|
((الرجـــوى)).......راشد فــارس
مساءكم ~~صباحــكم
فرح وسرور .... هل تبحثــون عن الشعر؟؟والإحساس الراقي؟؟؟؟وفلسفة إبداع؟؟؟؟؟ تفضــــلوا نصّ ((مجرم)) للمجرم راشد فارس مع أنه نصّ روحــــاني الى أنه مجــرم <<وجهة نظر شخصيه الله يجزا جريدة الرياضيه خير اللي أتحفتني في هذا النصّ اذا لم تخنّي الذاكـــره 1418هـــــــــــــ تفضـــلوا . . استمتعوا.......................................... ....... . . . الآ يالله عونك لاغدى طوق النجاه بعيد تعبت بهالحياه ومل صبري وانبرى حالي ياربي لاتخليني وطــن للهم والتنكيد وياربي رحمتكـ من هالهجوس ولوم عذالي وياربي مامعي غير أنت وأنت اللي تشأ وتريد وانا العبد الفقير اللي جداي ان ضقت سوالي أصب الدمع لين يصير خدي والمحاجر بيد خشوع ن لك ياربي وإرتجاف وخوف وإذلالي ياربي مامعي حيله ولاباقي جدى بالإيد طلبتك يامغيث الجايعين ومسعف الجالي طلبتك لايصير الفقر قسمي والشقا لي قيد وياربي رحمتك وأنت الكريم الخالق الوالي أنا طالبك لايصبح نصيبي فالحياه زهيد ويوم الحشر هونها علي وزين أعمالي تعبت من المشاريه الطوال ولاش عذر يفيد وتعبت بدربي اللي مالقيت ل أوله تاالي نشف دم الوريد من التعب ماشفت يوم سعيد وأنا أسوق الخطا راجي لحلم ن ماتهيالي وأنا ماكن باقي لي سرور ولاليالي عيد فقدت العيد يوم إني صغير وخافقي خالي وأنا لو قلت أبشكي ويش أبشكي يصعب التحديد أبسكت يمكن إن الصمت من تعديدها أشوالي...))))) لكني بسألك يالله فرجك اللي ماهو ببعيد.... تفرجها عليه مل صبري وانبرى حاااالي..)))) ل المبدع والفيلسوف~~~راشد فارس.......... تحياتي |
وأنا لو قلت أبشكي ويش أبشكي يصعب التحديد أبسكت يمكن إن الصمت من تعديدها أشوالي...))))) صح لسانة وتسلم يمنى ناقلها |
نص جميل أحسن تركيب المفردات وأحسن تضرعه لربه فإنه نصُ ليس بمجرم !! بل قمة الإجرام في الشعر ونقلت وأجزلت وأبدعت سلمت أناملك يالجازم |
رائع ماطرحت اخي الغالي وصح لسان الشاعر ابداعي شعري جميل |
صحّ بدنك بالنيابه
وسلم مروركـ عاشق |
بيض الله وجهك يالجازم على الطرح المميز وكبير الشاعر /راشد بن فارس ولاهو غريب الابدااع 0000 تقبل تحياتي |
الجازم يعطيك العافية وصح لسان الشاعر راشد الفارس الذي شوقتنا الى المزيد من شعره ونتمنى ان يكون له ديوان |
أنا طالبك لايصبح نصيبي فالحياه زهيد ويوم الحشر هونها علي وزين أعمالي صح لسان الشاعر راشد فارس علي هالقصيدة والله يعطيك العافية الجازم علي هالنقل وتقبل مروري |
بيض الله وجهك قصيده جميله من شاعر اجمل نشكرك يالجازم علي طرح الجميل
وتقبل مروري ياولد العم |
شاكر لكم هالمرور
|
| الساعة الآن 07:59 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "