووول |
كتبت القاف في وصفك ونادتك القصايد شوق=وهب الشعر من شانك لهب واشواق حراقه رسمتك في سماء عشقي ليالي ممطرة وبروق=رسمتك لهفة الساري بليلٍ لاح براقه حضنتك داخل عيوني وجيتك بالهوى والشوق=نحتّ أسمك على قلبٍ يعيش بلهفة اشواقه أخذتك حبي الصادق وعليتك بقلبي فوق=وصرت بدنيتي ملجأ تجيه النفس مشتاقه أجيك ليا كبر همي وبانت دمعتي بالموق=بشوفك ينجلي همي وحزني تكتب اغلاقه لقيتك من عيون الطفل تأخذ للبرأة ذوق=لقيتك للفرح عنوان وجهك يرسم اشراقه ترفق يانظر عيني ترى قلبي عليك يتوق=ترفق في هوى نفسٍ عليك اليوم تواقه تراه الحب من قبلي وقبلك بالبشر موجود=وأناعاشق من اللهفة يبعثر تالي أوراقه |
اقتباس:
الله الله ياله من دخول ياحفيد عامر توقفت كثيرا عنده |
يكون الله بعون اللي صبر مثلي على الشدات=يكون الله بعونه واحدٍ دنياه ضايمته أنا عبدٍ غريب وداخلي كومٍ من الضيقات=وعبراتٍ لها مدة بوسط الصدر رايمته زمان أقشر وحظ أغبر ودنيا كلها لوعات=وحظي مانفع راعيه يوم الناس ظالمته أنا من ظلمني طفلةٍ فيها الخفوق أقتات=صغيرة عارفه قلبي وقدر الحب عالمته صغيرة جات له صدفة تدوّر عن وطنها ذات=حضنها مادرى ان اللي حضنها هي نادمته تنحت ماحصل شيٍ يضيقها ولازلات=تنحت عن خفوقٍ حبها من جات هايمته عطاها من صميمه كل ماتطلب وقالت هات=عطاها ثم عطاها ثم عطاها بس لايمته تنحت عن خفوقٍ من غلاها في غلاها مات=يموت ألفين مرة قدمها ماهي براحمته قسى وقتي وقساها وعلمها على الصدات=سهر جفني يناجيها على الدمعات علمته حفظها قلبي الطاهر وكرمها على الزينات=حفظها حفظه لنبضه وهي ماهي مكرمته ألاياوجد حالي وجد شايب يذرف الدمعات=على حرٍ من عياله منايا الموت هاجمته ألاياوجد حالي مابقى بالحال كود شتات=على اللي يمها قلبي بدون اثمان سلمته ألايارب وش باقي من أحزاني بعد ماجات= ألا يالله أنا دخيلك ودرب الحب حرمته |
أختي فجر لاهنتي ولاخلا ولاعدم مرورك وأطراءك جميل كجمال حضورك كوني بخير |
لاتلوميني كفاية لي ندم=لاتلومي من مشالك في رضاك كان أنا مظلوم أنتي من ظلم=أنتي اللي حطني وسط الهلاك كنت لعيونك أسابق وأغتنم=كان هو همي أحقق لك هواك كنت من شانك ورى ذاك الوهم=أركض بعمري ولااكدر صفاك كنت لعيونك أحزّن وأبتسم=لين بانت لي نهايتها معاك بس يانفسي يكفيني ندم= ماندمت ألا على ثمرة رضاك |
ياقصيدي قوم وصف مابدالي=دام جريت اللحون السامريه أوصف اللي في حياتي قد مضالي=يوم صكتنا الليال السرمديه يوم ضاقت والبلا من قل حالي=وانتصيت اللي يعدي عن خويه جيت لمساعد وقال أبشر وغالي=كلمتك يالذيب ماهانت عليه قام زيزوم الفخر ذيب الرجالي=يوم غيره قال أنا ماني هنيه عزوتي يامكسبي ياراس مالي=جعل يفداك الردي لارحم حيه عادتك يالذيب كساب الجزالي=يوم غيرك طاحت عزومه رديه والله أنه فخر يوم أكتب مقالي=فيك يامساعد وأقدمها هديه |
قال أبتعد وأبعدت والقلـب بيديـه=قال أنتهى كل شي وأنهيـت حبـه قفيت عنه ودامي الجـرح مخفيـه=وسط الحشا جرحٍ بآياديـه طبـه ليتـه ترفـق بالنهايـة لمغلـيـه=ليته على شان المحبه لطـف بـه ذنبـي وأنـا بالغـلا ميـتٍ فيـه=حافي قدم وأمشي على الشوك دربه تركت غيره بالوفاء جيت شاريـه=واليوم أنا خسـران قلبـي وقلبـه اليوم أنـا لامـر للقلـب طاريـه=تفـز لـه كـل المشاعـر وأكبـه |
أبد والله ماعمره طرى للبال يوم أنساك=لأني من هويتك بعت لك قلبي ووجداني أبد والله ماعمره سحرني غير همس اشفاك=ولاعمره أحد مثلك نهب عقلي وخلاني لفيتك عاشقٍ هايم وحط القلب في يمناك=عشقت بأول جروحي نسيت بقربك أحزاني كتبت الشعر من شانك عساه الشعر بس أوفاك=كتبته بس لعيونك وحرمته لأحد ثاني أبيك أسطورة لعشقي أبي حتى القلم يهواك=أبي حتى الورق يعرف غرامك وين وداني أبي حتى الحروف اللي بغير اسمك تقول أبغاك=أبيها كل حرفٍ من غلاتك قام وأغلاني أبي كل القلوب اللي قرت شعري تقول أغلاك=أي كل البشر تعرف غرامك صار عنواني أنا كل القصيد اللي كتبته ماانكتب لولاك=ولكني أبين لك مدى صدقي وعرفاني أنا لوطوّل غيابي تراني مستحيل أنساك=ظروفٍ وقفت ضدي ودار الوقت وأقصاني |
تصدق أني قبل أعرفك كنت جاهل= تصدق أني كنت جاهل بالغرام والله أني كنت أحسب الحب ساهل=لين عيني قالت لقلبي حرام والله أني بالغلا كنت أتساهل=ماأفرق بين حبٍ واحترام لين جفني عود لطيفك مداهل=صرت أشوفك كل ماجفني ينام صار قلبي موطنك والحب عاهل=وأنت كل الحب ياسيد الأنام ليت قلبي يوم شافك لك تجاهل=ولاغصب نفسي على درب الهيام بس من شافك يصير العقل ذاهل=لونسى نفسه بعذره مايلام أقشرٍ وأن طاح وسط الحب جاهل=راح فيها وعلى الدنيا السلام |
ياصاحبي ماني خليٍ من الهم=لوشفتني أضحك ترى بس اجامل أشيل جرحي بالخفا وأتبسم=صويب لكن صابرٍ وأتحامل والنفس تشرب صبرها مر علقم=وثقالها ماشالها كود صامل |
على ذكر المعزة والمحبة=بدعت القاف من لوعات حبه كتبت أبيات فيها ماطرالي=زمانٍ فات ياطيف الأحبه زمانٍ كان قلبي في يمينه=وهو قدم على الكفين قلبه عشقته لين عشقه صار عندي=جنونٍ تل قلبي وأنفردبه وهو منزود حبه هام فيني=على حبي حلف وأقسم بربه عشقنا بعضنا عشقٍ منزه=علىدرب الشرف ماشين دربه |
حسبي عليه الزمن خلاني الجاني=مذنب وذنبي زماني واقفٍ ضدي حظي كذا يابعد قلبي وخلاني=دايم ثياب الشقى تطلع على قدي وأنت أتصالك لياجاني وسراني=أسج بأرض خلا وأبيحلك سدي فالقلب لك منزلة ماطالها ثاني=أنت الوحيد المسمى بالغلا عندي ياحيلة الله زماني وين وداني=مذنب وذني زماني واقفٍ ضدي |
(وردة من كل بستان) " " " " الحب ماهو موت ياقايلٍ موت.....الموت والله لافقدت الحبايب " " " " " لاتقولي حيل قاسي قلتلك رد أعتبار....ردة الفعل بحياتي كانت أكبر من خطاك " " " " " والله أنه ماقهرني غير قلبٍ لي عصاني....كيف قلبي وهو قلبي ماقدرت أوقف وأصده " " " " " ماكل دمعة تهز الناس لاطاحت.....ألا دموع العجوز أن قلت الحيلة " " " " " وجيه الناس تتشابه ولكن القلوب شتات.....قلوبٍ تبدي البسمة وداخلها بلاويها " " " " " أنا طفل الغرام ولعبتي ضحكتك وعيونك....دخيلك تسألين الطفل وشهي قيمة ألعابه " " " " " قالت جميع أبيات شعرك حزينة.......قلت أنظري بعيون تركي تعرفين تلقين فيها الحزن كاسي سنينه.......وتلقين فيها من عنا الوقت ضعفين " " " " " " " " " الشعر ياناشد عن الشعر وش هو....الشعر مثل السحر ماهو وراثه الشعر سحرٍ لاانتثر ياكل الجو......مابين دقه والجلال ودماثه الشعر بير وهاجس الشاعر الدلو....دلو القديم ودلو شعر الحداثه |
جيتك واناكلي اسف ليه مااجيك=وانتي من الخلان عندي لحالك ماعاش من يجرح خفوقك ويبكيك=ولاأبيه قلبي كان ماهو وفالك لي قلب ينزف وارتمى بين اياديك=يبي رضاك من المتاهات جالك أن كان تعذيبي يسرك ويرضيك=حياه لو اصبح من الهم هالك بس اسمعي مني وكلمة أبا اعطيك=أغار لايمشي جوارك ظلالك قلته وانا اللي غلطتي مأثرة فيك=لاعاد يومن فيه قلبي قسالك |
صغيرهـ بس فيها من الشقاوهـ مايهد الحيل=شقيه تتعب اللي فالهوئ ينوي يحاسبهــا تكون أقرب من عروقي وهـي آخر خيوط الليل=تكون أغلا بشر وأكون أغلا حبايبــــــــــــــهــا تعذبني تلوعني وأنا اللي رأفق بالحيــــــــل=عليها ولا ودي تجي لحظه وأعاتبــــــــــــــــهــا أخاف أني أعاتيهـا وينزل دمعهـا ويسيــــــــل=أخاف أجرح مشاعرها بكلمه من سبايبـــــهــا أفارقها أضم الجرح أقابلهـا يزيد الويـــــــــــــــل=أعانقها يقف عمري على هله ذوايبـــــــــــــهــا أزاعلها تصير ابعــد عليه من طلوع سهيــــــل =أراضيها وأصير أقرب قريب من قرايبــــــــــــهــا صحيح أن الغلا سلطه صحيح أن الهوئ تذليـل =صحيح أن المحبه كايدهـ ما اكثــر مصايبهـــــا صحيح أن الخفوق اللي تمناها عليـــه الميـــل=نزف جرحي ولا بين من الفرقا صوايبــــــــهــا أنا عبدٍ غريب وموطني حضن به التدليـــــــل =به أنسـى لوعتي وأنسـى من الدنيا نشايبهــا أنا عبدٍ كتب شعرهـ من أشواق تهـد الحيــل=كتب لعيونها مزيونه عساهـ الحظ جايبهـــــــــا |
مخرج: " " " " " " هالحين توك تذكرين...هالحين توك تعرفين أني وفي أني حبيب...أني من فراقك صويب تذكري ذاك العمر.. تذكري حب أنتحر.. كان بغرورك يحتظر من قسوتك يصرخ قهر.. يابنت مليت الصبر تذكري ذاك العمر تذكري دمعة رجل... سالت على خده لجل يكسب رضاك..يعشق هواك تذكري ذاك الرجل تذكري يوم الرحيل... كنت أسألك ليه الرحيل... منهو ضحك منهو عليل منهو على شأنك سهر.. ياقاسيه قلبك حجر تذكري.. تذكري ذاك الغلا...تذكري قولت هلا تذكري ذيك الصور..تذكري ذاك الشعر كل الحروف تعاتبك...وشلون قلبك لي سلا هالحين تبغين الوفا..هالحين قربي لك شفا هالحين توك تشتكين...هجري وبعدي والجفا هالحين أنا منهو أنا..هالحين أنا كلي عنا ماعاد لك عندي طريق...يوصلك صوب الهنا ياللأسف جت رجعتك متأخره.. جيتي بعد ذاك الوطن..نسى غرامك وانسكن وذاك الطفل ذاك البري طفل بعذابك ينطعن مات بعذاب ذاك الشباب كل الأماني عودت...وهم وسراب هالحين باقول أبعدي..لالاتحري موعدي أقولها غصبٍ علي...أقولها ماهو بيدي أقولها عقب اللي راح خلاص يكفيني جراح بدري على قلبك يحس..ودمعك على الخدين ساح هالحين توك تذكرين...هالحين توك تعرفين أني وفي اني حبيب..اني من فراقك صويب لاتفكري لاتحاولين...انك لقلبي ترجعين فآت الأوان..مات اللي كان هالحين توك تذكرين " " " " " " " " " " " " تسجيل خروووووووووووووووووج |
" " " " " " " تسجيل دخوووووووووووووول |
|
|
مخرج: " " " " " " " بحر حبي عميق وغصت به وأنته تجيد العوم دخيلك لاتغرك خبرتك في رسم لوعاتي وطعناتي على حد السيوف ودربك المحفوف بآهاتي ووناتي " " " " " " " تسجيل خروووووووووووووج. |
مدخل: " " " " " " بين هم وبين نوح بين ضيقات الصدور وبين دفات الجروح بين توديع الأحبة وجرح غاير ضاع طبه بين لوعات الزمان وبين فقدان الحنان أكتبي مشوار عمري خطوة تاهت في طريق وبحر يتجاهل غريق صرخته مرت شفاته ولالقى حوله صديق... " " " " " " " تسجيل دخوووووووووووووووول |
تنشد عن الحال وأنت الحال شايفها=وشلون تنشد ودمعي بان بأوجاني الحال ديام كذا والحزن خاطفها=وملامح الحزن كلٍ قال بأعياني لي صرخةٍ بس لوتنطق شفايفها=يمكن توضح عذاب الوقت وأشجاني ولي دمعةٍ فوق خدي غصب ذارفها=وأسمح لها تنتثر لاصرت وحداني ولي عبرةٍ بس ضلع الصدر كاتفها=أخاف منها تحطم كل وجداني ولي دنيةٍ من همومي صرت عايفها=ولي قصةٍ ماقدر ينطق بها لساني هاذي هي الحال وأنت اليوم شايفها=ماهي غريبة تشوف الدمع بأوجاني |
دمعة حزن تسكن عيوني من العام=عيّت تطيح ولاتخفى عن الناس دمعة حزن دمعة تعب دمعة آلام=دمعة شقى دمعة قهر دمعة أحساس ياماسألوني سنين وشهور وأيام=عن دمعةٍ فيها الحزن صعب ينقاس وياماكذبت وقلت هاذي من أعوام=ردي طبيعي والبلا كتم الأنفاس أكتم جروحي والعمر غادي حطام=كم واحدٍ لامن سأل قلت لاباس ياما ندبت الحظوالحظ ماقام=وياما شكيت الوقت والوقت بلاس ياما تمنيت السعادة بالاحلام=وياماتمنيته على كل هوجاس هذاك هو اللي به الوقت مادام=وأعلنت في دنياي من بعده أفلاس قفابه الوقت العوج وقت الأوهام=عشت الحياة بحزن بس رافع الراس أضحك وأجامل وأكتم الحزن لي عام=لكن عيوني فضحتني مع الناس |
تعال مل الهم مني ومليت=مليت دنيا مابها غير ذكراك تعال تكفى قلتها لك وياليت=ليتك تحس بلوعتي عقب فرقاك تعال محتاجك ولاغيرك أغليت=تعال وأطلب والمعاليق تفداك تعال أبي شوفك ترى عني أبطيت=تعال وأنظر لهفتي يوم رؤياك |
أنا من عذبه وقته وضاقت دنيته وياه=أنا من فارقه خله بوقتٍ كان محتاجه أنا من ماتت أحلامه على كف القدر تنخاه=أنا من همه بصدره عجز يقوى على أخراجه أنا من تبكي أشواقه على حاله على ذكراه=أنا من يخفي بقلبه هموم الوقت وأزعاجه أنا من خطوته حارت على دربٍ نوى ممشاه=أنا من حب من قلبٍ به الأشواق وهاجه أنا ذاك العزيز اللي هوى عذرى عطاها جاه=عطاها ملكه وحكمه ولبسها غلا تاجه بعد ماحطها بعينه بلا ذنب طلبت فرقاه=رجع مثل الغريق اللي يصارع بحر وأمواجه أنا من دنيته شحت وحظه خانه وبكاه=أنا من بعثر أوراقه وفتش داخل أدراجه لقى صورة لها تضحك وعطرٍ من غلاها أغلاه=جلس يندم على وقتٍ قضى بالحب منهاجه |
أنتي مثل منهو بكى ليلة العيد=وأنا مثل منهو ضحك يوم موته أنتي بكيتي من فراقي بتنهيد=وأنتي طلبتي بعد تركي وصوته وأنا ضحكت وضحكتي ماهي تفيد=لاشك أكابر والقدر من يفوته؟ أنا فراقي عيد من يبكي العيد=والموت بعدك من ضحك يوم موته؟؟ |
يامالكة قلبي بزين التواصيف=يامعذبة قلب المولع دخيلك يازايرتني في حلا النوم بالطيف=يابرق حبي والحنايا تخيلك يانازعة قلبي بعذب السواليف=تكفين ردي القلب يكمل جميلك ياخدود وردٍ بينها سلة السيف=ياليل مظلم لاهزعتي جديلك ياللي ملكتي بالحلا شي ماشيف=ماأظن بالدنيا أبلقى مثيلك أنتي بهالدنيا حنان المواليف=وأنا تراني مارضيت ابديلك |
أستسمحك يآخر ملذات عمري=قلبي على درب التعاسه خطاويه دايم وقلبي يحرقه طول صبري=أصبر على مر الليالي وأخاويه قلبي تعود يحرق أنفاس صدري=وأنا تعودت أجرحه وأحترق فيه العذر واضح آه ياكبر عذري=عذري أشيل هموم غيري وأداريه لانافعٍ نفسي ولازاد قدري=ولارحمٍ قلبي وأخفف بلاويه |
لاتبعثر أحزاني دخيل أمك يكفيني=همٍ كتمته بوسط الصدر ماأبديته لاتقول فضفض على بالك تنسيني=وشلون أفضفض وهمي منك لاقيته لاتقول وش فيك ياعمري وياعيني=وجرحي حبيبي بكفك قمت حطيته دامك تجاهل أجل مهو درى فيني=مادامك أنت الوحيد اللي تمنيته مدري تمنى بتجريحك تعنيني=وألا تلذذ على همي وحبيته |
قاف مر ..وقاف أمر ..وقاف حلواً سلسبيل،،، وقاف روومنسي ..وقافاً كل مابه همهمه،،،،، نبي تبااااع مدوونتك ياحفيد عامر بتمعن واشكرك على طرحك الرااائع تقبل تحياتي |
أخوي نايف شرفتني بحضورك لاخلا ولاعدم يالذيب كن بالقرب دوماً تقديري |
البلا لاضاع بالدرب الدليل=والقهر لاشفت بعض المهزله لاتشب النار في راس الفتيل=ولاتزودها على ماأتحمله دام لك في داخل عيوني مقيل=لايغرك دام قلبي تدهله لاتحسبني معك لاملت أميل=لاتغلى وأنت دمك ماأثقله لاتفكرني غبي وألا هبيل=يوم قلبك بالغرام مدللله مرخي حبالي معك ماني ذليل=بس أنا أدرى شي قلبك يجهله آه لوتدري بحالي ياجميل=كان قلبك مارضى اللي تفعله مزعلٍ نفسك وتاركني عليل=بسألك هو خاطرك وش مزعله لوحصل مني خطأ لوهو قليل=كان من بدري حسمت المسأله وأن بغيت البعد وتدوّر بديل= وأنك تحاول غرامي تقتله والله أني ماخضعت لمستحيل= بآخرك يالعمر وألا بأوله |
جتني خجل تمشي وتقصر خطاها=تآخذ من أنفاس النسيم النقاوه جتني تحدى للقمر من بهاها=وتثبت لقلبي حبها والغلاوه ريميةٍ عشق الجنون بهواها=وطبوعها زين ودلال وشقاوه في خدها شمسٍ تجلى سماها=وفي جيدها رمح الهوى بالعداوه بعيونها دنيا بعيدٍ مداها=وفي حضنها حل الحنان بهداوه حمرة شفق قبل الظلام بشفاها=فيها أنشغال وطيش فيها قساوه متمردة مثل الصغير بشقاها=مامثلها عذراء بذيك الحلاوه جديلها لاهل ليلٍ كساها=وهرجة بدو يازينها من بداوه هاذي عنا نفسي وهاذي دواها=عطتني أشواق المحبة سخاوه |
