|
قصيده للشاعر حاتم العزيزي
من قصايد الشاعر حاتم العزيزي/
يالله ياللـــــــي فالمخاليــــــــــق رواف = أحفظ لسانـــــــي لايـوقع بسيـــــــــــــــه من زلتن في كلمتن مالها اهــــــــداف = أقولها من غــير قــصدآ ونيـــــــــــــــــه تشغلني وتلحقني احساف واحســــاف = ياحيف يالمنقــــــــود يركب عليـــــــــه حذرى لسانك لايحطــــــــك بمهيــــاف = يجرحك ولايوقــــــــعك في زريــــــــــه ياما سمعنا من سواليف الاســــــلاف = كم واحدن يودعه هـــرجه ضحيــــــــه ترى الرجل صندوق مافيـه مكشـــاف = مفتاحه لسانــــــه يجيب الخفيــــــــــــه ولوكل هرجن داخل الصدرينشـــــاف = بانت خفاين تذهـــل اهل الحميـــــــــــه تلقى مشاكلنـــــــــا تناويـع واصنــاف = تلقى البلاوي كل صبــــــــح ومسيـــــه مايخفي الرجال جزلات الاوصــــــاف = مايخفي الرجال كـــــــــود الرديــــــــه لكن له في بعض الاوقات ميقـــــــاف = الصمت في درب المحبـــه مطيـــــــــه ياما كتمنا هرج والقلب ماخــــــــاف = نسكت حيا كلن يجامـــــل خويـــــــــــه نسكت عسى ياعل مايحصل خــــلاف = نصبر وندمح لونشــوف الخطيـــــــــه وزلة رفيقك كان بالصبر تنطــــــــاف = خلها تطوف ولاتجازيــــــه سيـــــــــــه ومن شاف عيبك واستره كن ماشاف = اناأشهد انه مــــــــد جــزل العطيـــــــه ولاجيت في مجلس به الكــيف طواف = وفيه المكارم والرجـــال السخيــــــــه أهرج هروج سمان لاتهرج عجــاف = انكان ودك تسلـــــــم من الزريــــــــه وكثرالهروج اللي بها الهرج ينعـاف = اسكت ولوبالهرج نفـــسك مليـــــــــه بعض الاوادم فالمخاليــق ســـــراف = حتى قريبه يلـــــحقه بالخطيـــــــــــــه هذور فالمجلس على كل محــــراف = في كل موضوع يحــــكم القضيـــــــه خبلن يخطف الهرج منك تخطـــاف = والهرج كثره ينــقص المقدريـــــــــه ألياشبع ثم ارتكى جاه خفـــــــخاف = على السوالف معـــه نفس سطيــــه وبعض الاوادم لالقى درب نــــداف = يندفك بالكلمه كما ســم حيــــــــــــه والبعض نتراته على ناس ضعاف = ناس على كســـح الضعيف قويــــه واللي يجيب الهرج في جوفه ألفاف = مفروض مايســقى من الشاذليـــــه ويالله ياللي فالمخاليــــــــق رواف = أحفظ لساني لايوقـــع بسيـــــــــــــه |
اخي راعي الهوجا قصيده مميزه للشاعرحاتم العزيزي قيها من النصايح الشي الكثير تحياتي
|
راع الهوجا يعطيك العافيه
وصح لسان الشاعر حاتم العزيزي على هذه القصيده التي تحمل حكم ونصائح كثيره |
يعطيكــــــــــــــــــــــم العافيــــــــــــــــه على المـــــــــــــــــــــرور اخوانـــــــــــــــــــــــــــــــــ:peach:ي
|
ترى الرجل صندوق مافيـه مكشـــاف = مفتاحه لسانــــــه يجيب الخفيــــــــــــه
عز الله انك صادق وصح لسان الشاعر حاتم يعيطك العافية اخوي راع الهوجا وتقبل مروري |
من زلتن في كلمتن مالها اهــــــــداف = أقولها من غــير قــصدآ ونيـــــــــــــــــه
تشغلني وتلحقني احساف واحســــاف = ياحيف يالمنقــــــــود يركب عليـــــــــه حذرى لسانك لايحطــــــــك بمهيــــاف = يجرحك ولايوقــــــــعك في زريــــــــــه صح لسان الشاعر ابيات جميله وهادفه بس ياراعي الهوجا لو تذكر اسم الشاعر كامل عشان نعرفه يكون احسن |
الشاعر هو حاتم عبدالله عايض العداه
وشكرا اخواني على المـــــــــــــــــــــــــــــــرور |
والنعم فيك وفي الشاعر
|
والنعم فيكم وماهو غريب عليه يكون شاعر بهذه الجزاله
|
خبلن يخطف الهرج منك تخطـــاف = والهرج كثره ينــقص المقدريـــــــــه
انشهد انه جاب التايهه مشكور شكر جزيل على النقل المشرف لشاعر من شعراء هذه القبيله شاعر يحمل من الكلمات والاسلوب مايؤهله لااعتلاء اعلى مناصب التتويج تقبل مروري على هذه النادرة فجر |
| الساعة الآن 06:21 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "