البيت شديته وجبت العناوين = واليا نظمته ناظره فالمجله
اتعب عليه ايام وشهور وسنين = حتى يجي بين القصايد محله
والشعر له عندي سلوم وقوانين = ومنقحه عن كل ميله وزله
وياراكب اللي ماركبوه المعانين = اهل الديون المجحفه والمذله
مركب شيوخ المجتمع والسلاطين = اللي لهم هيبه وعزة ومله
فكسار خمسه بعد ماصدر الفين = اميزاته تشلعه للأهله
ماسامه اللي يمسك المال ياحسين = خوفً تجي له فالمقابيل خله
اليا اشتغل يجرح قلوب الحسودين = ماكنه إلا يقول خله لعله
واليا نزل والبايكه فوق مترين = مثل العروس بليلةً مسفهله
تنزل وتنظر للعرب في طرف عين = في موقفً واللي حضرها يجله
يوم انتلاته راحت يسار ويمين = من يوم سواقه تواسى وتله
بين المواتر يظهر شوي ويبين = كن المظلي يندفع بالمظله
نصه على اللي فاز في قول نعمين = عبدالعزيز بن الدويش وتدله
الرايد الطيار طلق الحجاجين = شخصيته فالمجتمع مستقله
نال الرتب في منصبه والنياشين = في موقعً بعض الخلايق تذله
فالجو قاد اللي عليها الجناحين = وفالارض قاد الطيب دقه وجله
نسل الحرار اللي عليهم تياجين = يومً كلً شاهدله سجله
دوشان فالماضي ودوشان هالحين = شيوخنا مثل النجوم المطله
افعالهم فالعسر واليسر واللين = تظل من بأرادة الله تظله
واليوم جينا بالقصايد وعانين = وشعرً كتبته فيك وانساب كله
لنك مكان الطيب قدم البراهين = وياسعد من هو مثلكم مزبن له
واتلى القصيد معطره بالرياحين = ومابين ورد وورد فله وفله
وازكى التحايا يالدويش وسلامين = يوم الحريّص صاغ شعره وهله

مشكور يابو منيف

ويعطيك العافيه على نقل مثل هذه القصايد


وصح السان الشاعر المبدع مشعل الحريص

ويستاهل الدويش

والشكر موصول لمنشدنا المبدع