حارت الكلمة وشعري فيك ذاب=وأبتدى نظم القوافي من غلاك لوكتبتك شعر مايكفي كتاب=ولو وصفتك بالغلا ضعت بهواك أيه يانجوى حياتي والعذاب=أيه ياسر المحبة في وفاك أيه أحبك لابدى بعض العتاب=أيه أحبك ياعسى روحي فداك |
بالله من جدك تبين المفارق؟=ماني مصدق شوف عيني تصدين جيتي وأنا ليلٍ رجى منك بارق=يامزنةٍ وسط الحشا لوتهلين ياموجةٍ فيها من الشوق غارق=يامن ملكتي قلب تركي من سنين ياماقويت الصبر والصبر حارق=أكتم جروحي ماتوقعت تنسين واليوم جيتيني كما صبح شارق=مستعطفة قلبي يخليك تقفين خلاص قولي لوتكرمت فارق= مادام مات الحب وش له تحنين؟ |
لاتعجل توه الليل أبتدى=توني بأحلام حبي لك بديت تو طير الحب بأغصاني شدى=توني مع همسك الدافي شديت لاتقول الفكر لي راح وغدى=لو أسج بعيد مع طيفك غديت قلبي اللي بالمحبة ماأهتدى=من سبايب رمش عينك ماأهتديت يوم شافك قال قدمني فدى=يابعد حبٍ بقلبي له فديت يابعد كل القصايد والحدى=يابعد كل الحروف ليا حكيت حطني بالعين ياغيض العدى=ضمني بين الجفون ليا غفيت جيت لك ملهوف ماعنده جدى=غير كلمة شوفني عندك شكيت |
سلمت يمينك على كل ماكتبت من حرف وقصيده فأعجبت بماتكتب وانت شاعر فطره استمر فحن متعطشين لسماع مثل هذه القصائد الرائعه أختك بنت الشيوخ |
أختي بنت الشيوخ لايسعني ألا أن أشكرك على إطراءك الراقي كرقي ذائقتك مرورك أسعدني ودمتي بخير تقديري |
يازين كذبك ليا قلتي مطفشني=مسوية ثقل وأنتي ميتة فيني تذكري يوم قلتي لاتطنشني=يوم شفتي الجد قلتي لاتخليني والحين قلتي دخيلك لاتفتشني=ماودك أني أعرف أش قد تغليني بس الصراحة ترى طبعك مقروشني=مسوية ثقل وأنتي ميتة فيني |
يابنت لولا العيب والأسم والناس=لاأقلط عليك بداخل البيت وآجيك بأجيك مشتاقٍ حمل صدق الأحساس=لو المنية تنتظرني حواليك ماهمني موتي على أية أساس=من يوم حبيتك وأنا ميت آبيك أحب دارٍ في خطاويك تنداس=وأحب دربٍ ماشية به خطاويك وأحب طبعٍ فيك بالحيل حساس=وأحسد حتى أمك إذا ناظرت فيك بأسقيك صافي الحب كاسٍ ورى كاس=من صادق الأحساس والله لاأرويك أنا هويتك بس من بدة الناس=متى تجيني قبل لاأشتاق وأجيك |
(وردة من كل بستان) " " " " أضحكي ياجعلها أيامك سعاده......أضحكي يابسمةٍ فيها عذاب أضحكي يامنوة القلب ووداده......بسمتك والله تزيح الأكتئاب " " " " " هلابك يابعد عمري هلا باللي أحبه موت.......هلا والله بنظر عيني وحشت القلب بغيابك " " " " " غرستك داخل عروقي حبيبي مستحيل أنساك......دخيلك كيف أنا بنسى غرامٍ ساكن عروقي " " " " " لوشفتني ضاحك ترى القلب منصاب.....لاشك أخفي وأتناسا همومي أضحك وأنا قلبي من الحزن قد ذاب.....ماأحد درابي ساترتني هدومي " " " " " كان طيب كان قاسي كان جنة كان نار......كل جرحٍ من يدينه زوّد بقلبي غلاه والله أني كنت راضي أنجرح وأشقى وأغار....لأني أتحمل عذابه بس ماأتحمل جفاه " " " " |
هالحين دمعك تنثره فوق الأهداب=هالحين يعني صرت ترجي حناني هالحين تبغاني بمواضيع وعتاب=هالحين قلبك بس دوبه بغاني وين أنت يوم الدمع سكاب=وين أنت يوم انه زماني كواني وشلون ماحسيت بجراح الأحباب=وشلون ماحسيت وش كثر أعاني راجع ترجى بعد مابنت كذاب=بعد كشفتك في حقيقة زماني اليوم انا مليت من حب نصاب=وشلون احن لشخص خان ونساني عيش المذلة مثل ماعشت منصاب=يوم أن حبك سهم غدره رماني لاتقول قاسي كل شيٍ له أسباب=وأنت السبب واللي بهمي بلاني لاتقول غلطة وتنطوي صفحة كتاب=اليوم أنا في دنيتي شخص ثاني |
مخرج: " " " " " " " بين حلم من الخيال ووبين مطلوبٍ محال بين أمل لازال مغري وبين صبر عدابي وطال أكتبي مشوار عمري بين حبه والعذاب بين شوقي والغياب أكتبي كل الحكاية وأفتحي قلبي كتاب فيه شوقٍ وإئتلاف وفيه صورة بالغلاف صورته بغلاف قلبي ودمعتي آخر مطاف أكتبي مشوار تركي كتبي والقلب يشكي أكتبي عن كل وقته كيف يضحك كيف يبكي أكتبي مشوار عمري اكتبي ضحكة سنيني يوم دمعي خان عيني أكتبي حتى النهاية أكتبي دامك يديني " " " " " " " " " تسجيل خرووووووووووووووج.. |
رائــــــــــــــــــــع كم أنت رائع أخي تركي وأرى لياقة شعرية لاتضاهى إلى الأمام وبالتوفيق أنشاءالله اسعدتنا بهذه المدونة |
تسلم يمينك وصح لسانك ياشاعرنا تركي العزيزي واستمر ونحنُ من متابعينك |
مدخل: " " " " " " " دلة شعر ومهيلة من عقب طبختها على جال الجمر تآخذ شوية خادرة ........................................أسوقها فنجال كيفٍ يقعد الراس المعومس من عماسه لارشف فنجالها " " " " " " تسجيل دخوووووووووووووول |
أبوغادة عاشق هباء شكرا على المرور العذب لكم تقديري |
الجوهرة والذهب وألماس والدرة=والزين واللين والحكمة وعفتها. .متجمعة في هنوفن تشبه المهرة=مابين تيهن وحلمن في طفولتها هاذيك تبقى على الزينات مغترة=منهي تشابه حلاها فأبتسامتها. لاهلت الشعر فوق الجيد والغره=الليل معه القمر باين بطلتها . شفايف الجمر مدري شفة الجمره=شفايف الجمر وألا الجمر شفتها. شفايفن بالسوالف تطرب السهره=هاذيك أنا أموت بس أسمع حكايتها. لاسولفت كنها طفلن على صغره=طفلن يسوق الحنان وزود طيبتها. لاسلهمت بالعيون وطالت النظره=أضيع في ثلجها مدري بظلمتها. أسج وأذكر عظيم الشان والقدره=اللي عطاها السحر في جذب نظرتها. في خدها الزهر مدري خدها زهره=زهرن ربا بالخدود وحط وردتها. الشوق من شانها زخرف لها قصره=من يوم حبيتها والقلب فلتها. لوينكسر خاطري تقوى على جبره=ماغيرها يجبر الخاطر بلهفتها. هي الغلا والغلا سلم لها سره=هي الوفا والوفا فيها طبيعتها. تستاهل الحب يومي وأمسي وبكره=بأعيش عمري وأنا صاين محبتها |
واطيري اللي لازمته المحابيل=حول يجيب الصيد والصيد جابه حرٍ ليا أدوى خابره يوفي الكيل=ماهو مضرى للجزع والمهابه ياما يحول بأبرق الريش تحويل=من ضرب مخلابه بعزم وصلابه طيرن وحش له العلالي مداهيل=في راس لحلوحٍ مهايف زمابه واليوم راح بكف مهدينه الويل=اللي عليه يكثرون الدعابه أمسى كسير جناح والجرح تنكيل=يحس سقمه بس محدن درابه |
يمين الله لوتلفين كل الكون ماتلقين=مثل قلبن تعلق بك وشالك داخل أعماقه خفوقن ماعرف غير البياض وطعنة الغالين=ودمعه تسكن بعينه ولاطاحت من أحداقه |
يصير الصمت في بعض المواقف طابع ودستور=خصوصا لاجبرك الوقت وأرغمتك مقاديره يضيع الفكر ويصد الكلام ويلتجي بالزور=تضيق الحدب في صدر الجريح ويختنق طيره يفور الدم في وسط العروق وينشف الحنجور=وتنهد العزوم أن كان ماجاب الصبر خيره ويبقى شرخها مثل الزجاج ليا غدى مشعور=بعض كسر الخواطر مايجيب الوقت تجبيره زمانن لاكشر نابه يفتت من قساه صخور=أجل وش حيلة القلب الرقيق أن ذاق تعزيره على الله يالبنادم عيشتك بين الشقا وسرور=نصيبك منكتب باللوح عند الله تدبيره |
سيل الجروح وهم قلبن سرابه=وصرخة حزن حرك صداها محانيه وعواصف الذكرى وجيش الحرابه=قلوب شبه قلوب وجيه لوجيه وصرير ريح تخللت صدر غابه=وظلمة جفا منها الخفا بذ خافيه مرت على قلب الجريح وصوابه=ثم حركت كل المشاعر تجاريه فيها لنبرات الخفوق أستجابه=وفيها سؤالن ميت الجرح يحييه فيها من صدوف الغرابه تشابه=وفيها من حروف القصايد معانيه |
الجيب لولا تهمزيني مراميعه=لامن صخرته لقطع البيد وفجاجه ماكان سقت الثمينة يوم تطليعه=ولا كان تبرد بقلبي نار وهاجه ياعنك يومن كلن في مشاريعه=يحسب ويجمع فلوسه داخل أدراجه أرخصت من حشمته قرشي وتجميعه=وجبته وكلن يدور فلة حجاجه |
سألني ساكنن سدي سؤالن سبب لمسراه=سؤاله سامعن سمعه سفيهن سمم أسراره سألني وأستدار وسج ساقه ساري وسراه=سري سايق هجوسه والهواجس تسبق سطاره |
ياهجوسي ولميلي من لحونك ماتهيا=شاعرٍ ضايق مزاجه عقب ضاقن الحنايا ساهرٍ ليلي وقلبي دك همه قلت هيا=سج ياقلب المعنى مع طواريق وحدايا قمت أراجع مامضالي من زمانن عنجهيا=سيرةٍ ولت ولاباقي لها كود الشظايا قمت أصارع عبرتي والدمع في عيني عصيا=وأصفق الكفين كف بكف وأعظ الشفايا ول ياجور الزمان وول ياسرن خفيا=وول ياسود الليالي لو يبيحن الخفايا ليت من يعلم بسري لانشدوه الناس عيا=واحدٍ يدري بحالي عارفن كل السوايا |
يفز قلبي بين عوج الحنايا=لامن ذكرتك يادفى كل الأحساس أن كان باقي للمحبة بقايا=ألطف بحالي يابعد كل هالناس |
ياللي تناظرني وأنا في طرقتي عابر سبيل=أدخل على الله من عيونك والرموش الجايرة نظرة عيونك عجلت مسراي يالطرف الكحيل=سريت من قل البخت وعروق دمي فايرة أحرقت قلبن مابقابه غير لوعات الرحيل=وزودت كل اللي بقابه بألتفاته حايرة لوكنت تدري عن خفايا رحلة القلب العليل=يمديك ماسلهمت تطعن بالجروح الغايرة |
ليت السحاب أن هل وبل ومطّر=بأمرالولي يحي الغصون الهمده ولأقبل على ذيك الديار وقطّر=يجلى براد المهد صالي ومده بأرسل قصيد من الورود معطّر=أصلي ومن شركة شعرمعتمده عندي بكارسمان ماهي فطّر=تجلى الرمد عن العيون الرمده شاعر على جزل البيوت منطّر=وهبه من الله وأشكره وأحمده والله ماودي بكسرالخطّر=لكن من يحيي الهجوس الخمده |
من قال لك أنك بعيني ولاشي=أنتي بعيني بين جفني والأهداب لاتحرقيني شوي وشوي وشوي=ماعاد باقي في من حبك أعصاب |
ليتك حفظتي سر قلبي عن الناس=ياللي تبدينه على كل سامع حجتك نثرن للمعاني والأحساس=وتنفيس كربة صدر للهم جامع لين أطمعوا بي كل واشي وبلاس=سود الوجيه مكترين المطامع |
تبين الحق لو أني أطاوع قلبي المسكين=يمين الله لأبيع الكون كله لجل يحضابك خفوقن شاف فيك اللي أبد ماشافته لي عين=جمالن أنفردتي به وقلبي منه غنابك ولكن لاذكرت أني أسلم قلبي السكين=أدوس القلب وأحساسه وأغير صفحة كتابك أعرف أن الهوى رحلة متاهه في ضياع سنين=ولابه غير لوعات المحبة تنقل أتعابك حكاية قلب من شافك أحسه ضاع ماأدري وين=بها لك يعترف لن الحكاية جات بأسبابك |
حسبي عليه الله المعبود سبحانه=وشلون بالوصل يوعدني وينساني ماكنت أظنه نوى قلبي بهجرانه=ألين قفى على وجهه وخلاني غرون يصب العسل من هرجة لسانه=والوجه مثل القمر والجسم روياني ياليت قلبي يطاوعني بنسيانه=لاشك قلبي على نسياه يعصاني |
حبيبي لاتطول غيبتك ماعاد فيني حيل=غيابك يحرق ضلوعي وقلبي ذاب بأسبابه سهرتك حبي وعشقي نسجتك من خيوط الليل=وقلبي ماذكر غيرك إلى طرواله أحبابه حبيبي غيبتك فيني عذاب وجرح مع تنكيل=دخيلك حس في صوت الجريح ونبرة عتابه حبيبي يابعد عمري أنا ماأرضى بك التبديل=وغيرك لويناديني فلا قلبي بيشقابه نهاية قولي أحبك وأحبك حيل حيل وحيل=ولكن الغياب اللي ذبحني وشهي أسبابه |
ياهاجسي حضر حضور أضطراري=أجمع هنا ودي أبين فعايلك دامك وحش لك المعاني حباري=لك هدةٍ تشفي خفوقن يشيل إلك أكتب هنا شيا كتبته اجباري=ماهو بودي بس ماأبغى أتجاهلك يالصاحب اللي فيه بعض المواري=موارين بالطيب توفي خصايلك ماني على خوتك بايع وشاري=ولاني على بعض المشاريه سائلك دام تعرف اللي تخاوي وداري=أنته تكملني وانا معك أكملك وأنا زماني مايجي بأختياري=والاأنت غالي داخل العين منزلك |
أول تعذبني وأنا أرجيك ساهر=أسهر على شانك وأنا أقول لاباس لوعتني عذبتني كنت شاطر=وأسقيت قلبي من عنا الوقت كم كاس واليوم تبكي جيت تحتك تناظر=ماتنفعك دمعتك مع حنية الراس لالاترجى مالك اليوم خاطر=اليوم حبك تحت الأقدام ينداس |
نجوم السماء أقرب لك من الرجعة عقب ماأقفيت=قديمة قولتك ندمان حاسبني بغلطاتي بعيدة ترجع لقلبي تراني صعب لاصديت=ترى ماهو على كيفك تعيشني بلوعاتي بعد ماشفتني مخلص وغيرك بالبشر ماأغليت=تقوم وتنكر العشرة تقول أن الغلا ماتي كفاية جروح في صدري أسليها على التنهيت=دخيلك لاتقلب لي مواجع حزن وآهاتي دخيلك لاتذكرني دخيلك لاتقول أوفيت=تصورني مثل يومٍ مضى من عمرك وفاتي دخيلك كفكف دموعك وودعني مثل ماجيت=ترى لاقلت لك كلمة أنا ماأرجع بكلماتي تراها أصعب من الصعبة تبي ترجع بعد ماأقفيت=خسارة قولتك ندمان حاسبني بغلطاتي |
أبشرك من سجن حبك تحررت=وغلاك دسته تحت رجلي وقفيت سامحت واجد والخطا منك كررت=وصديت عني يوم انا لحبك أوفيت أنته تحسب الحب لعب وتشطرت=ضحكت مني يوم أنا منك ونيت اليوم أنا بأقول ماعاد لك كرت=مريض حب ومن غرامك تشافيت |
أحبك كثر ماقالوا حبايب كلمة أحبك=أحبك كثرماتبكي عيون بلحظة الفرقا دخيلك لاتعذبني تراه الحب من ربك=غرامك حل في قلبي عيوني لشوفتك شفقا أبي عينك أبي قلبك أبي قربك أبي حبك=أبيك بكامل عيوبك أبيك لخافقي ترقا أنا لوتنطق أقدامي تقول الدرب هو دربك=ولوعيني بغت تحكي تصير بدمعها غرقا أنا أدعي كل ماتقفي أقول أنام وأحلم بك=تمنيته يجي طيفك يجيني بسرعة البرقا حبيبي يانظر عيني أنا مجنون في حبك=أحبك كثر ماتبعد مغاربها عن الشرقا أنا لو ملني وقتي أنا ماأملها (أحبك)=أرددها على نفسي لقى وألا على فرقا |
مخرج: " " " " " " " ماكل شيٍ ينكتب يجذب الناس=ولاكل شيٍ يجذب الناس قمة الناس فيها أذواق وأشكال وأجناس=أحدٍ يهمه شي وأحدٍ ماهمه " " " " " " " " " تسجيل خروووووووووووووووج. |
خفيد الذيب تسلم على هاالقصايد الجزله وبيض الله وجه قايله
وهذي بسميه معلقات منتدى بني عزيز وتقبل مرووووووووري |
مدخل: " " " " " " روح روح وش بقى غير الجروح وش بقى بعد التجافي غير نزف وبوح روح روح روح وخلني بعدك أنوح أسهر بليلي ياغافي وداخلي قلبٍ يفوح روح روح أنته أصلاً مايهمك ولاأنحرق بالبعد دمك لو عرفت أنك كذيا ماحديت القلب يمك روح روح وخل في قلبي الجروح روح روح خلني أسهر وأنوح روووووح " " " " " " " " " تسجيل دخووووووووول |
أبن شداد لاهنت ووجهك أبيض أسعدني تعليقك تقديري |
ليت مثلك يوم يخطي يعترف بأسم الصواب=ليت مثلك يوم يقسى ماتنكر للزمن أيه في صدر الزمان ألفين سين بلا جواب =أيه بعيون الليالي دمع وجروح وحزن وأيه ماأنته بالوطى منزلك من فوق السحاب=رافعك قلبٍ وهب لك من غلاه بلا ثمن آه ياكبر الجروح أن جات من حضرة جناب=واحدٍ مو بس غالي داخل عروقي سكن كل شي في يصرخ بعد ماضاع العتاب=بعد صبري خان نفسي مابقى غير الكفن دوك غسلّني وكفّني وهل من التراب=حطني بيديك في قبري ودور لك وطن يمكن أنه بعد موتي يتضح درب الصواب=لكن أحفظ ماتركته لك من جور الزمن |
الله أكبر يازمن الله ياقلوب البشر=الله ياوقت غدى فيه الخطا مثل الصواب كل الوجيه تسابهت والصدق يشبه للغدر=ماعاد به قلب وفي ماعاد به كلمة عتاب أما تكون أنت الغني ويصاحبك راعي فقر=يرجي مصالح لاأنتهت روح مثل لمحة سراب وألاتكون أنت الفقير ولاأحدٍ يعبرلك نظر=فقير من اللي يبيك في صحبتك هم وعذاب أماتكون تجيب لي وأعطيك والعشر بعشر=وألا تكون الأسئلة وأكون أنابعينك جواب عندك ذهب تسوى ذهب عندك حجر تسوى حجر=هذا زمنا اللي على شياب يتعلو شباب ماعاد لك أية ثمن ماعاد لك أية قدر=ألابكم تملك وكم عندك رصيدٍ بالحساب |
ماهوب أنا اللي بالزمن له وجهين=وماهوب أنا اللي مايثمن كلامه ولاني بأعز الشخص وألعب بحبلين=ولاني من اللي مايعرف الكرامه كرامتي تفرض علية بشيئين=اللي أحترمني أبادله بأحترامه واللي جرح قلبي ولوهو بحرفين=أشطب عليه ولاتؤثر سهامه طبعي كذا أرقى على الطيب والزين=وأبعد عن دروب الردى والرخامه |
