|
لا تلبسين الخوف وانتي شجاعه =لو المواقف بعض الأحيان تنهاب
ولا تنثرين الدمع يتم وضياعه =مادام لك عزوة بني عم واقراب خلي الأمل يبرق بعينك شعاعه =والنور باقي بالسما ما بعد غاب جرحك بخيط الصبر داوي اتساعه =وجرح العدو دمه على الذل ينساب يا ذل من يبغيك مثل البضاعه =انا اشهد انه خاب ثم خاب ثم خاب شموخك اكبر من شديد اندفاعه =ما يشتري ثوبك ولو جاب ما جاب وياعز من حطك بعينه وداعه =بر بيمينه يوم اقسم على كتاب وش عاد لو خانت طموحه ذراعه =كنتي معه لآخر رمق عنك ماتاب من قال يشهد لك زحل بارتفاعه =لا تحسبينه قول من واقع اعجاب مع الشهاده اعلن اسمك وذاعه =يعني اصبري باكر لنا ينفتح باب ايماننا بحكم القدر فيه طاعه =والله امرنا نتبع كل الأسباب حنّا معك يابنت ساعه بساعه =قد قلت لك ملح الغلا ما بعد ذاب الراس وشوش من تزايد صداعه =لا تحسبين النوم بعدك لنا طاب يا بنت عمي واختهم بالرضاعه =ما كل من يقلط على البيت خطاب لو كلهم عصبه وقرب وجماعه =ما كلهم محرم خذي عنهم حجاب جيتك اعزي بس عندي قناعه =الثار فينا حي مهما الدهر شاب ما همنا من يفتخر باختراعه =اقسمت لك ماحن عن الدور غياب اذا عزمنا الطير نشبع جياعه =ما نضرب الا فوق هامات ورقاب تاريخنا يشهد لنا بالوقاعه =فينا علي والمعتصم وابن خطاب وسيف الله المسلول من طول باعه =وحجاجنا بعمامته بس ينهاب سدنا على هالكون رغم اتساعه =ذيك السياده قبل لا نصبح احزاب ياما رعينا الوسم في كل قاعه =في كل خايع نقطع ايام معزاب ناخذ ونعطي راعي الصاع صاعه =عدلين نوفي راعي الدين بحساب وحكيمنا واجب علينا اتباعه =انقدمه لو كان نقال مشعاب وحكيمهم ماله علينا وزاعه =الا اذا ماي النهر رقرق و راب يا بنت كان القول صعب استماعه =عتما الليالي نوخت عندي ركاب وان كان شفتي بالقرايب طماعه =شخص ٍ يضمك بالغلا تحت الأهداب امانته من قبل ينقل متاعه =لقال يوفي وان رمى للهدف صاب باكر تعرفينه اذا العمر باعه =وتزلزلت ارضك تحت كل الأغراب قولي حديثك ثبت ماهو اشاعه =لا تحسبين حساب لباسة الكاب |
|
http://up.graaam.com/img/a7e12feabe2...c40151cb2b.gif أعشقِك أعشقك ... وأعشق حروف أسمك . أعشقك ... وأعشق آمالك وأحلامك . أعشقك ... وأعشق أهلك وأحبابك. أعشقك ... وأعشق نسمة تمر أمامك . أعشقك ... وأعشق حبات الرمل أمام دارك . أعشقك ... وأعشق كل حسناتك وعيوبك . أعشقك ... وأعشق كل أخطائك . أعشقك ... وأعشق جروحك وعذابك . أعشقك ... وأعشق همومك وأحزانك . أعشقك ... وأعشق تبسمك ودمعك . أعشقك ... وأعشق حضورك وغيابك . أعشقك ... وأعشق مواعيدك ولقائك . أعشقك ... وأعشق أن أكون بين أحضانك . أعشقك ... وأعشق عذاب انتظارك . أعشقك ... وأعشق دلعك وخصامك . أعشقك ... وأعشق رقتك وعنفوانك . أعشقك ... وأعشق طيبتك وكبريائك . أعشقك ... وأعشق غرورك وتواضعك . أعشقك ... وأعشق قسوتك وحنانك . أعشقك ... وأعشق عشقك وحبك :strawberry: |
الصدر ضايق والقدر عيا يطـــــــــيع=وش حيلة اللي حاول ومستطـــــــاع الله من هم شيب راس الرضـــــــــــيع=هم الرفيق اللي من رفيقه انباــــــع يابوفهد من الزمن صرت انا وجـــيع=لكن ابوقف واحاول قدر المستطـاع ان طاعني الزمن والا انا له بطــــيع=بتحمل وصبر على كل الاوضــــــاع |
الصدر ضايق والجفن سد عالي ...................يحبس وراه أسرار وأحزان ودموع أجلس مع أخواني وكنّي لحالي ....................أتصنّع البسمات والقلب موجوع :pained: |
شفي مع لابتي شيبان ومعول = ربع نهار الوغى للروس قناصه نصبر على الحرب ونصاليه لاطول = وقت مضى محتمين هجر وخلاصه حنا هل الطايله ذلحين ومنول= من طاح في نحورنا يا صعب مخلاصه صغيرنا يحتمي الميقاف لاحول= لو الفخر وسط جوف البحر لاغاصه للكايده نتعب الرجلين ونهرول = يوم ان ولد الردي رجليه لواصه نتعب على الطيب لجل المركز الاول = ندعس طريق الخطر ماقيل حواصه عن لابتي نايب للشعر ومخول = قصيدي الجزل جلسني على ماصه |
الضيقة اللي مالها حزه ولا منها مصد= أخاف ساعات العصير المقبله تاتيبها يالله دخيلك من قسى وقتي وحظٍ ماصمد= في وجه صكات اليالي يوم يقنب ذيبها واعوذ بك من فتنة الدنيا ومن ضيق اللحد= واسئلك عن نفسي من الشيطان لايغويبها وسئلك تفغرلي ولصحابي ولعدائي بعد= تعفو عن ذنوبٍ نجي فيها وحن ندريبها الوقت يشعاني على الطرقه وانا مافي جهد= شهب اليالي تقهر صدور الرجال بغيبها لكن انا لو جارت ضروفي وزادت بالعدد=اضرب بها الحايط طناخة راس ولا اشكيبها واعز نفسي مع مداغيش النشاما واجتهد=على ظروفٍ تجلب الضيقه ولا تسريبها والبارحه في راس مشرافي ولا افكر فأحد=كني ملكت الأرض من شروقها لمغيبها قعدت افكر فالسنين اللي مضت واللي بعد=ليييه السنين التاليه تفشل ويفشل صيبها وليه الرفيق اللي ليا منه تجمل ماجحد= ان ماذكرها لك .. مع كل العرب يحكيبها ياحيف يارفقة ضعيف النفس مافيها سند=مالله بجابرني على رفقتك ويش ابغيبها لاسرت تطعنني بشلفاك الرهيفه وتخمد=فـ الطعنه اللي فـ الظهر مانيب من يغزيبها لو دامت افعالك كذا ردت لك الدنيا لدد=حافظ على سمعتك من فعلتك لاتقفيبها الرجل لامنه نوى يغزي ينوّه ويهجد=ماهوب يغزي وان رجع هزل العلوم يجيبها لكن ياطلق الحجاج اللي عيونك ماتلد= الا لروس النايفات اللي مهو يبديبها كون الحرار الشقر وعيال الذيابه والأسد=ولا الرجال اللي مع العريف يذكر طيبها اسئل رفيقك من بعد مغزاه قله وش حصد=غير العلوم اللي ماتطلق وجه من يمشيبها عزالله انه كان فـ عيون النشاما مثل اُحد=واليوم مثل الحية اللي تنعرف بجنيبها حاولت اكذب بالخبر لكن على غمي وكد=والسالفه قام الزمان المنحرف يدويبها لكن على كلاً ياحامد كانك بتاتي .. حمد!!= قله ترا البندق من المؤسف تثور بجيبها البندق اللي ماتصوب كون ابن عم وولد=عيبٍ على الرجال ينقلها ويجهل عيبها لاسارت البندق مع عاقل وهي فيها صدد=كبرت خسايرها عليه اليا قعد يرميبها وشلون لاسارت مع جاهل وفعيونه رمد!!=لاوالله الا راحت الدنيا وراح اللي بها رفقة مثل هذا وهذا كلها كيد ونكد= ولا تحرا منّه الا نكبةٍ يضويبها ماكنه الا العقرب اللي ذيلها كلها عقد=ان روّعتك بزولها ولا قرصك ذنيبها لكن تعال اعلمك ياصاح بعلومٍ جدد=لو تزعلك بعض النقط... لايزعلك نطقي بها اشره على العاقل ليا شفته بجرحي يعتمد=ولا العلوم الباقيه مانيب من يحريبها البيت مايبنى بدون اطناب..وحجاب..وعمد=والنار من شبابها والخيل من ركيبها وأنا عيوني لـ الطليعا فوق ..معطتني عهد=والأرض تكره مشيتي وانا بعد ماليبها لاسار في راسي سحابة شعر.وبروق.. ورعد=وشلون تبغى الأرض تصفالي وانا موذيبها شاعر واشوش لصيحة الجمهور وانحت في جلد=وان صفق الجمهور جزلات البيوت ارهيبها اغزي على بيت الشعر في عقر داره ويهجد=من هيبتي عنده بيوت الشعر لي يصخيبها كذا كذا الشاعر يجي فـ الشعر قمه للأبد=ولا بلاش يلخبك الأبيات ويهذريبها الشعر مثل الموج ودقاق الشعر مثل الزبد=ولا الدرر في غبةٍ بعض الرجال تهيبها وانا بحاول قدر الأمكان اتعمق وابتعد=وان قلت لك باجيبها ... في ذا الشنب لاجيبها شاعر مفوّه واسبح الغبه وابشر بالسعد=واكسب دررها كسب.مابيّع بها واشريبها لأن الشعر مثل البلد وانا مثل حاكم بلد=وبلادي اسجل تواقيعي بها واسمي بها وانا فقط شاعر ولا ابغى لي بلد لو تنّوجد=ابلادي حروف القصيد اصبح بها وأمسيبها واسجد لوجه الله واقول ارجوك يافردٍ صمد=تعفو عن ذنوبٍ نجي فيها وحن ندري بها |
عندي عتآب ودمعتين وملآمه ...~=وعندي آمل انه أذا غــآب بيعود ..!! |
شوفتـك آحلـى من ثـوآني عتـق,فـي سـآعـة قصـآص .!=وغيـآبـك آقسـى من صـلاة المـوت ,فـي عيـــــد الضحيـة ...!.... |
ياحبني له.../ وياويلي على شوفــه=ياوجـــد روحــي ..عليـه ويابري حآلي .. آصدق لـيا قلت مالكني بمعروفه=وآكذب ليـا قلت ,,مايطرى على بآآآآلي |
| الساعة الآن 06:58 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "