ياما سكت وقلت في نفسي الصمت = أبلغ من هروج ومصادم وتبرير
درست في هالوقت وامنت وايقنت = بأن الكلام احيان مايجلب الخير
لوي من دروس العمر ماتعلمت = ماني من اللي يدهن السير ويسير
عن منزل الحقران والتيه انا شمت = ولا اعاشر الباير ولا نافخ الكير
لو ضاقت الدنيا عليّ ماتضايقت = ادمح خطا نسل الرجال المناعير
والا الردي من منطقه ماتكدرت = لاراجي" عطفه و لا ابغى معاذير
لو غيروا مبدء الوفى ماتغيرت = يأما حياة العز او موتت صغير
يارب انا عبدن مسيّر ولا اخترت = هموم" اكبر من ابانات والنير
اكبر ذنوبي صدق لامني اجرمت = ماعرف اجامل والعرب طبعها غير
تخونني هقوات نفسي.. ولاخنت = الله من دنيا الشقى والتغايير
كن الخطا ضيف الحنايا ليا اكرمت = ضيفي علام الغي ورد ومصادير
الصمت لي وافي وللصمت لازمت = ماني من اللي يدهن السير ويسير

تسلم ايدك علي طرحك الراقي صح لسانك وبيض الله وجهك تقبل خالص سلامي

صح لسانك يابو عايض على هذا الابداع الرائع

ولك مني هذا البيت هديه

وتقبل مرور اخوك حامد رضا

صح الساااااااااانك يامحمد مبدع

وشاعر غني عن التعريف

وقصيده لا تحتاج الى تعليق كل بيت أفضل من الاخرررررر

والى الاماااااااااااااااااااااااااااااام

أخوي شاعرنا وعزيزنا وغالينا محمد العزيزي صح لسانك وبيض الله وجهك قصيده ذربه فيها من الفوائد والبيوت المتميزة مايزيد التفاعل مع كلماتها وما شاء الله عليك يا ابو عايض تنحت من صخر وتغرف من بحر ويجمل هذه هذا الابداع 00 تواضع شخصك الكريم اشكرك على ماقدمت فقد قلت وأوفيت لله درك ياأبن عايض وتقبل تحيات أخووك وصديقك ومغليك واصل عزيزي