راكب اللي لامسك خطه تمسس=أفجحٍ يهدف على طول المسافه لاسرى راعيه ماقام يتحسس=للملفات الصعيبة والكلافه خلاصة التطوير لأفكار الموسس=بصمة الألمان في فن وحرافه ينحر اللي لانصيته ماتدسس=يضحك حجاجه ويكرم ضيف ضافه كاسب الطالات للطيب يتعسس=ياخذ الزينه وكل شينه خلافه جعل يفداه الضعيف اللي تجسس=ميتة ناره وكل هزلة لحافه مامدحته لي هدف والاأتلسس=لكن رواضي وشعري له شغافه شاعرٍ شعره على الجزلة تأسس=كل شاعر له يوقع بأعترافه |
يالغلا يالشوق يأحساس ودفى=ياغرامٍ فيه وصلت الجنون لك وفا مني ولي منك الوفا=ولك غلاي اللي يسكنك العيون ولك قلبي وكل عمري لو كفى=أنت وحدك بس ياروحي تمون |
أحتاجلك وأشتاق لك حيل ياشوق=شوق الغريب اللي تذكر دياره يأعز من يمشي على الأرض مخلوق=وأغلابشر عندي أحفظ أعتباره مكانتك يالغالية قدرها فوق=وأكبر من اللي ينكتب في عباره |
(وردة من كل بستان) " " " " " خذاني الشوق لعيونٍ بها موتي بها محياي ....................................عيونٍ دعج فيها للهوى سكرة وتثميلة " " " " " ماعاد فيها كذا وألا كذا يعني .............. العلم واصل حدوده وأنت تدريبه " " " " " رجلٍ يحل معقدات الشرابيك ...............ورجلٍ برايه كل عقده لواها ورجلٍ لاجات اللازمة قام يشفيك .............ورجلٍ لاجات اللازمة مانصاها |
مخرج: " " " " " " " " لحظة لحظة لحظة لاتقولي لي وداع أنصتي لي بأستماع مأبي منك دفاع بس أبي منك دقيقة تكتبي كلمة وداع وبعدها كلمة ضياع أكتبيها وسط كفي ووقعي بأسمك ودااااااع " " " " " " تسجيل خرووووووووووووووووج.. |
اخي حفيد عامر خوي الذيب ........اسمح لي ان ابدي اعجابي بما خطته يمنيك جعلها ماتشل يارب
حروف رائعه وقوافي متنوعه اخذتني الى عالم رائع تمنيت ان ابقى فيه طويلا اهنيك من كل قلبي على هذا لابداع للذي يسلب القلوب والعيون اسمح لي ان اسجل حضوري المتواضع بين الحين ولاخر بين صفحات ابداعك الامحدود فالله درك ودر كلماتك التي عانقت السحاب بجمالها وصح لسانك ولاهنت والله |
مدخل: " " " " " " لوكتبت أحساس غيري يمكن يطابق مصيري ولو كتبت أحساسك أنته بأكسرك ياجناح طيري بس غير سالفتنا دام هاللحظة لفتنا لاتعكر ماصفالي والليالي ماأنصفتنا قول أي شيٍ بدالك بس لايطري ببالك أني أفتح شي مغلق شي ولى شي هالك مانفعنا لو حكينا بسالفة سرٍ دفينا أنتهت وأنته سببها وأنتهت بك وأنتهينا " " " " " " تسجيل دخوووووووووووووووول.. |
أختي المهرة حياك الله وشكرا على الأطراء الجميل أسعدني مرورك |
حل الفراق وودعتني هنا أمس=بفراقها كن الحياه أنتهبي جتني تهل الدمع وبخاطرٍ عمس=قالت ظروفي يالسنافي حدتبي ثم أحلفت لي بخالق الكون والشمس=أن الزمان اللي غدر ماأغدرتبي بحروفها شيٍ حمس خاطري حمس=وبعيونها نظرة فراقٍ غدتبي |
ياراكب اللي مايشق غباره=بين المواتر ميزته وحداني مصمم لعوج الدروب أختاره=ياقو تفكيرك ياهاليباني قام يتفنن يوم صاغ أفكاره=ويصمم الهيكل على الميزاني والواجهة ومرايته وأنواره=والخط يازينه على البيباني والمرتبة والقير ويا الطاره=والوقفة اللي كنها سرحاني قوي باس وقوته جباره=ماهمته حرة ولاكثباني يصمد كما يصمد سبوق الغاره=لامن تحزم وأنتصى العدواني وفي هدته حرٍ تقفى حباره=ماروحت لو تكفخ الجنحاني وفي فزته فزة كريم لجاره=لارحب وحياه بالديواني وفي زينته مازينه بستاره=بين المواتر هيبة السلطاني ماألومهم لو زودوا بأسعاره=أنا أشهد أنه غالي الأثماني ماصمموه لدوجةٍبالحاره=ولاصمموه لحملة الورعاني مصممينه للعضى وقفاره=يرقى على راس الجبل شيهاني يازين مع حزم صفا مشواره=تقول ذيبٍ هاجد العرباني مطوعٍ عوج الدروب بزاره=ياصل دروبٍ ماوصلها ثاني هو منوة اللي لا أبتدى مشواره=تله ورى ذودٍ تهيض أشجاني تله وحط بخشمه المطاره=يكفيه ربي نظرة الأعياني أنا أشهد أنه مابعده سياره=أخذ الكلام وخل قول فلاني |
بديت بذكر خلاق العبادي=كتبت بيوت موزونة جدادي أروض قاف لامني قريته=يحرك للمشاعر والفوادي أنا ماني شاعر كان شعري=يمر الناس ويقولون عادي حلفت يمين لاقلت القصيده=لااخلي يشتعل صفق الايادي أنا شعري على الجزله عسفته=أصوغه وانتقي زين المبادي أنا شعري كما حرٍ مدرب=يباين فعله بوقت الهدادي كتبته في طواريقٍ عديده=وسيلته كما سيلٍ بوادي لأني من صغر سني نظمته=على نظمه يحد القلب حادي ذلولي بالشعر تظهر وتطلع=بأول صف لا شد الشدادي أنا ابن مطير من قومٍ عريبه=نهار الكون لانادى المنادي يعود كل حقٍ في مكانه=إليا ركبوا على ظهور الجيادي يزورن المنيه من شجاعه=تصد نحورهم ضرب الهنادي إليامني تعزويت بحداهم=يهجد الناس من شاني هجادي يوم ان الناس تنهش في بعضها=بحد السيف ورهافٍ حدادي خذوا بالمجد شيٍ مايوصف=شهد لأمجادهم فعل وكادي سلامي يامطير اهل الفعايل=سلام معطر بعودٍ وكادي وصلى الله على محمد نبيه=عدد ماهب نسناس البرادي |
على طاري دروب الشوق والتضحية والبوح=ذكرتك غرامٍ تل قلبي وقفابه كتبتك قصيدة تشتكي والعذاب جروح=عزفتك لحن بكّى غريبٍ تغنابه رسمتك بلوحات الغلا من صميم الروح=خفوق على شانك هنا العيش ضحابه ولا فادني كثر التعب والسهر والنوح=على درب حبك خاطري نوّخ ركابه فعلت الخطيه قدم عيني وأنا المجروح=جرحت الضماير والخطأ نجهل أسبابه ولوهو خطأ عادي ترى أقول لك مسموح=ولكن حقيقة حب قلبٍ تسلى به أنا ماقهرني غير كلمة (أجي وأروح)=بكيفي ولا أنته لي ولي أمر وأهابه أنا لو دريت إن عشرتك مابها مصلوح=تركتك ولا خليت مثلك لي طلابه |
جيت اودع حبي اللي مابقاله=غير دمعة في عيوني مستكنه عاشقك من سبتك منّسم حاله=والليال السود للماضي خذنه عاشقك ياما صبر للحمل شاله=ينتظر وعدٍ وعودك خالفنه لاقسى وقته وقف له وأرتكاله=ماهقى سود الليالي يغيرنه لين شافك ناسي وسالي وداله=أنصدم من شوفتك ثم خاب ظنه أعتقد مافيه واحد ماشكاله=في قصايد من قراها عذبنه من سمع قصايده واللي جراله=حن ودموعه بخده سابقنه والله أنه ماسكن غيرك فباله=يوم ترفات الصبايا يمتننه بس هالمرة ترى بعدك طراله=بعد ذكراك الجميلة ودعنه جيت أودع حبي اللي مابقاله=غير ونة بالحنايا مستكنه |
مخرج: " " " " " " الألم يامشتكيته مابغيته ماقويته بس جاني وأبتلاني كيف أعاني؟ من الم يسكن زماني الألم يابنت شاعر لا لا ردة أفعال المشاعر الألم علم حروفي كيف لاحبيت توفي الألم علم كفوفي كيف تكتب عن جنوني عن حياتي عن عيوني عن عذابي عن شبابي عن قلم عاش الألم عاش الشقى ولابقى ألا الألم نزف القلم وبداية الجرح العميق وش كثر بأتحمل وأطيق الألم قصة طويله عشتها ليله بليله من زمان بها المكان الألم داخل ضلوعي الألم طفى شموعي وأنكسر جسر الفرح دام هالقلب انجرح وأبتدى نزف القلم يشتكي طعم الألم " " " " " تسجيل خروووووووووج.. |
صح لسانك وقصائدك جزلة وننتظر المزيد. |
مدخل: " " " " " " أنت ضو القمر وألا القمر خدك. أنت ودك جمر وألا الجمر ودك. أنت جدك مزح وألا المزح جدك. أنت حيرت قلبي كيف أسويبك. أعشقك موت وأنته عاشق لموتي. أنده بصوت ماأنته سامع لصوتي. تجرح أمرار تلقى ردي سكوتي. أنت حيرت قلبي كيف أسويبك. تجرح الجرح وتعود علي شاكي. تبتدي ظلم وتعود علي باكي. تأخذ الورد وتسلمني أشواكي. أنت حيرت قلبي كيف أسويبك. وش نهاية عذابك قول بأمانه. دام كل اللي فعلته ماله أي خانه. أعترف قبل لاأجازيك بخيانه. أنت حيرت قلبي ويش أسويبك. " " " " " تسجيل دخوووووووووول.. |
تبي الحقيقة أعرفك زين وأدريبك=وأدري عن اللي تكنه يابعد حالي أي والله ادري عن أحساسك وأغنيبك=وأسج مع طيف زولك لاتهيالي ياباشة الغيد تعجبني أساليبك=اللي على فطرة الأخلاص تنقالي ماشفت منك بدروب الحب تعذيبك=تجين كلك غلا يأغلا من الغالي |
نجم مطير أسعدني مرورك هنا تقديري |
نظرة وبسمة والخجل بين الأهداب=والصوت ناعم والمشاعر حنونه العين عين الحر في راس مرقاب=والليل الأسود لاهزعها قرونه الجسم ضامر منزوي حيل جذاب=مبروم جسمه عذي اللي يرونه عاليةٍ أخلاقه له القلب منصاب=يحرق فوادي نظرةٍ من عيونه شفته وحبيته عسى عنه الأسباب=أخشى عليه من البشر ينظرونه أخشى عليه من الملابس والأسلاب=وأخشى من أهله بالحكي يجرحونه هذاك خلي سيد تلعات الأرقاب=اللي عليه القلب زادت شجونه أغيب عنه ذكرياتي لها كتاب=أفك صفحاته لياصرت دونه يالله تجمعنا على درب الأحباب=عقب البطا أرجع لحضنه وأصونه أشتاق له بحضور وأشتاق بغياب=والقلب في لاماه لاتعذلونه |
تعذر لي تأسف لي تمسكن لي أنا مليت=حفظت الشريط اللي تهله دوم لأسماعي أنا آسف أنا مخطي أنا مقصد ولو زليت= أنا نادم على ذاك الخطأ لاتزود أوجاعي أصدق لك وأقول أغفر خطاك اللي معي سويت= وأمشيها معك وأنته تغرك طيبة أطباعي ترى لو شفتني طيب وأعديها معك لأخطيت= ترى ماهو جهل مني ولا أنته لاوي ذراعي خطأ مني توقعتك عزيز ومن حمام البيت= توقعت الهوى مركب غرامي وأنته شراعي ولكني عرفت اللي بقلبك لو علي أخفيت= عباراتك ودمعاتك ترى مال أمها داعي تعذر لي تأسف لي تمسكن لي أنا مليت= حفظت الشريط اللي تهله دوم لأسماعي |
الأمــــــاكن كل مامريت في ذيك الأماكن أذكر أيامي معك وأتخيلك كل مامريت حين فيه ساكن ألف مره بشوق قلبي أحتاجلك . . . أنظر لذيك الشوارع وأنحرق حسره عليك آه وقتي كان بارع بعدك وآنا أبيك . . . آه كل مامريت بيتك قال قلبي كيف أهدك بكل شباك أحتريتك تفتح الشباك يدك . . . آه لوتدري بغيابك كيف حسيت الضياع بعد حظي قلت جابك ننتهي بليا وداع . . . بس مهما غبت عني بأنتظر لحظة رجوع لأنك أنته قطعه مني قلب وأحساس ودموع . . . أدري أن الوقت خان وأنت وافي ماتخون آه ياغدر الزمان آه ياخلي الحنون . . . بأنتظر ترجع حبيبي لويروح العمر كله أنت لي حظي ونصيبي منزلك بقلبي محله .. |
حبيتي،، يامن كتبت لأجلها وألهمتني شعراً لايليق ألا بها ولا ينطق ألا عنها ولكن يضل عاجزاً عن وصفها إليكِ يامن قأتي شعري أقول ياللي قريتِ أبيات تركي بالأوراق***مشاعري كتبتها لجل عينك أتدرين لماذا لآنه لم يميل قلبي الى لكِ لم يقدر عليه الى انتي محدٍ على قلبي قدر... الا أنت ياشبه القمر... الشوق يأخذني لهواك.. وأنا لشوفك منتظر... حبيبتي لاتغاري من غيرك فأنا لاأرضى بسواك مهما كانت وسأرد حتى لو كنتي ملاك... حتى لو كنتي قمر... ماأبي غير الحبيب.. ماأبي غيره بشر... حبيبتي أني أقف أمامك عاجزاً عن وصف حبي لك لأني لو قلت أحبك لن تكفيني: لو قلت أحبك ماتكفيني شعور***ماترجمت شيٍ سكن وسط ذاتي أنتي التي أحترت في وصفها لأنك تمتلكين الجمال الذي يجعلني أقول: أحترت في وصفك ولاأحترت قبلك***أحترت لا أوصف بس بسمة شفاياك نعم لم أقدر على وصف لو شي بسيط منك ولو وصفتك أعترف بأني مقصر: شفايف الجمر مدري شفة الجمره***شفايف الجمر ولا الجمر شفتها نعم هذا أنتي: لو لمستي الورد ناداك الزهر***وأن لمستي الجوهره حليتها نعم أنتي من يرسم البسمه على محياي وأنسى همومي أذا رأيتك: أناأضحك لك ليا شفتك أعاف النوم وأسهربك***مثل طفلٍ يفرحني حنان وطيبة الملقى نعم أنتي إذا غابت غابت فرحتي معها وأنتظرها على احر من الجمر: تصور كيف فغيابك نظرت لفرحة أرجوعك***أصير من الفرح لوحه بها الرسام كلماتك حبيبتي أنتي الوحيده في قلبي فآمري وأنهي بكيفك فمن لها مثل عقلك وجمالك: تدللي تأمري تدلعي تستاهلين***مافيه غيرك |
شفت القمر؟مثل القمر خد مزيـون=زين وستر بالزيـن ربـي كساهـا نحيفة خصر زينة صدر سلطة عيون=مثل الزهروأحلى زهر فـي بهاهـا مثل الفجر ذاك الثغر نـور الكـون=قطعة جمر ذاب أنصهر في شفاهـا سكبة عمر فزعة ظفر عشق مجنون=ليل وسهر كلـه نظـر فـي لقاهـا موجة بحر هاج وزفر در مصيـون=غيمة مطر طبع الصبر فـي شقاهـا وذاك الشعر هل أنتثر غطا المتـون=نفحة عطر عف وطهر فـي نقاهـا حكياً عبر نغم وتر هـرج مـوزون=كنه سحر شد الفكـر فـي هواهـا هي النظر كل النظر وحدهـا تمـون=تبقى دهـر مايندثـر بـي غلاهـا |
آخر لقاء كله ثواني ولحظات=جتني توادعني وتشكي قهرها ريميةٍ تأخذ مع الروض فزات=تشرب من الغدران محدٍ نهرها لوطالعت في الحر شاف المذلات=يصد عنها مخطرٍ من نظرها لو قابلت جيشٍ على الحد زافات=قفى ذليل وحسنها اللي نصرها جديلها لاهل في وسط حفلات=كل البنات تهولن من شعرها ذاك الجديل اللي على متنها بات=ليلٍ حلك يوم القمر في نحرها والبرق لابانت ثنايا صغيرات=والجمر لالمت شفايف ثغرها والوسط لوقسته يجي تسع قفلات=من شافها عينه تكذب بصرها لو ترقص الحلوه على انغام وأصوات=يرقص لها اليابس ويرتج بحرها عذرى ولو تاصل بحورٍ عميقات=كل الشواطي تزدحم من دررها لو شافها شيخٍ كثير العبادات=ولول وعينه طولت في سهرها لو شافها خبلٍ كثير المهاتات=يعيش عمره كلمته ماشهرها لو باصفه بالهرج قالوا حكايات=لكن عندي جنتي هي زهرها لاهي بفنانه ولا جات بسهرات=ولاهي على المسرح تمسس ظهرها ماهي كما ديانا بوسط المجلات=ولاهي مثل رندا توزع صورها هاذي جميله يوم وصف الجميلات=ماشافها مصور ولا أحدٍ ذكرها آخر لقاء كان الحكي بس عبرات=عبرات تشكي ضيمها من سفرها آخر لقاء كله دموعٍ وآهات=قفت ولاأدري لامتى بأنتظرها |
مخرج: " " " " " " الله اكبر يازماني...ليه أنا بحبه أعاني ...أوفي لكن ماوفاني ليه هالعالم تخون يانجوم اليل طلي...وأشرحي حالي لخلي...قولي أني جرح كلي ليه هالعالم تخون والله أني مانسيته...في غيابه كم بكيته...مخلصٍ وافي هويته ليه هالعالم تخون يانجوم اليل أمانه...خبريني عن مكانه...آآآآآه ياجرح الخيانه ليه هالعالم تخون " " " " " " تسجيل خروووووووووووووووج.. |
مدخل: " " " " " أيه أحبك حيل حيل وأنتي شوفك مستحيل كيف مدري كيف أحبك لوهو دربي غير دربك بس أحبك وحبي لك من عند ربك أيه أحبك حيل حيل وأنتي شوفك مستحيل كيف مدري بس أحبك لوهو صعب وصعب قربك يوم حظي طاح ماجابك يوم جرحي صاح بأسبابك أيه أحبك حيل حيل وأنتي شوفك مستحيل آه من حظي الردي وآه وش كان بيدي كل شي أعلن ضياعه بس ماعندي قناعه أيه أحبك حيل حيل وأنتي شوفك مستحيل كيف مدري بس أحبك لوهو دربي غير دربك " " " " " تسجيل دخوووووووووول.. |
خل الهجوس اللي تجوب الفيافي=بيض الورق فيها أنكتب كل مضمون أشعلت ضو الدرب ماجيت حافي=حافي القدم يمشي مع الدرب مغبون جيت ومعي ذكرى الحداد الرهافي=اللي بها قلبي من العام مطعون جرحن خفا بين الضلوع النحافي=عن كلمة الحساد خافي ومصيون والشعر حبك وسبك فن أحترافي=محور أدب فيه العجب كان تقرون أحدن بجي شعره به الشمع طافي=وأحدن كما جمره على راس غليون وأحدن يجي شعره كما الضيف لافي=له مجلسن بقلوب ناسن يحبون وأحدن يجي شعره به الحظ هافي=لاوازنن قافه وبالشعر مجنون هذاك عنه الشعر دق أنصرافي=يرحمك ياوقت السبيل وأبن عون وقتن مضى يوم القصيد امتعافي=واليوم عن بعض القصايد تعرفون بنت المساعيد وبشاير ياكافي=تكفون ماأبغى أزيد تكفون تكفون |
هلابك يالقصيد اللي يجي من حروأبن أحرار=يحبك القاف ويعقده على الجزلات ويحله بيوته كنها عقدن تعب من شانه البحار=لألئ من بطن ذاك البحر والصعب يوصله سنافي من عزاوي للغزاوي تعسف الأمهار=ألى منه نوى شين غصب لاراد يحتله طويل الباع صلف ذراع بحلوق العدا مسمار=عدوه لاسمع طاريه من خوفه يزوله كريم الكف رايه صلف لايتعب ولايحتار=صفات المرجله محتازها بالغصب تقبله لقيت بشعره بيوتن لهاحكمه لهامعيار=جزيل الهرج وسمانه على مثله تفصله بنات أفكار شعري من قصيده جالها أستنفار=طواري معلنتها هاجسي يالين نفتله قصيده من صميم الراس فيها للعقول أخطار=تمر أهل العقول الغافله وتنبه القله بوقتن فيه راعي الجنز صار الفارس الصقار=وصارالعيب مثل الطيب وبنادم يدورله وصارت قيمة الرجال تحسب حسبة الدينار=وبعد جلسات قوم الطيب صار المطلب الشله وصرنا مثل ماقال المثل مابين نار وغار=زمانن فيه راعي المال عاش العز والفله نصيحة من بغى عزه بعد تبديل دار بدار=عليه بذكر خلاقه ولايخرج عن المله يصلي لربه الواحد مع التسبيح والأستغفار=ترى من يطلب الرحمن فدروبه تسهله وصلواعد ماهلت هماليل الحيا مدرار=على محمدرسول الله عليه الوحي نزله |
آه ياكبرالغلا بأصعب ظروف=آه ياكبرالعذاب بصغر سني آه ياشمس يغيطيها كسوف=آه يابعد السعاده والتهني آه لوحظي على مثلي يروف=مارماني في متاهات التجني آه يابعض الحلايا والوصوف=بعثرت بالجوف شي مستكني حيلة المحتار تصفيق الكفوف=كان مايبغاه هوصعب التمني آه ياوجدي على ذيك الهنوف=وجد رجال زمانه في تدني ربعته خلوه وألحقهم حسوف=لاطرى طاريه قالوا مايثني كان سيدهم وكانواله ضعوف=وأثرها سودالليالي يرخصني بينواله ربعته عرض الكتوف=عقب ماكانت كتوفه يحملني من المتاعب لجلهم شال الكلوف=والجزا هلت دموعه وأذرفني وجد حالي مثل حاله ياريوف=كانها بيوتي لعينك يوصلني أذكري عيون تراودها طيوف=أذكري عيون عشانك يسهرني أذكري شخص سكنتي له بجوف=مثل مايسكن بوسط الشخص جني |
أطلبتني للقى بصـوتٍ حزيـن=وجيتها مستغـربٍ ذاك اللقـا قالت أسمحلي بقلبي كلمتيـن=ظنتـي مابعدهـا شـيٍ بقـا بعدها قالت ترانـا مسافريـن=وهلت دموعٍ تزودنـي شقـا وأظلمت في وجهي أيام السنين=ودمعتي عيت لعينـي تنطقـا ليتها هلت على خـدي تبيـن=ولابقت بالقلب جوفه تحرقـا طالعتني قبل تقفـي بنظرتيـن=قالت أذكر ورد حـبٍٍ ينسقـا بدمع عيني بدم قلبي والحنين=أذكر أنك في خفوقي معلقـا قلت لحظه قالت بصوتٍ حزين=ظنتي ماعـاد يجمعنـا لقـا |
أبقي سجينـة للغـرور وسوايـاه=أبقي حروف مبعثرة مالك ألهـام راحل وأبـأطوي كتاب حبٍ فتحناه=حبٍ يصارع سكرة الموت له عام على الأمل عشنا زمـانٍ طوينـاه=أحلام كانـت غير ياكثـر الأحـلام مع السلامـة وأفهمـي ماكتبنـاه=راحل بعزة نفس ياجـور الأيـام |
مخرج: " " " " " " بدونك ياغلاي الشوق,,, أحسه مايجي له ذوق وشوقي أنت عطر الشوق لوتدري؟ تكذبني تصدقني,,,كذا وإلاكذا شفني غرامك بس عذبني ولاتدري بأني كل ماأشتاقك,,,أحس بلحظة أعناقك وأحس بلوعة فراقك ولاتدري عن إحساس الطفل بأمه,,,وهي بصدرها تضمه يحس أنه ملك قمه ولاتدري ولكن قول ماتدري,,,وأناأقول الجمر حدري وإذا ناديت يابدري كذاتدري بأن اللي هواك إنسان,,,بأن اللي هواك جنان يعيش بسكة الحرمان كذا تدري " " " " " " تسجيل خروووووووووووووووج.. |
انت حيرت قلبي ويش اسويبك اشكرك |
مدخل: " " " " " " " هم ومتاهات وأرق وأشواق في صدر الزمن،،،منها الحنايا تحترق جيت أكتبك كلمة غلا واستقبل الطاري بهلا ويفز قلبي لسيرتك،،،مايوم عن ذكرك سلا جيت أكتبك قاف وقصيد وأقولك دايم وأعيد قلبي من فرقاك ذايب،،،وأنته أبرد من جليد قلبي وشعري وعيني تشتكي لك ياظنيني صابروصابر وصابر،،،بس متي بتحس فيني؟! " " " " " " " " تسجيل دخووووووووووول.. |
الرجل الذهبي مرورك يسعدني كن بالقرب دوما تقديري |
حسبي على الحاجة تحدك على الظيم=حدتني الحاجة على بيع شفي بعت النياق اللي قدرٍ مقيم=في خاطري وأصبحت صافق بكفي جيت المراح ودمعتي كنها الديم=والوقت ضدي ماوقف لي بصفي قمت أتذكر روجها والترازيم=يومنها بالصوت تقبل وتقفي ياوجد حالي خيم الحزن تخييم=وأعذرت بالدنيا على فقد شفي |
ياللي بغيتي ذلتي باين على عقلك سقيم=باين عليك من الغبا وسم الليالي والشهور متكبرة متغطرسة متفلسفة خبرك قديم=ماهوب أنا اللي تجذبه همسة شفاتك والزهور لو الجمال بطلتك ماهو ترى عندي عظيم=الزين صح بمظهرك بس بخفاياك القصور أنا بوقتي ماأنحني ألا لخلاقٍ كريم=الله وهبني عزتي والطيب والقلب الصبور ماني بخايف سطوتك لاقلت لك طبعي حليم=شجاعتي ماأحطها في بنت مسكينة غيور أسل سيفي وأعتزي لاشفت لي ضد وغريم=رحى المعارك عندنا ماهي على مثلك تدور أعز نفسي واعتلي وأضحك من الراي السقيم=وأنتي عليك من الغبا وسم الليالي والشهور |
مخرج: " " " " " " " " يجيلك يوم تتأكد وتعرف منهو الخوان تجيني وانت متردد تجيني تقول لي ندمان ولكن قبل ماترجع أنا اطلب منك نسياني كفايه قلبي أتقطع من همومي وحرماني حلفت بربي الواحد بأني ماكذبت بيوم ولاكن صرت لي جاحد جزايه منك كثر اللوم يجيلك يوم تعرفني وتعرف قيمتك عندي تجي تبغى تصالحني ولكن ترفضك يدي يجيلك يوم تتمنى تشوف اللي عطاك أحساس ولكن فيك ما أتهنى تصدق به كلام الناس " " " " " " " " " تسجيل خرووووووووووووج.. |
مدخل: " " " " " " " لعيونك أكتب كلمتين أحفظيها.....أنتي معي لو غبت لامانسيتك لوكان هاذي غيبتي ترفضيها.....ظروف حدتني وأنا ماجفيتك " " " " " تسجيل دخوووووووووووول.. |
لاتفكرين أني ليا غبت ناسيك=أقسم قسم بالله ماهي طبوعي حبك ملكني جاوب القلب داعيك=ماطاح حبك لو تساقط دموعي أغليك فعلا فوق ماكنت مغليك=في غيبتي بس أنتظر للرجوعي ودي أجيك وبعد ضمتك بأبكيك=بأهل دمعي لين قلبك يزوعي حتى تعرف أني من البعد شاكيك=وأنه ولاغيرك ملكني بطوعي |
مخرج: " " " " " " " ألا يالله ياربي تيسرها على المحتاج........ألايالله ياللي في يديك الكون وأملاكه رجيتك ياألهي ياعظيمٍ في يديك أفراج.........تفرج هم عبدك ترحمه يامدبرأفلاكه " " " " " " " تسجيل خرووووووووووووووووووج.. |
مدونه رائعه اخي حفيد عامر ولكن كساها الحزن مؤخرا عسى خير ياخوي
ولاتحرمنا من ابداعك المتواصل وربي يوفقك ........واسجل اعجابي برووعة بوحك وجماله |
لي رجعه:skipping%20rope: |
تسجيل دخووووووووووول : : : : : : : : : : يالايمي على غيابي لي أسبـاب ظروف وقتي عن هوايه حدتبـي غصبن جبرني وقتي أفارق أحباب وأسج بالدنيا علـى مـا بغتبـي ويالمنتدى راجع ولو طوّل غياب أغيب لكـن خطوتـي راجعتبـي للموقع اللي يجمع أعز الأصحاب أرجع ولوأن الظـروف أبعدتبـي |
|
|
|
|
اسمح لي بالمرور وتسجيل اعجابي في مدونتك الشعرية
|
الوصي ياهلابك يالغالي مرورك ينير مدونتي لاعدمتك كن بالقرب دوما تقديري |
مخرج: : : : : : : : : ياصواديف الزمان ويامقادير الليالي .................................ياهواجيس القصيد ويامجارير الربابه كل مايطري على قلبي غلاها بري حالي ................................يستضيق الكون في عيني وتغشاني كآبه : : : : : : : تسجيل خروووووووووووج |
اسمح لي ياحفيد عامر خوي الذيب
اسجل اعجابي مدخل: " " " " " " " لعيونك أكتب كلمتين أحفظيها.....أنتي معي لو غبت لامانسيتك لوكان هاذي غيبتي ترفضيها.....ظروف حدتني وأنا ماجفيتك " " " " " تسجيل دخوووووووووووول.. ^ ^ ^ ^ اعتقد والله العالم بهذه البيتين انك تقصد بها مدونتك الغاليه عليك تسجيل دخووووووووووول : : : : : : : : : : يالايمي على غيابي لي أسبـاب ظروف وقتي عن هوايه حدتبـي غصبن جبرني وقتي أفارق أحباب وأسج بالدنيا علـى مـا بغتبـي ويالمنتدى راجع ولو طوّل غياب أغيب لكـن خطوتـي راجعتبـي للموقع اللي يجمع أعز الأصحاب أرجع ولوأن الظـروف أبعدتبـي اهلاً وسهلاً بك وحياك الله ويامرحبااا مليوووووووووووووووون اهلاً بقلمك اهلاً بأحساسك اهلاً بذوقك اهلاً بشعرك اهلاً بحروفك اللامعه التي اعجبت بها كثيييييييييييييراً حفيد عامر انت معدن غاالي جداً وشرف للقبيله وللمنتدى وصح لسانك وعلا شانك قليل في حقك ولو قلت ما قلت ...........الله عـليــك بـكـل بيـتً كـتبـتـه اسجل اعجابي الشعر ماهو هوايـة أو دراسـة ياجميـل الشعر مثل السحر لا من لقيـت الملهمـه فيه حبك وفيه سبك وفيـه للمعنـى فتيـل فيه فزات الخواطـر والحـروف المبهمـه قاف مر وقاف أمر وقاف حلون سلسبيـل وقاف رومنسي وقافن كـل مابـه همهمـه وقاف حكمه ماتبي غيره من الحكمه بديـل وقاف تلقابه شجاعـه والشجاعـه تنهمـه وقاف طاروقه ليا غنابـه القلـب العليـل هيض هجوس الهواوي والخلايـق تفهمـه وقاف نكبه في وصوفه قاف من آخر موديل شاعرن شاف الفراشه فوق ورده تزهمـه وقاف لوسموه قاف نقول طبعـا مستحيـل شاعرن يكتب سوالـف حشمـوه لدرهمـه وفي ختام القول مني هاك يالطرف الكحيل كل شعري ماكتبته غيـر بأحـلا ملهمـه ==================== الله عليك ياحفيد عامر هذه القصيده حكت ما بداخلي صح لسانك وعلا شانك وعاش احسااسك وجهة نظر بأقولهـا لوتزعللـك كلن برايه حـر وأنتـه بكيفـك ماهو ضروري بكل شيٍ أجاملك ولاهي حرام ملاحظه من وليفـك صحيح ربـي بالحلايـا مكملـك وفيك الجمال اللي ندر به وصيفك وزودٍ على هذا حبيبـك مدللـك وطعون قلبه ماشكت حد سيفـك يشيل همـه بالحنايـا وشايلـك وسط العيون اللي تحرى لطيفـك الصدر من هالضلع للضلع مدهلك ميناك قلبي والمشاعر رصيفـك لكن عيبـك ياعذابـي تجاهلـك للعاشق اللي يرجي بروق صيفك تخطي عليه بلا سبب ويتحملـك أوراقه أصفرّت بسبـة خريفـك تحيتي لك معطره بالورد والريحان والمسك اخوك المتابع لمدونتك / / الح ـب حاكم ـني |
صح الله لسانك ياشاعرنا الكبير ولاتحرمنا من ابداعك وتقبل مروري وقصائد في غاية الروعه والابداع ولاهي غريبه عليك. تحياتي
|
مدخل: : : : : : : ياقلب لاتشره على فلان وفلان ....................... بعض البشر شرهتك يمه ملامه لاصار ماهو من طويلين الايمان ...................... خله يولي في طريق السلامه : : : : : : تسجيل دخوووووووووووووووووول |
أخوي الحب حاكمني حروفك عطرت مدونتي وأنارت حناياها شكراً من القلب على الأطراء الجميل تقديري |
أخوي مشعل العزيزي صح بدنك يسعدني مرورك لاعدمتك تقديري |
|
|
|
|
مخرج: : : : : : : أتعبني الحلم ما أدري حلمك أتعبته ......................... كنك على غمضة عيوني ترصد لي : : : : : : : تسجيل خرووووووووووووووووج |
تركي العزيزي
دائما مبدع واسال الله لك التوفيق |
مدخل: . . . . . لاتفتش بالورق.. . . . كل حرف فيها ممتلي . . . . هموم وأحزان وأرق . . . . أضحك وأنا ماني خلي . . . . . دخووووووووووووووووووووووول |
أخوي نايف شرفتني بمرورك لاعدمتك تقديري |
ليه وليه وليه وليه وألف ليه=في خفوقي تنتظر منك الجواب ياغموضن في غموضن محتويه=لاتمشيني على درب العذاب دام هو روحي وهو اللي أبيه=ليه يجبرني على كثر الغياب ليه يشكيني قبل لا أشتكيه=ليه يطعني وأنا كلي صواب ليه حتى دمعتي براحة يديه=ماحسب لسقوطها أية حساب ليه دايم كلمتي أشره عليه=ليه دايم كلمته لاتفك باب ليه لاسويت شيئا يشتهيه=قال لي ماني مصدق بأغتراب ليه أحس أنه بدمي وأهتويه=ليه يحس أني أجيب الأكتئاب ليه أحسه شي غالي وأفتديه=كل شيئا يطلبه عندي مجاب ليه لا أخطأ قلت يانفسي أعذريه=وليه غلطاتي تجي كبر الهضاب ليه لا شفته زعل أركض وأجيه=ليه لازعلت ماقدم عتاب ليه كل عروق قلبي ترتجيه=ليه مالين لحضرتنا جناب ليه أنا اللي صرخته ماتت بفيه=ليه جرحي ينجرح لاقلت طاب خبروه أني سألت النفس ليه=ألف مره بس ماجاني جواب |
يالله تفرجها على اللي من الضيق=يشوف صدقانه تعمد مطيحه يالله أنا متحملن فوق ماأطيق=والنفس ماهي بالعنا مستريحه أمسي وانا همي كبر هضبة طويق=وأجاحده وأدرى عليه الفضيحه حطيت له بين الحنايا المغاليق=سجن وسجنته خوفي أني أبيحه أشكيه لك ولا أشتكي للمخاليق=يافارج الكربات همي تزيحه يارب ماغيرك يسوق التوافيق=أنك توفقنا الدروب الصحيحه وتلطف بنا في يوم ينشف به الريق=يومن تخرجنا من الارض صيحه نعرض امامك مهطعين ومدانيق=وكلن تمنى مافعل له قبيحه يالله عفوك يوم فتش الصناديق=ويالله ترزقنا بكفة رجيحه |
ماهي كذا وان كان قصدك تصدين=سلم المحبة ماوصل للإهانه ولاهي كذا وان كان قصدك تغلين=الا الكرامه ماتصلها ميانه ولاهي كذا وان كان قصدك تحدين=لان التحدي معي يخسر رهانه تجين لين أجيك بالعطف واللين=تجين قسوة أحتفظ بالامانه أحفظ حبٍ جاريٍ بالشرايين=لو كان حبك خيل مفلت عنانه طبعي وفي واكره طبوع الرديين=وأحب لكن مارضيت الاهانه |
مخرج: . . . . . . شفني على كثر ماتقسى أتعلق بك ....................حبك كتب لي هلاكي يابري حالي . . . . . . . . خرووووووووووووووووووووووووج |
منور الموقع بطلتك ياحفيد عامر:smile1: |
مدخل: " " " " " " " " ياصدر ليت اللي بداخلك ماأبديه ..................حيث ان بالكتمان حفظ السريره أحيان لابينت لأنسان تغليه .................وش كثر حبه يختلف في مسيره " " " " " " دخووووووووووووووووووووول |
أختي فجر تسلمين والمنتدى منور بكوادره الفعالة وأنتي أحدهم ولاهنتي على المرور تقديري |
مخرج:
" " " " " " " ماني بشاعر أجيد القاف وأختزنه=لاشك حبك يولد في الألهامي منول الشعر عندي ينكسر وزنه=واليوم شفني كتبته بس لهيامي أخايل البرق لاشعشع على مزنه=وأذكر جبينك ليافرعت قدامي ويسوق ليلي شقا قلبي على حزنه=وأضيع في معمعة ذكراي وأحلامي " " " " " " خروووووووووووووووووووووووووووووج |
الليث ينشد عـــــنك بين القبيله
باسمي وبسم ربوعنا مرحبابك حفيد عامر لك شهورن طويله عطني سبب يوم تزيد في غيابك |
صح الله لسانك ياتركي ودايم" ابياتك مثل الدرر وشاهدتي فيك مجروحه ونترقب جديدك وتقبل مروري |
مدخل: " " " " " لحظه لاتقولي وداع بأسألك قبل الوداع كيف ذاك الحب ضاع وأنتهى كل شي فجأه ولابقى غير الضياع لحظه.. لحظه لاتقولي وداع أكشفي ذاك القناع قولي كلمة بأقتناع قولي أني ماهويتك كنت في وضع أندفاع لحظه.. لحظه لاتقولي وداع لاتصدي بأمتناع قولي تيار أنصياع غيروا حتى شعورك غيروا فيك الطباع لحظه.. لحظه لاتقولي وداع أنصتي لي بأستماع ما أبي منك دفاع بس أبي منك دقيقه تكتبي كلمة وداع وبعدها كلمة ضياع أكتبيها وسط كفي ووقعي بأسمك وداع... " " " " " " دخووووووووووووووول |
حياك ياراعي البيوت الجزيلة ....................... بك البقاء جعل البقى في شبابك لولا ظروفي غيبتي مستحيلة ..................... وأنته تشرفني بكلمة عتابك تقديري أخوي الليث |
لاتقول شلون حالك وأنت عارف كيف حالي=كيف تسأل وأنت داري غيبتك ماهي شويه لو حكيت وقلت شي في غيابك قد جرالي=ماتصدق وصف حالي ماأظن تحس بيه لن قلبك ياصغير من هموم الوقت خالي=ماحداك الوقت الأقشر والليال السرمديه ماعرفت شلون ترحل من جنوب إلى شمالي=وأنت حاديك الزمان ونيتك تسعين نيه آه لوأعطيك همن من همومن وسط بالي=والله أنك تبتلش به بين صبحك والمسيه لأنك أنته ماعرفت إلا السعاده والدلالي=آخر العنقود دايم عيشته عيشه هنيه أكبر همومك دراسة وأصغر همومك تسالي=وأكبر همومي غيابك وأصغر همومي خطيه غلطتي أني هويتك وأنته أصلا ماتبالي=لو صرخت وقلت أحبك ظنتي تضحك عليه |
أخوي مشعل مرورك يشرفني لاعدمتك تقديري لك |
| الساعة الآن 03:03 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "